Morgunblaðið - 31.12.1978, Blaðsíða 9
MORGUNBLAÐIÐ, SUNNUDAGUR 31. DESEMBER 1978
41
ég heyri fréttir af slysum fer ég úr
jafnvægi því slys snerta ætíð marga
og það óvænt og mér er efst í huga
þegar þota Flugleiða hrapaði til
'jarðar í Sri Lanka fyrir stuttu
síðan.
Hér í minni sveit hefur allt
gengið friðsamlega og tíðindalítið.
Menn tala að vísu mikið um
landbúnaðinn og vanda hans en
hins vegar greinir menn á um þær
hugmyndir, sem uppi eru um
aðgerðir og það þykja mér nú
tíðindi að bændur skuli sjálfir
leggja fyrir ráðherra tillögur, sem
munu sennilega skerða laun veru-
lega og allt bendir til þess að þessar
tillögur fari í gegn. Allt eru þetta
auðvitað mikil tíðindi. Ef þessar
’ tillögur verða að lögum og þær
framkvæmdar er þar með hafin
útrýmingarherferð á sjálfstæðum,
framtakssömum íslenzkum bænd-
um, sem ef til vill eru síðustu
móhíkanar sjálfstæðrar persónu-
gerðar nútíma meðalmennskuþjóð-
félags á Islandi. A sama tíma og
þetta er að gerast velta menn
vöngum yfir tillögum Alþýðubanda-
lagsmanna frá í vor. Þeir voru
hérna á fundi hjá okkur á Brún í
Bæjarsveit og þá töldu menn nú að
ástæðulaust væri að skerða hlut
bænda um eina krónu. Hins vegar
er unnið hér að öðru máli, sem
miðar þó hægt, en það er hitaveita
fyrir Borgarnes, Hvanneyri, sveit-
irnar í leiðinni frá Deildartungu svo
og Akranes. Þetta er auðvitað mikið
hagsmunamál fyrir okkur Borgfirð-
inga.
Eg vil að lokum segja það, að nú
við áramótin finnst mér útlitið
heldur svart en auðvitað vona allir
íslendingar að úr rætist á hinu nýja
ári.
Sigurvin
Elíasson
Skinnastað
„MÉR er minnisstæðast frá byrjun
ársins þegar landið milli Mývatns-
sveitar og Öxarfjarðar byrjaði rétt
einu sinni að nötra með hávaða og
látum," sagði séra Sigurvin Elías-
son á Skinnastað. „Lætin voru slík
að það var hvorki svefnfriður né
matfriður á sjálfan afmælisdaginn
minn. Um stundarsakir mátti búast
við eldgosi á túnum bænda. Og
hissa varð ég þegar ég skoðaði nýju
hyldýpisgjárnar kringum Hlíðar-
gerði hjá Kristjáni bónda og
reyndar s fleiri bæjum.
Kosninganæturnar erú mér
minnisstæðar. Það voru bjartar
nætur með sóleyjum í túni en
úrslitin komu eins og demba "úr
heiðskíru lofti. Þá man ég vel hvað
bændur hér voru ánægðir með
heyskapinn í sumar. Þeir léku við
hvern sinn fingur og ekki spillti það
gleði þeirra að haustlömbin voru
með vænsta móti. Mér er líka
minnisstætt litaskrúð í haust.
Laufið stóð óvenju lengi í ár og
engu líkara eii maður væri staddur
mitt í málverki eftir Asgrím
heitinn Jónsson. Þá er mér mjög
minnisstætt er hvítir jöklar og
svartir skagar ættjarðarinnar risu
úr hafi eftir nokkra fjarveru og
skildi ég þá enn einu sinni ástar-
játningar gömlu góðskáldanna.
Jólin voru grárauð og eru þetta
fyrstu jólin í 8 ár sem ekki eru
hvít.“
Björn
Jónsson
Bæ
„FYRlR jól hafði ég samband
við allmarga menn víða í
héraðinu. Voru það menn í
ýmsum starfsgreinum og valdi
ég þá án tillits til stjórnmála-
skoðana," sagði Björn Jónsson
fréttaritari í Bæ í Höfðaströnd
í Skagafirði. „Lagði ég fjórar
spurningar fyrir þessa menn:
Hvað hefur skeð minnisverðast
á árinu? Um hvað hefur verið
mest talað á árinu? Hvernig er
afkoma fólks og afkoma fyrir-
tækja? Hverju spáirðu fyrir
næsta ár?
