Morgunblaðið - 20.01.1979, Blaðsíða 2

2
MORGUNBLAÐIÐ, LAUGARDAGUR 20. JANÚAR 1979
LIU:
Nýja afurdalána-
kerfid mun þýða
hærra fiskverð
TALSMENN Landssam-
bands ísl. útvegsmanna
Mýs á
Kröflu-
vaktina?
Akranesi. í jan.
ÞRJÁR „þokkalegar* mýs
hreirtrurtu um sig í eldhúsinu í
Innstavogshúsinu á jólaföstunni.
— Innstivogur er bújörð hér rétt
fyrir ofan bæinn. — Þetta væri
nú ekki tiltökumál og heldur
lítilfjörleg frétt, ef það sama
hefði ekki skeð á mörgum bæjum
í nágrannasveitinni. — Hér er
cngin hitaveita né kornforðabúr,
því miður, svo vitnað sé til
fréttar um músagang á Akureyri
f Morgunblaðinu í gær 11. jan.
Slikur músagangur f heima-
húsum átti sér stað fyrir frosta-
veturinn mikla árið 1918, og sú
trú er rikjandi hjá öldruðu fólki,
að mýsnar séu dágóðir veður-
fræðingar. — Hross taka einnig
sprettinn og tryllast á undan
jarðskjálftum, og hundar
spangóla. — Það finna fleiri
skepnur en mannskepnan, á sér
harðindi og náttúruhamfarir.
Menn voru því að velta því
fyrir sér, hvort ekki mætti spara
ríkisútgjöld, sem nú virðist vera
mikil þörf fyrir, með þvf að
notfæra þessa reynslu við Kröflu-
vaktina og á hinum ýmsu veður
athugunarstöðvum á landinu.
Júlíus.
mmmm
úfloviéR srýtf/e/ 4
viuo aw %\lo A&
$£ffA Vff r m Á bTuN9>
\W, VZ61
■*í
hafa lýst yfir andstöðu
sinni við hið nýja afurða-
lánakerfi fiskvinnslunnar,
sem gerir ráð fyrir lækkun
vaxta en gengistryggingu.
Þeir halda því fram að með
þessari nýskipan sé búið að
fella niður í reynd hlut-
deild útgerðarinnar í
gengismunasjóði.
Ágúst Einarsson, hagfræðingur
LIÚ, sagði í samtali við Mbl. í gær
að þetta afurðalánakerfi kæmi
mjög illa niður á útgerðinni.
Vegna endurnýjunar fiskiskipa-
flotans væru margir útgerðaraðil-
ar með mikil erlend lán og
gengisfellingar hefðu í för með sér
að vextir og afborganir af þessum
lánum hækkuðu verulega í hvert
skipti. Hingað til hafi útgerðin
jafnan fengið töluverðan og
stundum stærsta hluta gengis-
munasjóðsins svonefnda til að
mæta þessu og gengismunurinn
hefur þá runnið inn á reikninga
viðkomandi skipa í fiskveiðasjóði
eftir því um hversu miklar erlend-
ar skuldir hefur verið að ræða.
Með hinu nýja afurðalánakerfi
taldi Ágúst að búið væri að fella
niður hlutdeild útgerðarinnar í
gengismunasjóði, og það krefðist
þess að útgerðin fengi auknar
tekjur til að mæta þeim fjár-
magnsmissi sem væri hlutdeildin í
gengismunasjóði. Þær tekjur yrðu
ekki sóttar nema til fiskvinnsl-
unnar með hærra fiskverði.
bessa mynd tók Emilía á eggjaátskeppninni í Casa Nova í gær. Sigurður Baldursson er í miðið og
virðist honum vera orðið óglatt, enda fór það svo að hann lauk ekki keppni.
Eggjaátskeppni í M.R. í gær:
Sporðrenndu og spúðu aft-
ur yfir 30 eggjum á mínú tu!
MIKIÐ FJÖLMENNI fylgdist með eggjaáts-
keppni sem fór fram í nýbyggingu Menntaskól-
ans í Reykjavík, Casa Nova, í gærdag, en þar
kepptu nemendur úr M.R. og Verzlunarskóla
íslands. Keppendur voru þrír, en aðeins tveir
luku keppni, en ekki vildi betur til en svo að
sigurvegarinn, Birgir Guðjónsson, nemandi í
Verzlunarskólanum, spúði upp öllum eggjunum
strax að lokinni keppni. Náði hann ekki einu
sinni á salerni áður en til þess kom.
