Morgunblaðið - 22.06.1963, Blaðsíða 17

M n R C l) 1S B L 4 f) r*>
17
Laugardagur 22. 5úní 1963
— / íáum orðum
Framh. af bls. 15
inginn, sem ég eignaðist.
Þannig var mál með vexti, að
ég vann í kaffistofunni Herm-
es hjá Þorláki Johnson, þeg-
ar ég var níu eða tíu ára, og
gætti billjardsins. Sá sem það
gerði var virðingarsamur og
kallaður makkjör. Einar kom
oft í Hermes á kvöldin og
spilaði lomber við Sigurð
Jónsson, fangavörð, og Pétur
Guðmundsson, sem þú manst
ekki eftir, en var sonur Guð-
mundar þess, sem byggði
Bergsstaði, sem nýlega hefur
verið rifið en strætið er kall-
að eftir. Þeir stóðu ekki lengi
við í hvert skipti. Svo var
það einhverju sinni að Einar
þurfti að ná sambandi við
Valgerði Zoéga, sem síðar
varð kona hans eins og þú
hefur haft spurnir af. En
Margrét móðir hennar var
ekki alls kostar ánægð með
þennan samdrátt milli skálds-
ins og dóttur sinnar, hefur
kannski ekki þótt Einar nógu
reglusamur, og átti hann því
erfitt með að ná fundum
hennar. En líklega hefur það
gert ástina ennþá heitari, því
hann neytti allra bragða til
að hitta hana. Hann bað mig
fara til Valgerðar með skila-
boð, og síðan útspekúleruðum
við hvernig bezt væri að kom-
ast í gegnum víglínu Mar-
grétar, því auðvitað mundi
hún gruna mig um græzku,
þar sem ég vann í Hermes og
Einar var þar tíður gestur.
Hún gætti vel síns heimilis
og var kvenskörungur mik-
ill. Ég bankaði varlega á
hurðina, hún kom til dyra og
ég sagði við hana skjálfandi
rödd: „Ég er með skilaboð frá
Kristínu Bernhöft til Valgerð-
ar.“ Hún hnyklaði brúnirnar
og hleypti mér inn, og ég
þaut upp á loft til Valgerðar
og flutti henni skilaboðin frá
Einari. Samsærið tókst eins
vel og kostur var á og Einar
gaf mér níu króna gullpen-
ing, sem var stórfé í þó daga.
En það sýnir aðeins tvennt:<
að hann var ánægður með
mína afgreiðslu og mat Val-
gerði ekki til neinna smápen-
inga á þeim árum.
„En nú má ég ekki vera að
þessu lengur“, sagði Jón Jóns-
son frá Mörk að lokum. „Ég
ætlaði ekki að tala við þig
að neinu ráði, en þú hefur
einhvern veginn hlunnfarið
mig og það verður að teljast
til karakterleysis af minni
hálfu. Ég vona samt þetta
verði ekki alltof alvarlegt sam
tal okkar í milli, því ég er
ennþá, eins og þú sérð, ung-
ur strákur í Vesturbænum,
sem lítið veit og hefur litla
löngun til að hreykja sér
hærra en efni standa til. Þú
mátt ekki gera mig eldri en
ég er. Sannleikurinn er sá, að
eiginlega ætti ég ekki að
muna lengra aftur í tímann
en þú. Láttu að minnsta kosti
ekki endurminningar minar
gera mig að neinu hvíthærðu
gamalmenni. Ég er léttur og
sköllóttur og í fullu fjöri og
nú er ég að lesa bók sem heit-
ir: Alltaf sami strákurinn."
M
Sextug í dag:
Guðfinna Jóhannsdóttir
GUÐFINNA Jóhannsdóttir er 60
ára í dag. Hún er borin og barn-
fædd í Reykjavík, af heiðurs- og
myndarfólki í báðar ættir og
kippir henni vel í kyn um alla
góða eiginleika. Guðfinna er gift
hinum ágæta drengskaparmanni
Einar Pálssyni, forstjóra, eiganda
Nýju blikksmiðjunnar. Börn
þeirra 5 eru uppkomin og öll hin
mannvænlegustu, enda hefur Guð
finna verið mikil heimamann-
eskja og móðir, sem börnin elska,
virða og treysta. Taka þau undir
með Matthíasi Jochumssyni, er
hann orti til móðurinnar hið
fagra Ijóð „Móðir mín“
og segir „Því hvað er
ástar og hróðrar dís og
hvað er engill úr paradís hjá
góðri og göfugri móðir“.
Sem húsmóðir á stóru og um-
fangsmiklu heimili hefur vinnu-
gleði og myndarbragur auðkennt
hina glæsilegu konu, ásamt
hennar ljúfa og glaða geði sem
í fámennum vinarhóp getur verið
full af alvarlegri en um ieið
sprenghlægilegri fyndni er við
vinir Guðfinnu svo oft á hennar-
gestrisna heimili gleðjum okkur
við.
