Skírnir - 01.01.1969, Blaðsíða 210
204
BJÖRN K. ÞÓRÓLFSSON
SKÍRNIR
þykkt var með öllum þorra atkvæða samkvæmt skriflegri tillögu 15
fulltrúa (mistalið 13 hjá fundarritara), að umræðu um stjórnar-
skrármálið skyldi hætt að sinni. Einnig var samþykkt með öllum
þorra atkvæða tillaga síra Páls Pálssonar að kjósa sjö manna nefnd
í málið. Kosningu hlutu Skúli Thoroddsen með 21 atkvæði, Páll
Pálsson, prestur, með 18 atkvæðum, Jón Steingrímsson með 15 at-
kvæðum, Pétur Jónsson með 15 atkvæðum, Jón Jónsson, prófastur,
með 13 atkvæðum, Páll Pálsson, bóndi, með 12 atkvæðum og Andrés
Fjeldsted með 11 atkvæðum. Nefndin kaus sér formann síra Pál Páls-
son, skrifara síra Jón Steingrímsson og framsögumann Skúla Thor-
oddsen.
f skjölum fundarins er frumrit að áliti og tillögum stj órnarskrár-
nefndar undirskrifað af öllum nefndarmönnum. Tillögurnar eru
þrjár, en þeim er skipað í tvo töluliði eftir efni:
„1. Fundurinn skorar á Alþingi að semja og samþykkja á hverju
þingi frumvarp til endurskoðaðra stjórnarskipunarlaga fyrir ísland,
er hyggt sé á sama grundvelli og fari í líka stefnu og frumvörpin frá
síðustu þingum, unz landið hefir fengið alinnlenda stj órn með fullri
ábyrgð fyrir Alþingi.“
„Auk þess ráðum vér,“ segja nefndarmenn, „fundinum til að sam-
þykkja eftirfylgj andi tillögu.“
„Fundurinn skorar á þá alþingismenn, er eigi fylgdu stjórnar-
skrárfrumvarpinu 1887, að gefa nú þegar kjósöndum sínum full-
nægjandi loforð um að framfylgja framvegis stj órnarskrárbreyting-
unni í frumvarpsformi hiklaust og röksamlega, en leggja ella tafar-
laust niður þingmennsku.“
„2. Fundurinn lýsir yfir því, að hann telur hyggilegast, að á með-
an stjórnarbaráttan stendur, séu verzlunarviðskipti við Danmörk
takmörkuð sem mest.“
Við síðustu tillöguna, sem er merkt með tölunni 2, er skrifað á
rönd: „Tekin aftur.“ Enda sjást þess engin merki í skjölum fundar-
ins, að hún hafi verið rædd, og í Þingvallafundartíðindum er henn-
ar alls ekki getið. Sennilega hefur hún verið tekin aftur áður en
Skúli Thoroddsen hóf framsögu sína. Ályktunarumræðan um stjórn-
arskrármálið snerist eingöngu um hinar tillögurnar, og er sú fyrri
þeirra, um stjórnarskrármálið sjálft, nefnd aðaltillaga stj órnarskrár-