Morgunblaðið - 13.05.1978, Blaðsíða 5
MORGUNBLAÐIÐ, LAUGARDAGUR 13. MAÍ 1978
37
andi byggð á þessu svæði og er
stefnt að því að hefja úthlutun
lóða þar þegar á næsta vetri. Þá
er lokið skipulagi nýs iðnaðar- og
viðskiptahverfis norðan Reykja-
nesbrautar handan íbúðasvæðis á
Flatahrauni. Samið hefur verið við
verktaka um lagningu holræsa- og
gatnagerð í því hverfi. Er nú u.þ.b.
verið að auglýsa lóðir þar lausar
til umsóknar. Þessu til viðbótar
gerðist það á sl. vetri, að fram fóru
makaskipti milli Hafnarfjarðar og
Garðabæjar, þannig að stór hluti
Setbergslands, sem er austan
Reykjanesbrautar verður fram-
vegis í lögsagnarumdæmi Hafnar-
fjarðar, en Garðbæingar fengu á
móti land, sem Hafnfirðingar áttu
í hrauninu upp undir Flatir.
Þessi makaskipti voru mjög
eðlileg og komu sér vel fyrir báða
aðila. í framhaldi af þeim réði
Hafnarfjarðarbær sérstakan
skipulagsfulltrúa í þjónustu sína.
Var ráðinn til starfsins ungur
hafnfirzkur arkitekt. Er ætlunin,
að hans aðalverkefni verði að
skipuleggja Setbergsland og Ás-
landið, svo og nýtt atvinnusvæði,
en þar er í báðum tilfellum um
verkefni að ræða, þar sem horft er
til lengri framtíðar um þróun
byggðar í Hafnarfirði.
FÉLAGSLEGAR
FRAMKVÆMDIR
— En hvað um framkvæmdir
vegna félagslegrar þjónustu?
— Þær hafa verið mjög miklar
og meiri en áður eru dæmi um í
Hafnarfirði, segir Árni Grétar
Finnsson. Okkur hefur tekizt að
koma í verk málum, sem mörg
hver hafa beðið árum saman. Á
þessu kjörtímabili hafa verið
byggðar 30 íbúðir fyrir öryrkja og
aldraða. Er nú u.þ.b. verið að
flytja í fyrstu 12 íbúðirnar og alls
verður flutt í 18 íbúðir á næstu
vikum. Þetta eru fyrstu íbúðir
sinnar tegundar, sem byggðar eru
í Hafharfirði. Þá hefur bærinn
reist fyrsta dagheimilið, sem
byggt er í Hafnarfirði. Það tók til
starfa á sl. ári og er í Norðurbæn-
um. Er þar m.a. deild fyrir
þroskaheft börn. Þá hafa á vegum
Hafnarfjarðarbæjar verið byggðar
24 verkamannabústaðaíbúðir á
þessu kjörtímabili og var flutt í
þær fyrir síðustu jól.
Ennfremur höfum við komið á
fót sameiginlegri heilsugæzlustöð
læknanna í bænum og gagngerar
endurbætur hafa farið fram á
dvalarheimilinu Sólvangi, sem án
efa er ein bezta stofnun sinnar
tegundar á landinu.
— Skólamál?
— Á kjörtímabilinu hafa verið
teknar í notkun 26 kennslustofur,
þar af 19, sem lokið var við í
Flensborg og 7 í viðbyggingu við
Víðistaðaskóla. Þá er í byggingu
nýr smábarnaskóli, Engidalsskóli í
Norðurbænum og verður hann
tilbúinn til notkunar í haust.
Ennfremur hefur verið stofnuö
verknámsdeild við Iðnskóla Hafn-
arfjarðar í tré- og málmiðnaði,
hárgreiðslu og tækniteikningu og
unnið er að undirbúningi rafiðnað-
ardeildar. Þessi nýja starfsemi
Iðnskólans er merkileg og áþreif-
anlegur vottur um aukna verklega
kennslu, sem lengst af hefur verið
alltof lítil í okkar þjóðfélagi.
