Morgunblaðið - 04.10.1967, Page 5

MORGUNBLAÐIÐ, MIÐVIKUDAGUR 4. OKT. 1&67
5
Regina Maris.
Suður um ðiöfin
ÉG heiti Gunnar Snjólfsson og
er Hornfirðingur. Heima í
mínu byggðarlagi er ég ekki tal-
inn neinn stórkarl, en þar sem
ég stend nú er ég þó ennþá
minni. Það er laugardagur 23.
sept. 1967 kl. 22, ég er staddur
um borð í Reginu Maris, þar
sem er svo mikil bxeiða af fólki
að það minnir á fjársafn í rétt
og ég þekki auðvitað engan
mann. Ég er settur í biðröð til
þess að afhenda passa og far-
seðil. Fyrir um það bil 10 mán-
uðum hefur mér verið úthlut-
aður klefi no. 83 á A-dekki. Þor
bergur Þórðarson fór niður á
Baltiku sinni en ég fer upp á
Reginu minni. Þarna virðist
svo samkvæmt umsögn hinnar
helgu bókar, að ennþá sé ég að
minnka, en Þorbergur hefur
hlotið hið betra hlutskipti. Hvað
um það, nú er ég kominn til
klefa míns, ég þarf mörgu að
kynnast. Ég athuga alla skápa,
sem eru þó nokkrir, í fataskáp
eru 7 hérðatré, sem ætti að
duga, auk þess bjargbelti. Aðal-
hrekkjalómurinn við fyrstu
kynningu er stór spegill, sem
nær fré lofti til gólfs og varast
ekki þó ég geri ekki annað en {
hreyfa fót í rúmi þá er alltaf
einhver annar að þessu lika. í
snyrtiklefa mínum gekk mér
verst að finna ístungur fyrir
rakvélina, en hún var þá í sjálfu
ljósinu að segja má. Þar eru
auk allra annara þæginda 4
handklæði, það passar og er
rétta talan samkvæmt gildandi
venju. í klefa mínum er auk
margra þæginda skrifborð með
fjórum skúffum og svo náttúr-
lega stoppaður stóll. Eftiir að
hafa lokið rannsókn á klefa mín-
um er farið að ganga um skipið
og venja sig við að rata um
það. Þá er fólki ennþá skipað
í biðröð en nú er það til að fá
borðnúmer sín. Ég hlýt no. 5 og
við það eru 4 aðrir. Við kynn-
um hvert annað við fyrstu mál-
tíðina, sem er kl. 12 á miðnætti
og borðfélagar mínir eru þeir
Eyjólfur Eyfells og frú, ungur
maður af Stokkseyri, bílstjóri,
og eldri maður úr Reykjavík.
Hann hafði unnið séir það til
ágætis að vera í brúðkaups-
veizlu um daginn og þar hafði
hann drukkið eitt staup af
Kampavíni og þótti vont, hefði
heidur vilja eitt staup af mysu.
Að lokinni máltíð geng ég til
hvílu og sofna, þrátt fyrir all-
mikla hreyfingu á skipinu.
Það er komrnn sunnudagur
24. sept., loft þungbúið og rign-
ing af og til, allmikill sjór fram-
an af degi, en' fer heldur minnk-
andi síðari hluta dags. Nokkuð
mun vera um sjóveiki, einkan-
lega hjá þeim, sem búa framar-
lega í skipinu. Eg fer á fætur
á mínum venjulega tíma og
mæti til morgunverðar. Þar er
þá fremur fátt fólk. Miðdegis-
verður er kl. 12,30 og það vant-
ar þó nokkuð af fólki. Allar mál
tiðir eru hér 6 réttir og tekur
það alllangan tíma að sitja til
borðs, áætlað 5 klst. á dag.
Stærsti rétturinn í dag var
steiktur koli, eða eins og Horn-
firðingar kölluðu hann lúra úr
Hornafjarðarál. Var þetta svo
vænn koli að hann var líkur
þeim, sem veiddust í gamla daga
en ekki nú. Mikið annríki er
hér þennan fyrsta dag.
Kl. 3 var farþegum sýnt skip-
ið, og kynntar fyrir þeim ýmsar
begðunarreglur. Kl. 4.30 fóru
fram peningaskipti á skrifstof-
anni. Kl. 5 þurftu allir að mæta
til björgunaræfinga,' hver á sín-
um stað í skipinu, það er á báta-
dekki að aftan og svo aðrir fram
á skipinu. Menn voru uppblásn-
ir með sín brúnu björgunarbelti.