Svörin við fyrstu spurning-
unni snerust flest um úrslit
alþingiskosninganna, barátt-
una við verðbólguna og flug-
slysið í Sri Lanka. Við annari
spurningunni voru flest svörin
varðandi einstefnuaðgerðir í
skattamálum og stjórnarskipt-
in, umtal um atvinnuvegina og
algjört öryggisleysi í atvinnu-
lífi þjóðarinnar.
Svörin við þriðju spurning-
unni snertu flest sæmilega
afkomu fólks, sérstaklega
þeirra, sem hafa getað notið
yfirvinnu, en afkoma fyrir-
tækja vegur salt til hruns og
ekkert öryggi til framhalds-
reksturs.
Sundurlyndið í stjórnarsam-
starfinu var mönnum efst í
huga varðandi fjórðu spurning-
una. Töldu menn það geta orðið
örlagaríkt og á endanum, leitt
til stjórnarslita. Einn svaraði
því til að stjórnarfarið væri
„endalaus endaleysa" og til
þyrftu að koma „þjóðleg við-
horf og þjóðleg vinnubrögð."
Flestir spá samdrætti á öllum
sviðum og mjög mikilli dýrtíð.
Sumir spá hörðum síðari hluta
vetrar og jafnvel ísi við land,
en aðrir eru bjartsýnir og spá
svipuðu árferði og 1978.“
\
Sverrir
Pálsson
Akureyri
„EF ÉG ætti aö benda á einhver
markverð fyrirbæri úr þjóðlífinu á
árinu sem er að kveðja kemur fyrst í
hugann hið skyndilega og válega
veðurhljóð stjórnmálanna á þekj-
unni eftir langt logn og áhugaleysi
almennings," sagði Sverrir Pálsson
fréttaritari á Akureyri. „Tvennar
kosningar með mánaðarmillibili
rótuðu duglega upp í hugum fólksins.
Síðan hefur á ýmsu gengið og síst
verið tíðindalaust af orustuvelli
stjórnmálanna. Menn hafa haft
sitthvað um að hugsa og um að ræða
er varðar lífsskoðanir þeirra og
lífsbjörg. Ymsum þykir hann líka
ljótur til hafsins núna og útlitið
skuggalegt.
Gott árferði til lands og sjávar
hlýtur þó að vera mikil bót í máli eða
svo hefði þótt fyrrum, áður en góð og
mikil framleiðsla búskaparafurða
gerðist hið mesta böl, tók að íþyngja
skattgreiðendum og sliga fjármála-
kerfi þjóðarinnar.
Þegar ég lít mér nær tel ég
formlega vígslu hitaveitu Akureyrar
langmerkasta atburð ársins hér um
slóðir. Að vísu var hún aðeins
táknræn athöfn. Fyrsta tenging húss
fór fram skömmu fyrir síðustu
áramót en á þessu ári hafa rúmlega
eitt þúsund hús á Akureyri verið
tengd vatnskerfi hitaveitunnar. íbú-
ar þeirra hafa fengið að sannreyna
ágæti hennar og þægindi og fleiri
munu síðar bætast í þann hóp.
Kostnaður er að vísu mikill, bæði
fyrir einstaka húseigendur og bæjar-
félagið í heild og margir hafa ekki
enn fengið að njóta hennar, en þegar
öllu verður lokið er það trú mín að
tilkoma Hitaveitu Akureyrar verði
talin mesta hagsbótamál bæjar- og
héraðsbúa um áratugi auk þess sem
lagning hennar er stærsta fram-
kvæmd sem Akureyrarbær hefur
ráðist í fyrr og síðar. Boranir hafa
því miður tekizt misjafnlega vegna
óvenju erfiðra jarðlaga en allir vona
að þessháttar erfiðléikar verði brátt
sigraðir.
Afkoma fólks hér var þokkalega
góð á árinu, atvinnuleysi ekkert sem
heitið gat og þá er mikið fengið. Þó
að sum fyrirtæki væru í nokkrum
vanda stödd stóð hagur annarra með
blóma. Fólki leið yfirleitt vel og
vegnaði vel. Ég hygg að þegar alls er
gætt fái árið 1978 góð eftirmæli."