ATVINNUMÁL
— Hvað um „grænu bylting-
una“ í Hafnarfirði?
— Það hefur verið unnið að
fegrun bæjarins og snyrtingu og
eiga bæjarbúar sjálfir ekki sízt
þátt í því.
— Hafa miklar framkvæmdir
verið við Hafnarfjarðarhöfn á
síðustu árum?
— Já, þær hafa verið miklar á
þessu kjörtímabili, en árin á
undan lágu þær alveg niðri. Byggð
hefur verið ný fiskiskipabryggja,
Óseyrarbryggja, sem kostar á
núgildan(ji verðlagi um 200—300
millj. kr. Miklar dýpkunarfram-
kvæmdir hafa staðið yfir í höfn-
inni og sköpuð aðstaða fyrir
bifreiðaflutningaskipið Bifröst,
sem hefur aðsetur í Hafnarfirði.
Komið hefur verið fyrir nýrri
hafnarvog og margt fleira hefur
verið gert við höfnina.
— Bæjarútgerðin?
— Við höfum unnið að endur-
skipulagningu og endurbótum á
frystihúsi Bæjarútgerðar Hafnar-
fjarðar og þeim er ekki lokið, en
hafa þó þegar skilað nokkrum
árangri. Á síðasta ári var skuttog-
arinn Maí keyptur til bæjarins.
Bæjarútgerðin hefur gengið erfið-
lega, sérstaklega rekstur meiri-
hluta bæjarstjórnar gegn atkvæð-
um bæjarfulltrúa Sjálfstæðis-
flokksins. Það sást strax í upphafi,
að rekstur þessa skips mundi
reynast erfiður, en skipið hefur þó
orðið fyrir meiri óhöppum og
áföllum en jafnvel hinir svartsýn-
ustu höfðu gert ráð fyrir og hefur
rekstur togarans valdið bæjarút-
Varan-
legri
gatna-
gerð
lokið á
næstu
tveimur
árum
gerðinni verulegum fjárhagserfið-
leikum.
— Hvernig er fjárhagsstaða
Hafnarfj arðarbæj ar?
— Bæjarfélagið stendur mjög i
vel fjárhagslega, enda hefði ekki !
verið hægt að ráðast í allar þessar !
framkvæmdir án þess að svo væri.
Við höfum átt því láni að fagna að
eiga mjög hæfan bæjarstjóra,
Kristin Ó. Guðmundsson. Hann er
í senn einstaklega vinnusamur og
áreiðanlegur og hefur lagt sig
fram um að byggja upp traustan
fjárhag bæjarsjóðs. Hann á sinn
stóra þátt í hversu vel hefur tekist
við stjórn bæjarins, enda nýtur
hann almenns trausts bæjarbúa.
LÆGSTU
FASTEIGNAGJÖLDIN
— Hefur Hafnarfjarðarbær
miklar tekjur frá álverinu?
— Að sjálfsögðu höfum við
tekjur af ÍSAL og þær skipta
okkur verulegu máli, en ráða þó
ekki úrslitum, enda höfum við í ár
gefið mun meiri afslátt af fast-
eignagjöldum er' nemur öllum
okkar tekjum af ÍSAL. Fasteigna-
gjöld eru ein hin lægstu á iandinu
í Hafnarfirði. Skv. gildandi lögum
ber að leggja á fasteignagjöld, sem
nema 0.5% af fasteignamati húsa.
Sveitarfélögum er síðan heimilt að
hækka eða lækka þessa gjaldskrá
um 25%. Dæmi er um, að sveitar-
félög hafi hækkað þennan gjald-
stofn allt að 20%. í Hafnarfirði er
hins vegar veittur 25% afsláttur
af fasteignagjöldum og er það
mesti afsláttur, sem lögleyfður er.
Þessu til viðbótar var í ár veittur
50% afsláttur af vatns- og hol-
ræsaskatti, sem er hluti fasteigna-
gjalda og nemur þessi afsláttur í
heild nokkuð á annað hundrað
milljónum króna. Tekjur Hafn-
firðinga af ÍSAL eru í ár hins
vegar áætlaðar um 105 millj.kr.
