Morgunblaðið - 20.07.1965, Blaðsíða 8
8
MORCUNBLADID
Þriðjudagur 20. júlí 1965
Nýtt hefti Frjálsrar
verzlunar komib út
FRJÁLS VERZLUN, 1,—3 hefti
þessa árs er nýkomið út fjöl-
breytt og vandað að efni. Rit-
stjórnargreinin nefnist Kaup og
kjör. Birt er erindi, er Björn
Tryggvason, e kirif stofustj óri,
- flutti 16. febrúar 1964, þegar fé-
lag laganema heimsótti Seðla-
bankann. Nefnist það Stutt yfir
lit um sögu, löggjöf og starfsemi
Seðlabankans. Þá er erindi eftir
Magnús Z. Sigurðsson, Þeettir úr
utanríkisviðskiptum íslands og
ræða Magnúsar Víglundssonar
við afhjúpun minnisvarða Einars
Benediktssonar 31. október sl.,
Bragarlaunin frá 1897 eru gold-
in. Samtal er við Eyjólf Konráð
Jónsson, ritstjóra er nefnist Tví
mælalaust þjóðhagslégt gildi að
olíuhreinsunarstöð og samtal við
Þórodd E. Jónsson, stórkaup-
mann. Nefnist það utanríkisverzl
unin verður að vera frjáls. Þá
er almennt rabb um sameignar-
sjóði — Mutual Funds — og
hvernig slíkir sjóðir bæta hag
almennings og grein af erlend
um vettvangi um hvernig einka
framtakið, „óvinur fólksins",
leysir nú margan vanda komm-
únistaríkjanna. — Fleira er og í
heftinu.
Hátíöleg Skálholts-
hátíð á sunnudag
SKÁLHOLTSHÁTlÐIN var hald
in sl. sunnudag, næsta sunnudag
við Þorláksmessu sumars að
venju. Var full kirkja við messu,
guðsþjónvstu, kirkjuhljómleika
og kvöldbæn, sem tóku við hvað
af öðru allan daginn. Var mjög
hátíðlegt við þessar athafnir all-
ar. Véður var ekki sem bezt
fram undir hádegi, en rættist úr
eftir það.
Skáiholtshátíðin hófst með
biskupsmessu kl. 11. Biskupinn
yfir íslandi, herra Sigurbjörn
Einarsson, predikaði og þjónaði
fyrir altari, en sr. Guðmundur
Óli Ólafsson, Skálholtsprestur
a&stoðaði. Skálholtskórinn söng
undir stjórn Guðjóns Guðjóns-
sonar, og þrír trompetleikarar
léku, þeii- Sæbjörn Jónsson, Stef-
án Stephensen og Eyjólfur Mel-
sted. Eftir hádegi voru orgeltón-
leikar, dr. Páll ísólfsson lék. Þá
flutti Jóhann S. Hannesson,
Skólameistari ræður og ávarp
flutti Magnús Viglundsson, ræðis
maður.
Kl. 5 var guðsþjónusta (ekki
messa með altarisgöngu, svo sem
um morguninn). Sr. Sigurður
Pálsson prófastur á Selfossi
predikaði og þjónaði fyrir altari.
Hátíðinni lauk með kvöldbæn kl.
9. Sr. Guðmundur óli Ólafsson
flutti kvöldbænina.
Enn ósamið við
nokkur félög
ENN ER ósamið við nokkur
verkalýðsfélög og eru þau þessi:
Samningar hafa enn ekki ver
ið gerðir við iðnaðarmenn, en í
þeirra hópi eru bifvélavirkjar,
járnsmiðir, blikksmiðir, skipa-
smiðir, múrarar, rafvirkjar og
trésmiðir, ennfremur húsgagna-
smiði og bólstrarar. Þá er ósam
ið við farmenn, en þar er um
að ræða 11 starfshópa, skipstjóra,
stýrimenn, loftskeytamenn, vél-
sjtóra, bryta, háseta, kyndara,
kokka, þernur þjóna og vika-
pilta. |
Samnngar hafa enn ekki tek-
izt við verkalýðsfélögin í Vest-
mannaeyjum, Keflavík, Sand-
gerði og Görðum og einnig er
ósamið við félögin á Félagssvæði
Vinnuveitendasambands Breiða-
fjarðar.