Vinföst og ákveðin 1 skoðun-
um er Guðfinna og vel fylgin
hverju góðu máli. Hefur hún því
styrksneind og frá byrjun verið
með í Húsmæðrafélagi Reykja-
víkur og situr nú þar 1 stjórn.
Það verða því án efa margir
vinir er leggja leið sína í dag á
hið glæsilega heimili í Bólstaðar-
hlíð 4 til að gleðjast með hús-
freyjunni á þessum merkis og
heiðursdegi.
Mínar hjartans kveðjur sendi
ég þér Guðfinna og þakka störf
þín og vináttu. Guð blessi heimili
þitt og allt sem þér er kært.
Verði þér dagurinn bjartur og
hlýr.
— Kennedv
Framhald af bls. 13.
Frá írlandi fer forsetinn til
London og dvelzt þar í einn sól-
arhring. Mörgum hefur fundizt
ástæða fyrir Kennedy að sleppa
Englandsferðinni sökum þeirra
erfiðleika, er brezka stjórnin á
í vegna Profumo-málsins, en
hann er sagður þeirrar skoðunar,
að ' það geti frekar orðið Mac
millan til styrktar en óþæginda
að hann komi til London.
Frá London flýgur forsetinn til
Rómar og dvélzt þar til 2. júlí.
Sem fyrr segir, hefur þessi ferð
— Minning
Framhald af bls. 8.
þau sem aðrir muna hans góðu
framkomu og góðan orðstír hans
um allan Breiðafjörð og sem seg-
ir í gömlum Hávamálum: „Deyr
fé, deyja frændur, deyr sjálfur
et sama. En orðstírr deyr aldregi,
hveims sér góðan getur.“
Far vel gamli Breiðfirðingur.
Guð blessi heimkomu þína og
gefi þér frið í Jesús blessaða
nafni.
Árni Ketilbjarnar.
BJÖRN Jóhannsson frá Arney á
Breiðafirði verður til moldar
borinn í dag frá Dómkirkjunni
í Reykjavík. Hann andaðist 14.
þ.m. eftir skammma legu. Hress
og kátur birtist hann mér svo
oft á götum Stykkishólms í vet-
ur að sannast sagna er ég ekki
farinn að átta mig á að leiðir
hafa nú skilið.
Björn var dugnaðarmaður að
hverju sem hann gekk, raungóð-
ur og tryggur og félagshyggju-
maður og traustur þeim málstað
er hann helgaði sér. Hann var
eindreginn fylgismaður Sjálf-
stæðisstefnunnar og á vettvangi
hennar lágu leiðir okkar saman.
Björn var fæddur í Öxney,
sonur hjónanna Sigurlaugar og
Jóhanns Jónssonar, sem þar bjó
myndarlegu búi. í Arney bjó
hann frá 1915 til 1948 að hann
fluttist til Stykkishólms og bjó
þar til dánardægurs. Kona hans
er Guðrún Eggertsdóttir frá
Langey og lifir hún mann sinn.
Mörgum trúnaðarstörfum
gegndi Björn um dagana. Hann
var lengi í hreppsnefnd og sýslu-
nefnd fyrir Klofningshrepp og
mörg önnur opinber störf hlóðust
á hann. Allt var rækt af alúð og
skyldurækni. Bátasmíði lærði
hann hjá Rögnvaldi Lárussyni
og stundaði mikinn hluta ævinn-
ar ásamt bústörfum.
Björn var jafnan glaður og reif
ur, tók hverju sem að höndum
bar með geði hins hugprúða og
rólynda manns. Yfirvegaði hlut-
ina vel og vandlega og tók svo
afstöðu til málanna. Margar góð-
ar minningar á ég um Björn
og svo munu margir fleiri. Hans
er nú saknað úr fjölmennum
vinahópi. Ég sendi honum hinztu
kveðju og bið honum allrar
blessunar, konu hans og börn-
um votta ég innilega samúð.
' A. H.
Kennedys verið mjög umdeiid að
undanförnu og bandarísku blöð-
in finna henni flest til foráttu.
