Morgunblaðið - 05.10.1958, Blaðsíða 3

Sunnudagur 5. október 1958
MORGVNBL 4Ð1Ð
Tónleikar
i Dómkirkjunni
I GÆRKVÖLDI voru mjög á-
nægjulegir hljómleikar í Dóm-
kirkjunni. Dr. Páll ísólfsson
spilaði nokkur verk á orgelið eft-
ir Handel, Bach, Muffat og Max
Reger, en rússneski fiðlusnill-
ingurinn Marine L. Jashvílí lék
einleik á fiðlu Chaeonne eftir
Bach og með Dr. Páli fiðlusónötu
í D-dúr eftir Hándel.
Leikur ungfrúarinnar var með
afbrigðum áhrifamikill. Chac-
onne Bachs er ekki verk fyrir
unglinga til að leika sér að, held-
ur þvert á móti æðsta takmark
allra djarfhuga fiðluleikara, eld-
skírn hinna þroskuðu listamanna.
Ungfrúin lé'k Chaconnuna eins
og sá sem valdið hefir, fegurð
verksins og ómælanleg dýpt steig
upp af fjölum hljóðfærisins á
þann hátt að áheyrendur spurðu
með nokkurri undrun hvaðan svo
ungri konu kæmu þau máttugi
strok og háþroskaða tilfinning.
Dr. Páll virtist kunna vel við
sig í hinum unga félagsskap, því
að leikur hans var þeim töfrum
innblásinn að vafasamt er hvort
hann hefir áður leikið betur.
Passacaglit Muffats er að vísu
mjög heillandi skáldskapur, enda
lék Páll hana svo fallega að
gamla kirkjan okkar breyttist
skyndilega í dýrðlegt musteri. í
samleiknum með ungfrúnni mátti
vart á milli sjá hvort yngra væri
í andanum hin 26 ára gamla mey
eða hinn hálfsjötugi landi okkar.
Þetta voru með allra ánægjuleg-
ustu tónleikum sem hér hafa
heyrzt undanfarið. — R. J.
Kvikmyndasýning
FRÍMERKJASÝNINGIN Frímex
hefur nú staðið í viku og verið
vel sótt. í kvöld kl. 8,30 verður
kvikmyndasýning í anddyri Þjóð-
minjasafnsins.
Sr. Guðmundur Guðmundsson, Útskálum:
Boðorðið mikia
Þormóður goði virðist ekki vera mjög hlaðinn, en hann er þó
með metafla reykvískra togara, eða jafnvel meira.
(Ljósm. Mbl.: Ól. K. M.)
2000 tonn at karfa á
land í Reykjavík í sl. viku
Þormóður goði með nœr 400 tonn í gœrdag
í GÆRDAG kom Bæjarútgerðar-
togarinn Þormóður goði af karfa
veiðum og var togarinn með full-
fermi. 1 gær var ekki vitað með
vissu hve mikill aflinn væri, en
menn voru öruggir um, að það
væri að minnsta kosti aflamet
hjá Reykjavíkurtogara, og talið
að aflinn væri um og yfir 380
tonn.
Þormóður goði var sjöundi tog
arinn í síðustu viku, sem landaði
hér karfaafla af Fylkismiðum við
Nýfundnaland, og hafa þá alls
borizt í vikunni um 2000 tonn af
karfa úr 7 skipum, sem allur hef-
ur farið í hraðfrystihúsin.
Mestur ísfiskafli sem togari
hefur landað fram til þessa er
330—340 tonn. Afla þann sem
Þormóður goði kom nú með,
Samúel Guðmundsson
Hrafnabjörgum - minning
SIÐASTLIÐINN þriðjudag and-
aðist Samúel Guðmundsson bóndi
á Hrafnabjörgum í Ögursveit, í
Landspítal:.num. Hafði hann leg-
ið í sjúkrahúsinu um skeið en
kennt þess sjúkdóms, er dró hann
til dauða allmiklu lengur.
Samúel Guðmundsson var fædd
ur að Efstadal í Laugardal 9.

júii^.úið 1906. Hann var því
rúmlega 52 ára gamall er hann
lézt. Foreldrar hans voru hjónin
Sigríður Þorst insdóttir og Guð-
mundur Samúelsson. Ólst S^múel
u_ -’drum sínum í Laug-
£ ’"1, lengst af í Efstadal en
einnig áttu ' au heimili um nokk-
urra ára skeið að Laugabóli. En
árið 1921 fluttu þau að Hrafna-
björgum.
