Morgunblaðið - 19.08.1975, Blaðsíða 17

MORGUNBLAÐIÐ, ÞRIÐJUDAGUR 19. AGUST 1975 _17
Tekzt IslenHingiim afl sigra Skota?
Skotarnir betri í hlaupum — við í tæknigreinum
t KVÖLD hefst á Laugardals-
vellinum Iandskeppni f frjálsum
fþróttum milli tslendinga og
Skota. Er þetta þriðja frjáls-
fþróttalandskeppni þjóðanna —
þær tvær sem farið hafa fram
hafa Skotar unnið. Þeir eru einn-
ig sigurstranglegri f keppninni
nú, en hins vegar verður að taka
það með f reikninginn að að-
stæðurnar eru okkur f hag að
þessu sinni, og auk þess eru
fslenzku frjálsfþróttamennirnir f
mikilli framför. Takizt fslenzku
keppendunum að vera við sitt
bezta eða gera sitt bezta f keppn-
inni f dag og á morgun má búast
við tvfsýnni baráttu og jafnvel
fslenzkum sigri, ef allt gengur
sæmilega Iandanum f haginn.
Styrkur skozka liðsins liggur
fyrst og fremst I því hversu góðu
hlaupurum það hefur á að skipa.
Undanfarin ár hafa skozkir milli-
vegalengda- og langhlauparar
verið meðal þeirra fremstu í
heiminum, og jafnvel þótt helztu
hlaupastjörnur Skotlands komi
ekki hingað til keppninnar, er
breiddin slík að Skotar eiga sigur-
inn sennilega vísan, a.m.k. í lang-
hlaupunum. I millivegalengda-
hlaupunum eiga Islendingar hins
vegar smávon, og má i því sam-
bandi minna á, að Ágúst Ásgeirs-
son varð þriðji í 1500 metra
hlaupi á skozka meistaramótinu
fyrr í sumar, og hljóp þá á ágæt-
um tíma, 3:49,8 mín. Voru þó
flestir beztu hlauparar Skotlands
meðal þátttakenda í því hlaupi og
sigurvegarinn, R. Spence, sem
hljóp á 3:47,3 mín. keppir í lands-
keppninni hér.
Eins og þeim sem fylgzt hafa
með frjálsum íþróttum hérlendis
í sumar er kunnugt um, hafa orð-
ið umtalsverðar framfarir hjá Is-
lendingum í sumar, og fram á
sjónarsviðið er að koma hópur
ungra manna, sem náð hefur
mjög frambærilegum árangri.
Yngsti keppandinn i íslenzka
landsliðinu að þessu sinni er að-
eins 17 ára, Sigurður Sigurðsson,
Ármenningurinn fótfrái, en hann
keppir nú aðeins í 100 metra
hlaupi og 4x100 metra boðhlaupi.
Sigurður á bezta árstímann í 200
metra hlaupi hérlendis, en getur
ekki keppt f því, þar sem hann
heldur af stað til Evrópumeistara-
móts unglinga f frjálsum íþrótt-
um árla á morgun.
Styrkur íslenzka landsliðsins í
keppninni við Skota liggur fyrst
og fremst í tæknigreinunum og þá
einkum í köstunum, en þar ættu
Islendingar að sigra tvöfalt a.m.k.
í kúluvarpi og kringlukasti. Góð
von er einnig um sigur bæði í
spjótkasti og sleggjukasti. Skot-
arnir munu eiga mjög svipaðan
árangur f þessum greinum og þeir
Öskar og Erlendur, en báðir eru
þeir félagar eitilharðir keppnis-
menn og munu örugglega ekki
láta sinn hlut eítir Iiggja.
Ef litið er á einstakar greinar i
landskeppninni kemur m.a. eftir-
farandi í Ijós.
SPRETTHLAUPIN
Keppendur Islands í 100 metra
hlaupi eru þeir Sigurður Sigurðs-
son og Vilmundur Vilhjálmsson,
en Bjarni Stefánsson og Vilmund-
ur hlaupa 200 metrana. 100 metra
hlaupið hlaupa fyrir Skota L.
Piggot og A. Harley. Piggot hljóp
bezt 100 metrana á 10,3 sek. i
fyrra, en náði hins vegar ekki
nema 11,0 sek. á skozka meistara-
mótinu. Ekki hefur fengizt
vitneskja um árangur A. Harleys í
ár, en hann hljóp 200 metra bezt á
21,5 sek. í fyrra og varð skozkur
meistari í ár á 22,0 sek. A.
McMaster hleypur 200 metrana
fyrir Skota auk Harleys. Hann
átti bezt 21,7 sek. f fyrra, en varð
annar á skozka meistaramótinu f
ár á 22,2 sek. Islendingar eiga þvf
mjög svipaðan árangur f þessum
greinum og Skotarnir, en þeir
háfa hins vegar náð árangri sín-
um á tartanbrautum f hlýju og
góðu veðri, þannig að ekki er
ótrúlegt að Islendingarnir stand-
ist þeim snúning og vonandi vel
það í landskeppninni.
