Morgunblaðið - 25.09.1959, Blaðsíða 23

f
Föstudagur 25. sept. 1959
MORCTJNBÍ 4ÐÍÐ
23
Bókauppboð Sig-
urðar Benedikts-
sonar í dag
SIGURÐUR Benediktsson heldur
fyrsta bókauppboð sitt á þessu
hausti í Sjálfstæðishúsinu kl. 5 í
dag, og er það 54. uppboð hans.
Bækurnar verða til sýnis í Sjálf-
stæðishúsinu kl. 10—4 í dag.
Meðal bóka sem á boðstólum
verða má nefna Annála Björns á
Skarðsá, pijentaða í Hrappsey;
Sýslumannaævir Boga Benedikts
sonar; „Feðgaævir" eftir sama
höfund; Ferðabók Þorvaldar
Thoroddsens; Steins-Biblíu og.
mörg tímarit komplett.
— Góðar viðtökur
Framh. af bls. 1.
að kaupa í Bandaríkjunum, en
þá um leið eitt af því fáa sem
Bandaríkjamenn hafa ekki mik-
inn áhuga á að selja til Rússlands,
þar sem telja að slíkar sölur yrðu
til að efla hernaðarstyrk Rússa.
í kvöld fór Krúsjeff síðan frá
Pittsburgh með flugvél til Wash-
ington. Hringferð hans um Banda
ríkin er lokið og fer hann á morg
un til Camp David, þar sem hann
mun eiga þriggja daga viðræður
við Eisenhower forseta.
Tunglflaug springut
Bandaríkjamenn urðu fyrir
miklum vonbrigðum, jafnvel
áfalli í dag, þegar það var til-
kynnt að óhapp hefði orðið í eld-
flaugastöðinni á Kanaveral höfða
í Flórída.
Sprenging varð skyndilega í
gtórri eldflaug af Atlas-gerð, sem
stóð þar á skotbakkanum og ger-
eyðilagðist hún.
Þetta var einmitt eldflaug sú,
sem Bandaríkjamenn hugðust
nota í næsta mánuði (sennilega
um 3. október) til að skjóta til
tunglsins. Verður því að fresta
tilrauninni, a. m. k. fram í októ-
ber.
Þykir mönnum óheppilega hafa
til tekizt. Rétt fyrir komu Krú-
sjeffs til Bandaríkjanna tókst
Rússum að skjóta eldflaug til
tunglsins og rétt fyrir brottför
hans eyðilagðist hin væntanlega
tunglflaug Bandaríkjanna.
— Stjórn SKÍ
Framhald af bls. 22-
sveit íslands önnur í landskeppni,
næst á eftir Austurríki. Sveit
Sviþjoðar varð þ.<ð‘i‘> ' röðinni.
Afrek Eysteins Þórðarsonar er
það bezta sem íslendingur hefir
náð á Holmenkollen, varð hann
4. í svigi, 6. í stórsvigi og 9. í
bruni
S.K.Í. hefir jafnan haft lítið
fé milli handa. Á þessu ári var
það ekki nema tæp ellefu þúsund
krónur.
Svigmönnum voru afhent verð
laun frá Holmenkollen, Skíðafé-
lagi Fljótamanna verðlaunabikar
frá göngukeppni á afmælismóti
Í.R. íþróttabandalág Ólafsfjarðar
fékk bikar fyrir að hljóta annað
sæti í Landsgöngunni. Þá færði
stjórn S.K.Í. skíðadeild Knatt-
spyrnufélags Reykjavíkur vegg-
skjöld, sem vott viðurkenningar
Og þakklætis fyrir frábæran dugn
að við að reisa mjög nýtízkulegan
og vandaðan skíðaskála í tilefni
60 ára afmælis K.R.
Kosningar í stjórn S.K.Í. fóru
þannig að Hermann Stefánsson
var endurkjörinn form. sambands
ins. Aðrir í stjórn voru kjörnir:
Gísli B. Kristjánsson og Ólafur
Nilsson frá Reykjavík, Einar B.
Ingvarsson frá ísafirði, Bragi
Magnússon frá Siglufirði, Einar
Helgason, Haraldur Sigurðsson,
Hermann Sigtryggsson og Guð-
mupdur Ketilsson frá AkureyrL
Dauðadómur
í Lundon
fyrir morð
á lögregluþjóni
London, 24. sept.
(Reuter).
ÞRÍTUGUR Þjóðverji Gúnther
Fritz Podola var í dag dæmdur
til dauða í Old Bailey-réttinum
fyrir morð á lögregMþjóni í
Lundúnum. Réttarhöldin yfir
honum eru talin einstök í sinni
röð fyrir það að málflutningur
um það, hvort hann gæti talizt
sakhæfur stóð í 9 daga í réttin-
f um. Podola, kvaðst algerlega
hafa misst minnið og því ekkert
geta sagt um það, hvort hann
hefði framið manndrápið eða
ekki. Kviðdómur komst að þeirri
niðurstöðu, að þetta væri eintóm
uppgerð hjá honum og byggði það
m.a. á skýrslum um framkomu
hans í fangelsinu síð<ustu vikur,
þar sem hann hafði t.d. ágætt
minni á atburði mannkynssög-
unnar. Var hann því talinn sak-
hæfur og liðu síðan aðeins tveir
dagar, þar til dauðadómurinn var
kveðinn upp.