Markús
Jónsson
Borgareyrum
„Þetta ár hefur verið gott.
Grasspretta var ágæt og hey-
skapur mikill og góður,“ sagði
Markús Jónsson fréttaritari á
Borgareyrum.
„Af einstökum atburðum
ársins er mér efst í huga
flugslysið mikla á Sri Lanka,
en af innanlandsvettvangi ber
hæst kosningar sumarsins og
úrslit þeirra, sérstaklega al-
þingiskosninganna og sú út-
koma að ráðherrarnir skyldu
verða einn og átta.
Hér um slóðir er mér tíðar-
farið í desember einna minnis-
stæðast. Ég man alveg ekki
annan eins mánuð, því veður
hefur alltaf verið gott, andað
af norðri og næturfrost ekki
meira en þetta eitt til þrjú
stig.“
Þórður
Jónsson
Látrum
„HVAÐ tíðarfar snertir hefur
veturinn verið góður og þessi
desember sennilega sá bezti á
öldinni, sumri líkur til lands og
sjávar, og gerir veðurfar ársins
sérstaklega eftirminnilegt,"
sagði Þórður Jónsson fréttaritari
á Látrum.
„Af félagsmálum minnist ég 50
ára afmælis Slysavarnafélags
Islands og mikillar grósku í
félagsmálum yfirleitt, ekki sízt í
bindindismálum. Sölutregða hjá
Áfengis og tóbaksverzlun ríkis-
ins var algjör nýjung en ánægju-
leg staðreynd og eftirminnileg
upp á einn milljarð.
Stjórnmálalega séð voru
kosningar á liðnu sumri mjög
afgerandi um stefnumörkun og
framhaldið sviptingasamt og á
allan hátt eftirminnilegt.
Mín niðurstaða er því sú, að
árið 1978 hafi verið í heild mjög
afgerandi og eftirminnilegt á
öllum sviðum. Gott ár.“
Ævar Auð-
bjömsson
Eskifirði
„AF ATBURÐUM ársins 1978 er
mér flugslysið á Sri Lanka efst í
huga,“ sagði Ævar Auðbjörnssón
fréttaritari á Eskifirði.
„Af landsmálasviðinu eru kosning-
ar sumarsins mér minnisstæðastar
og þá einkum óvænt úrslit alþingis-
kosninganna, ekki hvað sízt hér í
Austurlandskj ördæmi.
Héðan heimanað er mér minnis-
stæðastur atburður af íþróttasvið-
inu, þar sem er velgengni knatt-
spyrnufélagsins Austra, þrátt fyrir
allar hrakspárnar í upphafi keppnis-
tímabilsins."
Frá og meö 3. janúar veröur
verzlunin opin kl. 10—6 frá
mánudegi — föstudags, lokaö á
laugardögum
V»/V°
Laugavegi 83 *
Bújörð
Til leigu er ein glæsilegasta bújöröin á norð-vestur
landi. Jöröin er laus til ábúöar á næstu fardögum og
hægt er aö fá keypta alla áhöfn núverandi ábúanda.
Öllum húsum, giröingum og ræktun er vel viö haldið.
Hér er tækifæri fyrir duglegt fólk til aö leggja grundvöll
að öruggri framtíö.
Þeir sem kynnu aö hafa áhuga á þessari jörö
vinsamlega leggi nafn og heimilisfang inn á afgr. Mbl.
merkt.: „Bújörö — 368“ fyrir 12. janúar n.k.
Til viðskiptavina
Ludvig Storr & Co
Þaö tilkynnist hér meö viðskiptavinum vorum, aö frá
og meö n.k. áramótum veröur fyrirtækiö Ludvig Storr
& Co lagt niður en fyrirtækiö David Pitt & Co h.f mun
taka við óbreyttum rekstri og starfsemi fyrirtækisins.
Um leiö og vér þökkum fyrir viöskiptin á liðnum árum,
væntum vér þess aö viðskiptavinir vorir veiti hinu nýja
fyrirtæki þaö traust, sem Ludvig Storr & Co hefir notiö.
Reykjavík, 20. desember 1978
f.h. Ludvig Storr & Co
David L. C. Pitt