Morgunblaðið - 08.03.1979, Síða 26

26
MORGUNBLAÐIÐ, FIMMTUDAGUR 8. MARZ 1979
Heimiliserjur
hjá F.U.F.
MORGUNBLAÐINU hefur borist
eftirfarandi fréttatilkynning frá
Félajji ungra framsóknarmanna í
Reykjavík, undirrituð af fram-
kvæmdastjóra félagsins:
„Samþykkt stjórnar F.U.F. í
Reykjavík.
I tilefni bókunar nokkurra vara-
manna í stjórn F.U.F. í Reykjavík,
og skrifa í Þjóöviljann, þar sem
veitzt er að Jósteini Kristjánssyni
formanni F.U.F., fyrir þátttöku
ístjórn Varðbergs, lýsir stjórn
F.U.F. því yfir fyllsta trausti á
formanni sínum og harmar jafn-
framt það ofstæki, sem fram
kemur í fyrrnefndri bókun.
Varðberg er félag ungra áhuga-
manna um vestræna samvinnu og
hafa ungir framsóknarmenn jafn-
an tekið þátt í starfi félagsins, eins
og lýðræðissinnar úr öðrum
flokkum. Stjórn F.U.F. vill minna
á að Framsóknarflokkurinn studdi
aðild Islands að Atlantshafs-
bandalaginu fyrir 30 árum og það
er yfirlýst stefna flokksins að
þeirri aðild verði haldið áfram að
óbreyttum aðstæðum. Það er
skoðun stjórnar F.U.F. að öryggi
íslands sé best borgið með þátt-
töku í Atlantshafsbandalaginu,
þótt aldrei megi missa sjónar af
því markmiði að hér sé ekki her á
friðartímum.
F.h. stjórnar
Katrín Marísdóttir
framkvæmdastjóri F.U.F.“
Úr sýningu Skagaleikflokksins á Góða dátanum Svejk.
Skagaleikflokkurinn frum-
sýnir Góða dátann Svejk
Skagaleikflokkurinn frum-
sýnir á föstudagskvöldið gam-
anleikinn Góða dátann Svejk
og er það nfunda verkefni
leikflokksins. Æfingar hafa
staðið yfir sl. átta vikur, en
verkið er gamanleikur eftir
Jareslav Hasek í tveimur þátt-
um og 23 atriðum. Hlutverk
eru 37 og koma alls 20 lcikarar
fram í sýningunni.
Karl ísfeld íslenzkaði söguna
og samdi leikgerð með hliðsjón
af leikriti eftir Evan MacCall.
Leikstjóri er Jón Júlíusson, en
hann annaðist einnig leikstjórn
1974 með Skagaleikflokknum er
hann sýndi Ertu nú ánægð
kerling?
Með helztu hlutverk fara Guð-
jón Kristjánsson, Halldór
Karlsson, Friðrik Alfonsson,
Þorvaldur Þorvaldsson og Þórey
Jónsdóttir. Áður en æfingar
hófust stýrði Jón Júlíusson
námskeiði í leikrænni tjáningu
og tækni er hófst sl. áramót.
Frumsýningin verður kl. 21 n.k.
föstudag, en önnur sýning á
laugardag kl. 21 og sunnudag kl.
17.
í TILEFNI alþjóðaárs barnsins 1979 efndi Hvöt félag sjálfstæðiskvenna í Reykjavík. til fundar sl.
mánudagskvöld. Fundarefnið var Barnið—fjölskyldan—vinnan og tók mið af einblöðungi sem
Landssamband sjálfstæðiskvenna og Hvöt hafa nýlega gefið út og nú er verið að dreifa á vinnustaði og
víðar. Á fundinum voru framsöguræður. hópumræður og að lokum almennar umræður. Á myndinni
má sjá Þorvald Karl Helgason æskulýðsfulltrúa þjóðkirkjunnar í ræðustóli, Klöru Ililmarsdóttur
íundarstjóra, Mörtu Sigurðardóttur formann Fóstrufélags íslands og Helgu Ilannesdóttur lækm en
Þorvaldur, Marta og Helga fluttu öll framsöguræður á fundinum. Ljósm. Emilfa.
Fölsuð
Picasso
málverk
lldine, ítaifu, 7. marz. AP
FIMMTÍU og fimm fölsuð mál-
verk flest merkt listamannin-
um fræga Picasso voru gerð
upptæk af lögreglunni á Norð-
ur-ítah'u í gærdag.
Það var fyrir algera tilviljun
að lögreglan leitaði í flútninga-
bíl á leið úr borginni og í
honum fannst um helmingur
málverkanna. Það sem á vant-
aði fannst heima hjá bílstjór-
anum.
Ef tekizt hefði að selja verkin
hefðu þau farið á tugi milljóna
að því er haft er eftir sérfræð-
ingum.
„Sjálfstæðisflokkur fengi
nú helming þingsætanna,,
— samkvæmt skoðanakönnun
í SKOÐANAKÖNNUN, sem Dag-
blaðið hefur gert. kemur fram, að
fylgi Sjálfstæðisflokksins hafi
aukizt verulega og væri það nú
samkvæmt könnuninni 49,2%. í
síðustu kosningum fékk flokkur-
inn 32,7% atkvæða, í skoðana-
könnun sömu aðila frá í desember
42,2% og í skoðanakönnun innan
Menntaskólans í Reykjavík, sem
Mbl. birti í janúar s.l., reyndist
fylgi Sjálfstæðisflokksins þar
vera 44,2%. Samkvæmt nýjustu
könnun Dagblaðsins fengi Sjálf-
stæðisflokkurinn helming þing-
sæta á Alþingi. ef nú væri kosið.