— Hver eru helztu viðfangsefni
á næstu árum í bæjarmálum
Hafnarfjarðar?
j-'Ég hef nú þegar minnzt á
varanlega gatnagerð og þau hverfi,
sem áformað er að taka í byggingu
á næstu árum, sem hvort tveggja
eru með helztu viðfangsefnum
næsta kjörtímabils. Því til viðbót-
ar verður að sjálfsögðu unnið að
svipuðum framkvæmdum og á
síðastliðnu kjörtímabili, s.s.
áframhaldandi uppbyggingu hafn-
arinnar og skólahúsnæðis eftir því
sem þörf krefur, byggingu íbúða á
félagslegum grundvelli fyrir þá,
sem lægstar hafa tekjurnar og þá
verður að sjálfsögðu reynt að auka
þá félagslegu aðstöðu, sem bærinn
lætur íbúum sínum í té.
Við þurfum að halda sérstaklega
áfram að styðja íþrótta- og
æskulýðsfélögin í bænum við þau
verkefni, sem þau vinna að og eru
nú þegar í byggingu mannvirki,
sem koma þarf í notkun sem fyrst
og sem á að nota fyrir æskulýðs-
og félagsstarfsemi. Þá þarf sér-
staklega að hafa í huga uppbygg-
ingu bæjarfélagsins, að henni sé
hagað þannig, að stuðlað sé að
eflingu atvinnulífs, bæði þeirra
fyrirtækja sem fyrir er svo og með
tilkomu nýrra atvinnufyrirtækja,
enda er traust afhafnalíf grund-
völlur allra annarra framfara.
STERK FORYSTA
SJÁLFSTÆÐISFLOKKSINS
— Hvað viltu segja um póli-
tísku viðhorfin í Hafnarfirði?
— Hafnarfjörður var lengi
landsfrægur fyrir hörð pólitísk
átök. Mjög hefur dregið úr þeim
hin seinni ár með stækkun bæjar-
félagsins og öðrum • breyttum
viðhorfum. Á þessu kjörtímabili
höfum við sjálfstæðismenn átt
samstarf við fulltrúa óháðra
borgara og hefur það gengið vel og
meirihlutinn verið samhentur um
lausn mála. Við höfum einnig átt
gott samstarf yfirleitt við fulltrúa
minnihlutaflokkanna og reynt að
taka tillit til þeirra sjónarmiða.
Það pólitíska jafnvægi, sem ríkt
hefur í Hafnarfirði þetta kjör-
tímabil er fyrst og fremst komið
til að mínu áliti vegna þess, að í
forystu hefur verið sterkur flokk-
ur, Sjálfstæðisflokkurinn, með
fimm bæjarfulltrúa, sem leitazt
hefur við að láta málefnin ráða og
sýna pólitískum andstæðingum
um leið fulla sanngirni. Sá mögu-
leiki er að sjálfsögðu alltaf fyrir
hendi, að hér verði breyting á,
hinir fjórir andstöðuflokkar okkar
nái úrslitaaðstöðu og reyni að
sameinast um myndun meirihluta,
þó ég hafi persónulega takmark-
aða trú á, að svo muni verða næsta
kjörtímabil. Engu að síður er það
skilyrði þess, að Sjálfstæðisflókk-
urinn í Hafnarfirði haldi áfram
því forystuhlutverki, sem hann
hefur haft á þessu kjörtímabili og
að hann geti haldið áfram að
framfylgja sinni stefnu og vinna
að sínum málum, að Hafnfirðingar
sýni Sjálfstæðisflokknum verulegt
traust við bæjarstjórnarkosning-
arnar.
Ég treysti því, að Hafnfirðingar
séu yfirleitt ánægðir með það sem
áurnizt hefur á síðasta kjörtíma-
bili og að þeir vilji, að áfram verði
haldið á sömu braut.