Morgunblaðið - 15.03.1978, Blaðsíða 17
MORGUNBLAÐIÐ, MIÐVIKUDAGUR 15. MARZ 1978
17
44 manns létust
í fangauppreisn
jduenos Aires, 4. marz, Reuter-
AP
ÓEIRÐIR brutust út í morgun í
stærsta fangelsi Ariíentínu og
létu 14 lífið áður en fangavörðum
og lögreglu tókst að bæla upp-
reisnina niður. Þrjátíu til viðbót-
ar slösuðust alvarlega af bruna-
sárum. Flestir uppreisnarmanna
sitja í fangelsi fyrir fíkniefna-
brot.
Óeirðirnar í Villa Devoto-fang-
elsinu, sem er um 15 kílómetra frá
miðborg Buenos Aires, hófust upp
úr klukkan átta að morgni og
stóðu í um þrjár klukkustundir.
íbúar í nágrenni fangelsins segja,
að mestan tímann hafi skothvellir
dunið við og reykur staðið til
himins.
Meðal hinna látnu voru bæði
fangar og fangaverðir. í fyrstu
reyndu fangaverðir fangelsins að
bæla óeirðirnar niður, en ekkert
dugði fyrr en óeirðasveitir lörreglu
og þyrluvængjur komu til sögunn-
ar. Allan tímann var straumur
sjúkrabifreiða á nærliggjandi
sjúkrahús.
Uppreisnin hófst er fangar tóku
vörð gíslingu. Fregnir hafa þó
borizt frá Argentínu um að skotið
hafi verið á verði við aðaldyr
fangelsins úr bifreiðum er óku
fram hjá, skömmu áður en upp-
reisnin hófst innan múra fangels-
isins.
Grigorenko vill heim
New York, 14. marz, AP
PYOTR Grigorenko hers-
höfðingi sem í fyrri viku var
sviptur sovézkum ríkisborg-
ararétti og gerður útlægur
úr landinu krafðist í gær að
fá að snúa til síns heima-
lands og leita réttar síns
fyrir opnum réttarhöldum
þar.
Grigorenko sagðist mótmæla
þeim ásökunum sem rússnesk
stjórnvöld báru á hann, er þau
sviptu hann ríkisborgararétti.
„Ásakanirnar um að ég hafi
lítillækkað virðingu Sovétríkjanna
eru falsanir, sem ég get sannað að
eiga ekki stoð í raunveruleikan-
um.“
Grigorenko sagði við frétta-
menn, að hann teldi núverandi
valdhafa Sovétríkjanna ekki hafa
rétt til að fyrirmuna einstaklingi
að koma til heimalands síns.
Frelsuðu dreng úr
höndum ræningia
Charleroi, 14. marz, AP.
Leigubílstjórar frelsuðu í dag
fimm og hálfs árs gamlan dreng
frá ræningja sínum. fáeinum
klukkustundum eftir að honum
var rænt. Drengurinn var sam-
stundis sendur á gjörgæzludeild
sjúkrahúss. þar sem honum höfðu
verið gefinn inn lyf. Ekkert hefur
verið látið uppi um líðan hans.
Lögregia, leigubílstjórar og fjöl-
skylda Jean-Pirre Lamiran, sem
rænt var, unnu saman að því að
hafa uppi á ræningjanum. Enn
bróðir hans, sem var í einum
leigubílnum, tók eftir konu í
símaklefa með Jean-Pierre. Kall-
aði bílstjórinn þegar á starfsfélaga
sinn sem kom til aðstoðar. Yfir-
huguðu þeir kontina og afhentu
hana lögreglu.
Jean-Pierre var á leið í skóla
með bróður sínum er kona vatt sér
að honum og dró hann í burtu.
Skömmu síðar hringdi kona á
lögreglustöð bæjarins og krafðist
200 þúsund belgískra franka í
lausnargjald fyrir drenginn.
Það kvisaðist út að ítali hefði
einnig verið handtekinn í sam-
bandi við ránið, en lögreglan hefur
varist allra frétta.
Greiðslu j öf nuður
Breta hagstæður
Lundúnum 14. marz
Reuter.
GREIÐSLUJÖFNUÐUR
Breta víð útlönd í febrúar
mánuði var hagstæður um
184 milljónir sterlings-
punda, og nam útflutningur
þá 3 milljörðum punda, sem
er meira en nokkru sinni
áður.
