Morgunblaðið - 08.03.1979, Blaðsíða 25

24
MORGUNBLAÐIÐ, FIMMTUDAGUR 8. MARZ 1979
MORGUNBLAÐIÐ, FIMMTUDAGUR 8. MARZ 1979
25
Útgefandi
Framkvœmdastjóri
Ritstjórar
Ritstjórnarfulltrúi
Fréttastjóri
Auglýsingastjóri
Ritstjórn og afgreiðsla
Auglýsingar
hf. Arvakur, Reykjavík.
Haraldur Sveinsson.
Matthías Johannessen,
Styrmir Gunnarsson.
Þorbjörn Guómundsson.
Björn Jóhannsson.
Baldvin Jónsson
Aöalstraeti 6, sími 10100.
Aöalstræti 6, sími 22480.
Áskriftargjald 3000.00 kr. é mánuói innanlands.
I lausasölu 150 kr. eintakió.
„Hér verður að
brjóta blað”
Þingrofstillaga sjálfstæðis:nanna var rökrétt og raunar
óhjákvæmileg, eins og þjóðmálin hafa þróast síðan um
kosningar. Hafi menn verið í vafa áður um það, hvort
ríkisstjórnin hefði eitthvað f.am að færa, geta þeir ekki verið
það eftir útvarpsumræðurnar í fyrrakvöld. Þótt þar töluðu
fimm ráðherrar, örlaði ekki á því í máli þeirra, hvernig þeir
vilja bregðast við efnahagsvandanum, sem þeir hafa átt svo
mikinn þátt í að magna. Enn á ný á að telja þjóðinni trú um,
að stefnan verði mörkuð í næstu viku. Þá ætlar forsætisráð-
herra að leggja fram frumvarp, sem hann lýsti hátíðlega yfir
í desember, að yrði að vera búið að fá afgreiðslu og orðið að
lögum fyrir 1. marz. Óþarfi er að eltast frekar við
dagsetningar og tímamörk ríkisstjórnarinnar. Þar er allt á
reiki nema þetta eitt, að aldrei er við þau staðið. Það er því vel
skiljanlegf, að Bragi Sigurjónsson, sá mikli reglumaður, skuli
vilja fá því slegið föstu í eitt skipti fyrir öll með ályktun
Alþingis, hvenær botn skuli sleginn í þykjustuleikinn og
forsætisráðherra snúa sér til forseta íslands með lausnar-
beiðni sína. Þingmaðurinn vill gefa 13 daga frest til þess arna.
En ekki var að heyra í útvarpsumræðunum, að forsætisráð-
herra kynni þingmanninum neinar þakkir fyrir, heldur var
með rembing.
Ríkisstjórnin var mynduð um ráðherrastólana. Og þeim,
sem þar sitja, þykir löngum vænt um þá stóla. Þess vegna er
ekki hægt að útiloka, að ríkisstjórninni takist að klambra
saman frumvarpsómynd um efnahagsmál í óþökk flokks-
bræðra sinna. Eftir öllum sólarmerkjum að dæma yrði slík
samsuða sama marki brennd og bráðabirgðaúrræði ríkis-
stjórnarinnar hingað til, þar sem vandanum hefur verið ýtt á
undan sér og lausn hans þar með gerð erfiðari. í orði kveðnu
yrði talað um uppbyggingu atvinnulífsins, en í raun yrði
meira frá því tekið með aukinni skattheimtu og nýjum
kvöðum. Bréf yrði skrifað frá Verkamannasambandi íslands
til forsætisráðherra pers.'-’ulegp. um leið og hann lyfti upp
hönd sinni til þess að s. . ’menn kjör launafólks í
landinu. Ríkissjóður er orðLm að botnlausri hít, en
lagasetning ríkisstjórnarinnar ýmist dæmd ómerk eða fyrir
dómstólum. Þvílíkur samdráttur verður á þjóðartekjum á
þessu ári eins og nú horfir, að lífskjör fara versnandi, þó svo
að tillit sé tekið til olíukreppunnar.
