Morgunblaðið - 19.10.1962, Blaðsíða 8

8
MOTtCT^nr *OTÐ
Föstudagur 19. október 1962.
Athugun hafin á leiðum til
útrýmingar síð-
ustu herskálunum
HAFIN er á vegum borgar-
ráðs Reykjavíkur athugun á
því, hvernig bezt verði leyst
úr húsnæðisvandamálum
þeirra fjölskyldna, sem búa
í leiguhúsnæði borgarsjóðs,
braggahúsnæði eða bráða-
birgðahúsnæði. Sérstaklega
verður athuguð geta og vilji
þessara fjölskyldna til þess
að eignast eigið húsnæði.
Geir Hallgrímsson borgarstjóri
skýrði frá þessu við umræður í
borgarstjón Reykjavíkur í gaer
um tillögu borgarfulltrúa komm-
únista um byggingu leiguíbúða
til handa þeim fjölskyldum, er nú
búa í herskálum og öðru heilsu-
spillandi húsnæði og ætla má, að
ekki geti leyst húsnæðismál sín
með öðrum hætti. Lýsti borgar-
stjóri þeirri skoðun sinni, að
meginstefnan í húsnæðismálum
hlyti að vera sú að stuðla að
því, að sem flestar fjölskyldur
búi í sínu eigin húsnæði, og þá
ekki síður þær fjölskyldur, sem
enn búa í herskálaíbúðum en aðr-
ar. Komi hins vegar í ljós við
þá athugun, er nú fer fram, að
þessar fjölskyldur hafi ekki bol-
magn til að eignast eigið húsnæði
eða sú leið sé ekki fær af öðrum
orsökum, verði borgai'yfirvöld
að horfast í augu við þann vanda
og leysa hann á þann hátt, sem
farsælastur má verða. Kvað hann
það von sína, að takast mætti að
útrýma þeim herskálaíbúðum,
sem enn er búið í, á skemmri
tíma en 2 árum. Nákvæm tíma-
takmörk væri þó ekki hægt að
setja fyrr en niðurstöður þeirrar
athugunar, sem nú fer fram,
lægju fyrir.
Lausnin verffur aff byggjast
á þeim upplýsingum, sem nú
er aflaff
Aðalefni tillögu borgarfulltrúa
kommúnista var á þá leið, að
borgarstjórn ákvæði að hefja nú
þegar undirbúning að byggingu
150 íbúða, er leigðar yrðu fjöl-
skyldum, sem búa í herskálum
og öðru heilsuspillandi húsnæði
og ætla má, að ekki geti leyst
húsnæðismál sín á annan hátt.
Vegna þessarar tillögu minnti
Geir Hallgrímsson borgarstjóri
á, að í september sl. hefði borg-
arstjórn falið borgarráði að láta
fara fram heildarathugun á hús-
næðismálum þessa fólks, þar sem
sérstaklega skyldi kannað, hver
væri geta og vilji þess til að
eignast eigið húsnæði. Einnig
minnti hann á þær upplýsingar
sínar frá síðasta borgarstjórnar-
fundi, að hann hefði falið skrif-
stofustjóra félags- og framfærslu
stofnunar borgarinnar að láta
fara fram athugun á vilja og
getu íbúa í leiguhúsnæði borg-
arsjóðs til þess að komast í eigin
íbúðir. Einnig kvað hann mundu
verða kannað í sambandi við út-
hlutun fyrri flokks borgaríbúða
í Álftamýri, hvort farið skyldi
inn á þá braut að byggja leigu-
húsnæði fyrir það fólk, sem hér
um ræðir, og þá í hve stórum
stíl og með hvaða hætti. Þegar
þetta allt væri haft í huga, kvað
borgarstjóri augljóst, að tillaga
borgarfulltrúa kommúnista væri
ekki tímabær. í sama streng tóku
Kristján Benediktsson borgar-
fulltrúi Framsóknarflokksins,
Þórir Kr. Þórðarson borgarfull-
trúi Sjálfstæðisflokksins og Ósk-
ar Hallgrímsson borgarfulltrúi
Alþýðuflokksins.
Einsýnt væri, sagði borgar-
stjóri, að frambúðarlausn hús-
næðisvanda þeirra fjölskyldna,
sem enn búa í heilsuspillandi
húsnæði, yrði bezt tryggð með
hliðsjón af þeim upplýsingum,
sem nú er verið að afla og með
þeim tillögum, sem á þeim upp-
lýsingum byggjast.
Tilflutningur hefur stufflaff
aff útrýmingu herskála
Vegna þess að Guðmundur
Vigfússon (K) hafði lýst þeirri
skoðun sinni, að fjöldi umsækj-
enda um Skálagerðis- og Grens-
ásvegarhúsin úr hópi herskála-
búa benti ekki til þess, að vandi
þess fólks yrði ekki leystur með
byggingu söluíbúða, vakti borg-
arstjóri athygli á því, að ekki
mætti einblína á þann umsækj-
endafjölda, þar sem allmargir
herskálabúar hefðu komizt úr
herskálunum við það, að íbúar
í leiguhúsnæði borgarinnar
hefðu fest kaup á söluíbúðum
borgarinnar. Þannig hefði losnað
leiguhúsnæði á vegum borgarinn
ar, sem herskálabúar hefðu feng-
ið til íbúðar.