Eggjaátið lítur annars svona út í tölum:
Flest egg át Birgir Guðjónsson, 3. H í
Verzlunarskólanum, hann torgaði 33 eggjum á
1.01,37 mínútum, en það eru 0,49 egg á sekúndu.
Annar varð Bjarni Guðmarsson 4. B í M.R. Hann
hesthúsaði 30 eggjum á 1.17,85 mínútum, eða o,42
eggjum á sekúndu.
Sigurður Baldursson lauk ekki keppni.
Sem fyrr sagði fylgdist mannfjöldi með
keppninni, til staðar voru dómarar og tímavörður.
Ný verdbólguspá Vinnuveitendasambands íslands:
Gerir ráð fyrir að dollar
kosti 454 krónur um áramót
IIAGDEILD Vinnuveitendasamhands fslands hefur nú endurskoðað
spá sína frá 20. september síðastliðnum, sem það gerði í samvinnu við
Framleiðni s.f. Samkvæmt spánni, sem er um þróun framfærsluvísi-
tölu. launa og dollaragcngis til ársloka 1979, munu laun frá 1.
desember síðast liðnum og fram til 1. desembcr 1979 hækka um 45%.
Frá 9. janúar og út árið mun gengi dollarans miðað við íslenzka krónu
ha'kka um 42%. Spáin gerir ráð fyrir að gengi dollars verði hinn 1.
janúar 1980 krónur 454.00.
I fréttatilkynningu, sem fylgdi
spánni og Morgunblaðinu barst í
gær, segir, að meðal forsendna sem
lagðar væru til grundvallar spánni,
væri að vísitölubætur á laun yrðu
greiddar samkvæmt gildandi vísi-
tölukerfi allt þetta ár, nema 1. marz,
en þá verði launahækkun 5% eins og
rikisstjórnin stefnir að og fram
kemur í greinargerð með frumvarpi
til laga um tímabundnar ráðstafanir
til viðnáms gegn verðbólgu. Ekki er í
spánni gert ráð fyrir neinum grunn-
kaupshækkunúm á árinu. Vegna
mikillar hækkunar á innkaupsverði
olíu er í spánni gert ráð fyrir að j
viðskiptakjörin verði lakari á þessu
ári en á árinu 1978, þrátt fyrir þá
hækkun, sem orðið hefur á út-
flutningsverði frystra fiskafurða.
Síðan segir í fréttatilkynningunni:
„Niðurstöður leiða í ljós, að síðustu
aðgerðir ríkisstjórnarinnar í efna-
hagsmálum draga lítillega úr hraða
verðbólgunnar á árinu, miðað við
fyrri spá VSÍ. Hins vegar bendir
ekkert til þess, að aðgerðirnar breyti
nokkru um hraða verðbólgunnar
þegar til lengdar lætur. Það er ljóst
að ef stemma á stigu við þeirri
40—50% verðbólgu, sem hér hefur
geisað undanfarin ár, verður að
grípa til annarra aðgerða í efnahags-
og kjaramálum en gert hefur verið
fram að þessu."
Spá VSÍ gerir ráð fyrir að
F-vísitalan verði komin í 1728 stig
hinn 1. nóvember næstkomandi, en 1.
febrúar næstkomandi verði hún 1311
stig. Hækkanir á ársgrundvelli eru 1.
febrúar 1979 40%, 1. mai 1979 36%,
1. ágúst 1979 36% og 1. nóvember
1979 40%.
Spáin um launaþróun gerir fyrst
ráð fyrir 5% launahækkun 1. marz
1979, síðan 8% hinn 1. júni 1979,10%
1. september 1979 og 9,5% hinn 1.
desember 1979. Verða þá laun, sem
voru 100.000 krónur hinn 1. maí 1977
orðin 267.409 krónur — eða hafa
hækkað um 167,4%.
Gengisspáin gerir ráð fyrir
stöðugri stígandi í verði Bandaríkja-
dollars. Hinn 1. marz verði dollar
kominn í 329 krónur, 1. maí í 335
krónur, 1. júní í 379 krónur, 1.
október í 417 krónur og 1. janúar
1980 í 454 krónur.