Það var því ekki að ófyrirsynju sem Geir Hallgrímsson
sagði í útvarpsumræðunum: „Hér verður að brjóta blað og
hverfa að öðrum ráðum.“ Hann skírskotaði til stefnuyfirlýs-
ingar Sjálfstæðisflokksins í efnahagsmálum, þar sem vakin
er athygli á því, að þríflokkarnir sjá fátt annað til úrbóta en
aukin ríkisafskipti og meiri skattheimtu. — „Sjálfstæðis-
menn hafna þessum vinnubrögðum, sem leiða til áframhald-
andi verðbólgu og versnandi lífskjara. Þess í stað vilja
sjálfstæðismenn auka frelsi einstaklingsins til að ráðstafa
eigin aflafé og hvetja hann til dáða. Þeir telja almennar
reglur heppilegri en boð og bönn og vilja draga úr
miðstýringu með því að flytja verkefni frá ríki til sveitar-
félaga, fyrirtækja og einstaklinga. Þeir vilja nýta kosti
frjálsra viðskipta og markaðskerfis og tryggja að ákvarðanir
séu teknar af ábyrgð og þekkingu."
Eins og Geir Hallgrímsson lagði áherzlu á, er í efnahags-
yfirlýsingu Sjálfstæðisflokksins greint frá því, hvernig auka
skuli verðmætasköpunina í þjóðfélaginu, bæta hag almenn-
ings og takast á við verðbólguvandann. Þar er lýst hinu
jákvæða viðhorfi, þeirri lífstrú, sem byggir á manngildinu og
smitar þannig út frá sér, að hún kallar á athafnir, en veldur
ekki doða og deyfð eins og núverandi ríkisstjórn. Enginn
finnur þetta betur en þjóðin sjálf. Þess vegna hverfa
ríkisstjórninni stuðningsmenn á hverjum degi. En hinir verða
æ fleiri, sem segja: „Hér verður að brjóta blað og hverfa að
öðrum ráðum.“
Þingræða Gunnars Thoroddsens í fyrradag
Hæstvirtur forsætisráðherra var í
nokkrum vafa um, hvernig skilja bæri
þessa tillögu, taldi, að hún væri einkenni-
leg og fátíð. Sams konar tillaga eins og
þessi var flutt áður, þegar hér var önnur
vinstri stjórn, Hermanns Jónassonar, og
var þá flutt af þeim Ólafi Thors og
Bjarna Benediktssyni. En til þess að
hæstvirti forsætisráðherra velkist ekki í
vafa um, hvað þessi tillaga feli í sér, þá
vil ég taka það skýrt fram, að auðvitað
felur þessi tillaga um þingrof og nýjar
kosningar í sér fullkomið vantraust á
núverandi ríkisstjórn. Enda fór það ekki
milli mála í lok ræðu hæstvirts ráðherra,
að hann skildi tillöguna þannig, ef
samþykkt yrði, þar sem hann mundi þá
tafarlaust biðjast lausnar. Ég vil taka
fram út af ummælum hæstvirts ráðherra,
að hér er ekki um að ræða sérstakt
vantraust á hendur honum eða persónu-
legt vantraust, heldur er það vantraust á
ríkisstjórninni í heild og stjórnarsam-
starfinu, sem hér er á ferðinni.
Hæstvirtur ráðherra minntist á skatta-
lögin frá síðasta þingi. Um ýmis ákvæði
þeirra laga voru skiptar skoðanir innan
stjórnarflokkanna. En hitt vil ég taka
fram um leið, að Framsóknarflokkurinn
stóð ekki síður að þessum lögum, heldur
en Sjálfstæðisflokkurinn.
Hæstvirtur iðnaðarráðherra sagði, að
núverandi ríkisstjórn hefði komið að
tómum sjóðum. Dálítið stangast þetta nú
á við frumvarp, sem ríkisstjórnin flutti
fyrir nokkrum dögum og er orðið að
lögum. Það er um breytingu á út-
flutningsgjaldi af sjávarafurðum. Þar var
ákveðið að lækka útflutningsgjald úr 6%
í 5%. I greinargerð ríkisstjórnarinnar
með þessu frumvarpi er það rökstutt með
því, að þrír meginsjóðir, sem um er að
ræða, þoli nokkra lækkun útflutnings-
gjaldsins, án þess að það þurfi að koma
niður á starfsemi þeirra. Ekki bendir
þetta til þess, að sjóðirnir hafi verið
galtómir, þegar hæstvirt ríkisstjórn tók
við.
Samtímis í stjórn og
stjórnarandstöðu
Hæstv. iðnaðarráðherra taldi, að lítið
hefði farið fyrir stjórnarandstöðunni á
þessu þingi. Þetta þing hefur verið með
alveg sérstökum og óvenjulegum hætti,
m.a. vegna þess að einn stjórnarflokk-
anna hefur leikið það hlutverk að vera
samtímis í stjórn og stjórnarandstöðu.