Podola er Ijósmyndari að át-
vinnu .Hann er fæddur í Austur-
Berlín 1929, og bjó þar unz hann
kom sem flóttamaður til Vestur-
Berlínar 1954. Síðan flutti hann
til Kanada.
í júlímánuði sl. kvartaði banda
rísk kvikmyndaleikkona frú
Verne Schiffman, einnig af þýzku
bergi brotin, að ókunnur maður
hringdi oftsinnis til hennar og
hefði fjárkúgun í frammi við
hana. í næsta skipti sem maður-
inn hringdi komst lögregian að
því að hann var staddur i almenn
ingssímaklefa og ætluðd tveir
lögreglumenn að handtaka hann.
Þá snerist hann til varnar, tók
upp skammbyssu og skaut ann-
an lögregluþjóninn og komst und
an. Þremur dögum síðar var hann
handtekinn í gistihúsi einu i ná-
grenninu.
Þetta hefur vakið feikimikla
athygli í Bretlandi vegna þess,
að fyrir skömmu var dauðarefs-
ing numin úr lögum, þó að
þeirri undantekningu gerðri, að
hún skyldi haldast í lögum fyrir
morð á lögreglumönnum.
Losnuðu úr ísnúm
eftir 3 vikur
AÐALRÆÐISMAÐUR Dana hér
í Reykjavík, Ludvig Storr, skýrði
Morgunblaðinu frá því í gær, að
sér hefði í gærmorgun borizt
skeyti þess efnis, að skipin tvö,
sem festust í ís undan Græn-
landsströnd fyrir þrem vikum,
hefðu komizt út úr ísnum aðfara-
nótt fimmtudags. Hér var um að
ræða flutningaskipið Anita Dan
og selveiðiskipið Polaris. Þau
höfðu farið frá námabænum í
Meistaravík með blýfarm áleiðis
til Kaupmannahafnar, en er þau
komu út úr Kong Ólafsfirði, fest-
ust þau í ís, og undanfarnar 3
vikur hafa þau verið á reki með
ísbreiðunni suður á bóginn,
hundruð kílómetra. í fyrrnótt
voru þau komin suður fyrir
Scoresbysund, en þar losnuðu
skipin út úr ísnum og sigla nú
áleiðis til Kaupmannahafnar.
Staður sá, sem þau voru á er þau
losnuðu, er um 1000 km. beint
norður af Reykjavík.
Lítill árangur lijá
Laos-nefnclmni
VIENTIANE t Laos, 2Jf. sept.
— Reuter). — Rannsóknar-
nefnd S. Þ. í Laos mun heim-
sækja norðausturhéruð lands-
ins í næstu viku. Nefndin
kom til Laos 15. sept. en það
er nú almennt vitað, að árang-
urinn af störfum hennar hef-
ur verið sama og enginn. —
Skömmu eftir að hún kom
til landsins afhenti ríkisstjórn
Laos henni skjal upp á 20 síð-
ur, þar sem rakin voru al-
menn sjónarmið í sambandi
við ástandið í landinu. —
Nefndin svaraði með því að
óska eftir nánari upplýsing-
um um 20 atriði og fékk ekki
skýrslu stjórnarinnar um það
fyrr en í gær.
í nefndinni eiga sæti fulltrúar
frá Japan, ítalíu, Túnis og Argen-
tínu. Hyggst hún leggja af stað
til óróasvæðanna í norðaustur-
hluta landsins þann 30. sept. Sér
ríkisstjórn Laos henni fynr
flutningi. Meðal þeirra staða,
sem nefndin hyggst heimsækja,
eru virkin í Sam Neua og Sam
Teu. Talsverðir bardagar hafa
verið einkum um það síðar-
nefnda svo að yfirráðin yfir því
hafa oftsinnis gengið á milli
fj andmannaherj anna.
I dag hefur dregið úr bardög-
um í Sam Neua-héráði en í stað
þess hefur áróðurshernaðurinn
verið aukinn. Segir stjórnin í
Laos, að kommúnistar geri nú
ráðstafanir til að reyna að sann-
færa rannsóknarnefndina um
það, að hér sé eingöngu háð
borgarastyrjöld án utankomandi
íhlutunar.
Talsmaður kommúnistastjórn-
arinnar í Norður-Vietnam skýrði
hins vegar frá því í dag, að
Laos-stjórn hefði bannað hópi er-
lendra blaðamanna að ferðast
um óróasvæðin, en tilgangurinn
með því sé að breiða yfir sann-
leikann og magna lygasöguna um
íhlutun frá Norður-Vietnam.
