Skírnir - 01.01.1956, Page 109
JÓHANN GUNNAR ÓLAFSSON:
MAGNÚS JÓNSSON í VIGUR.
I
Á síðari hluta 17. aldar bjó í Vigur í Isafjarðardjúpi
Magnús Jónsson digri, mikill bóndi og auðmaður. Hann var
um margt mikilhæfur maður, skáld og fræðasafnandi. Hann
var allvel lærður, enda hafði hann um skeið stundað nám í
Skálholtsskóla og í heimahúsum. Latínumál var honum svo
tamt, að hann brá því fyrir sig í bréfum og safnaði latn-
eskum kveðskap í kvæðabók sina. Einnig var honum þýzkt
mál innan handar.
Hér verður sagt frá Mágnúsi, eftir þvi sem prentaðar heim-
ildir vinnast til, fáein bréf hans og handrit.
II
Magnús var fæddur i Vatnsfirði í Vatnsfjarðarsveit 17.
september 1637. Foreldrar hans voru séra Jón Arason, prestur
í Vatnsfirði, og kona hans, Hólmfríður Sigurðardóttir.
Séra Jón var sonur Ara Magnússonar, sýslumanns í Ögri
í ísafjarðarsýslu, en móðir hans var Kristín, dóttir Guðbrands
Þorlákssonar biskups á Hólum. Ari í Ögri var sonur Magn-
úsar Jónssonar prúða, sýslumanns í Ögri og að Bæ á Rauða-
sandi, en kona Magnúsar var Ragnheiður Eggertsdóttir,
Hannessonar lögmanns, einhvers mesta auðmanns, sem verið
hefur á íslandi.
Hólmfriður, móðir Magnúsar digra, var dóttir Sigm-ðar
Oddssonar yngra, bónda í Hróarsholti i Ámessýslu, Einars-
sonar biskups í Skálholti, en kona Odds biskups var Helga,
dóttir Jóns sýslmnanns á Holtastöðum, Björnssonar prests á
Melstað, Jónssonar, Arasonar biskups á Hólum.