Litli Bergþór - 01.08.2015, Blaðsíða 14

14 Litli-Bergþór
Samantekt:
Lára Hreinsdóttir
Bjarni Bjarnason á Laugarvatni var útnefndur
Íþróttamaður Bláskógabyggðar fyrir árið 2014 í
hófi sem Æskulýðsnefnd Bláskógabyggðar efndi til
sunnudaginn 11. janúar sl.
Bjarni er fjölhæfur íþróttamaður og hefur stundað
ýmsar íþróttagreinar frá unga aldri, hann er liðtækur
knattspyrnumaður og var auk þess lykilmaður í
körfuknattleiksliði Laugdæla um árabil sem og þjálfari
liðsins. Á landsvísu er hann sennilega best þekktur
sem knapi góður og segja má að árið 2014 hafi verið
hans ár.
Hann tók þátt í meistaradeild í hestaíþróttum og góð
frammistaða hans sjálfs og liðsins, Auðholtshjáleigu,
skilaði þeim 2. sæti í deildinni. Í ágúst varð hann svo
tvöfaldur Íslandsmeistari í 100 m skeiði og einnig í
250 m skeiði, í bæði skiptin á Heru frá Þóroddsstöðum.
Hápunktur ársins var þó án efa þegar Bjarni og Hera
frá Þóroddsstöðum sigruðu í 250 m skeiði á Landsmóti
hestamanna á Hellu í júlí og settu þar Íslands- og
heimsmet. Að lokum má geta þess að Bjarni var svo
einn af fimm sem tilnefndir voru sem skeiðknapi
ársins af Landssambandi hestamanna.
Þrír aðrir íþróttamenn voru einnig tilnefndir, þeir
Smári Þorsteinsson frá Umf. Bisk., Sólon Morthens
frá Hestamannafélaginu Loga og Sveinbjörn Jóhann-
esson frá Umf. Laugdæla. Auk þessara voru 15 aðrir
Frá æskulýðsnefnd
íþróttamenn heiðraðir fyrir góðan árangur á árinu
2014, í glímu, hestaíþróttum, knattspyrnu og frjálsum
íþróttum.
Eftirfarandi urðu Íslandsmeistarar
í glímu 2014:
Rósa Kristín Jóhannesdóttir (13 ára og í sveitaglímu
12-13 ára),
Sigurður Sævar Ásberg Sigurjónsson (11 ára og í
sveitaglímu 10-11 ára),
Ólafur Magni Jónsson (11 ára og í sveitaglímu 10-11
ára),
Gústaf Sæland (14 ára og í sveitaglímu 14-15 ára),
Sigríður Magnea Kjartansdóttir (sveitaglíma 14-15
ára),
Rakel Hjaltadóttir (sveitaglíma 14-15 ára), Laufey
Ósk Jónsdóttir (sveitaglíma 14-15 ára).
Íslandsmeistarar í frjálsum íþróttum:
Finnur Þór Guðmundsson (boðhlaup 12 ára pilta),
Lára Björk Pétursdóttir (boðhlaup 12 ára stúlkna),
Sveinbjörn Jóhannesson (kúluvarp 16-17 ára pilta),
Þóra Erlingsdóttir (kúluvarp 12 ára stúlkna).
Valin í landslið:
Agnes Erlingsdóttir (Valin í landslið Íslands í
frjálsum íþróttum 2014),
Sveinbjörn Jóhannesson (U-16 ára landslið í
körfubolta).
Íslandsmeistarar í hestaíþróttum:
Valdimar Bergstað (Íslandsmeistari í samanlögðum
fimmgangsgreinum), Bjarni Bjarnason (Íslands-
meistari í 100m skeiði og 250m skeiði).
Íslandsmeistarar í 7 manna
fótbolta með liði Umf.
Hrunamanna:
Gústaf Sæland, Sölvi Freyr Jónasson,
Gretar Bíldfells Guðmundsson og
Sverrir Örn Gunnarsson.
Næstu verk Æskulýðsnefndar eru að ljúka
gerð forvarnarstefnu Bláskógabyggðar.
Þeirri vinnu er svo að segja lokið, en
sú ákvörðun sveitarstjórnar að skipta
Bláskógaskóla upp gerði það að verkum
að vinnan dregst eitthvað á langinn þar
sem skólarnir og foreldrafélög þeirra
þurfa að fá svigrúm til að móta sínar
stefnur í forvarnarmálum. Þá liggur
einnig fyrir undirbúningsvinna fyrir
stofnun ungmennaráðs Bláskógabyggðar,
spennandi verkefni sem við hlökkum til
að takast á við.
Íþróttamennirnir og staðgenglar þeirra sem tilnefndir voru til Íþrótta-
manns Bláskógabyggðar 2014: Smári Þorsteinsson, Sólon Morthens,
Jóhannes Sveinbjörnsson í stað Sveinbjörns Jóhannessonar og Bjarni
Bjarnason. Ljósmynd Skúli Sæland.