í janúar-mánuði var
greiðslujöfnuðurinn óhag-
stæður um 234 milljónir
punda. Það var í fyrsta
skipti síðan í ágústmánuði,
sem halli varð á utanríkis-
viðskiptum, og olli það mikl-
um áhyggjum.
Batinn nú er sérstakt ánægju-
efni fyrir stjórn Callaghans, en
nýjar tölur um útflutning og
greiðslujöfnuð verða ekki birtar
fyrr en eftir að Denis Healey
fjármálaráðherra leggur fjárlaga-
frumvarp fyrir þingið í aprílmán-
uði. Hinn óhagstæði greiðslu-
jöfnuður í janúar olli efasemdum
um að í fjárlagafrumvarpinu yrðu
tillögur um skattalækkanir og
aðrar ívilanir, sem boðaðar hafa
verið. Hagfræðingar eru almennt
þeirrar skoðunar að áframhald
verði á þessari hagstæðu þróun á
næstunni.
Spassky efstur á
Bugojno-mótinu
Bugojno, 14. marz, AP.
BORIS Spassky, sovézki
stórmeistarinn og fyrrver-
andi heimsmeistari í skák,
hélt forystu sinni á skákmót-
inu í Bugojno er 13. umferð-
inni lauk hér í gærkvöldi.
Spassky hefur 8V2 vinning
þegar tvær umferðir eru
ótefldar.
Urslit 13. umferðar urðu þau aö
Júgóslavinn Ljubojevic vann Glig-
oric, landa sinn, og Daninn Larsen
vann Ungverjann Portisch. Jafn-
tefli gerðu þeir Tal og Miles,
Spassky og Húbner, Vukic og
Timman, Hort og Balashov og
Byrne og Karpov. Skák þeirra
Bukics og Ivkov fór í bið.
Þegar tvær umferðir eru eftir á
mótinu hefur Spassky hlotið 8 ''/•>
vinning. I 2.-4. sæti eru Ljubojev-
ic, • Karpov og Timman með 8
vinninga. Tal er með 7V6 vinninga,
Hort 7, Larsen, Húbher, Balashov
og Miles eru með 6V> vinning,
Ivkov 6 og biðskák, Portisch 6,
Byrne 5, Gligoric og Vukic 4 Vi og
Bukic er með 4 vinninga og
biðskák.
Frá fundi leiðtoga vinstrimanna í París á mánudag. Frá vinstri Georges Marchais, foringi
kommúnista. Francois Mitterand, foringi jafnaðarmanna. og Robert Fabre, foringi róttækra
vinstrimanna.
Ábrattan að sækja
fyrir vinstrimenn
París, 14. marz, AP. Reuter.
BANDALAG vinstrimanna í Frakklandi hóf í dag öfluga einingarbaráttu til sigurs
í seinni umferð þingkosninganna, sem fram fer á sunnudag. Telja margir
fréttaskýrendur að forysta vinstrimanna úr fyrri umferð sé of naum til að tryggja
þeim öryggan meirihluta á þingi. Greinileg vonbrigði var að merkja á leiðtogum
vinstri manna eftir að úrslitin lágu fyrir og skelltu þeir skuldinni hver á annan.
Franska dómsmálaráðuneytið
birti í dag nýjar og éndanlegar
tölur úr kosningunum á sunnu-
dag. Sýna þær að jafnaðarmenn
og gaullistar fengu hæst hlut-
fall, 22,6% hvor flokkur um sig.
Breytir þá engu þótt gaullistar
hafi í raun fengið 11,311
atkvæðum meira en flokkur
Mitterands.
Bandalag vinstrimanna að
viðbættri atkvæðatölu róttækra
vinstri manna hlaut alls 45,3%
atkvæða. Vinstrisinnaðir öfga-
menn fengu 3,3og var búist
við aö þeir myndu ráðast undir
áraburð með bandalagi vinstri-
manna í seinni umferðinni, en á
þann hátt hafa vinstriflokkarnir
möguleika á að ná 48,6%.
Stjórnarsamsteypa miðju-
manna og gaullista fékk í heild
46,5% atkvæða eins og fram
kom í Morgunblaðinu í gær, en
taki vinstrimenn höndum sam-
an eru fræðilegar líkur á að þeir
nái þannig 2,1% meira en
stjórnin.
Ráðuneytið gaf ekki upp tölur
fyrir ýmsa smáflokka, sem
hrepptu alls 2,8% atkvæða.