Forsendur spárinnar eru eins og
áður segir að engar grunnkaups-
hækkanir verði á árinu, en ennfrem-
ur að niðurgreiðslur verði óbreyttar
út árið miðað við það sem þær voru í
desember síðastliðnum. Áður er lýst
hvernig búizt er við vísitöluhækkun-
um. í forsendum er og gert ráð fyrir
að kostnaðarauki fyrirtækja vegna
nýrra álaga er ríkisvaldið hefur lagt
á atvinnureksturinn komi fram í
verði vöru og þjónustu á árinu, að
viðskiptakjör haldist óbreytt frá því
sem nú er, en verða lakari en á
síðasta ári vegna olíuverðshækkun-
ar. Þá er gert ráð fyrir að fiskverð
hækki hlutfallslega líkt og laun
fiskvinnslufólks, nema í júní, en þá
verði hækkunin meiri en hækkun á
hráolíu. Fiskvinnslan verður rekin
með sívaxandi halla fyrri hluta
ársins og gert er ráð fyrir að
vöruverð hækki í marz vegna
hækkunar verzlunarálagningar.
27 ára síbrotamaður í 60 daga gæzluvarðhald:
Úrskurðaður sex sinnum í
fyrra og sat inni í 60 daga
27 ára gamali maöur var í gær
úrskurðaður i allt að 60 daga
gæzluvarðhald vegna síendurtek-
inna afbrota. Maður þessi var í
fyrra úrskurðaður alls sex sinn-
um 1 gærzluvarðhald vegna marg-
endurtekinna brota og sat hann í
gæzluvarðhaldi í 8 mánuði í fyrra.
Maðurinn hefur fimm sinnum
hlotið dóma fyrir innbrot og
þjófnaði. samtals i 64 mánuði eða
5 ár og 4 mánuði. í fyrra hlaut
hann tvo dóma báða í sakadómi
Kópavogs, fyrst 20 mánaða fang-
elsi og síðan 8 mánaða fangelsi.
Báðum þessum dómum áfrýjaði
maðurinn og fara þeir fyrir
Ilæstarétt.
í fyrra var maðurinn fyrst
úrskurðaður í gæzluvarðhald 15.
febrúar og sat hann inni til 15.
marz. Þrátt fyrir þessa innisetu lét
maðurinn sér ekki segjast og í apríl
var hann handtekinn og úrskurðað-
ur í gæzluvarðhald 16. apríl. Hann
sat í því varðhaldi til 3. maí en þá
var varðhaldið framlengt til 7. júní.
Þann dag var manninum sleppt en
varla var sólarhringurinn liðinn
áður en hann komst aftur í kast við
lögin og 11. júní eða aðeins fjórum
dögum seinna var hann úrskurðað-
ur í 4. skipti á árinu og sat hann þá
inni til 2. ágúst. Þá var manninum
aftur sleppt en hann hóf strax fyrri
afbrotaiðju og 26. ágúst var hann
úrSkurðaður í gæzluvarðhald til 25.
nóvember og það varðhald var svo
framlengt til 24. desember.
Þann dag eða aðfangadag jóla
var manninum sleppt. Hann hafði
hægt um sig yfir jólahátíðina en 3.
janúar var hann handtekinn og
viðurkenndi þá 2 innbrot. Ekki
þótti ástæða til gæzluvarðhalds þá
en manninum var komið í umsjá
Félagsmálastofnunar Kópavogs. í
fyrradag var maðurinn enn hand-
tekinn og játaði hann þá á sig tvö
innbrot til viðbótar. Rannsóknar-
lögregla ríkisins krafðist þá gæzlu-
varðhaldsúrskurðar yfir mannin-
um í sakadómi Reykjavíkur og var
hann úrskurðaður þar í gær í
gæzluvarðhald til 21. marz n.k.
Þar eð maðurinn áfrýjaði fyrr-
nefndum dómum var ekki hægt að
senda hann á Litla Hraun í
afplánun. Virðist gæzluvarðhaldið
því vera eina ráðið til þess að halda
manni þessum frá innbrotum og
þjófnuðum, því að hann hefur
byrjað afbrotastarfsemina jafn-
harðan og honum befur verið
sleppt.