Litli Bergþór - 01.08.2015, Blaðsíða 29

Litli-Bergþór 29
Hilmar Örn Agnarsson organisti sinnti kennslu þar um
árabil auk þess að stjórna Barnakór Biskupstungna.
Sveinn Pálsson kenndi um stund á rafgítar og slagverk,
Guðmundur Pálsson á fiðlu, Edit Anna Molnár á píanó
og tónfræði og Pawel Panasiuk á píanó og selló. Í dag
eru það Hjörtur B. Hjartarson og Loftur Erlingsson
sem kenna ungum Tungnamönnum á píanó, klarínettu,
þverflautu og gítar, auk þess sem nemendur hafa
alltaf átt kost á og nýtt sér það að sækja tíma á önnur
hljóðfæri á aðra kennslustaði tónlistarskólans.
Í vetur (2014 – 2015) stunduðu 15 Tungnamenn tón-
listarnám við Tónlistarskóla Árnesinga auk nemenda í
2. bekk grunnskólans sem fá forskólakennslu á vegum
skólans. Kennsla fer núna fram í Reykholtsskóla í stað
Aratungu, sem er auðvitað til mikils hægðarauka fyrir
nemendur, auk þess sem brekkan hefur jafnast mikið
út og girðingin og prílurnar eru ekki lengur til staðar.
Þann 18. apríl 2015 voru haldnir veglegir tónleikar og
hátíðarhöld í tilefni af 60 ára afmæli Tónlistarskóla
Árnesinga. Nemendur úr uppsveitum sameinuðust á
einum dásamlegum stórtónleikum á Flúðum og léku
fyrir fullum sal. Milli atriða gátu gestir gætt sér á kaffi
og meðlæti sem nemendur og foreldrar buðu upp á.
Það er alltaf ánægjulegt að fá tækifæri til að mæta
á skólaslit í Aratungu. Nemendur og kennarar ná að
töfra fram skemmtilega og fjölbreytta dagskrá og
gaman að fylgjast með framförunum. Kvenfélag
Biskupstungna hefur alla tíð stutt dyggilega við bakið
á tónlistarskólanum og afhent efnilegum nemendum
Dana Heiða Becker, Sara Margrét Jakobsdóttir, Gústaf Sæland, Laufey Ósk Jónsdóttir, Ragnheiður Olga Jónsdóttir,
Sigríður Mjöll Sigurðardóttir, Freyja Hrönn Friðriksdóttir, Jóna Kolbrún Helgadóttir og Þórhildur Júlía E. Sæmund-
sen.
Laufey Ósk, Freyja Hrönn, Eva María Larsen, Dana og Hjörtur Bergþór Hjartarson kennari.