Þetta hefur leitt af sér háværar deilur í
þingsölum. Stundum hefur ekki annað
komist að heilu dagana í Alþingi heldur
en rifrildi milli Alþýðuflokks og Alþýðu-
bandalags. Vitanlegá hafa þessar hörku-
deilur stjórnarflokkanna innbyrðis vakið
mikla athygii, vegna þess, að þetta er svo
nýstárlegt. Slíkt og annað eins hefur
aldrei gerst fyrr á Islandi.
__________Fuglabjargið___________
í fuglabjargi stjórnarflokkanna er
erfitt að greina nokkurn samhljóm. Þar
syngur hver með sínu nefi. Hæstvirtur
forsætisráðherra hefur reynt að samstilla
kórinn. En söngstjórinn er píptur niður,
einn daginn af öðrum samstarfsflokknum
og annan daginn af hinúm. Mishljómarn-
ir magnast dag frá degi. Einn af
háværustu bjargfuglunum hafa setið í
festum og verið heitbundinn hæstvirtum
forsætisráðherra í hálfan mánuð. En nú
hafi ráðherrann heykst á öllu trúlofunar-
standinu, og virðist festarmaðurinn nú
helst vilja snúa prófastinn úr hálsliðnum.
Kannske má því á næstunni ekki síður
búast við begrafelsi en brúðkaupsveislu.
Öll þessi ósköp, sem yfir ganga, — og
sem hæstvirtur iðnaðarráðherra kallar
samningslotu, en réttara væri að líkja við
hnefaleikalotu, — öll þessi ósköp eru með
þeim ólíkindum, að engin rikisstjórn á
Islandi hefur áður upplifað eða fram-
kallað slíkt. Allt sýnist þetta fyrst og
fremst stafa af illindum og ósamkomu-
lagi um efnahagsmálin. Ágreiningurinn
stendur milli Alþýðuflokks og Alþýðu-
bandalags, en þeir flokkar tveir töldu sig í
fyrrasumar hafa næg úrræði í þeim
málum og gáfu fögur fyrirheit.
I þessum furðulega og fjörmikla stríðs-
dansi stjórnarflokkanna og í þessu ógn-
vekjandi úrræðaleysi er það ekki að
ófyrirsynju að sjálfstæðismenn hafi flutt
tillögu um þingrof og nýjar kosningar.
________Leikið á vfsitöluna_________
Áður en lengra er haldið vil ég minnast
á ummæli hæstvirts iðnaðarráðherra um
vísitöluna, hún hefði hækkað minna nú en
ári áður. Sannleikurinn er sá, eins og
hann kom lítillega inn á, að hér er að
verulegu leyti leikur með tölur. Sumpart
eru þarna að verki niðurgreiðslur, sem
fengnar eru með stórfelldrl hækkun
beinna skatta, sem ekki kemur inn í
Gunnar Thoroddsen
vísitöluna. í öðru lagi má nefna, að
hækkun á gjaldskrá fyrir ýmsar opinber-
ar stofnanir hefur verið frestað og er þess
vegna ekki komin enn inn í vísitöluna. En
með þessum aðgerðum er verið að stofna
til hallareksturs. Meira að segja er svo
komið, að jafnvelstætt fyrirtæki eins og
Landsvirkjun hefur opinberlega tilkynnt
mikinn greiðsluhalla hjá sér. Það er verið
að halda vísitölunni niðri á óeðlilegan
hátt með því að fresta slíkum gjaldskrár-
hækkunum. Allt þetta hlýtur að koma
fram fyrr eða síðar. En stórfelldur
hallarekstur opinberra stofnana er
verðbólguaukandi. Þetta er sami leikur-
inn og leikinn var hjá vinstri stjórninni
árið 1973—1974, þar sem frestað var
nauðsynlegum gjaldskrárhækkunum til
þess að halda vísitölunni niðri, en allt
þetta varð að leiðrétta og laga síðar, og
varð það eitt af erfiðum viðfangsefnum á
fyrsta ári fyrrverandi ríkisstjórnar.
Fjárfesting undir-
__________staöa framfara___________
Einn þáttur efnahagsmálanna liggur
þó ekki fyrir Alþingi nú, þótt efnahags-
frumvarp forsætisráðherra hafi ekki litið
dagsins ljós á Alþingi. Það er stjórnar-
frumvarp um lántökur, fjárfestingu o.fl.
og tel ég nauðsynlegt að gera það að
umtalsefni hér.