Thorolf Smith skrifar
bók um
THOROLF Smith fréttamáður er
um þessar mundir að skrifa bók
um Winston Churohill, sem kem
ur út hjá Setberg í haust. Thor-
olf hefur áður skrifað tvær bæk
ur um merka' stjórnmálamenn,
Bandarikjaforsetana Abraham
Lincoln og John F. Kennedy, og
komu þær út hjá sama bókafor-
lagi Arnbjörn Kristinsson, for-
stjóri Setbergs fór þess svo á
leit við hann að hann ritaði bók
um brezku kempuna, Winston
.0. Churchill. Er Thorolf nú kominn
vel á veg með að skrifa þessa
bók, sem verður svipuð að
stærð fyrri bókum hans éða um
300 lesmálssíður og prýdd mynd
um.
Mbl. hafði samband við Thor-
olf Smith í gær. Hann sagðist
hafa tekizt þetta verk á hendur,
þegar hann var beðinn um það,
þó hann vissi að það mundi
verða erfitt og kannski sér of-
viða. Nokkrir mánuðir hefðu far-
ið í að lesa sér til um efnið. Af
Churchill
óhemju miklu væri að taka, þar
sem eru fyrst og fremst öll verk
Ohurchills sjálfs og svo það sem
aðrir hafa um hann ritað. Auð-
vitað hefði hann veri'ð sæmilega
vel að sér um efnið fyrir, þar
sem hann hefði alltaf haft gaman
af sögu, en þó hefði hann orðið
að einskorða sig við þetta lestrar
efni í marga mánuði. Og hann
kváðst hafa fengið meiri mætur
á verkefninu, eftir því sem hann
vann meira að því.
Churohill var ákaflega for-
vitnilegur maður, sem átti ó-
venjulega ríkt líf. Ekki aðeins
langt, heldur líka ákaflega stór-
brotið, sagði Thorolf.
Somhomar
Fíladelfía
Almennur Biblíulestur
í kvöld kl. 8.30.
Verið að dæla úr framhluta skipsins er hann var tekinn til
björgun ar í vor.
- SUSANNE
Framhald af bls. 24.
skipsins, sem nú er í eigu fyr-
irtækisins í upphafi röktum
við í stórum dráttum sögu
þessarar björgunar.
— Við byrjuðum að vinna
að björgun skipsins hinn 18.
des. sL, sagði Kristinn, — á
vegum vátryggjenda þess. En
vegna ósamkomulags við skip
stjóra og skipshöfn var lítið
hægt að gera, sökum þess að
okkur var meinaður aðgangur
að skipinu og samvinna við
skipverja var næsta lítil og
full óvildar af þeirra hálfu.
Svo stóðu málin fram til 25.
jan. er skipstjóri og skipshöfn
yfirgáfu skipið. Þá var það
boðið til kaups og gerðu eng-
ir aðrir tilboð í það en við.
Samkomulag varð síðan um
að við fengum það fyrir fyrr-
greinda mánaðarvinnu og
vélaleigu, er um var að ræða
er skipverjar reyndu sjálfir
að ná skipinu á flot.
— Er samningar höfðu tek-
izt um eignarrétt á skipinu
við tryggjendur, sagði Krist-
inn ennfremur, — hófum við
tilraunir til björgunar skips-
ins. í fyrstu vár aðeins ætlað
að bjarga því sem bjargað
yrði úr flakinu, en þá skaut
upp þeirri hugmynd að reyna
að gera þá björgunartilraun,
sem nú hefir verið fram-
kvæmd og ná skipinu til hafn-
ar, styttu um þann hluta, sem
verst hafði farið út úr högg-
orrustunni við skerið Kotflúð,
bæði við strand og björgunar-
tilraunir.
— Fyrst í vetur var aftur-
hluta skipsins bjargað, en vél
arrúm var með sjóþéttu skil-
rúmi. Var hann dreginn upp
að bryggju á Raufarhöfn og
geymdur þar í vetur. Síðan
var unnið að því að ná fram-
hluta skipsins af flúðinni og
tókst það á 2. dag hvítasunnu
í vor. Hafði þá verið komið
fyrir sjóþéttu skilrúmi fyrir
framan afturlest og sjó náð úr
framskipinu og það því svo
létt að hægt var að. draga það
af flúðinni.
