Litli Bergþór - 01.08.2015, Blaðsíða 11
Litli-Bergþór 11
Í byrjun mars í fyrra leigði félagið sumarbústað
á Búrfelli í Grímsnesi. Gistu þar nokkrar konur
frá föstudegi til sunnudags og fleiri bættust við á
laugardeginum og voru um 18 konur í kvöldverði þá
um kvöldið.
Aðalfundur Sambands sunnlenskra kvenna var haldinn
26. apríl 2014 í Gunnarshólma og fóru fulltrúar okkar,
þær Oddný á Brautarhóli, Sirrí á Vatnsleysu og Sigga
Jóna í Hrosshaga á hann. Var fjölmennt úr Tungunum
þar sem Bryndís á Helgastöðum mætti sem fulltrúi
í fjáröflunarnefnd og þau tíðindi urðu að Elinborg
Sigurðardóttir á Iðu var kosin formaður sambandsins
á fundinum og erum við ákaflega stoltar af okkar
konu. Auk þeirra var Una María Óskarsdóttir forseti
KÍ gestur fundarins. Hún á sumarbústað uppi í Úthlíð
og er hún einnig félagi í Kvenfélagi Biskupstungna.
Í ár var SSK fundurinn haldinn í Þorlákshöfn og fóru
Svava í Höfða, Sigga Jóna í Hrosshaga og Sirrí á
Vatnsleysu á hann. Það er alltaf gaman að fara á SSK
fundi þar sem maður hittir og kynnist konum alls
staðar að af Suðurlandi.
Vorfundurinn 2014 var haldinn í Efsta-Dal og var
hann jafnframt hátíðarfundur þar sem félagið átti 85
ára afmæli á árinu. Var öllum konum í sveitinni boðið
þangað í mat og skemmtun þar sem leiklesinn var
gamall leikþáttur sem saminn var og sýndur á 50 ára
afmæli félagsins. Einnig fengum við leikkonuna Björku
Jakobsdóttur til að koma og skemmta okkur við þetta
tækifæri. Í ár var fundurinn haldinn í veitingahúsinu
Við Faxa, sá var ekki eins viðhafnarmikill enda ekki
afmælisár í ár.
Við tókum aftur þátt í viðburðinum Tvær úr Tungunum
með sumarmarkaðinn okkar sem var haldinn þann
16. ágúst 2014 og gekk hann mjög vel enda selt þar
klassakaffi og við fengum ágætis veður þennan dag.
Var leikurinn endurtekinn í ár þann 15. ágúst og tókst
vel.
19. júní ferðin 2014 sem er
skemmtiferð félagskvenna sem
félagið hefur boðið þeim í til
að sýna þeim þakklæti fyrir
vinnuframlag þeirra, frestaðist
af óviðráðanlegum orsökum.
Var komið að haustdögum þegar
farið var að huga að henni. Þá
var komið svo nálægt því að fara
með eldri borgarana í ferðalag að
úr varð að við færum öll saman.
Körlunum okkar var boðið
með og ferðin gerð veglegri en
venjulega í tilefni 85 ára afmælis
félagsins. Sáu varakonur í stjórn
um ferðalagið, þær Sigurlaug
Jónsdóttir og Agnes Geirdal.
Farið var til Grindavíkur í rútu
þar sem við fengum leiðsögn
afbragðs leiðsögumanns,
heimsóttum Saltfisksetrið, drukkum kaffi og
skoðuðum plássið. Veðrið var mjög fallegt þennan
dag og enduðum við hann með því að borða saman
kvöldverð á Hótel Selfossi og var það mál manna að
það hefði verið einstaklega skemmtilegt að steypa
þessum tveim ferðum svona saman og að gaman væri
líka að bjóða mökunum með, enda var þáttaka góð
í ferðinni. Verður þessi háttur hafður á aftur í ár og
verður vonandi jafn gaman og í fyrra.
Engin réttarsala var haldin í fyrra af hálfu félagsins
enda ábúendur á Heiði búnir að reisa veitingahús við
réttirnar og því eðlilegt að hún væri í þeirra höndum
og verður svo áfram í haust.
Laganefnd yfirfór lög félagsins og gerði tillögur að
nýjum lögum og voru þær lagðar fyrir haustfund
félagsins sem haldinn var í Aratungu 26. október 2014
og síðan samþykktar á aðalfundi í mars síðastliðnum.
Félagið kom að englaverkefni SSK á árinu og var það
Margrét Baldursdóttir á Króki sem gerði um helming
glerenglanna sem seldir voru fyrir jólin.
Samið var við Bláskógaskóla í Reykholti um
samvinnu um jólatrésskemmtun fyrir börn í sveitinni
og var óskað eftir að foreldrar og systkini skólabarna
ættu þá greiðan aðgang að skemmtuninni og var það
auðsótt mál. Var skemmtunin haldin fimmtudaginn 19.
desember og gekk vel og var gríðarleg stemming og
fjör á ballinu..
Fyrir hönd stjórnar þakka ég öllum þeim sem lögðu
fram krafta sína á síðasta ári (2014) kærlega fyrir
framlagið og öllum þeim sem eru að vinna félaginu
vel í ár sömuleiðis og vona að við skemmtum okkur
vel við þá vinnu eins og ævinlega.
Öllu utanfélagsfólki sem styður okkur með ráðum og
dáð færi ég sérstakar þakkir. Það er ómetanlegt að eiga
góðan stuðning í samfélaginu.
Borðhald í sumarbústaði í landi Búrfells í Grímsnesi 1. mars 2014. F.v.: Oddný,
Sigurlaug, Bryndís, Inga Þyri, Sigga Jóna, Sigrún, Agnes, Svava, Margrét og
Sirrý.