Morgunblaðið - 08.03.1979, Blaðsíða 23

MORGUNBLAÐIÐ, FIMMTUDAGUR 8. MARZ 1979
23
Yfirmaður fíkniefnadeUdar Kaupmannahaíharlögreglimnar:
Kúlur fjögurra skota
voru sorfnar í oddinn
Þáttaskil í rannsókn málsins á föstudag?
Svend Thorsted, deildarstjóri fíkniefnadeildar lögreglunnar í
Kaupmannahöfn. Ljósm: SS
„VIÐ teljum okkur hafa
fundið út að þeir peningar,
sem funduzt í fórum
íslendinganna, séu hagnað-
ur af sölu fíkniefna óg þá
aðallega kókaíns,“ sagði
Svend Thorsted, deildar-
stjóri í fíkniefnadeild lög-
reglunnar í Kaupmanna-
höfn, þegar blaðamaður
Morgunblaðsins ræddi við
hann í höfuðstöðvum deild-
arinnar í lögreglustöðinni
í Kaupmannahöfn í dag.
Svend Thorsted upplýsti
ennfremur, að í fórum
íslendinganna hefði fundizt
jafnvirði 270 þúsund
danskra króna eða um 17,2
milljónir íslenzkra króna í
dönskum, norskum og
sænskum seðlum. Mestur
hluti peninganna, eða um
215 þúsund danskra króna,
fannst í tösku í herbergi
íslenzkra hjóna, en þau
neita að eiga þá og kveðjast
hafa geymt töskuna fyrir
ókunnan mann. Þá upplýsti
Thorsted, að í fórum Islend-
inganna hefði fundizt tölu-
vert magn fíkniefna, þar af
um 250 g af kókaíni, en 216
g fundust hjá landlausa
Ungverjanum, sem getið
hefur verið í fréttum. Einn-
ig fannst í fórum íslending-
anna nokkuð af hassi og
amphetamíni, dýrmætir
gullskartgripir, minnka-
pelsar og loks hlaðin
skammbyssa og 7 hnífar.
Svend Thorsted sagði að
byssan, sem um ræðir væri
7,65 caliber að stærð, af
amerískri gerð. I byssunni
og í herberginu fundust alls
6 skot, þar af 4 svokölluð
sorfin skot, sem fletjast út,
þegar þau fá mótstöðu og
mynda lófastór sár. Þá
fundust 2 laus skot. „Þessi
byssa fannst í herbergi
íslenzkra hjóna, en þau
neita alveg að kannast við
byssuna eða hnífana," sagði
Thorsted lögregluforingi.
„Það hafa engar yfir-
heyrslur farið fram síðan á
laugardag,“ sagði Thorsted,
„og er lítið nýtt að frétta af
málinu, en auðvitað höfum
við unnið kappsamlega að
rannsókn þess. íslending-
arnir hafa alveg neitað að
þekkja til fíkniefnanna eða
þeirra hluta, sem fundust í
herbergjum þeirra og á
þeim sjálfum, nema hvað
einn karlmannanna viður-
kenndi að hann væri
kókaínneitandi og hann
ætti þau 18 g af kókaíni,
sem á honum fundust, og
ein af íslenzku konunum
hefur sagt, að hún vissi að
eitthvað ólöglegt færi fram
hjá Islendingunum, þótt
hún hafi hvergi komið þar
nærri.“ Thorsted bætti því
við, að gæzluvarðhaldstími
þriggja hinna fangelsuðu
myndi renna út á föstudag-
inn og væri þá að vænta
þáttaskila í málinu. Hann
sagði ennfremur að lögregl-
an hefði notað tímann að
undanförnu til þess að
rannsaka alla þætti máls-
ins.
Lögreglustöðin í Kaupmannahöfn. þar sem rannsókn fíkniefnamálsins fer fram. Stöðin
stendur við Polititorvet. Ljósm: SS
Amin í
kröggum
EFNAHAGSLEGT hrun vofir yfir í Uganda á sama tíma og Amin
forseti treystir varnir höfuðborgarinnar Kampala með víg-
girðingum.
Engir varahlutir eru til í mikilvægustu vélar og viðhald hefur
nánast lagzt niður í verksmiðjum vegna skorts á tækni-
fræðingum. Hermenn Amins og uppreisnarmenn leggja hald á
það litla sem eftir er af eldsneyti. en sumt af því er selt á svörtum
markaði. eina vettvangi viðskipta sem enn dafnar í landinu.
Eðlilegt ástand virðist aðeins ríkja í raforkuiðnaði. en jafnvel
hann er í hættu vegna þrálátra eldflauga- og sprengjuárása
hreyfingarinnar ..Björgum Uganda" á tengistöðvar.