Hijómsveit skipsins leikur hér í
kaffitíma og við máltíðir og það
er ljúf og mild tónlist, en ekkert
bítlagarg þar sem hver reynir
að æpa hæst. Um kl. 6 í dag
vorum við að sjá í beinni af-
stöðu vestan af Færeyjum. AJ
því ég minntist á Færeyjar þá
má geta þess, að í ferðamanna-
hópnum eru meðal annars 5 Fær
eyingar, 4 búsettir í Færeyjum.
Annars virðist mér einna mest
bera á svona það sem í daglegu
tali er nefnt almúgafólk, bæði
þeim, sem vinna hörðum hönd-
um og svo annars konar starfs-
fólks. í kvöld er dansleikur í
grillinu, þar skemmta írski
þjóðlagakvartettinn og „The'
Dragoons".
26. sept. Ennþá siglt í suður,!
loft er þungbúið og vindur um
7 vindstig, sjór allmikill og
göngulag þeirra, sem á ferli eru,
er eikki til fyrirmyndar. Sólskin
hefur verið síðari hluta dags, og
væntanlega sést land um 6 leyt-
ið í kvöld, sjórinn er að sléttast.
Það hefur verið skrifað um
það í blöð að Íslendingar þyrftu
að láta smíða nýtt farþega- og
skemmtiferðaskip. Því reyna
þeir ekki að fara þess á leit við
Þjóðverja að þeir láti þeim eftir
bátinn, .þ e. Regina, á þeim for-
sendum að þeir skuldi þetta og
miklu meira fyrir þau skip og
það manntjón, sem þeir voru
valdir að í stríðinu. Ekki báðu
íslendingar Þjóðverja að fara í
stríð, annars er engan veginn
víst að skipið bæri sig hjá okkur
og því líklega bezt að lofa Þjóð-
verjum að eiga það. Nýjustu
fréttir frá Kýrauganu í morg-
un: Regina er stödd um 300 km.
VNV af Suðurey .50 manns
mættu til morgunverðar í gær
og 120 til hádegisverðar. Þjón-
ustulið var í 7. bimni yfir létt-
um vinnuskilyrðum.
Kl. 5 síðdegis: Sjór orðinn alveg
siéttur og fólki mjög fjölgað £
sölum skipsins. frla'ndskynning
hefur staðið yfir með stjórn-
borðsfólki og er að hefjast með
bakborðsmönnum.
Kl. 8 í kvöld er boðið til há-
tíðakvöldveiðar, danskynning.
Fólk er beðið að vera sam-
kvæmisklætt.
Við erum orðnir vinir, stóri
spegillinn og ég. Konan mín
hefur sagt að eg gleymi alltaf
að greiða mér í hnakkann, en
stóri minnir mig á að sleppa
því ekki.
Hátíðarkvöldið hófst með
kokteilboði hjá skipstjóra, var
það sérstaklega tilkomumikið
meðal annars má nefna að hann
heilsaði hverjum manni með
handabandi. Allt hátíðarkvöldið
hefur farið óskaplega vel fram
og allir skemmt sér ágætlega.
The Dragoon gerði mjög mikla
lukku.
Hef þetta ekki meira að sinni,
og ef til vill hefði það ekki átt
að vera neitt.
Gunnar Snjólfsson.
Bofsýn hi.
Njálsgötu 22 - Sími 21766
4* \ — -
A\\
W •w? w -w w w 'w ‘m? • w
sukurlaust
Ideai - c^íaitdatd
HREINLÆTISTÆKi
ÞEGAR VELJA Á TÆKIN I BAÐ tTERBERGIÐ ER MJÖG ÁRÍÐ-
ANDI AÐ ÞAU SÉU VÖNDUÐ .
ER HEIMSÞEKKT MERKI OG TRYGG-
ING FYRIR GÓÐRI VÖRU.
AMERÍSK, ENSK, FRÖNSK, ÞÝZK OG
BELGISK HREINLÆTISTÆKI í MIKLU
ÚRVALI.
BAÐSETT í MÖRCUM LITUM
J. Þorláksson &
Norðmann hf.
Bankastræti 11 — Skúlagötu 30.