Litli Bergþór - 01.08.2015, Blaðsíða 24

24 Litli-Bergþór
Kristínu Hreinsdóttur. Elfa Birkisdóttir.
Guðmundur
Indriðason
stuðnings baráttu kvenna fyrir frelsun geirvörtunnar
með meðfylgjandi skilaboðum:
„Þessi er hérna til að gefa börnum að borða. Troðiði
því upp í feðraveldið á ykkur. #FreeTheNipple“
Í skýrslu sem fjármögnuð var af Ferðamálastofu til
að rannsaka áhrif fjölgunar ferðamanna, kom í ljós að
40% ferðamanna fannst vera of mikið af ferðalöngum
á Geysi og einnig fannst mörgum vera mikið rof í
göngustígum þar.
Sveitarstjórn ákvað að breyta fyrirkomulagi skóla-
mála og reka grunnskólana í Reykholti og á Laugarvatni
aðskilda. Auglýst var eftir skólastjórum og sóttu átta
um í Reykholti og þrettán á Laugarvatni. Sveitarstjórn
réði Kristínu Hreinsdóttur í stöðu skólastjóra í Reyk-
holti og Elfu Birkisdóttir á Laugarvatni.
Ákveðið var að skólarnir fái heitin Bláskógaskóli á
Laugarvatni og Bláskógaskóli í Reykholti.
Vörðukórinn hélt tónleika undir stjórn Eyrúnar
Jónasdóttur í Skálholtskirkju 1. apríl.
Tungnamaðurinn Tómas Grétar Gunnarsson,
forstöðumaður Rannsóknaseturs Háskóla Íslands
á Suðurlandi birti á heimasíðu sinni umfedmingur.
wordpress.com, athyglisverða grein um áhrif
skotveiða á álftir til að minnka ágang þeirra á tún
bænda. Niðurstaða hans er sú að í „stuttu máli virðist
ekkert benda til að veiðar séu skynsamleg leið til að
minnka tjón af völdum álfta.“
Karl Bridde var gestur hjá sjónvarpsþættinum
Landanum 30. mars þegar litið var í skiltagerð hans
í Reykholti. Hann rekur eina fyrirtækið á landinu sem
framleiðir neonljós.
Lokahátíð Stóru upplestrarkeppnarinnar í 7. bekk
fór fram á Flúðum í lok mars. Flúðaskóli, Flóaskóli,
Bláskógaskóli, Þjórsárskóli og Kerhólsskóli öttu
kappi og stóð fulltrúi Bláskógaskóla sig vel. Lára
Björk Pétursdóttir varð í þriðja sæti í keppninni.
Sunnudaginn 19. apríl bauð Björgunarsveit
Biskupstungna til afmæliskaffis í húsnæði sveitarinnar
í tilefni af 30 ára afmæli hennar. Hún var stofnuð 9.
mars 1985 sem Slysavarnardeild Biskupstungna og
Slysavarnarsveit Biskupstungna en sameinaðist í
Björgunarsveitina 1999.
JÁVerk undir stjórn Gylfa Gíslasonar frá
Kjarnholtum er í önnum þessa dagana. Um miðjan
apríl var skrifað undir samning um að fyrirtækið sjái
um byggingu hótels við Bláa lónið, sem er fyrsta fimm
stjörnu hótelið hérlendis. Til viðbótar við þetta og
fleiri verkefni sjá Gylfi og félagar einnig um stækkun
Hótel Gullfoss í Brattholti nú í vor. Vegna mikilla
framkvæmda verður starfsmannafjöldi JÁVerks um
400 manns.
Sigurbjörn Árni Arngrímsson úr Umf. Laugdæla
setti Íslandsmet í 5 km götuhlaupi 40-44 ára á
Víðavangshlaupi ÍR 23. apríl. Hann er einnig nýbúinn
að setja bæði öldungamet og HSK met í 800 m hlaupi
innanhúss.
Þjóðleikshópur í vali í Bláskógaskóla sýndi leikritið
Útskriftarferðina eftir Björk Jakobsdóttur þ. 24.-
25. apríl í Aratungu við góðar undirtektir. Leikstjóri
var Íris Blandon. Leiklistarverkefnið Þjóðleikur er
samstarf Þjóðleikhússins við fjölmarga grunnskóla í
öllum landsfjórðungum og fleiri aðila.
Rekstur sveitarfélagsins hefur styrkst jafnt og þétt.
Skuldahlutfallið er komið niður í 68% og afgangur
af rekstri var upp á rúmlega 90 milljónir króna fyrir
síðastliðið ár, sem er nokkuð umfram áætlun.
Tungnamaðurinn Egill Árni Pálsson hélt tónleika
í Selfosskirkju 17. maí ásamt félögum sínum Ásgeiri
Páli, Þóru Gylfa og Bjarna Jónatanssyni. Sungnar voru
margar af helstu perlum óperubókmenntanna.
Guðmundur Indriðason, elstur Tungnamanna,
hélt upp á 100 ára afmælið 15. maí á dvalarheimilinu
Lundi.
Viðgerð fór fram á borholunni á Efri-Reykjum
dagana 17. til 21. maí og var því heitavatnslaust á
Hlíðabæjum þá daga. Mun aðsókn að sundlaugum
sveitarinnar hafa aukist eitthvað við þetta.
Í lok maí mánaðar var starfsmönnum dýragarðsins
í Slakka boðið að taka að sér lítinn selskóp sem
fundist hafði. Var hann nefndur Dilla og hefur verið
fóðraður á rjóma og söxuðum fiski. Dilla sem var
orðin mjög hænd að starfsmönnunum drapst í byrjun
ágústmánaðar.