Að því er varðar fjárfestingu og verk-
legar framkvæmdir í landinu, þá verður
að vara við þeirri allt of útbreiddu
kenningu, að mikil fjárfesting sé bölvald-
ur og meginorsök verðbólgunnar. Þvert á
móti verða menn að gera sér grein fyrir,
að fjárfesting í atvinnutækjum, sam-
göngu- og orkumálum og ýmsum öðrum
opinberum framkvæmdum, er undirstaða
framfara í landinu og grundvöllur vax-
andi velmegunar. Endurnýjun atvinnu-
tækja, bættur vélakostur, næg orka,
greiðar samgöngur, — alls þessa má
þjóðin ekki án vera, ef hún vill sækja
fram. Þess vegna á ekki að stefna að því,
að fjárfesting í þjóðarbúskapnum fari
minnkandi í hlutfalli við rekstrarútgjöld,
heldur fremur að setja það mark að draga
úr rekstrarútgjöldum hins opinbera.
Það er líka varhugavert að búa sér til
þá reglu fram í tímann, að fjárfesting í
landinu megi til dæmis ekki vera nema
24'/2% af þjóðarframleiðslunni.
Hér verður að greina glöggt í sundur,
hvers eðlis framkvæmdirnar eru. Þótt
stefnt sé að því að draga úr erlendum
lántökum, getur verið hyggilegt að taka
erlent lán, ef sú framkvæmd sparar
meira í erlendum gjaldeyri en vöxtum og
afborgunum lánsins nemur, Þá væri það
glapræði að neita um slíkt erlent lán
vegna þess að einhverri fyrirfram tilbú-
inni hámarkstölu væri náð.
í fjárfestingaráætlun og lántökufrum-
varpi ríkisstjórnar ber of mikið á slíkum
almennum reglum og þar er ekki alltaf
tekið mið af heilbrigðri skynsemi. Hér
skulu nefnd dæmi.
Atvinnuleysi
framundan í
byggingariðnaði
Samdráttaraðgerðir stjórnarflokkanna
eru þegar farnar að hafa alvarleg áhrif. I
byggingariðnaðinum hafa verkefni
minnkað og þó að þau séu víða talin
viðunandi sem stendur, þá eru svo
ískyggilegar horfur í haust og næsta
vetur, að búast verður við verulegu
atvinnuleysi meðal byggingarmanna. Það
hefði því verið fullkomin ástæða til að
auka fjármagnsmöguleika í þeirri grein.
En stjórnarflokkarnir fara þveröfugt að.
I ofurkappi sínu að skera niður fjárfest-
ingu sjást þeir ekki fyrir. Þeir leggja til í
11. gr. stjórnarfrumvarpsins að Bygg-
ingarsjóður sé sviptur í ár 2000 milljón-
um kr. af starfsfé sínu og því ráðstafað til
annarra verkefna.
Hitaveitu og
__________olíusparnaður
í hitaveitumálum varð gerbreyting við
stjórnarskiptin haustið 1974. I stað hins
vanhugsaða áróðurs iðnaðarráðherra Al-
þýðubandalagsins áður fyrir aukinni
rafhitun með þilofnum, sem hefur orðið
þjóðinni þungur baggi, þá var nú lagt
kapp á að finna og nýta heitt vatn og gera
nýjar hitaveitur. Árangurinn er skýr.
Olíunotkun til húshitunar hefur stór-
minnkað á þessum árum, til hagsbóta
fyrir fólkið og gjaldeyrissparnaður fyrir
þjóðina. Árið 1973 var olíunotkun til
húshitunar hér á landi 160 þús. tonn, en á
síðasta ári var notkunin komin niður í 95
þús. tonn. Á þessum tíma hefur útsölu-
verð á olíu til notenda tólffaldast. Þessi
minnkun í olíunotkun til húshitunar, sem
fyrst og fremst stafar af hinum nýju og
auknu hitaveitum, sparar þjóðinni hvorki
meira né minna en 3V4 milljarð ísl. króna
á ári, en gjaldeyrissparnaðurinn nemur
tæpum 3 milljörðum.
Dregið úr hita-
veituframkvæmdum
I lánsfjáráætlun ríkisstjórnar nú hefur
verið dregið úr og frestað ýmsum hita-
veituframkvæmdum í stað þess að greiða
sem mest fyrir þeim. Hér er vissulega
rangt að farið.