Þar byrjaði Samúel síðan bú-
skap árið 1930, fyrst með móður
sinni eftir að hún hafði misst
mann siiin. En árið 1935 kvænt-
ist hann T*'1.di Hjaltadóttur frá
Skarði, ágætri og dugmikilli
konu. Áttu þau saman 8 börn,
sem öll eru á lifi, 5 syni og þrjár
dætur. Synirnir eru Sigurjón,
Helgi verkfræðinemi, Guðmund-
ur búfræðingur, Sigurbjörn og
Hjalti, en dæturnar Ólöf Svava,
Hrafnhildur og Ásdís. öll eru
börnin einkar vel gefið og mynd-
arlegt fólk.
Samúel á Hrafnabjörgum féll
frá á bezta aldri. En hann hafði
lokið miklu dagsverki. Árið 1936
byggði hann myndarlegt stein-
hús á jörð sinni og hófst jafn-
framt handa um ræktun hennar.
Meðan vélakostur var lítill gengu
ræktunarstörfin hægt. En allt frá
1949 þegar kostur varð stórvirkra
tækja var Samúel stórvirkur
ræktunarmaður. Stækkaði hann
tún jarðar sinnar mikið og er það
nú allt slétt og véltækt. Eru
Hrafnabjörg nú ágæt jörð, sem
ber stórt og gott bú.
Samúel Guðmundsson var sann
ur og ágætur bóndi. Hann trúði
á landið og ávöxt ræktunarstarfs-
ins, og hlífði sér í engu í barátt-
unni fyrir umbótum á jörð sinni.
Mikill skaði er að fráfalli þessa
dugmikla bóndn á miðjum aldri.
Og mikill harmur er kveðinn að
konu hans og börnum. En hinn
myndarlegi barnahópur þeirra
Hildar og Samúels mun halda
merki föður síns á lofti, þótt hann
sé horfinn. Og verk hans á
Hrafnabjörgum munu einnig
standa sem minnismerki um dug-
mikinn og athafnasaman fram-
faramann. Hinn fagri og hlýi
Laugardalur, öll ögursveit kveð-
ur bóndann á Hrafnabjörgum
með þökk fyrir líf hans og starf.
Rík Scuiúð frá vinum og sveit-
ungum st_ .nir til ástvina hans.
Minningarathöfn var í gær
haldin — Samúel Guðmunds-
son í Fossvogskapellu. En jarð-
arför hans verður gerð heinfa að
ögri, hinu forna höfuðbóli og
kirkjustað í hiarta Ögursveitar.
S. Bj.
voru skipsmenn rúmlega 3Vz sól-
arhring að koma fyrir í hinum
miklu fisklestum og lét skipstjór-
inn, Hans'Sigurjónsson, mjög vel
yfir þessari veiðiför, — sem og
vonlegt var.
Togarinn hreppti slæmt veður
fyrsta sólarhringinn, en eftir það
gott siglingaveður. Með skipinu
kom einn skipverja af togaranum
Sólborg er meiðzt hafði illa á
hendi og var hann með hana í
fatla.
Karfalandanirnar í síðustu
viku voru þessar: Fylkir 313 tonn,
Skúli Magnússon 173, Askur 280,
Hvalfell 274, Þorsteinn Ingólfs-
son 315, Ingólfur Arnarson 280.
Matt. 22, 34-46.
BOÐIÐ mikla, boðorð kærleik-
ans, býður oss að elska Guð um
alla hluti fram og náunga vorn
eins og sjálfa oss. — Það er þetta
boðorð, sem á að vera yfirskrift-
in yfir hugsunum vorum, orðum
og athöfnum, yfir öllu lífi voru.
En hvar stöndum vér gagnvart
þessu boðorði, sem, býður oss að
elska Guð umfram allt annað?
Hefur þú gjört þetta? — Hef ég
gjört þetta? Nei, fjarri fer því.
Miklu fremur hef ég elskað mitt
eigið líf, eigin persónu og eigin
hagsmuni, jafnvel gleymt Guði
og kærleik'a hans til min fyrir
eigin hagsmunum. Þetta er sann-
leikurinn um mig. Kærleiksboð-
orðið mikla, sem býður mér að
elska Guð af öllu hjarta, af allri
sálu og af öllum huga mínum,
verður þannig til þess að dæma
mig og mitt kærleikssnauða
hjarta þungum dómj. Ég hef
ekki gjört það sem mér var skylt
að gjöra.
I *
I En hvar stöndum vér þá gagn-
vart boðorðinu, sem segir: Þú
skalt elska náunga þinn eins og
I sjálfan þig? Hefur þú gjört þetta?
— Hef ég gjört þetta? Nei, fjarri
fer því. Hér fer eins og með hið
fyrra boðorðið. — Ég stend svo
óendanlega langt frá því að hafa
gjört það, sem boðorðið bauð. Ég
hef staðið mig mjög illa gagn-
vart þessu einfalda en þó svo
erfiða boðorði. Og það er þetta,
sem er mín höfuðsynd, af því að
hún er undirrót og felur í sér
allar aðrar syndir mínar, þetta,
að ég hef hvorki elskað Guð né
meðbræður mína eins og mér
bar að gjöra.
