Litli Bergþór - 01.08.2015, Blaðsíða 23

Litli-Bergþór 23
Verið velkomin
upplýsingar og borðApantanir í 486 1110 eða 896 6450
Stórviðri gekk yfir Suðurland miðvikudaginn 14.
mars. Víða varð tjón og tré brotnuðu en ekki er vitað
til þess að fólk hafi beðið tjón af. Hinsvegar flæddi inn
í fjárhús á Vatnsleysu og drukknuðu átta kindur. Tókst
með harðfylgi að bjarga um 180 fjár frá drukknun.
Bandaríski háskólakórinn Denison Chamber
Singers söng í Skálholti 18. mars. Með honum söng
ungmennakórinn Vox Populi undir stjórn Hilmars
Arnar Agnarssonar.
Umhverfisþing var haldið í Aratungu 20. mars
að undirlagi sveitarstjórnar og umhverfisnefndar.
Umfjöllunarefnið var sorpmál og var þingið vel sótt.
Hátt í 150 hugmyndir um umbætur voru skráðar
niður og fer síðar fram rafræn kosning um brýnustu
úrlausnarmálin.
Sólmyrkvi varð 20. mars, (deildarsólmyrkvi 97%)
og voru ágætis skilyrði hér sunnan lands til að horfa á
hann með viðeigandi hlífðargleraugum.
Allir skólakrakkar fengu gefins sérstök sólmyrkva-
gleraugu frá stjörnuskoðunarfélaginu og fullorðnir
voru margir hverjir búnir rafsuðuhjálmum eða heima-
tilbúnum sjónglerjum.
Kynningarfundur vegna vinnu við aðalskipulag
Bláskógabyggðar var haldinn í Aratungu þ. 24. mars,
en gert er ráð fyrir að þeirri vinnu ljúki vorið 2016.
Er það Steinsholt sf á Hellu, sem er skipulagsráðgjafi
sveitarstjórnar.
Í vor voru sýndir þættirnir „Að sunnan“ á
sjónvarpsstöðinni N4. Í þeim eru innslög úr Bláskóga-
byggð og hinum sveitarfélögunum í uppsveitunum.
Þetta hafa verið skemmtileg innslög og gaman að sjá
sveitungana sýna landsmönnum starfsemi sína.
Á heimasíðu Orkustofnunar má sjá að verð á
heitu vatni án orku- og virðisaukaskatts er 98,35
krónur á rúmmetrann í Biskupstungum, Laugardal
og á Laugarvatni. Hjá hinum sveitarfélögunum í
uppsveitunum er verðið 51 kr. á Brautarholti á Skeiðum,
77,37 krónur hjá Hitaveitu Flúða og nágrennis og
108,40 kr. í Grímsnes- og Grafningshreppi.
Björt Ólafsdóttir.
Það vakti athygli út fyrir landsteinana þegar
Tungnakonan og alþingismaðurinn Björt Ólafsdóttir
birti mynd af brjóstinu á sér á Twitter 26. mars til