Morgunblaðið - 06.11.1968, Blaðsíða 26

26
MORGUN'BLAÐIÐ, MIÐVIKUDAGUR 6. NÖVEMBER 1968
Innanhússknattspyrna
í Laugardalshöllinni —
— Hljómar leika gegn Lúðrasveitinni
A MORGUN efnir knattspyrnu-
deild Víkings til knattspyrnu-
móts innanhúss í Laugardalshöll
inni. Mót þetta er liður í afmæl-
ishátíðarhöldum þeim er Víking-
ur hefur efnt til í tiíefni af 60
ára afmæli félagsins, sem var sl.
vor. í mótinu taka þátt öli
Reykj avíkurfélögin og lið frá
Akranesi og Keflavík. Keppnin
verður útsláttarkeppni og gilda
sömu reglur og gilt hafa í þeim
mótum sem haldin hafa verið
'hér. :Það lið sem vinnur fær fork
unarfagran bikar, sem Söebec.hs-
verzlun hefur gefið og fær það
lið bikarinn til eignar.
Auk leikanna fer fram leikur
milli Lúðrasveitar Reykjavíkur
undir stjórn Páls P. Pálssonar
og Hljóma undir stjórn Gunnars
Þórðarsonar. Verður eflaust
spennandi að sjá þessar kempur
leika knattspyrnu og verður
gaman að sjá hvort þeir leiki
hana eins vel og þeir }|3ika á
Jiljóðfæri. Búast má við að Páll
P. Pálsson hafi þó nokkra yfir-
burði yfir aðra í þessum leik,
þar sem hann hefur eflaust lært
mikið af þeim leikjum sem hann
hefur verið áhorfandi að í nokk-
ur undanfarin ár, en eins og flest
um mun kunnugt, hefur hann
stjórnað hljómsveitinni þegar
hún hefur leikið fyrir áhorfend-
Vetrorstorf
Bridgefélogs
Hofnorfjarðar
VETRARSTARP Bridgefélags
Hafnarfjarðar er hafið fyrir
nokkru. Tvímenningskeppni er
nýlokið og sigraði sveit Guðna
Þorsteinssonar og Kristófers Magn
ússonar með 624 stig, önnur varð
sveit Þorsteins Þorsteinssonar og
Einars Árnasonar með 611 stig
og þriðja sveit Árna Þorvalds-
sonar og Sævars Magnúrsonar
með 609 stig.
Þá er nýlokið keppni í rúbertu
bridge og sigruðu þeir Böðvar
Guðmundsson og Gísli Stefáns-
son.
Sveitakeppni hefst svo í Al-
þýðuhúsinu í kvöld kl. 8.
Stjórn Bridgefélags Hafnar-
fjarðar skipa nú Ágúst Helgason
formaður, Sævar Magnússon rit-
ari, Ólafur Guðmundeson gjald-
keri og meðstjórnendur Hörður
Þórarinsson og Halldór Bjarna-
soru
Borðtennis í
Laugardals-
höllinni
Í.B.R. hefur nú ákveðið að koma
upp aðstöðu til æfinga og keppni
í borðtennis í Laugardalshöll-
inni. Hafa verið sett upp skilrúm
í fatageymslunni niðri og þar
komið fyrir 10 borðtennisborð-
um, sem f.B.R. hefur keypt. Ætl-
unin er að gefa bæði féliögum
og einstaklingum kost á æfing-
um þarna, og einnig mun standa
tií að halda mót í íþróttagrein-
inni innan tíðar. Margir hafa æft
borðtennis hérlendis undanfarin
ár, en við fremur slæm skilyrði.
Verður því aðstaðan í Laugar-
dalshöllinni afar kærkomin þeim
sem íþróttina stunda.
ur í hléum á Laugardalsvellin-
um.
Á blaðamannafundi, sem
stjórn knattspyruudeildar Vík-
ings hélt í gær, var dregið um
hvaða lið myndu leika saman í
fyrstu umfreð og fer það hér á
eftir:
Keflavík—Akranes
Valur—Fram
Víkngur b—KR
Víkingur a—Þróttur
Strax að lokinni fyrstu
ferð fer fram leikur
Hljóma og Lúðrasveitarinnar.
Því næst verða undanúrslit og
áður en sjálfur úrslitaleikurinn
hefst, munu Hljómar leika og
syngja vinsæl pop-lög.
Aðgöngumiðaverð verður kr.
75.00 fyrir fullorðna og kr. 26.00
fyrir börn, og eins og áður sagði
hefst mótið kl. 20.00.
Reykjavíkurmeistarar Vals í kvennaflokki ásamt þjálfara sinum Þórami Eyþórssyni.