Samkvæmt þessari könnun
myndi Alþýðubandalagið nokk-
urn veginn halda fylgi sínu, ef
kosið yrði nú, fá 22,2% atkvæða,
en Alþýðubandalagið fékk í síð-
ustu kosningum 22,9% atkvæða.
Samkvæmt desember-könnuninni
var fylgi flokksins 21,1%, en
samkvæmt skoðanakönnuninni
innan MR var það 28,4%. Alþýðu-
bandalagið myndi samkvæmt nýj-
ustu skoðanakönnun tapa einu
þingsæti.
Alþýðuflokkurinn myndi nú fá
15,1% atkvæða og tapa sem næst
þriðjungi fylgis síns frá síðustu
kosningum, er flokkurinn fékk
22,0% atkvæða. Samkvæmt
desemberkönnuninni var fylgi
Alþýðuflokksins 21,1%, en sam-
kvæmt fyrrnefndri könnun
menntaskólanema var fylgi
flokksins 15,3%.
Samkvæmt hinni nýju könnun
Dagblaðsins fengi Framsóknar-
flokkurinn nú 13,5% atkvæða, en í
kosningunum hlaut hann 16,9%.
Samkvæmt desemberkönnuninni
fékk flokkurinn 15,6% atkvæða, en
innan Menntaskóíans í Reykjavík
fékk Framsókn aðeins 5,1%
atkvæða. Samkvæmt þessari nýj-
ustu könnun myndi framsóknar-
þingmönnum fækka um fjóra,
yrðu ekki nema 8 að tölu.
Niðurstöður könnunar Dag-
blaðsins eru: Sjálfstæðisflokkur 30
þingmenn, Alþýðubandalagið 13
þingmenn, Alþýðuflokkurinn 9
þingmenn og Framsóknarflokkur
8 þingmenn.
Sáttafundur
í VR-deiIu
eftir helgi
Vinnuveitendur hafa að undan-
förnu setið á fundum til að skoða
þessi mál og ræða í sinn hóp",
sagði Magnús L. Sveinsson frarn-
kvæmdastjóri Verzlunarmanna-
félags Reykjavíkur aðspurður um
stöðu samningamála.
Magnús kvaðst gera ráð fyrir að
vinnuveitendur yrðu tilbúnir til
viðræðna eftir helgi og að fundur
yrði boðaður hjá sáttasemjara
fljótlega eftir næstu helgi.
Nýtt félag stofnað
um Wichmann-
verksmiðjurnar
MORGUNBLAÐINU hefur borizt frá norska sendiráðinu
fréttatilkynning norska iðnaðarráðuneytisins varðandi
rekstur Wichmann Motorfabrikk a/s, en eins og
kunnugt er hefur verksmiðjan átt í erfiðleikum undan-
farið. Fréttatilkynning norska iðnaðarráðuneytisins er
svohljóðafidi:
„Eins og kunnugt er hefur Wich-
mann Motorfabrikk a/s, Rubbe-
stadnes átt í fjármagnserfiðleik-
um undanfarið. Norska ríkis-
stjórnin hefur unnið markvisst að
lausn þessa máis og liggur hún nú
endanlega fyrir.
Norska ríkisstjórnin hefur lýst
yfir fullum stuðningi við áfram-
haldandi rekstur Wichmann Mot-
orfabrikk a/s. En áður hafði ríkis-
stjórnin gert samþykkt þar um að
veita skiptarétti búsins fjárhags-
legan styrk til að rekstur gæti,
haldið snuðrulaust áfram, meðan á
endurskipulagningu stæði.
smiðjurnar eru. Og að lokum
fjölmargir útgerðarmenn og eig-
endur skipa með Wichmann vélar.
A/S Horten Verft verður
stærsti eignaraðilinn með 60%
hlutafjár. Iðnaðarráðuneytið er
mjög ánægt með þessa lausn mála
að þessir aðilar sameinist um
framtíðarrekstur Wichmann.
Ákveðið hefur verið að stefna að
því að hinir nýju eigendur taki
formlega við rekstri Wichmann
þann 1.5. 1979. Hins vegar er
jafnframt gert ráð fyrir að þessir
nýju eigendur starfi fram til þess
tíma í samvinnu við skiptaréttinn.
Nú er ákveðið að nýtt félag
verður stofnað til að annast
áframhaldandi rekstur. Að þessu
nýja félagi standa eftirtaldir aðil-
ar: A/S Horten Verft, Horten, sem
er ríkisrekið fyrirtæki er annast
viðhald norska flotans. Kongsberg
Vopenfabrikk a/s, sem er ríkisrek-
ið fyrirtæki í fjölþættri fram-
leiðslu, tölvubúnaði og fl. a/s
Kværner Bruk, sem er eitt stærsta
einkafyrirtæki í Noregi framleiðir
mikið af landbúnaðartækjum.
Bömlo Komune, sem er sveitarfé-
lagið þar sem Wichmann verk-
Á þessu ári er gert ráð fyrir
umsetningu er nemur um það bil
140 milljónum norskra króna. 75%
af umsetningunni er vegna sölu
nýrra véla. Verulegur hluti vélar-
framleiðslu ársins 1979 fer til
strandgæzluskipanna nýju.
Tillögur þær sem norska ríkis-
stjórnin hefur aðhyllst vegna
Wichmann eiga að fela í sér
fullnægjandi tryggingu fyrir við-
skiptavini Wichmann."