Guffmundur Vigfússon mælti
fyrir tillögu kommúnista á borg-
arstjórnarfundinum. Kvaðst hann
verða að játa, að mikið hefði
áunnizt í því á undanförnum
árum að útrýma herskálaíbúðum.
En þó hefði að sínu áliti ekki
verið nóg að gert, sem stafaði
af því, að meirihluti borgarstjórn
ar hefði aldrei fengizt til að við-
urkenna, að húsnæðismál her-
skálabúa yrðu ekki leyst með
byggingu söluíbúða.
ÞEIM fjölgar nú óðum, sem
verða sér úti um miffa í hinu
stórglæsilcga skyndihapp -
drætti Sjálfstæffisflokksins,
þar sem vinningarnir eru
3 fagurbláar Volkswagen-bif-
reiðir af árgerffinni 1963. Er
nú mjög tekinn að styttast
tíminn þar til dregið verður.
en þaff er hinn 26. þ. m. Þeir,
sem fengið hafa miffa senda.
eru vinsamlegast beffnir um
að gera skil hið allra fyrsta.
Skrifstofa happdrættisins
Sjálfstæffishúsinu er opin alla
laga frá k). 9 f. h. til 7 e. h.
og aftur a kvöldin milli kl. 8
og 10. Þetta er happdrættið
sem allir vilja eiga miða i.
Kristján Benediktsson bar fram
tillögu um, að borgarstjórn skor-
aði á borgarráð að láta hraða
þeirri athugun á húsnæðismálun-
um, sem nú fer fram og fyrr
er greint frá.
Þórir Kr. Þórffarson kvað alla
sammála um, að hér væri um að
ræða vandamál, sem erfitt væri
úrlausnar. Augljóst væri, að til
lausnar þess þyrfti að grípa til
félagslegra ráðstafana. Einnig
mótmælti hann þeim skilningi,
sem hann kvaðst verða var við
hjá of mörgum, að það fólk, sem
í herskálaíbúðunum byggi, væri
einhver sérstakur „klassi“
manna, eða jafnvel úrhrök þjóð-
félagsins. Vegna persónulegra
kynna af mörgu þessu fólki gæti
hann borið um, að því færi fjarri,
að svo væri.
Greinargerff væntanleg
Eftir þessar umræður var
borin undir atkvæði tillaga borg-
arfulltrúa Sjálfstæðisflokksins
um að vísa fillögum kommún-
ista og framsóknarmanna til at-
hugunar borgarráðs. Tillagan,
sem samþykkt var með 10 at-
kvæðum gegn 5, var á þessa leið:
Með tilvísun til þess, að um
leið og úthlutun er undirbúin
á fyrra flokki íbúða í borgarbygg
ingum við Álftamýri, fer og fram
athugun á getu og vilja þeirra
fjölskyldna, sem búa í leiguhús-
næði, til þess að eignast eigið
húsnæði, og athugunin tekur
almennt til þess, hvernig leyst
verði úr húsnæðisvandamálum
þessara fjölskyldna, — og með
því að væntanleg er greinargerð
um ráðstöfun íbúða borgarsjóðs
tjl leigu og endurskoðun á regl-
um þaraðlútandi, þá vísar borg-
arstjórn tillögum borgarfulltrúa
Alþýðubandalagsins og Fram-
sóknarflokksins til borgarráðs til
athugunar í sambandi við fram-
angreinda könnun.
Bílaeftirlittsmenn vilja
fleíri viðvörunarmerki
AÐALFUNDUR Félags íslenzkra
bifreiðaeftirlitsmanna var hald-
inn í Reykjavík, dagana 12. og
13. okt. sl.
Aðalmál fundarins voru launa
og kjaramál bifreiðaeftirlits-
manna og tæknilegar nýjungar
á öryggis- og stjórntækjum bif-
reiða.
Þá voru einnig rædd umferð-
ar- og öryggismál.
Meðal ályktana var skorað á
vegamálastjórnina að flýta upp-
setningu umferðarmerkja, bæði
aðvörunar- og leiðbeiningar-
merkja, á þjóðvegum, t. d. við
beygjur og þar sem bannað er
að aka framúr.
Þá skorar fundurinn á alla
stjórnendur ökutækja, að þar
sem skammdegi og myrkur fari
í hönd, eigi ökumenn að miða
ökuhraðann við gerð og ástand
ökutækis, staðhætti, færð, veð-
ur og umferð og haga akstrinum
þannig að hann valdi ekki öðr-
um vegfarendum hættu eða ó-
þægindum, og geri sitt ýtrasta
til þess að umferðarslysum og
árekstrum fækki.
Stjórn félagsins var endur-
kjörin: Formaður Gestur Ólafs-
son, ritari Svavar Jóhannsson,
gjaldkeri Svernr Samúelsson.
