Morgunblaðið - 23.09.1977, Blaðsíða 16
16
MORGUNBLAÐIÐ, FÖSTUDAGUR 23. SEPTEMBER 1977
JMtorgtiiiMftfrtfe
Útgefandi
Framkvæmdastjóri
Ritstjórar
Ritstjórnarf ulltrúi
Fréttastjóri
Auglýsingastjóri
Ritstjóm og afgreiðsla
Auglýsingar
hf. Árvakur, Reykjavík.
Haraldur Sveinsson.
Matthías Johannessen,
Styrmir Gunnarsson.
Þorbjörn Guðmundsson.
Björn Jóhannssón.
Árni Garðar Kristinsson.
Aðalstræti 6, simi 10100.
Aðalstræti 6, simi 22480.
Öldrunarþ j ónusta
Páll Gíslason, yflrlæknir, borgarfulltrúi og formaður
heilbrigðismálaráðs Reykjavíkur, segir i viðtali við Morgun-
blaðið sl. þriðjudag, að rúmlega 6 200 Reykvikingar hafi verið
70 ára og eldri, miðað við íbúaskrá ársins 1 975, og að þriðjungur
íbúaaukningar höfuðborgarinnar á áratugnum 1 965— 1 975 sé á
því aldursskeiðí Fólki yfir sjötugt fjölgaði í höfuðborginni úr
4281 manni áríð 1 965 i 6224 manns tíu árum síðar — eða um
45%.
Reykjavíkurborg hefur um langt árabil lagt lofsverða áherzlu á
öldrunarþjónustu — og raunar vísað öðrum sveitarfélögum
veginn á þeim vettvangi Þessi þjónusta hefur laðað roskið fólk til
Reykjavíkur frá öðrum byggðarlögum, sem skemmra eru á veg
komin í samfélagslegri þjónustu við hina öldruðu sveit Það er oft
rætt um byggðajafnvægi og einn þáttur þess hlýtur að vera sá, að
sveitarfélög almennt veiti þá öldrunarþjónustu, að roskið fólk geti
unað sínum hag í heimasveit, sem það oftast kýs að dvelja i á
ævikveldi, leyfi aðstæður þann kost
Páll Gíslason, yfirlæknir, segir í tilvitnuðu samtali:
„Húsnæði eða húsnæðisleysi aldraðra er stórt vandamál varð-
andi nýtingu á tiltæku sjúkrarými i borginni. Æskilegt er að veita
öldruðum nauðsynlega þjónustu sem lengst á eigin heimilum eða
utan sjúkrahúsa, er þá nýttust betur til ætlunarverks síns:
lækningar sjúkra. Þetta var m.a. orsök þess að borgarstjórn
samþykkti fyrir 3 árum að verja 7'/2% af álögðum útsvörum til
öldrunarþjónustu, m.a. til stofnana fyrir aldraða. Nefna má
byggingu íbúða fyrir aldraða við Lönguhlíð, Dalbraut og Furu-
gerði Heimilið við Dalbraut á að veita meiri öldrunarþjónustu fyrir
þá, sem ekki eru heilir heilsu, en eiga þó ekki samleið með
sjúklingum á sjúkrahúsum."
Formaður heilbrigðismálaráðs vekur athygli á því í samtalinu að
enn vanti aðstöðu fyrir þá öldnu, sem mest eru þurfandi fyrir
sjúkrameðferð Þareigi til að koma væntanleg B-álma Borgarspit-
alans. Áætlanir og teikningar eru löngu tiltækar. Nú er verið að
bjóða verk þetta út. „Ég geri ráð fyrir," segir Páll, „að sökklar og
botnplata verði steypt í haust. Húsið verður síðan steypt upp, 4
hæðir, 1978. 1979 hefst vinna við innréttingar. 1980 verður
siðan ein hæð tekin í notkun og siðan ein hæð á ári, unz verki er
fulllokið B-álman er sem fyrr segir eingöngu ætluð fyrir aldraða
og langlegusjúklinga. Á hverri hæð verða 30 sjúkrarúm en
hæðirnar verða sjö alls."
Það er Ijóst að þörfin fyrir margháttaða þjónustu við aldraða fer
sivaxandi. Hækkandi meðalaldur þjóðarinnar og ekki síður aldurs-
skipting íbúa höfuðborgarinnar varpa Ijósi á þá þörf. Talið er að
15% af fólki yfir sjötugt þurfi hjúkrunar við í einni eða annarri
mynd. Því skal hér tekið undir þau orð formanns heilbrigðismála-
ráðs að „nauðsyn ber til að koma á samhæfingu á nýtingu þeirrar
aðstöðu, sem í borginni er fyrir þá öldnu, svo á hverjum tíma sé
hægt að veita þá þjónustu sem þarf — og gefa fólki öryggi um að
slíkt verði veitt fullnægjandi, þegar á þarf að halda."
Sjúkrastofnanir
í borginni
Sjúkrastofnanir, sem Reykjavíkurborg ber ábyrgð á,
eru m a : Borgarspítalinn, ásamt Grensásdeild (endurhæfing-
arstöð), Hvítabandsdeild (geðsjúkdómar) með útibúi að Arnar-
holti, Heilsuverndarstöð, þar sem margþætt þjónusta er látin í té,
og loks Hafnarbúðir, sem nýttarverða á þessum vettvangi.