Innanlandsátökin í Uganda munu líklega valda meiriháttar efnahags-
legum skakkaföllum í nokkrum landluktum löndum sem eru háö
flutningum um Uganda og Kenya til strandar Austur-Afríku.
Rwanda, Zaire og Burundi eru háð flutningum um hafnarborgina
Mombasa í Kenya og rúmlega 200 benzínbílar og stórir vöruflutninga-
bílar hafa stöðvazt á leið til þessara landa við landamæri Uganda.
Vinnuveitendur sumra bílstjóranna hafa bannað þeim að fara inn í
Uganda fyrr en einhverri reglu hefur verið komið á þar. Aðrir bílstjórar
neita að taka nokkra áhættu.
Vörubílar með birgðir handa Amin forseta hafa fengið loforð um
fylgd til Kampala, en það hefur ekki alltaf nægt til að sannfæra
bílstjórana. Uppreisnarmenn hafa skotið á nokkra vörubíla eða kveikt í
þeim og misþyrmt bílstjórunum.
Hundruð flóttamanna hafa streymt frá bardagasvæðunum til
Kampala þar sem liðssveitir hliðhollar Amin hafa grafið nýja
varnarlínu vestan við höfuðborgina. Ætlunin er að víggirða stórt svæði
til að verjast uppreisnarhermönnum og útlögum sem njóta stuðnings
Tanzaníuhers.
Eðlilegt líf er úr sögunni í höfuðborginni. Skriðdrekar og brynvarðir
bílar eru á verði á hernaðarlega mikilvægum stöðum og hundruð manna
mæta ekki til vinnu. Margir flóttamannanna hafa tjaldað á
Amin ásamt Mustafa Adrisi fv. varaíorseta.
knattspyrnuleikvangi borgarinnar. Flóttamennirnir segja að þeir hafi
sætt góðri meðferð uppreisnarmanna, sem hafi hvatt þá til að halda
kyrru fyrir heima hjá sér.
Amin á lítið eftir af erlendum gjaldeyri til að kaupa tryggð hermanna
sinna og efnahagsmistök hans eiga að miklu leyti rætur að rekja til
brottvísunar 80.000 Asíumanna 1972, einu ári eftir herbyltinguna sem
kom honum til valda.
Síðan hafa tvær stærstu sykurverksmiðjur landsins, í Jinja og Lugazi,
í bezta falli skilað hálfum afköstum og oft alls engum. Fyrir daga Amins
framleiddu þær 60 af hundraði alls sykurs sem er mikilvæg
útflutningsafurð. Verksmiðjurnar hafa lamazt vegna vélarbilana og
sykurreyr hefur staðið óskorinn á ökrunum í rúm fjögur ár með þeim
afleiðingum að 70 af hundraði sykurinnihalds hans hafa farið
forgörðum.
Eitt sinn var Uganda auðugt land á afrískan mælikvarða vegna
framleiðslu á te og kaffi, en nú hefur hún líka stöðvazt, líka vegna skorts
á varahlutum og tæknikunnáttu. Stórri kaffiverksmiðju í Mbale hefur
verið lokað og einnig mörgum teverksmiðjum, sem áður stjórnuðu
Bretar, Asíumenn og aðrir erlendir sérfræðingar sem hafa verið reknir
eða hafa flúið land af ótta við Amin.
Mörg fyrirtæki sem Asíumenn áttu og Amin þjóðnýtti eru aftur
komin í hendur útlendinga, aðallega Araba og Palestinumanna. En
eðlileg verzlun er óhugsandi og eigendurnir hafa snúið sér að smygli og
götusölu á svörtum markaði. Ef kaupmenn reyna að verzla í búðum
sínum verða þeir stöðugt fyrir ránum og gripdeildum hermanna Amins.
Nú síðast hafa Bretar stöðvað ferðir sem Boeing 707 flugvélar hafa
farið tvisvar í viku með alls konar vörur eins og spítalarúm,
hjúkrunargögn og varahluti og munaðarvörur handa Amin og
gæðingum hans frá Bretlandi til Uganda. Þótt Bretar slitu stjórnmála-
sambandi við Amin 1976 og hafi harðlega gagnrýnt mannréttindabrot
hans hefur þessum ferðum Uganda-flugfélagsins verið leyft að halda
áfram þrátt fyrir mótmæli einstakra Breta. En Uganda-flugfélagið segir
vörurnar verði nú sendar til Evrópu og fluttar þaðan flugleiðis til
Uganda.
——aea—iemmwbfwiww—immmmmmmmw«B»gKVMpmi—jHaasaa—