Lögmannablaðið - 01.12.2006, Síða 32

32 < LÖGMANNABLAÐIÐ – 4 / 2006
Eyrún Ingadóttir
Frét­t­ir frá félagsdeild
Þann 11. desember voru liðin 95 ár síðan sautján lög-fræðingar stofnuðu Málflutningsmannafélag Íslands
sem síðar var breytt í Lögmannafélag Íslands. Helsti til-
gangur félagsins í upphafi var að gæta hagsmuna málflutn-
ingsmanna, svo sem efla samvinnu milli þeirra og samræma
laun, en síðar fór félagið að starfa að almennum faglegum
málefnum lögfræðinga. Blaðið Suðurland sagði frá stofnun
félagsins en það var gefið út á Eyrarbakka og hafði sérstakan
fréttaritara í Reykjavík. Í frétt blaðsins sagði frá því að mála-
færslumenn í Reykjavík hefðu stofnað félag til að vernda
réttindi sín og koma í veg fyrir að þeir yrðu féflettir!
Á sama tíma voru fréttir í blöðum landsmanna um að
kvenréttindakonur í Englandi létu illa og voru þær kall-
aðar pilsvargar, Fjalla-Eyvindur var auglýstur sem jólasýn-
ing Leikfélags Reykjavíkur og kappglíma milli Sigurjóns
Péturssonar og H. Svendsens var háð fyrir troðfullu húsi.
Svoleiðis var nú veröldin þá.
Námskeið haustannar
Í haust voru auglýst sex námskeið á vegum félagsdeildar
LMFÍ. Haldin voru fimm námskeið og var aðsókn að þeim
ágæt. Einu námskeiði var frestað þar sem þátttaka var á
mörkunum með að vera nægileg en stefnt er að því að
halda það á næsta ári.
Námskeið vorannar eru auglýst á öðrum stað í blaðinu en
eins og venjulega hefur gengið mjög vel að fá sérfræðinga í
hinum ýmsu greinum lögfræðinnar til að kenna á þeim. Það
er til mikillar fyrirmyndar hvað lögmenn og lögfræðingar
eru tilbúnir til að miðla af þekkingu sinni og reynslu til
kollega sinna. Lögmenn eru hvattir til að láta starfsmann
félagsdeildar vita ef þeir hafa óskir um námskeið á ákveðnum
sviðum lögfræðinnar eða til gamans og skemmtunar. Við
fögnum öllu slíku.
Skákgleði
Félagsdeild blæs til meistaramóts LMFÍ í skák í fyrsta
skipti í a.m.k. áratug og ber viðburðinn upp á fyrsta dag
þorra, sjálfan bóndadaginn 19. janúar 2007. Ætlunin er að
eiga saman skemmtilega kvöldstund við skákborðið og í
lokin að krýna skákmeistara LMFÍ árið 2007. Ég hvet alla
áhugamenn til að mæta. Þátttökugjaldi verður stillt í hóf.
Gleðileg jól!
Frétt Suðurlands af stofnun félags málflutningsmanna árið
1911.