New York Herald Tribune sagði
dag einn í vikunni, að það myndi
vissulega verða Kennedy til
sóma, ef hann aflýsti ferðinni til
Evrópu, því að erfitt væri að
hugsa sér ótímabærari og órétt-
lætanlegri ferð en þessa fyrir-
huguðu för. í tveim landanna,
sem forsetinn heimsæki, muni
koma hans valda meiri óþægind-
um en þægindum. í Róm verð,i
sennilega engin ríkisstjórnin og í
London hitti hann fyrir
forsætisráðherra, sem svo
sannarlega hafi öðrum hnöpp-
um að hneppa en sinna slíkum
gesti. Blaðið segir ennfremur, að
jafnvel í Þýzkalandi hitti hann
fyrir hálf-óstarfhæfa ríkisstjórn,
þar sem Adenauer kanzlari láti
senn af embætti. „Það myndi að
vísu valda nokkurri ringulreið að
aflýsa ferðinni nú, segir blaðið,
— „en það væri afstaða og ákvörð
un, sem heimurinn myndi skilja
og Kennedy myndi aldrei iðra
þess“.
„New York Times“ segir, að
búast megi við því, að stjórnar-
kreppa og stjórnmálaöngþveiti
verði rikjandi í Ítalíu, þegar
Kennedy kemur þangað. Segir
blaðið, að ferðin hafi þegar verið
ótímabær, áður en til vandræð-
anna kom á Ítalíu, en hún sé
sýnu ótímabærari nú. „Hver á
að eiga stjórnmálaviðræður við
Kennedy í Róm?“ spyr blaðið og
heldur áfram: „Það er sama við
hvern stjórnmálaleiðtoganna þar
hann ræðir, hann verður annað
hvort sakaður eða grunaður um
að hafa blandað sér í innanríkis-
mál Ítalíu".
Bandarísku blöðin hafa einnig
látið sér verða tíðrætt um af-
stöðu de Gaulle til ferð-
ar Kennedys. Samkvæmt
siðvenju er komið að
Frakklandsforseta að heimsækja
Bandaríkjaforseta, því að þeir
hafa ekki hitzt frá því Kennedy
fór í opinbera heimsókn til Frakk
lands sumarið 1961. De Gaulle
hefur ekki að fyrra bragði látið
í Ijósi neinn áhuga á því að hitta
Kennedy að máli nú. Sagt er, að
Kennedy hafi látið berast til de
Gaulle, eftir diplomatískum leið-
um, að hann vilji gjarna koma
við í París, en de Gaulle hafi ekki
De Valera, forseti
talið ástæðu til þess.
Síðast en ekki sízt telja banda-
rísk blöð kynþáttavandamálin
heima fyrir í Bandaríkjunum
nægilega ástæðu fyrir Kennedy
að sitja heima. Sl. miðvikudag
lagði forsetinn fyrir þingið víð-
tækt frumvarp um bann við kyn
þáttamisrétti og búizt er við hörð
um deilum um það í þinginu,
enda hafa ýmsir þingmenn demó
krata frá Suðurríkjunum hótað
að beita málþófi til þess að
hindra afgreiðslu frumvarpsins.
Kennedy hefur jafnframt farið
þess á leit að þingið sitji áfram
þar til afgreiðslu málsins er lok
ið. Kynþáttaóeirðir hafa farið
vaxandi að undanförnu og breiðzt
út til hinna norðlægari ríkja og
enn er talið, að til tíðinda kunni
að draga. M.a. hafa leiðtogar
blökkumanna hótað mótmælaað
gerðum, ef þingmenn tefji af-
greiðslu frumvarpsins úr hófi
með málþófi.
Kennedy er sjálfur sagður
þeirrar skoðunar, að það sé
Bandaríkjunum mikill álits-
hnekkir, ef hann neyðist til þess
að aflýsa ferðinni vegna innan-
ríkisdeilna, og því muni hann
ekki láta þessa röksemd aftrá
sér. Hann mun ófús að valda
vonbrigðum í V-Þýzkalandi og ír
landi, enda sé heimsókn hans til
Berlínar afar mikilvægur þáttur
ferðarinnar. Jafnframt telur
hann, að ferð hans muni leggja
áherzlu á áhuga Bandaríkjastjórn
ar fyrir samstarfinu við þjóðir
Evrópu.
Skip til sölu
Glæsilegt 110 tonna skip til sölu. Skipið er með nýj-
um og fullkomnum tækjum og tilbúið til síldveiða.
Upplýsingar gefur: Jóhann Ragnarsson, hdl.
Vonarstræti 4, sími 19085. Heimasími 51111.
Skurðgröftur
Tilboð óskast í gröft á ca. 1 meters djúpum skurði
fyrir vatnsleiðslupípur. Vegalengd um 3800 metrar.
Jarðvegur að mestu þurrt og ógrýtt valllendi. Tilboð
skilist til oddvita Hvolshrepps, fyrir 1. júlí 1963.
Efra-Hvoli, 17. júní 1963.
PÁLL BJÖRGVINSSON.

ísTíSSÍSssssssss
ÉMMMÉ.

BOLSTRUN ASGRIMS
Dagstofusett
Stakir stólar
Svefnsófar
Svefnbekkir
Svefnstólar
Bergstaðastræti 2