Þjóðmál - 01.03.2013, Blaðsíða 71

70 Þjóðmál voR 2013
Reglugerðafargan
á öskuhaugana
Við Íslendingar höfum ekki farið var hluta af reglugerðafargani Elítunnar . Hér
eru nokkur dæmi: Í samræmi við reglugerð
ESB eru nú sett ákveðin viðmið á mengun
í sorpbrennslustöðum . Viðmiðið miðast
við ákveðið hlutfall . Ekki magn af hinum
óæskilegu efnum, heldur hlutfall af brenndu
magni . Í Vestmannaeyjum hefur verið rekin
sorpbrennslustöð . Hingað til hefur nær allt
verið brennt . Nýlega var hafist handa við að
flokka sorp, lífrænt í moltuvinnslu, plast og
pappír í græna tunnu og annað í brennslu .
Gler og málmar voru aldrei brennd . Þannig
hefur magn til brennslu minnkað um 70%
og díoxínmengun, sem fellur nær eingöngu
til við brennslu á lífrænum úrgangi,
minnkað miklu meira . Þrátt fyrir þetta má
ekki brenna sorpið . Hluta óæskilegra efna af
hinu litla sem enn er brennt má ekki brenna .
Því þarf að sigla með ruslið burt í stað þess
að brenna það og nota hitann til húshitunar .
Íbúar Vestmannaeyja ráða engu um þetta,
heldur búrókratar í Brussel .
Í sumar kom út ný reglugerð frá um-
hverfi s ráðuneytinu . Verksmiðjur, t .d . mjöl-
verk smiðjur, sem brenna elds neyti og hafa
meira en 20MW upp sett afl falla undir
þessa reglugerð . Verk smiðj ur sem eru undir
20MW þurfa ekki að uppfylla kröf urnar í
reglugerðinni að neinu leyti . Stærri verk-
smiðjurnar verða óhag kvæmari en þær minni .
Því má búast við því að verksmiðjurnar verði
í framtíðinni rétt undir 20MW en ekki yfir
20MW með til heyrandi óhagræði og kostn-
aði til að falla ekki undir reglugerðina .
Evrópureglur um hvíldartíma gera ráð
fyrir því að ökumaður megi ekki aka til-
teknum bíl lengur en ákveðinn tíma . Vöru-
bíl stjórar hafa því um árabil stundað það að
skipta um bíl við Staðarskála . Jeff Goldblum
lýsti sambærilegri sjálf skaparviðleitni vel í
Jurassic Park: „Life, uh . . . finds a way .“
Sameinumst um vegvísi
Það er lítil dýpt í umræðum um tengsl Íslands við umheiminn . Við rífumst um
hversu stórt hlutfall af reglum ESB við höfum
innleitt en ekki hvað við myndum taka upp við
inngöngu . Myndu íbúar Rúmeníu og Búlgaríu
fá að flæða stjórnlaust inn í landið um næstu
áramót, eins og Bretar hafa nú áhyggjur af, ef við
værum í ESB? Stjórnmálamenn vilja gríðarlega
flókin samskipti við Evrópusambandið en ég
býst við að flestir Íslendingar óski einfaldlega
eftir tollalausum viðskiptum við umheiminn
ásamt einhverri samvinnu á sviði löggæslu . Má
ekki spyrja sig hvort við séum að fá eitthvað út
úr norrænni samvinnu annað en kostnað og
hausverk? Og hvað er málið með allar þessar
flugferðir á einhverjar ráðstefnur, er ekki nóg
að fá sent Power Point-skjölin? Hvað myndi
taka við ef EES-samningnum væri sagt upp?
Að sögn norskra áhugamanna um að slíta
EES-samningnum myndu þeir fríversl unar-
samningar sem voru fyrir gildistökuna verða
teknir upp . Hvernig líta þeir út? Getum við
ekki bara sett gamla stjórnmálamenn á eftirlaun
í stað þess að halda þeim uppi í sendiráðum
úti um allan heim? Er eðlilegt að Íslendingar
fari til Danmörku og beint á húsaleigubætur
og ókeypis leikskóla meðan þeir stunda nám
á kostnað danskra skattgreiðenda? Og kemur
það EES-samningnum eitthvað við? Björn
Bjarnason kallaði eftir vegvísi í utanríkismálum
í bók sinni Hvað er Íslandi fyrir bestu? Við
þurfum einn slíkan .
S tjórnmálamenn vilja gríðarlega flókin samskipti við
Evrópusambandið en ég býst við að
flestir Íslendingar óski einfaldlega
eftir tollalausum viðskiptum
við umheiminn ásamt einhverri
samvinnu á sviði löggæslu .