MILLIVEGALENGDIR
Keppendur Islands i 400 metra
hlaupi er Bjarni Stefánsson og
Vilmundur Vilhjálmsson. Vil-
mundur hljóp á 48,9 sek. í bikar-
keppninni á dögunum og er
greinilega í góðu formi. Bæði
hann og Bjarni eru miklir skap-
menn í keppni og eiga góða mögu-
leika á móti B. Gordon sem á bezt
48,5 sek. og H. Stewart sem á bezt
49,9 sek.
I 800 metra hlaupi verður bar-
áttan sjálfsagt vonlítil hjá þeim
Jóni Diðrikssyni og Júlíusi Hjör-
leifssyni, þar sem báðir skotarnir
hafa hlaupið á mun betri tima:
McMeekin á 1:46,8 mín., sem er
tfmi á heimsmælikvarða og P.
Hreinn Halldórsson — sennilega
öruggasti sigurvegari I lands-
keppninni.
Clement á 1:48,4 mín. Annars er
það þannig í landskeppni að milli-
vegalengdahlaupin eru hlaupin
„taktiskt" og endasprettur ræður
úrslitum.
Ágúst Ásgeirsson og Jón
Diðriksson keppa í 1500 metra
hlaupi og er þar sömu sögu að
segja og í 800 metra hlaupinu.
Þeir hafa ekki náð eins góðum
árangri og hinir skozku keppi-
nautar þeirra. A. Weatherhead
hljóp t.d. á 3:43,4 mín. í fyrra og
Spence sem er skozkur meistari í
þessari vegalengd hefur hlaupið á
3:47,3 mín., — ef ekki betri tima.
Má búast við nokkuð öruggum
skozkum sigri í þessari grein.
LANGHLAUPIN
Ef að líkum lætur verður „tvö-
faldur Skoti“ f bæði 5000 og
10.000 metra hlaupum. Sigfús
Jónsson keppir í báðum þessum
greinum af hálfu Islendinga,
Gunnar Páll Jóakimsson verður
félagi hans í 5000 metra hlaupinu,
en Jón H. Sigurðsson f 10.000
metra hlaupinu. I þessum grein-
um tefla Skotarnir fram frábær-
um hlaupurum. J. Brown hefur
hlaupið 5000 metra hlaup á
13:51,2 mfn. og J. Dingwall á
13:55,2 min. og A. Hutton hefur
hlotið tímann 29:36,8 mín í 10.000
metra hlaupi. Hins vegar er ekki
vitað um árangur C. Youngson
sem hleypur 10 km hlaupið með
Hutton.
3000 METRA HINDRUNAR-
HLAUP
I þessari grein má hins vegar
búast við baráttu og jafnvel að
Ágúst Ásgeirsson setji nýtt Is-
landsmet. Hann var aðeins ör-
skammt frá því í landskeppninni f
Tromsö á dögunum og þarna fær
hann mjög harða keppni. I. Gil-
mour hefur bezt hlaupið á 8:43,0
mín. og J. Evans hljóp á 9:12,6
mín. á skozka meistaramótinu.
Sigurður P. Sigmundsson hleypur
einnig af Islands hálfu, en þessi
ungi piltur hefur lítið lagt þessa
grein fyrir sig, og því tæpast að
vænta að hann blandi sér veru-
lega í baráttuna að þessu sinni.
GRINDAHLAUP
Grindahlaupin ættu að geta orð-
ið skemmtileg. I 110 metra
grindahlaupinu er Stefán Hall-
grfmsson og Valbjörn Þorláksson
keppendur Islands, en A.
McKenzie og S. McCallum hlaupa
fyrir Skota. Sá fyrrnefndi mun
eiga bezt 14,9 sek. í þessari grein,
en sá siðarnefndi 14,5 sek. Hann
varð skozkur meistari f sumar og
hljóp þá á 14,9 sek. Stefán Hall-
grfmsson og Jón S. Þórðarson
hlaupa 400 metra grindahlaup og
þar á Stefán góða sigurmöguleika.
Skozku keppendurnir eru S. Mc-
Callum sem á bezt 52,7 sek. og
varð annar á skozka meistaramót-
inu í sumar á 53,4 sek. og A.
Tarquin, en ekki er vitað um ár-
angur hans.
STÖKKIN
I öllum stökkunum má búast
við tvísýnni baráttu. Keppendur
Islands í hástökki eru þeir Elías
Sveinsson og Karl West, sem báð-
ir hafa stokkið um 2 metra. Berj-
ast þeir sennilega um annað og
þriðja sætið við lakari Skotann, B.
Burgess sem á bezt 2,03 metra, en
stökk 2,00 metra á skozka meist-
aramótinu. Líklegur sigurvegari
er hins vegar A. McKenzie, sem
stokkið hefur 2,10 metra f sumar.
Eftir öllum sólarmerkjum að
dæma ætti stangarstökkið að vera
fslenzk grein. I þvi keppa Val-
björn Þorláksson og Elías Sveins-
son, sem báðir hafa stokkið 4,20
metra í sumar. Keppendur Skot-
lands eru R. Xinclair sem stokkið
hefur 3,90 metra f sumar og N.
