Morgunblaðið - 04.12.1973, Blaðsíða 3

MORGUNBLAÐIÐ. ÞRIÐJUDAGUR 4. DESEMBER 1973
3
Týndi buddu
LlTIL budda (lokuS með streng)
týndist á laugardagskvöld ein-
hvers staðar á Ægissfðunni eða á
leið að Ásvallagötu. I buddunni
voru rúmlega 6000 krónur í pen-
ingum, Iyklar og nafnskírteini
eigandans, Juan Parramon. Þetta
er mjög tilfinnanlegt tap fvrir
eigandann, sem er gestkomandi
hér á landi, og fundarlaunum er
heitið þeim, sem skilar buddunni
til lögreglunnar.
Þrautgóðir
á raunastund
í athugasemd frá Örlygi Hálf-
dánarsyni, sem birtist í blaðinu sl.
sunnudag, féll niður undirftrir
sögn, en eins og sjá má á niðurlag-
inu fjallar athugasemdin um það,
að bókaflokkurinn Þrautgóðir á
raunastund haldi áfram að koma
út hjá forlaginu Erni og Örlygi.
SÓLBLÓMA
ný tegund smjörlíkis með
fjölómettaða feitisýru
A FUNDI forráðamanna
Smjörlfkis H/F með frétta-
mönnum í fyrradag var kynnt
ný tegund smjörlfkis,sem verk-
smiðjan er að senda frá sér
þessa dagana. Er það kallað
Sólblóma-smjörlfki og er að
verulegu leyti frábrugðið öllu
öðru feitmeti, sem hingað til
hefur verið notað hérlendis á
brauð og kex. Sólblóma er eina
feitmetið af þessu tagi, sem
inniheldur mjög mikið magn af
fjölómettaðri feitisýru. Þá er
það jafnframt nýjung að
Sólblóma inniheldur E-vítamín
í rfkum mæli, eða 300 alþjóða-
einingar í hverjum 100
grömmum.
Fjölómettaða feitisýran í Sól-
blóma er Linolíusýra. Hún fæst
úr sólblómaolíu, sem er uppi-
staðan í þessari nýju smjörlíkis-
tegund. Linolíusýran er ein af
fáum lífsnauðsynlegum fitu-
Sýrum. Rannsóknir á hjarta-
sjúkdómum benda til, að fólki
sé ráðlegra að auka neyzlu sina á
fæðutegundum, sem innihalda
fjölómettaðar feitisýrur og
draga um leið úr neyzlu
mettaðra fituefna.
Um þetta segir m.a. í blaðinu
Hjartavernd 2. tölublaði 1972:
„Fæða, sem inniheldur mikið
af mettuðum fitusýrum hækkar
cholesterol manna. Neyzla
ómettaðra fitusýra hefur gagn-
stæð áhrif. Það er einkenni
fæðu í löndum með háa tíðni
hjarta- og æðasjúkdóma, að hún
er fiturík og inniheldur mikið
magn af mettuðum fitusýrum
og tiltölulega lítið magn af
ómettuðum fitusýrum.“ Að
sögn forráðamanna Smjörlíkis
H/F er meðSólblóma-smjörlíki
leitast við að koma til móts við
ábendingar og óskir fólks um
feitmeti á brauð og.smjör, sem
er auðugt að fjölómettuðum
feitisýrum.
Sólblóma er eingöngu selt í
250 gr. öskjum og kostar hver
askja 42 kr. og er um helmingi
ódýrari en smjör. Það á að
geymast I kæli og hefur þann
eiginleika að það harðnar
aldrei í kæli eðaísskáp.
Hólmfrlður Sveinbjörnsdóttír, starfsstúlka Smjörlfkis H/F, við
framleiðslu Sólblóma.
Ríkisstjórnin hefur engar hug-
myndir um hvernig á að leysa
vinnuaflsskort sjávarútvegsins
GUNNAR Thoroddsen, formaður
þingflokks S jálfstæðisf lokksins,
kvaddi sér hljóðs utan dagskrár á
fundi neðri deildar Alþingis f
gær og gerði að umræðuefni
ályktanir aðalfundar Landssam-
bands íslenzkra útvegsmanna,
þar sem þungum áhyggjum er
lýst vegna fyrirsjáanlegs vinnu-
aflsskorts á fiskiskipum og í fisk-
vinnslustöðvum á komandi vetr-
arvertfð. Beindi þingmaðurinn
þeirri spurningu til forsætisráð-
herra, hvort ríkisstjórnin hefði
nokkrar ráðstafanir f huga vegna
þessa alvarlega ástands, sem
framundan væri. I svarræðu for-
sætisráðhcrra kom fram, að ríkis-
stjórnin hefur ekki neinar tillög-
ur fram að færa til lausnar þess-
um vanda, en henni hefði þó ver-
ið ljóst, „að hér gæti verið vandi á
höndum“, eins og ráðherrann
komst að orði. Myndu ályktanir
aðalfundar L.I.U. koma til skoð-
unar f rfkisstjórninni von bráðar.