Sjö ára drengur
á ljóslausu hjóli
LAUST fyrir klukkan 10 í gær-
kvöldi varð enn umferðarslys hér
í bænum, en sem betur fer ekki
alvarlegt. Sjö ára drengur, sem
var á ljóslausu reiðhjóli, var fyr-
ir bifreið ofarlega á Ásvallagötu.
Svo vel tókst þó til, þó í óefni
væri komið, að drengurinn slapp
með áverka á höfði, og var harm
fluttur heim til sín eftir að lækn-
ar slysavarðstofunnar höfðu gert
að meiðslum hans.
REYKJANESKJÖRDÆMi
Kosningaskrifstofur Sjálfstæð-
isflokksins í Reykjaneskjördæmi:
t Keflavík: 1 Sjálfstæðishús-
inu. Opin daglegra frá kl. 10—18.
Sími 21.
t Hafnarfjörður: f Sjálfstæðis-
húsinu. Opin daglega kl. 10—18.
Sími 5-02-28.
t Kópavogur: Melgerði 1. Opin
kl. 10—19. Símar 1-97-08 og
1-10-91.
Uppboð
á Stekkjarholti við Bergstaðastræti, nú Bjargar-
stíg 14, hér í bænum, fer fram til slita á sameign á
morgun, laugardaginn 26. september 1959, kl. 2.30
síðdegis.
BORGARFÓGETINN I REYKJAVlK
Mínar innilegustu þakkir til H.f. Hamars og starfs-
anna, fyrir peningagjöf.
Soffía Þorvaldsdóttir
Ég sendi öllum fjær og nær hjartanlegustu þakkir
fyrir að gera mér 22 .sept. síðastliðinn ógleymanlegan.
Jón S. Björnsson.
Hjartans þakkir til sona minna og tengdadætra, barna-
barna, systur, frændfólks og vina, sem glöddu mig með
heimsóknum, gjöfum og skeytum á sextugs afmæli mínu
þann 22. þ.m. Guð blessi ykkur öli.
Þórunn Jóhannesdóttir,
Vesturgötu 105, Akranesi. '
Innilegar þakkir til vina minna, fjær og nær, sem
sýndu mér vináttu sína, með heimsóknum, skeytum
og gjöfum, á sjötugs afmæii mínu 20. þ.m. Sérstakar
þakkir vil ég færa starfsfólki Útvegsbanka íslands fyrir
þeirra höfðinglegu gjöf, og alla vinsemd í minn garð.
Guð blessi ykkur.
Eyþór Þorgrímsson
Innilegar þakkir færi ég börnum og tengdabörnum,
vinum og sveitungum er glöddu mig á sjötugs afmæli
mínu með heimsóknum, gjöfum og skeytum. Sérstaklega
þakka ég þeim börnum mínum og tengdabörnum, er
fóru langan veg, til að gleðja mig á þessum degi.
Guð blessi. ykkur öll.
* Sólveig Árnadóttir,
Leiðólfsstöðum.
Mínar innilegustu þakkir til allra þeirra mörgu, víðs-
vegar um landið, sem á margvíslegan hátt glöddu mig á
níutíu ára afmæli mínu þann 4. sept. s.l. og gerðu mér
daginn ógleymanlegan.
Drottinn blessi ykkur öll.
Maribil Ölafsdóttir
Faðir okkar,
STEFÁN PÉTURSSON
andaðist 23. þ.m. í Elli- og hjúkrunarheimilinu Sólvangi.
Fyrir hönd vandamanna.
Kristinn Stefánsson, Björgvin Stefánsson.
Ástkær fósturmóður mín
- INGIBJÖRG HANNESDÓTTIR
lézt 23. þ.m. Jarðarförin fer fram miðvikudaginn 30. þ.m.
kl. 3 í Fossvogskirkju.
Fyrir hönd aðstandenda
Alda Valdimarsdóttir
Fósturmóðir okkar
MARlA EINARSDÓTTIR
andaðist að heimili sínu Kvigindisfirði í Múlasveit Aust-
ur Barð. að morgni hins 23. sept. s.l.
Árelíus Níelsson,
Guðbjörn Jóhannesson,
Ólöf Jóhannesdóttir
Einar Guðmundsson.
Jarðarför bróður okkar,
ÓLAFS MATTHfASSONAR
fer fram Iaugardaginn 26. þ.m. kl. 1,30 og hefst með
húskveðju að heimili hans, Hafnargötu 75, Keflavík.
Systkinin.
Jarðarför móður okkar,
BJARGAR GUÐMUNDSDÓTTUR
frá Felli
fer fram frá Fossvogskirkju, laugardaginn 26. þ.m., kl.
10,30.
Emilía Helgadóttir, Birgir Helgason
Þökkum innilega auðsýnda samúð við andlát og jarð-
arför,
GUÐRÚNAR ÁRMANNSDÖTTUR
Skólavörðustíg 23
Böm og tengdabörn
i