—■ Næsta verkefni, segir
Kristinn, var að snyrta til
báða hluta skipsins, en það
hafði hlotið þverbresti um
miðju nærfellt Z-laga og voru
skemmdirnar á skrokk þess
frá því um borðstokk stjórn-
borðsmegin við afturhluta aft
urlestar og fram um miðja
lest bakborðsmegin. Var sú
skepimd logskorin burtu og
síðan hafizt handa um að
tengja skipið saman á ný. Var
þverskurðurinn að aftan gerð
ur framan við neyzluvatns-
tanka, sem eru undir tanka-
dekki framan vélarrúms og
við fremri skil ballesttank-
anna aftast undir aftari lest.
Þegar 4itið er yfir þilfar skips
ins framan við brú er eins og
aftari lest hafi verið minnk-
uð um helming.
— Hlutverk kafarans, Krist
bjarnar Þórarinssonar, var
geysi mikilvægt í þessu starfi
öllu og hefði ekki verið unn-
ið nema fyrir einstakt þrek
hans. Hann var að vinna verk
sitt í mjög köldum sjó, nánast
við frostmark, langtímum
saman, þar sem hafísinn var
skammt undan og þegar hægt
var að hefja bræðslu á Rauf-
arhöfn varð sjórinn svo grugg
ugur að ógerningur var að sjá
nokkuð til verka, en þreifa
þurfti að mestu fyrir sér.
Kristbjörn hafði meðferðis á-
gætis tæki til síns starfa, þar
sem voru logsuðutæki, er
vinna má með neðansjávar.
Þau eru þannig búin að með
loftþrýstingi er haldið rými
fyrir skurðlogann og eftir að
svæði það er skera á, hefir
verið hreinsað er hægt að
vinna verkið sem á landi væri.
Hitt var þrautin þyngri að
skurðurinn varð að fara fram
mikið niðri í ballesttönkum
skipsins ,en þar er aðeins 80
cm. bil milli dekks og botns
og þar varð Kristbjörn að
skera sig niður gegnum dekk-
ið til að geta unnið að sundur
skurðinum á skilrúmum og
leiðslum, sem eru í tönkunum.
— Er öllum þessum snyrt-
ingum var lokið hófst sam-
skeyting skipshlutanna og
voru síðan soðnar saman 2 Vz
m. niður hvorú megin, styrkt-
arbitar settir milli burðar-
banda og styrktarband sett i
lest, en samskeytin að öðru
leyti opin undir yfirborði sjáv
ar. Þannig var sjór í aftur-
lestinni alla leið að norðan og
verður þar til er skipið hefir
verið tekið í slipp.
— Susanne Reith er byggð
1958 og er í yfirklassa að
styrkleika til. Það var því eft-
ir nokkru að slægjast þar sem
úm björgun þessa skips var
að ræða. Fyrirkugað er nú að
taka skipið hér í slipp og rann
saka það og munu þar til
koma erlendir sérfræðingar.
Síðan á að sigla skipinu *út
eftir aukastyrkingu og leka-
viðgerð hér en í erlendri
skipasmíðastöð verður það
gert upp í sinni upphaflegu
mynd, sagði Kristinn.
Að síðustu sagði forstjóri
Björgunar h.f. um þessa sér-
stæðu og skemmtilegu björg-
un:
— Þetta er búið að vera
mikið streð fyrir * mannskap-
inn, sem að þessu hefir unn-
ið og nánast þrekraun. Þetta
verk hefði ekki verið fram-
kvÆmanlegt, ef við hefðum
ekki haft jafn góðu liði á að
skipa. Við vorum lengst af
11 að störfum við björgunina.
Við erum ánægðir eftir að
þessu lauk farsællega, sagói
Kristinn að lokum.
■
pisi*
: ^ A
' '
ðusanne Reith þar sem hún liggur sundurskorin í Raufarhaf narhöfn síðastliðinn vetur.