Pressuliðið nýtti illa góð tækifæri
— Jafntefli við landsliðið 14:14 i daufum leik
ÚRVALSLIÐ landsliðsnefndar í
handknattleik mátti í gær bita
í það súra epli enn einu sinni að
ganga af velli án sigurs á pressu-
liðinu. Jafntefli varð í leiknum
14:14 ag var það eftir atvikum
ósanngjöm úrslit. Pressuliðið
átti heldur meira í leiknum, og
voru afar óheppnir í skotum sín-
um, sem bezt má marka af því
að það átti hvorki fleiri né færri
en 10 stangarskot og þrjú hrað-
upphlaup og opin tækiíæri fóru
forgörðum. Það er sjálfsagt hægrt
að færa fram sem skýringu á
slakri frammistöðu landsliðsins
að það lék án þriggja leikmanna
er í það höfðu verið valdir,
þeirra Geirs og Arnar Hallsteins-
sonar og Sigurðar Einarssonar.
Nauðsynlegt væri að efna til ann
ars pressuleiks með þátttöku
þessara manna og sjá hver út-
koman yrði úr honum. Heil vika
er til stefnu, og ekki veitir
landsliðinu af samæfingu hvort
sem er.
GHUR VARNARLEIKUR
Landsliðið lék nokkuð góðan
varnarleik í fyrri hálfleik, en þá
skoruðu pressuliðemenn aðeins
fjögur mörk, þar af eitt úr víta-
kasti. Guðjón og Stefán skoruðu
fyrstu mörkin, en landsliðið
komst ekki á blað fyrr en 11
mínútur voru af leik en þá skor-
aði Ingólfur með glæsilegu skoti.
Upp úr miðjum hálfleiknum
tófcst því svo að jafna og komast
tvö mörk yfir 4:6 fyrir lok hálf-
leiksins. Munaði þar mest 'um
einstaklingsframtak Jóns Hjalta
lín en það þarf aldrei að sökum
að spyrja þegar hann nær að
skjóta.
FJÖRMEIRI SÍÐARI
HÁLFLEIKUR
Síðari hálfleikur var mun fjör-
legra leikinn, þótt sjaldan væri
hægt að hrópa húrra fyrir góð-
um handknattleik. Gekk á ýmsu,
en yfirleitt höfðu landsliðsmenn
eitt til tvö mörk yfir. Sem fyrr
var það Jón Hjaltalín sem
drýgstur var að skora. Nokkrum
mínútum fyrir leikslok var stað-
an 13:13 en þá átti Jón eitt af
sínum föstu og snöggu hopp-
skorum og færði landsliðinu for-
skot. Skömmu síðar jafnaði svo
Þórður fyrir pressuliðið 14:14.
Lokamínúturnar voru mjög
spennandi og áttu þá bæði liðin
ágæt tækifæri sem fóru forgörð-
LIÐIN
Landsliðið var heldur ósann-
færandi og víst er að betur má
ef duga skal í komandi lands-
leikjum. Vörnin var betri hluti
liðsins, en línumannaúrvalið nýtt
ist heldur illa, — og umfram allt
var ekki góður baráttuandi í lið-
inu. Pressuleikurinn setur lands-
liðsnefnd vafalaust í mikinn
vanda þegar þeir ganga endan-
lega frá vali landsliðsins. Bezti
maður liðsins var Jón Hjaltalin,
nái hann að skjóta á sama hátt
og í leiknum í gær, ræður enginn
Samtök sundþjálfara
EFTIR Unglingameiistaramót ís-
lands 15. septemlber sl., gekkst
Sundsamband Rlands fyrir fundi
sundþjálfara. Á fundinum var
ákveðin stofnun samtaka sund-
þjálfara.
Kosin var undirbúningsinefnd
til þess að ganga frá formlegri
stofnun þessara samtaka, sem
ákveðin er eftir Sundmeistara-
mót íslands 1969.
Markmið þessara samtaka er
að efla þekkingu og hæfni félags
manna og gera þeim fært að til-
einka sér nýjungar á sviði sund-
þjálfumar.
Hyggjast samtökin vinna að
þessu með útgáfu fréttaíbréfa,
fundahöldum og upplýsingum
um bækur, tímarit og kvikmynd
ir sem fáanlegar eru á hverjum
tíma.
Ákveðið hefur verið að hefja
útgáfu fréttabréfa nú strax í
vetur.
Þeir sem hafa hug á þátttöku
í samtökum þessum hafi sam-
band við Erling Þ. Jóhannsson,
co. Sundlaug Vesturbæjar,
Reykjavík, sími 15004 eða Guð-
mund Harðarson, Nýlendugötu
29, Reykjavík, fyrir lö. nóvem-
ber nk.
markvörður við þau skot. Auk
þess var Jón góður í vörninni.