Gunnar Thoroddsen gat þess, að
aðalfundurinn hefði bent á 4 úr-
ræði til að leysa þann vanda, sem
fyrirsjáanlegur vinnuaflsskortur
væri: 1. Sjómönnum og fiskiðn-
verkafólki verði veitt sérstök ríf-
leg skattfriðindi og hætt verði
þeirri ofsköttun, sem nú tfðkast á
tekjur, þessa fólks. 2. Skólastjór-
um framhaldsskóla verði gefin
fyrirmæli um að haga kennslu-
tíma í skólum sinum þannig, að
hægt verði að veita einstökum
bekkjardeildum frí frá kennslu,
þegar tímabundin mannaf laskort-
ur væri. 3. Rfkissjóður og sveitar-
sjóðir dragi stórlega úr fram-
kvæmdum sínum frá áramótum
til vertfðarloka. 4. Athugaðir
verði möguleikar á að flytja inn
erlent vinnuaf 1 fyrir sjávarútveg-
inn.
Þá benti Gunnar einnig á, að
fram hefði komið í ræðu for-
manns L.Í.U., að stjórnvöld virt-
vinstri: Aslaug Ragnars, Ólöf Benediktsdóttir, Margrét Einarsdóttir,
Jórunn Isleifsdóttir, Guðrún Bjarnadóttir, Sigríður Asgeirsdóttir,
Ragnheiður Eggertsdóttir og Jóhanna J. Thors. A myndina vantar
Elfnu Pálinadóttur.
Aðalfundur Hvatar
ust ekki hafa vilja né skilning til
að taka á því vandamáli, sem
þarna steðjaði að sjávarútvegin-
um. Sagði þingmaðurinn, að það
væri frumskylda hverrar ríkis-
stjórnar, að halda jafnvægi í at-
vinnumálunum, þannig að dregið
væri úr opinberum framkvæmd-
um, þegar spennuástand væri og
þá frekar safnað saman til að nýta
vinnuafl og fjármagn á tímum
samdráttar. Þetta hlutverk sitt
hefði þessi ríkisstjórn gjörsam-
lega vanrækt.
Ólafur Jóhannesson forsætis-
ráðherra sagði, að ályktanir aðal-
fundarins væru svo nýjar, að
ríkisstjórnin hefði ekki fjaílað
um þær ennþá. Þær yrðu teknar
til ítarlegrar athugunar.
Þó að ríkisstjórnin hefði ekki
neinar tillögur fram að færa að
svo komnu máli, hefði henni lengi
verið ljóst, að hér gæti verið
vandi á höndum. Sagði ráðherr-
ann, að nefnd hefði verið skipuð
fyrir mánuði fulltrúum frá sjáv-
arútvegsráðuneyti, Fiskifélag-
inu og L.Í.U. til að kanna hver
vinnuaflsskorturinn yrði á vetrar-
vertíð í vetur.
Gunnar Thoroddsen sagði það
hafa komið skýrt fram, að ríkis-
stjórnin hefði engar ráðagerðir á
prjónunum. Ekki væri nóg að
kanna vinnuaflsskortinn, heldur
þyrfti að gera raunhæfar ráðstaf-
anir til að mæta þessum vanda.
Og þær ráðstafanir hefði átt að
vera búið að gera fyrir löngu. í
stað þess hefði rikisstjórnin gjör-
samlega látið reka á reiðanum og
raunar þverbrotið öll lögmál efna-
hagsmálanna.
Einnig tóku til máls Lúðvík
Jósepsson sjávarútvegsráðherra,
Guðlaugur Gfslason og Bjarni
Guðnason.
ÞANN 21. nóvember s.l. var hald-
inn aðalfundur Hvatar, félags
sjálfstæðiskvenna, í kaffiteríunni
í Glæsibæ.
I skýrslu formanns, Ólafar
Benediktsdóttur, kom fram, að nú
eru félagskonur á nfunda hundr-
að, en talsvert hefur fjölgað í
félaginu að undanförnu, og gengu
til dæmis 85 konur f félagið á
síðasta starfsári.
Á árinu voru haldnir átta al-
mennir fundir, en auk þess tveir
trúnaðarráðsfundir og tuttugu
stjórnarfundir.