Hæstv. iðnaðarráðherra sagði áðan, að
hann þyrfti ekki að kvarta um verk-
efnaleysi í iðnaðarráðuneytinu, þótt þar
hefði verið vaskur maður áður. Ég vil
segja, að svo mikil og stórbrotin verkefni
eru í orku- og iðnaðarmálum, að það
mætti furðu sæta, ef nokkur iðnaðarráð-
herra yrði nokkurn tíma verkefnalaus.
Hins vegar eru mér það vonbrigði, að
hæstv. núverandi iðnaðarráðherra skuli
ekki hafa fylgt fastar eftir undirbúningi
og framkvæmdum um nýtingu innlendra
orkugjafa.
_______Landkynning lömuð___________
Landkynning og ötul ferðamálastarf-
semi hafa stóraukið gjaldeyristekjur
iandsmanna, og nam sú aukning á s.l. ári
rúmum 10 milljörðum kr. Hér hafa
Ferðamálaráð, ferðaskrifstofur, Náttúru-
verndarráð og fleiri aðilar starfað saman
með góðum árangri. Þessi atvinnugrein,
móttaka erlendra ferðamanna, skilar nær
jafnmiklum gjaldeyri og útfluttar
iðnaðarvörur. En með þessu stjórnar-
frumvarpi á að svipta ferðamálaráð að
mestu þeim tekjum, sem það hefur haft
til starfsemi sinnar og lama þar með
þessa mikilvægu atvinnugrein.
Hér hafa verið nefnd þrjú dæmi um
það, hvernig ekki á að standa að því að
stjórna landinu. í einu þessara dæma eru
gerðar ráðstafanir, sem munu leiða til
atvinnuleysis í byggingariðnaði og vax-
andi húsnæðisvandræða. I hinum dæm-
unum er komið í veg fyrir gjaldeyris-
sparnað og gjaldeyrisöflun og hefur þó
gjaldeyrisskorturinn löngum hrjáð þess.t
þjóð.
Aðferð hins frjálsa
aðhalds um fjárfestingu
Þótt framkvæmdir og fjárfesting hafi á
sumum sviðum verið um of á undanförn-
um árum, þá réttlætir það ekki slíkar
aðgerðir, sem leiða til atvinnuleysis og
gjaldeyrissóunar. Það er jafnvægið, sem
verður að finna og alltaf er hollt að hafa
heilbrigða skynsemi með í ferðum. Það
þarf að sporna við óeðlilegri eftirspurn
eftir vinnuafli i hverri grein, því að slík
spenna eykur verðþenslu. Til þess að
koma í veg fyrir ofþenslu í framkvæmd-
um, má ekki grípa til skömmtunar og
hins illræmda fjárfestingarleyfakerfis.
Hins vegar væri ráðlegt að beita aðferð
hins frjálsa aðhalds. Ríkisvaldið þarf að
fela einhverjum aðila sem fyrir er í
■ ríkiskerfinu, að fylgjast að staðaldri með
ástandi og horfum i hverri atvinnugrein.
Ef útlit er fyrir ofþenslu og mikla
eftirspurn eftir vinnuafli í einhverri
grein, þá þarf sá aðili að gera aðvart í
tæka tíð. Þá skal reynt að draga úr
hættunni, með því að ríkið og ríkis-
stofnanir dragi úr eða fresti eirihverjum
framkvæmdum, og leitast verði við, með
samráði og fortölum, að fá sveitarfélög,
atvinnufyrirtæki og einstaklinga til hins
sama. Eins þarf að fylgjast vandlega með
því, ef hætta er á atvinnuleysi í einhverri
grein og gera allt sem unnt er til þess að
auka atvinnu og bægja frá því böli, sem
atvinnuleysi er.
Frjálsræði í stað
_________forsjár rfkisins__________
Ég hef bent hér á hina frjálsu leið í
stað fjötra. Og þannig er það viðhorf og
stefna sjálfstæðismanna í öllum þjóðmál-
um, að frjálsræðið er farsælast. En
frjálsræðinu þarf að fylgja eftirlit, til
þess að taka í taumana, ef frelsið er
misnotað. Hið gamla skipulag verðlags-
mála hefur t.d. ekki fært mönnum hag-
kvæmni í vöruverði og vörugæðum, held-
ur þvert á móti, oft valdið óhagkvæmunt
innkaupum. Við sjálfstæðismenn viljurn
afnema þetta úrelta fyrirkomulag, sem er
styrjaldarrústir og aðrar þjóðir hafa
löngu grafið í jörð. Við viljum frelsi um
verðmyndun, en með eftirliti, sem grípur
inn í, ef hinnar frjálsu samkeppni nýtur
ekki nægilega á einhverju sviði. Og eins
og við viljum frjálsræði í stað ríkisfor-
sjár, viljum við auka ráðstöfunarrétt
borgaranna, á tekjum sínum og munum
því beita okkur fyrir því að afnerna allar
hinar nýju skattaálögur, sem núverandi
stjórnarflokkar hafa leitt yfir þjóðina.