★
Þannig verður þá kærleiksboð-
orðið æðsta og mikla til þess að
kveða upp dóm yfir kærleiks-
leysi mínu, bæði gagnvart Guði
og mönnum. Ég er sekur, af því
að ég hef ekki gjört það, sem mér
var skylt að gjöra. Og sektinni
fylgir dómur. En ég fiíin, að ég
muni aldrei geta uppfyllt þetta
boðorð, þótt ég legði mig allan
fram; til þess er veikleiki minn
of mikill og eigingirni mín of rík.
En þótt þessi niðurstaða sé
fengin, vil ég ekki horfa á eigin
sekt og veikleika eða nema þar
staðar, því að það gerir engan
að betri manni; heldur vil ég
beina sjónum mínum til hans,
sem óréttlætið og kærleikann
hefur og réttlætið og kærleikann
gefur — til Jesú Krists. — Hann
einn hefur uppfyllt hið erfiða
kærleiksboðorð, svo mikill er
kærleiki hans. En það er eðli kær
leikans að vilja miskunna og
fyrirgefa. Þess vegna verður von
mín að byggjast á kærleika hans,
náð hans og miskunnsemi, því
að vald hefur hann til þess að
fyrirgefa mönnunum syndir
þeirra, af því að hann er Guðs
sonur.
Og með því að vér vitum, að
enginn hefur opinberað kærleik-
ann hér á jörð svo sem Jesú
Kristur, Guðs sonur, þá vitum
vér einnig, að leiðin til þess, að
vor kærleikssnauðu hjörtu geti
eignazt meira af elsku til Guðs
og elsku til manna — er sú, að
hafa Jesúm daglega fyrir augum
og hugleiða hvílíkan kærleika
hann bar til föðurins á himnum
og til vor mannanna.
Farþegaflug með þotum á
Atlantshafsleiðinni hófst í gæt
Comet IV fóru bæði austur og vestur úm
hafið, þéttsetnar farþegum
LUNDÚNUM, 4. okt. (Reut-
er) — I morgun lagði af stað
yfir Atlantshafið frá Lund-
únaflugvelli farþegaþota af
gerðinni Comet IV, í eigu
brezka flugfélagsins BOAC,
og er þar með hafið farþega-
[lug á þessari flugleið með
þotum.
SL. fimmtudag fór önnur þota af
þessari gerð til Bandaríkjanna og
var þetta reynsluflug. í kvöld kl.
7 leggur hún af stað frá New
York full af farþegum, og er gert
ráð fyrir, að vélarnar mætist yf-
ir Atlantshafi, í mjög mikilli hæð.
Eiga þær þá að skiptast á kveðj-
um til að undirstrika sigur Bret-
anna yfir bandarísku flugfélög-
unum á sviði þrýstiloftsflugs, en
þó má geta þess, að ekki líður á
löngu, þar til bandarísku flug-
félögin taka farþegaþotur i sína
þjónustu.
Brezka þotan, sem fór til New
York í dag, var þéttsetin, eins og
fyrr getur, og meðal farþega var
forstjóri BOAC, Sir Gerald D’ Er
langer. Sumir farþeganna höfðu
pantað sæti fyrir ári. Þeim var
boðið kampavín um borð og
fengu minjagripi. — Gert var ráð
fyrir, að vé'lin kæmi við á Gand
er, Nýfundnalandi, og tæki elds-
neyti þar.
Bandaríska flugfélagið Pan
American, sem er aðalkeppi-
nautur BOA.C á Atlantshafsleið-
um, byrjar farþegaflug með þot-
um 26. okt. n.k. og mun þá nota
þotuna Boeing 707. Ein slík vél er
nú í reynsluflugi á Atlantshafs-
leiðinni og fór hún í dag til
Bandaríkjanna um ísland,
skömmu eftir að Comet IV lagði
af stað. Þess má loks geta, að
hraði Comet IV er 530 mílur á
klst. og vélin getur flogið 3000
mílur í einum áfanga.
Eins og menn muna, var Comet
1 tekin í notkun 1952, en var tek
in úr umferð tveimur árum síð-
ar, eða eftir að tvær þotur af
þessari gerð höfðu hrapað í Mið-
jarðarhaf vegna galla á byggingu
vélanna. Síðan hafa de Haviland
verksmiðjurnar haldið tilraunum
sínum látlaust áfram og nú þykj-
ast forráðamenn fyrirtækisins
sjá draum sinn rætast í Comet IV.
Comet IV, sem fór í dag frá
New York til Lundúna, lenti
í kvöld á Lundúnaflugvelli
eftir 6 klst. og 12 mín. flug.
Var hún 7 mínútum skemur
en fyrra metið á þessari flug-
Ieið. Þegar vélin lenti, nálg-
aðist Comet IV New York óð-
fluga.