Meðstjórnendur: Bergur Arn-
björnsson og Magnús Wíum Vil-
hjálmsson.

í stjórn Sambands norrænna
bifreiðaeftirlitsmanna voru
kjörnir til næstu 2ja ára: Gest-
ur ólafsson, Reykjavík og Berg-
ur Arnbjörnsson, Akranesi. —
Varamenn: Geir G. Bachmann,
Borgarnesi og Svavar Jóhanns-
son, Akureyri.
Gegnir að nokkru hlutverki
íslenzkrar fréttastofu

ÍSLENZKA utanríkisráðuneytið
veitir árlega blaðamanni frá
Norðurlöndum styrk til Islands
farar.
Hér hefur að undanförnu ver
ið Daninn Christian Bönding,
sem hlaut þennan styrk í ár.
Hann er yfirmaður fréttaþjón-
ustufyrirtækisins Nordisk presse
burau — Nordisk nyhedstjeneste
í Kaupmannahöfn.
Ohristian Bönding er þegar orð
inn allkunnugur íslandi, því
hann hefur verið hér 4 sinnum,
fyrst 1960, þegar Norðurlandaráð
hélt fund sinn í Reykjavík. Frá
því hefur hann komið til íslands
tvisvar á ári og dvalið um mán
aðarskeið í hvert sikipti.
Morgunblaðið hefur átt við-
tal við Bönding í tilefni heim-
sóknar hans:
— Nordisk pressaburau hefur
starfað allt frá árinu 1909, þótt
starfsemi bafi verið umsvifa-
mest seinustu áratugina. Allan
þennan tima hefur fyrirtækið
•haft þá þjónustu að senda blöðum
á Norðurlöndum greinar og frétta
efni, einkum um það sem um er
að vera í einhverju hinna Norð
urlandanna.
— Við leggjum fyrst og
fremst áherzlu á að senda blöð
unum greinaefni og fréttir, sem
eru til að upplýsa það sem er
að gerast og hvers vegna það er
að gerast, þ.e. við sendum frá
okkur annars konar efni en hin
ar stóru fréttastofur.
— Eg hef orðið var við það
á ferðum mínum hér, að mikill
áhugi er fyrir greinum frá ís-
landi. Ástæðan er sú að íslenz;k
málefni hafa verið að meira eða
minna leyti óþekkt á hinum Norð
urlöndunum.
— Nordisk presseburau hefur
haft lítið samband við ísland
sl. 30 ár, eða frá bví Alþingis-
hátiðarárið 1930, en bá var hér
á ferð Vaslev ritstjóri Nordisk
presseburau.
— Heimsóknir mínar hingað
eru einmitt til þess að tryggja
samband okkar við ísland og
sendi ég út greinar og upplýsing
efni, sem fjölmörg blöð á Norð
urlöndum notfæra sér.
— Við viljum fá fréttaritara
um allt Ísland, sem senda okk
ur fréttir o greinar, hver frá sínu
byggðarlagi. Mér hefur þegar
tekist að fá fréttaritara á flest-
um þeim stöðum, þar sem blöð
eru gefin út á landinu. Jafn-
framt mun ég koma sjálfur til
íslands tvisvar á ári, næstu ár-
in, og dveljast í mánuð í hvert
skipti.
—Varðandi hvernig Nordisk
presseburau starfar skal ég taka
eitt dæmi úr starfseminni. Við
fáum blöð frá öllum Norður-
löndunum. Við klippum út úr
þeim allar fréttir og greinar,
sem fjalla um norræn málefni.
Við höldum t.d. saman þessum
úrklippum um ísland. Þegar ég
kem til íslands hef ég úrklipp-
urnar með mér og kynni mér
málin, sem þar er Skýrt frá. Sé
um rangfærslur að rs駣( je^U
réttar upplýsingar sendar til við-
komandi blaðs. Nordisk presse-
bureau vill koma hinum réttu
upplýsingum ^áleiðis. Það er ó-
trúlegt, hvað mikið er um mis-
sagnir og rangfærslur frá Islandi
í norrænum blöðum.
— Við höfum blöð um óll
Norðurlöndin sem viðskiptavini,
þar á meðal íslandi. En Nordisk
presseburau hefur einnig upp-
lýsingaþjónustu um Norðurlönd,
sem blöð í öðrum lönd'um not-
færa sér. Vegna hins aukna sam-
bands okkar við ísland, eru frétt
.ir héðan og greinar sendar til
þessara landa.
— Nordisk pressebureau hefur
í undirbúningi að koma upp skrif
stofu í Briissel vegna blaðanna
innan Efnahagsbandalags Evrópu
og senda þeim fréttir og greinar
frá Norðurlöndum.
— Engin íslezk fréttastofa
'hefur verið til. Það má því segja.
að Nordisk pressebureau leysi
þau vandræði vegna hins atikna
sambands við ísland. Við send-
um íslenzkum blöðum fréttir og
greinar um íslezik og erlend mál
efni. Við sendum líka norrænum
blöðum, og blöðum utan Norð-
urlanda, fréttir og greinar um
ísland.