í sumar var tekin upp sú ný-
breytni í starfsemi félagsins, að
efnt var til hópferðar til Kaup-
mannahafnar. Ferðaskrifstofan
Útsýn sá um fyrirgreiðslu vegna
ferðarinnar, en fararstjóri var
Áslaug Ragnars, varaformaður
Hvatar. Þátttakendur voru um 90
talsins, og tókst ferðin með ágæt-
um.
Á fundinum lagði gjaldkeri
félagsins, Sigrfður Ásgeirsdóttir,
fram reikninga félagsins, og kom
fram, að fjárhagur félagsins er
góður, en nýlega var afhent 100
þús. kr. framlag i byggingarsjóð
hins nýja Sjálfstæðishúss.
Að lokum venjulegum aðal-
fundarstörfum fór fram stjórnar-
kjör, og var Ólöf Benediktsdóttir
éndurkjörinn formaður félagsins.
Aðrar í stjórn eru: Áslaug
Ragnars varaformaður, Sigriður
Ásgeirsdóttir, gjaldkeri og
Margrét Einarsdóttir, ritari, en
meðstjórnendur eru: Guðrún
Bjarnadóttir, Elín Pálmadóttir,
Jóhanna J. Thors, Jórunn Isleifs-
dóttir og Ragnheiður Eggerts-
dóttir.
Góðar sölur
en fá skip
eru eftir
FJÖGUR skip seldu síld f Hirts-
hals I gær og fengu öll gott verð
fyrir aflann. Niels Jensen, um-
boðsmaður fslenzku skipanna f
Hirtshals, sagði, að skipin hefðu
öll verið í sinni sfðustu söluferð á
árinu, og skipin, sem væru við
veiðar f Norðursjónum væru nú
vart fleiri en 20 — 25.
Skipin, sem seldu í gær, voru:
TálknfirðingurBA464 kassa fyrir
723 þús. kr., Jón Finnsson GK 424
kassa fyrir 617 þús. kr„ Náttfari
ÞH 550 kassa fyrir 806 þús. kr., og
Harpa RE 929 kassa fyrir 1.3
millj. kr.
Þjófnaður
upplýstur
RANNSÓKNARLÖGREGLAN f
Hafnarfirði handtók á laugar-
dagsmorgun tvo menn, sem grun-
aðir voru um að hafa brotizt inn í
verzlun Kaupfélags Kjalarnes-
þings í Mosfellssveit aðfararnótt
föstudags. Mennirnir, báðir Reyk-
víkingar, viðurkenndu verknað-
inn og komst nær allt þýfið til
skila, tvær reiknivélar, útvarps-
tæki og megnið af 11 — 12 lengj-
um af vindlingum. Mennirnir
höfðu verið á stolnum bíl frá
Reykjavfk.
Lionsklúbbur Borgarness
gefur hljóðbylgjutæki
LIONSKLÚBBUR Borgarness
hefur nýlega gefið Kleppsjárns-
reykja- og Borgarneslæknishér-
aði hljóðbylgjutæki af gerðinni,
„siemens Sonostat 633“. Kostaði
tækið um 80 þús. kr. án tolla, sem
fengust eftirgefnir.
Stjórnarformaður Borgarlækn-
ishéraðs, Guðmundur Ingimund-
arson, ásamt Valgarð Björnssyni
héraðslækni veittu tækinu við-
töku. Tækinu er ætlað að vera í
læknamiðstöðinni, sem nú er f
byggingu í Borgarnesi, en þar til
hún tekur til starfa verður það
hjá héraðslækninum.
Þá hefur Lionsklúbburinn ný-
lega gefið Minningarsjóði Hreins
Heiðars Ámasonar fjarskipta-
búnað að verðmæti 45 þús. kr.
Minningarsjóðurinn sér um rekst-
ur Björgunarsveitarinnar Heiðars
í uppsveitum Mýrasýslu. I gjöf-
inni eru 3 Filedmaster Labbrabb
stöðvar ásamt móðurstöð fyrir bif-
reið.
1 vetur hafa Lionsmenn í Borg-
arnesi selt ljósaperur og kökur til
fjáröflunar fyrir menningar- og
hjálparsjóð Lionsklúbbsins.
Sömuleiðis stendur klúbburinn
fyrir leikfangahappdrætti i des-
ember. Félagar í klúbbnum eru
nú 41, og formaður er Georg Her-
mannsson.

Frá afhendingu Siemens hljóðbylgjutækisins. Valgarð Björnsson
héraðslæknir, Georg Hermannsson formaður Lionsklúbbsins, Val-
geir Gestsson, JónEinarsson og Sveinn Hálfdánarson.