Þá átti Ingólfur allsæmilegan
leik, svo og Auðunn Óskarsson
sem er orðinn mjög sterkur
varnarleikmaður og glúrinn línu-
maður.
Hjalti Einarsson var beztur
pressuliðsmanna. Varði hann oft
stórkostlega og má mikið vera
ef landsliðsnefnd telur sig geta
verið án hans í landsleikunum.
Þá átti Gunnlaugur Hjálmarsson
einnig ágætan leik, sennilega
sinn bezta um nokkurn tíma.
Aðrir sem nefna mætti til eru
Þórður Sigurðsson og Stefán
Jónsson.
Mörkin skoruðu: Landsliðið:
Jón Hjaltalín 8, Ingólfur Óskars-
son 2, Gísli Blöndal, Ólafur
Jónsson, Ásgeir Elíasson 1, Sig-
urbergur Sigsteinsson 1. Pressu-
liðið: Gunnlaugur 4, Guðjón
Jónsson 2, Stefán Jónsson 2,
Brynleifur Markússon 2, Vil-
hjálmur Sigurgeirsson 1, Þórar-
inn Ólafsson 1, Sigurður Óskars-
son 1, Þórður Sigurðsson 1.
— stjl.
ATHUGASEMD VK)
GREIN GUDMUNDAR
GUNNLAUGUR Hjálmarsson
bað Mbl. að birta eftirfarandi
athugasemd við grein Guðmund-
ar Hermannssonar í blaðinu í
fyrradag:
í ágætri grein sem Guðmund-
ur Hermannsson ritar í blað yð-
ar 5. nóv. sl. um Olympíuleik-
ana í Mexíkó og þátttöku íslend-
inga í þeim, vitnar hann sérstak-
lega í ummæli sem eftir mér
voru höfð, er ég var inntur eftir
áliti um þátttöku íslendinga í
nýliðnum Olympíuleikum. Svar
mitt var þetta: „Já, endilega, sér-
staklega þá sem ekki ná lág-
marksárangri".
Að sjálfsögðu þykir mér afar
leiðiníegt ef þessi ummæli mín
hafa sært tilfinningar Guðmund-
ar Hermannssonar, en eigi að
síður er ég sama isinnis.
Fyrir Olympíuleikana setti Ol-
ympíunefnd íslands ákveðin lág-
marksafrek, sem íþróttafólk
þurfti að ná til þess að hafa
möguleika á að verða sent til
Mexíkó, en þótt þessum „afrek-
um“ væri náð, var ekki þar með
sagt, að þátttaka væri tryggð.
Eins og öllum er kunnugt náðu
ekki allir íslenzku Olympíufar-
arnir þessum lágmörkum, en það
skipti ekki máli, þeir voru eigi
að »íður sendir með þeim
árangri sem alþjóð er kunnugt
og Guðmundur Hermannsson er
svo ánægður með.
Er þó komið að einu aðat-
atriði þessa máls — til hvers að
setja kröfur um lágmarksafrek,
en hunza þær síðan?
Jafnvel Guðmundur Hermanns-
son, sem þó náði lágmarksafreki,
var á báðum áttum með þátt-
töku sína — hvers vegna?
Að sjálfeögðu var ég þess full-
viss fyrir leikana, að sigurmögu-
leikar islenzku þátttakendanna
voru engir og gerði ekki kröfur
til þess; árangur þeirra varð
hvorki lakari né betri en ég
bjóst við, og einmitt þess vegna
var ég eindregið á móti því að
senda svo stóran flokk.
Hafi þurft að verðlauna ein-
hverja fyrir fágæt ,,afrek“ þá
var því lokið, því nokkrir af
þeim sem til Mexíkó fóru tóku
nú þátt í sínum þriðju Olympíu-
leikum.
Eins og glöggtega kemur fram
í grein Guðmundar höfum við
dregizt aftur úr hvað við kemur
tækni og þjálfun, og hefði verið
nær að eyða einhverju af þeirri
fúlgu, sem nú var sóað, til þess
að mennta og styrkja þjálfara
til náms og leggja þannig grund-
völl að betri árangri á komandi
leikjum.
En meðan sjálfsumglaðir
íþrótíamenn og leiðtogar varða
veg getuleysisins undir kjör-
orðinu að vera með án árangurs,
þá yrði mér ekki brugðið þótt
sami fslendingurinn tæki þáit í
sínum fjórðu Olympíuleikum, og
þá í skylmingum.
Gunnl. Hjálmarsson.