Frjáls-
ræðið
er far-
sælast
Liðlega 200 manns
tóku þátt í leitinni
að piltunum tveim
Piltarnir fundust báðir grafnir í snjóskriðuna.
PILTARNIR tveir, sem
urðu undir snjóskriðunni
úr Þverfellshorni í Esju í
fyrradag, voru báðir látnir
undir snjónum, þegar
leitarmenn fundu þá í
fyrrinótt. Piltarnir hétu
Stefán Baldursson, Tómas-
arhaga 22, og Sveinbjörn
Beck, Brávallagötu 18.
Pilturinn sem með þeim
var í ferðinni og slapp
naumlega, þar sem hann
hafði dregizt lítið eitt aftur
úr á göngunni, heitir Árni
Geirsson, Nesvegi 49. Þeir
voru allir á 19. aldursári
og bekkjarbræður úr
Menntaskólanum í Reykja-
vík.
■ 1 ■
••••'•• • ••,•:*• • ••'
Piltarnir voru báðir nemendur í
MR og þar var fáni í hálfa stöng í
gær.
Piltarnir voru á niðurleið eftir
að hafa gengið á Esju og fóru
nokkuð aðra leið en vanalega er
farin. Árni Geirsson fór lítið eitt
á eftir félögum sínum tveimur
og vissi ekki fyrr en hann sá
snjóinn fyrir framan sig bresta
undan fótum sínum og félaga
sína tvo hverfa undir skriðuna.
Hann reyndi að kalla til þeirra
en fékk engin svör, svo að hann
hélt strax niður af fjallinu og lét
vita hvað gerzt hefði.á bænum
Leirvogstungu.
Félagar úr björgunarsveitinni
Kyndli í Mosfellssveit fóru þegar
til bjargar eftir að hafa fengið
lýsingu á staðnum hjá Árna
Geirssyni en strax í kjölfarið
voru kallaðar út björgunarsveit-
in Ingólfur í Reykjavík, Hjálpar-
sveit skáta og Flugbjörgunar-
sveitin og þegar flest var við
leitina voru liðlega 200 manns,
sem tóku þátt í henni, að því er
Hannes Hafstein, framkvæmda-
stjóri Slysavarnafélagsins, tjáði
Mbl. Að auki var tilbúið um 120
manna varalið björgunarsveitar-
manna víðs vegar að af
suðvestanverðu horni landsins
til að leysa fyrstu björgunar-
sveitarmennina af.
Skriðan var um 400—500
metrar á lengd, um 10—15 metr-
ar á breidd en misdjúp. Var
leitað skipulega með snjóflóða-
leitarstöngum, en að sögn eins
björgunarsveitarmanna gerði
það leitarmönnum mjög erfitt
fyrir við leitina að snjórinn var
svo þéttur, að stengurnar gengu
vart í gegnum mjög lagskiptan
snjóinn.
Erlingur Ólafsson, formaður
björgunarsveitarinnar Kyndils,
sagði í samtali við Morgun-
blaðið, að skriðan hefði fallið
þarna í gili og geysilegur þrýst-
ingur hefði verið á snjónum svo
að ætla mætti að piltarnir hefðu
látist samstundis. Erlingur
sagði, að greinilegt hefði verið,
að snjó hefði skafið þarna upp í
fjallsbrúnina ofan á harðfenni,
þannig að hann hefði farið af
stað um leið og piltarnir lögðu út
á fönnina á þessum stað.
Erlingur kvað leitarmenn
strax hafa gert sér grein fyrir
því, að piltarnir hefðu að öllum
líkindum lent neðarlega í
skriðunni. Lík Stefáns fannst
síðan um eittleytið neðarlega í
skriðunni, um 300—400 metra
neðan við þann stað, sem hún fór
af stað og var hann um hálfan
annan metra undir yfirborði
skriðunnar. Leitinni var síðan
haldið stöðugt áfram fram til kl.
3.45 er lík Sveinbjörns Beck
fannst um tíu metrum ofar í
skriðunni. Hafði þá verið farið
^kipulega þrisvar sinnum vfir
allt svæðið án árangurs.