Litli Bergþór - 01.08.2015, Blaðsíða 20
20 Litli-Bergþór
Ignacy Rúnar og Unnsteinn Magni niðursokknir í leik.
Casper Isak, Anna Lára, Adda Sóley, og Anna Karen með
flott plúskubbaverk.
Leikskólinn Álfaborg
Skólaárið 2014 - 2015
Í upphafi haustannar voru börn á leikskólanum 28.
Nokkur hafa farið á nýjar slóðir og önnur bæst við og
erum við í lok skólaársins með 30 börn. Leikskólinn
Álfaborg er eins og allt samfélagið farið að þyrsta í
vor og yl í kroppinn og finnum við hvernig bjartari
dagar hafa jákvæð áhrif á allt samfélag leikskólans.
En margt hefur skemmtilegt verið brallað í vetur og
er ætlunin að fara yfir starfsemina í vetur á hraðferð.
Í upphafi haustannar sóttu starfsmenn þing á
vegum skólaþjónustunnar í Árnesþingi þar sem
bæði grunnskóla- og leikskólakennarar gátu miðlað
þekkingu sinni. Það tókst sérlega vel og er gaman að
geta þess hvað okkur þykir Skólaþjónustan fara vel af
stað, þar sem faglegt starf og hvers konar leiðsögn er
til fyrirmyndar.
Hópastarfið hefur verið skemmtilegt þetta skólaárið
og margt brallað. Börnin völdu sér þemu og nöfn á
hópana sína og var skemmtilegt hvernig árstíðirnar
urðu að yfirþema og verkefnin voru valin eftir tíð og
tíma hverju sinni. Myndin Frosen fangaði börnin í
vetur og leyfðum við þeim að kljást við ýmis verkefni
sem minntu á veturinn og frostið. Nú í vor hafa
skordýr verið sérlega áhugaverð og því verið einblínt á
verkefni tengd skordýrum og gróðri, núna þegar vorið
kviknaði til lífsins. Áhuginn er smitandi og fer niður
á öll aldursbil sem starfa í leikskólanum. 1. maí voru
kennarar og börn leikskólans með sýningu á verkum
barnanna og var gaman að sjá afurðir skólaársins í öllu
skólahúsinu.
Ýmsar tilfæringar hafa átt sér stað í leikskólanum
og erum við alltaf að finna út hvernig húsnæðið nýtist
sem best. Leikrými hafa orðið til sem gleðja bæði börn
og starfsfólk og einnig er reynt að bæta vinnuaðstöðu
kennara. Skólahúsið sjálft er í raun ævintýri líkast
og margir möguleikar sem bjóða uppá krefjandi og
hvetjandi námsumhverfi fyrir börnin. Með því að
koma auga á lausnir á þeim vandamálum sem upp
kunna að koma hverju sinni í gömlu húsnæði verður
gaman að fylgjast með starfi leikskólans í framtíðinni.
Margt stendur til að gera á næstunni til að hlúa að
húsnæðinu og það mun hafa í för með sér jákvæðar
breytingar fyrir leikskólasamfélagið.
Skólinn sótti um styrk í þróunarverkefnissjóð
Sprota en því miður féll styrkurinn ekki okkar megin
Ragnar Már og Róbert Þór finna góða leið til innisólbaðs.
Elfa Birkisdóttir
leikskólastjóri