Páll Gíslason, yfirlæknir, bendir á i viðtali því, sem hér að
framan hefur verið vitnað til, að þessar sjúkrastofnanir nýtist ekki
Reykvíkingum einum, heldur og nágrannabyggðum og raunar
landinu öllu. Þannig voru 56 6%, eða rúmlega helmingur
legudaga á Borgarspitalanum, nýtt af Reykvíkingum, en
43,4% af öðrum. Ber þar hæst-nágrannasveitarfélög: kaupstaði,
kauptún og sveitahreppa
Vfirlæknirinn segir orðrétt:
„Slysavarðstofan á Borgarspítalanum gegnir mjög mikilvægu
þjónustuhlutverki í þágu alls nágrennis höfuðborgarinnar Þang-
að komu 30.000 einstaklingar á sl. ári, þar af 20.000 úr
Reykjavik, 3000 úr Kópavogi, 2 500 úr Hafnarfirði, 900 úr
Garðabæ og 600 af Seltjarnarnesi, svo nokkrar tölur séu nefndar.
Starfsemi þessarar deildar hefur aukizt um 50% á 10 árum, sem
bezt sýnir hve starfsþunginn er mikill og vaxandi Þrengsli i
slysavarðstofunni eru óverjandi orðin sem og starfsskílyrði á
mestu álagstimum."
Ný slysavarðstofa tekur væntanlega til starfa i þjónustuálmu
Borgarspitalans, sem nú er í byggingu, snemma á næsta ári Þar
verða og göngudeildir og heilsugæzlustöð, er þjóna á 1 2 000
íbúa hverfum í borginni. Aðstaða fyrir göngudeildir og heilsu-
gæzlustöð verður væntanlega tiltæk á árinu 1 979. Sem fyrr segír
kemur sú þjónusta, sem þarna verður veitt, til góða höfuðborgar-
svæðinu öllu, þó Reykjavikurborg beri rekstrarlega ábyrgð á
þessari heilbrígðisstofnun.
Forsætisráðherrahjónin skoða skrautvagn í Vopnasafninu í Kreml í gær.
Rússlandsheimsókn forsætisráðherra:
Söfn skoðuð og
ekið um Moskvu
Moskva, 22. sept.Frá blaðam. Mbl. Magnúsi Finnssyni.
MÁLGAGN sovézka kommúnistaflokksins,
Pravda, segir í dag frá hinni opinberu heimsókn
Geirs Hallgrimssonar forsætisráðherra og birtir
ræður bæði Geirs Hallgrímssonar og Alexeis
Kosygins forsætisráðherra Sovétríkjanna. Frá-
sögn Pravda er birt undir fyrirsögninni „Vin-
gjarnlegar viðræður".
Geir Hallgrímsson og kona
hans Erna Finnsdóttir skoð-
uðu í morgun söfn innan
Kremlmúranna, ' fyrst
demantasafnið, þar sem allir
dýrgripir rússnesku keisar-
anna eru geymdir, og mátti
þar líta margan gimsteininn.
Meðal annars skoðuðu for-
sætisráðherrahjónin krýning-
arkórónu Katrínar miklu, sem
er mikil gersemi. Margt fleira
gat að líta í þessu verðmæta
gimsteinasafni. Þá var skoð-
að svokallað vopnasafn, sem
samanstendur aðallega af
eigum keisarafjölskyldunnar,
sem varðveizt hafa. Meðal
þess, sem þar vakti athygli
var mikill örn úr fílabeini,
sem samansettur er úr
2.000 einingum eða fjöðr-
um, og er unnt að taka hann
I sundur eins og gestaþraut.
Strax á eftir heimsóknun-
um í þessi söfn var farið í
skoðunarferð um Moskvu
Stanzað var við höfuðstöðvar
Comecon, sem er einskonar
bandalag austantjaldsríkja i
líkingu við Efnahagsbanda-
lag Evrópu. Einnig var útsýni
skoðað frá Leninhæðum Þá
var komið við á Rauða torg-
inu í stutta stund.
Síðdegis hafði sendiherra
Islands í Moskvu boð inni
fyrir gestina í sendiráðs-
bústaðnum hér í Moskvu
Áður en boð sendiherrans
Hannesar Jónssonar hófst
ræddi Forsætisráðherra við
fulltrúa norrænna sendiráða í
Moskvu, þar sem hann
skýrði sendiherrunum frá við-
ræðum sínum við Moskvu-
stjórnina eða Alexei Kosygin
í kvöld fara forsætisráð-
herrahjónin í Bolshoi-
leikhúsið, þar sem þau eiga
að fá að sjá tvo einþáttunga,
balletta. Hinn fyrri nefnist
Jarðfræðingurinn, og er
blaðamanni Morgunblaðsins
ekki Ijóst hver er höfundur
verksins. Síðari einþáttung-
urinn er eins og sagt er í
dagskrá heimsóknarinnar
„Hið heilaga vor", en mun
alla jafna vera kallað „Vor-
blót", og er eftir Stravinsky.
Á morgun, föstudag, halda
forsætisráðherrahjónin til
Yerevan i Armeniu, og verð-
ur flogið árdegis í sérstakri
þotu Sovétstjórnarinnar.
Geir Hallgrímsson forsætisráðherra og fylgdarlid í skoðunarferð í Moskvu í gær.
Annar.til vinstri á myndinni er A. Ishkov fiskimálaráðherra Sovétríkjanna.