Búast má við að þetta fylgi muni
dreifast í kosningunum á sunnu-
dag þannig að bilið milli aðal-
fylkinganna þrengist
Tölum þeim, sem hér fara á
efíir, ber að miklu leyti saman
við þær, sem upp voru gefnar á
mánudag, en þó eru fáeinar
breytingar.
Á kjörskrá voru 35,204,152.
Þátt tóku ú kosningunum
29,141,979 (82,8% )
Gild atkvæði: 28,560,243
(81,1% )
Þeir, sem átu hjá: 6,062,173
(17,2% )
Atkvæði dreifðust þannig:
Kommúnistar: 5,870,402
(20,6% )
Jafnaðarmenn: 6,451,151
(22,6% )
Róttækir vinstrimenn: 603,932
(2,1% )
Gaullistar: 6,462,462 (22,6% )
Flokkur Giscards: 6,128,849
(21,5% )
Aðrir miðjumenn: 684,985
(2,4% )
Ófgasinnaðir vinstrimenn:
953,088 ( 3,3% )
Umhverfisverndarmenn:
612,100 (2,1% )
Aðrir: 93,272 (2,8% )
Leiðtogi jafnaðarmanna,
Francois Mitterand, leitogi
kommúnista, George Marchaisi
leiðtogi róttækra vinstrimanna,
Robert Fabro gerðu með sér
samning á mánudagskvöld um
að standa saraan um frambjóð-
Jarques Chirac.
leiðtogi gaullista.
Raymond Barre.
forsa'tisráðherra.
endur i seinni umferð kosning-
anna, þrátt fyrir að ekki hafi
tekrzt að ná samstöðu í öllum
málefnalegum atriðum. Sam-
taða vinstrimanna er. eins og
kunnugt er, algor forsenda þess
að vinstrimenn nái meirihluta á
þingi. Samkvæmt frönskum
kosningareglum hafa allir fram-
bjóðendur, sem ná 12,5%
atkvæða úr fyrri umferð, rétt á
að bjóða sig fram í þeirri seinni.
Venjan er hins vegar sú að
keppendur falla út þannig að
eftir standa einungis sigur-
stranglegustu frambjóðendur
stjórnar og vinstrimanna. Af
samningum, sem gerður var, má
marka ýmsar tilskananir af
hálfu Marchais, en hann hefur
fram til þessa verið alls óviljug-
ur að ræða sameiginiegt fram-
boð fyrr en flokkarnir hafa gert
með sér sáttmála um stjórnar-
stefnu og skipt upp ráðuneytum.
Er talið að Mitterand hafi brýnt
fyrir Marchais að vinstrimenn
myndu kasta fyrir róða ein-
stæðu sögulegu tækifæri létu
þeir málefnasamninginn standa
í vegi fyrir samstarfi. Það eru
atriði eins og þjóðnýting stór-
fvrirtækja og kröfur um eftir-
laun í iðngreinum, sem ekki
hefur náðst samstaða um. I
tilkynningunni, sem gefin var út
eftir fundinn, sagði: „Ekki eitt
einasta atkvæði má fara for-
görðum vinstra niegin. Gera
verður allt til að sigra hægriöfl-
in.“ Engu síður horfir síður en
svo byrlega fyrir vinstrimenn á
sunnudag. 1 fyrri umferðinni
fengust hrein úrslit með 68 sæti
af 423. Oll þessi sæti að fimm
undanskildum komu í hlut
stjórnarinnar, sem hefur verið
við völd í 20 ár. Talsmenn
vinstrimanna vildu ekkert láta
uppi um horfur, en það var síður
en svo djarft upplit á hlaða-
manni við málgagn komm-
únista, sem sagði: „Við erum
þegar sigraðir."
I herhúðum stjórnarinnar
höfðu leiðtogi gaullista, Jacques
Chirac, og forsætisráðherrann,
Raymond Barre, áhyggjur af að
fyigjendur hægri manna teidu
kosningarnar þegar unnar. Þeir
lögðu áherzlu á að ekkert væri
á hreinu enn sem komið væri og
hvöttu kjósendur til að koma á
kjörstað á sunnudag. Einnig bar
nokkuð á misklíð i stjórnarbúð-
ununt milli gaullista og sam-
herja þeirra, Lýðveldisflokksins,
miðjumanna og róttækra, sem
tekið hafa saman undir nafninu
Frönsku lýðræðissamtökin
(UDF). Er Chirac leiðtogi gaul-
lista hauð leiðtogum hinna
Framhald á bls. 18