Litli Bergþór - 01.08.2015, Blaðsíða 30
30 Litli-Bergþór
Laufey Ósk, Þórhildur Lilja Þórarinsdóttir, Guðjón Guðjónsson og Hjörtur kennari.
Sara Margrét og Agnes Björg.
Ragnheiður Olga Jónsdóttir og Eva María Larsen.
viðurkenningar á skólaslitum fyrir ástundun og
framfarir. Kunnum við kvenfélagskonum bestu þakkir
fyrir stuðninginn öll þessi ár og þá hvatningu sem í því
felst fyrir nemendur.
Til fróðleiks er gaman að geta þess að Tónlistarskóli
Árnesinga var stofnaður árið 1955 og er einn af stærstu
tónlistarskólum landsins með um 500 nemendur og 30
kennara innanborðs. Kennsla fer fram á 10 stöðum
í Árnessýslu og er þetta víðfeðmasti skóli landsins.
Skólastjórar frá upphafi eru sjö talsins. Guðmundur
Gilsson, Jón Ingi Sigurmundsson, Glúmur Gylfason,
Jónas Ingimundarson, Sigurður Ágústsson, Ásgeir
Sigurðsson og í dag er Róbert A. Darling skólastjóri.
Mig langar í lok þessa pistils að þakka fyrrverandi og
núverandi kennurum fyrir að gefa okkur tækifæri til
að læra tónlist. Í gegnum tónlistina lærum
við svo margt, fyrir utan það að öðlast færni
á hljóðfæri. Við njótum skemmtilegra stunda
með öðrum og eignumst vini, fáum þjálfun
í að koma fram, lærum að skipuleggja
okkur, að hlusta hvert á annað og stefna
saman að sameiginlegu markmiði. Allt þetta
veitir ómælda gleði, aukinn styrk og meira
sjálfsöryggi. Í huga mínum er líka innilegt
þakklæti til Tungnamanna fyrir að gera mér
kleift að stunda tónlistarnám í heimabyggð
og fyrir áhuga og dyggan stuðning við
Tónlistarskóla Árnesinga öll þessi ár.
Ég óska öllum nemendum tónlistarskólans
góðs gengis og gleði á tónlistarbrautinni –
hvert sem hún liggur.
Helga Sighvatsdóttir.