Donachie, en ekki er vitað um
árangur hans. Til gamans má geta
þess að skozkur meistari í þessari
grein er R. Williamson sem stökk
4,10 metra.
I langstökkinu eiga Skotarnir
heldur betri árangur en Islend-
ingarnir, þegar þeir hafa gert
bezt. S. Atkins hefur stokkið 7,47
metra og A. Wells 7,20 metra.
Þeir stukku hins vegar 7,10 metra
og 6,79 metra á skozka meistara-
mótinu. Keppéndur Islands eru
Friðrik Þór Óskarsson og Sigurð-
ur Jónsson, sem báðir hafa stokk-
ið yfir 7 metra í sumar.
I þristökkinu eru keppendur Is-
lands þeir Friðrik Þór og Pétúr
Pétursson. Er óhætt að binda von-
ir við frammistöðu Friðriks Þórs
sem stökk 15,40 metra í bikar-
keppninni á dögunum. Skozku
keppendurnir eru W. Clark sem á
bezt 15,78 metra og P.D. Knowles
sem stokkið hefur 15,46 metra.
Clark varð skozkur meistari i
sumar og stökk þá 15,28 metra en
Knowles varð annar, stökk 14,43
metra. Pétur Pétursson keppir
fyrir Island í þrístökkinu, auk
Friðriks Þórs, og er hann nýliði i
liðinu.
KÖSTIN
Sem fyrr greinir má ætla að
köstin gefi Islendingum flest stig.
Keppendur okkar f kúluvarpi
verða þeir Hreinn Halldórsson og
Guðni Halldórsson, og hafa þeir
náð mun betri árangri en Skot-
arnir: C. Sutherland og H. David-
son. Davidson varð skozkur meist-
ari f sumar og varpaði þá 16,15
metra og á sama móti varpaði
Sutherland 14,24 metra.
Erlendur Valdimarsson og
Óskar Jakobsson keppa í kringlu-
kasti, gegn þeim C. Sutherland og
C. Watson. Sutherland varð
skozkur meistari í sumar með
51,92 metra, sem mun vera hans
bezta, en þá kastaði Watson 45,14
metra. Hann átti hins vegar bezt
' 46,50 metra i fyrra.
Spjótkastið verður ugglaust tví-
sýn grein, en keppendur Islands
eru óskar Jakobsson og Snorri
Jóelsson. Óskar er þó sennilegur
sigurvegari, á betri árangur en
Skotarnir, C. Harrison, sem kast-
að hefur 72,10 metra í sumar og
D. Birkmyre sem kastað hefur
Einn hinna snjöllu skozku hlaup-
ara sem hingað koma til keppni,
David McMeekin.
68.74 metra en mun eiga bezt
69,54 m.
Einhverra hluta vegna mun
bezti sleggjukastari Skota, C.
Black ekki koma hingað til
keppni, þannig að það verða T.
Campbell og W. Gentleman sem
keppa á móti Erlendi og Þórði B.
Sigurðssyni. Campbell á bezt
58.74 metra, en Gentleman 45,94
metra.
HVATNING NAUÐSYNLEG
Landskeppnin við Skota verður
sennilega síðasta stórmótið í
frjálsum íþróttum hérlendis í
sumar, og því ástæða til þess að
hvetja alla unnendur íþrótta-
greinarinnar að koma á völlinn og
láta vel til sín heyra. I Jafnri
haráttu eins og þarna kemur
sennilega til með að verða, getur
stuðningur áhorfenda ráðið úr-
slitum og fslenzku frjálsiþrótta-
mennirnii- eiga það sannarlea
skilið að eftir þeim sé tekið og
þeim veittur sá stuðningur sem
mögulegt er að veita. Þeir eru
flestir ungir að árum, piltar sem
taka iþrótt sína alvarlega og eiga
eftir að gera vel, jafnvel þegar í
þessari keppni.
— stjl.
Tímaseðill
Þriðjudagur 19. ágúst:
Kl. 19.30: Setning.
Kl. 19.40: 110 metra grinda-
hlaup, kringlukast, langstökk.
Kl. 19.50: 100 metra hlaup.
Kl. 20.00: 1500 metra hlaup.
Kl. 20.10: 400 metra hlaup,
kúluvarp, hástökk.
KI. 20.20: 10.000 metra
hlaup.
KI. 21.00: 4x100 metra boð-
hlaup.
Miðvikudagur 20. ágúst:
Kl. 19.3Ú: 400 metra grinda-
hlaup, stangarstökk, spjótkast.
Kl. 19.40: 200 metra hlaup.
Kl. 19.50: 800 metra hlaup.
Kl. 20.00: 5000 metra hlaup,
þrístökk.
Kl. 20.05: Sleggjukast.
Kl. 20.30: 3000 metra
hindrunarhlaup.
Kl. 20.40: 4x400 metra boð-
hlaup.
Friðrik Þór óskarsson — ætti að eiga sigurmöguleika bæði I lang-
stökki og þrfstökki, þótt eflaust verði við ramman reip að draga.