Morgunblaðið - 19.05.1979, Side 18

/SBJÖRNINN
MORGUNBLAÐIÐ, LAUGARDAGUR 19. MAÍ 1979
17
Stúlkurnar önnum kafnar við snyrtingu flakanna í hinum stóra og rúmgóða sal, en um 200 manns starfa í frystihúsinu. Vinnslunni er skipt í snyrtilínur og
skurðarlínur og verksvið hvers manns er mjög sérhæft. í loftinu eru hátalarar par sem ýmist er leikin létt tónlist eða lesnar áríðandi tilkynningar til starfsfólks.
(Ljósm. 01. K. Mag.)
Aukin nýting og meiri
sérhæfing í hinu nýja
glæsilega frystihúsi
— ÞAÐ VAR annaðhvort að ráðast í að byggja nýtt fullkomið frystihús eða
endurbæta gamla ísbjörninn á Seltjarnarnesi og að athuguðu máli töldum við
hyggilegt að byggja nýtt hús, sagði Jón Ingvarsson á fundi með fréttamönnum í
gær í hinu nýja og glæsilega frystihúsi ísbjarnarins á Norðurgarði í Örfirisey.
Fróðir menn segja að þetta frystihús sé annað tveggja fullkomnustu frystihúsa í
Evrópu og jafnvel þó víðar væri leitað.
Frystihúsið tók til starfa í byrjun þessa árs og er heildarkostnaður við
byggingaframkvæmdir nú 1.800 milljónir króna. Kostnaðurinn skiptist þannig að
húsbyggingin kostaði 770 milljónir króna, tækja- og vélabúnaður 520 milljónir
króna og vextir- og gengistap á byggingatímanum nam 510 milljónum króna eða
um 29% af heildarbyggingarkostnaði.
Hið nýja frystihús Isbjarnarins er tölvubúið og helztu nýjungar í sambandi við
tölvunýtinguna eru í sambandi við nýtingu, skráningu vinnutíma og bónus, en
skráningar eru sjálfvirkar. Þá er það einnig algjör nýjung í hinu nýja frystihúsi að
stefnt er að sérhæfingu hvers einstaks starfsmanns í snyrtilínum og skurðarlínu,
en einnig við vigtun og pökkun svo eitthvað sé nefnt.
ísbjörninn h.f. var stofnaður árið 1944. Félagið hóf þá rekstur hraðfrystihúss á
Seltjarnarnesi ásamt saltfisk- og skreiðarverkun. Þar var síðan starfrækt
hraðfrystihús þar til í lok síðasta árs, er fyrirtækið flutti starfsemi sína í hið nýja
frystihús á Norðurgarði í Örfirisey. Jafnframt rekur félagið báta- og togaraútgerð
auk loðnubræðslu á Seyðisfirði.
5.2 milljarða króna
velta á síðasta ári
Á síðasta ári störfuðu um 300
manns hjá ísbirninum og nam
heildarvelta félagsins á árinu 5.2
milljörðum króna. Stjórnarfor-
maður og forstjóri Isbjarnarins er
Ingvar Vilhjálmsson og með-
stjórnendur og framkvæmdar-
stjórar eru Jón Ingvarsson og
Vilhjálmur Ingvarsson.
I byrjun þessa áratugar komu
fram hjá bandarískri þingnefnd
hugmyndir að nýjum lögum um
hreinlæti og hollustuhætti í mat-
vælaiðnaði, sem sýnt var að gætu
haft afleiðingar fyrir íslenzkan
fiskiðnað vegna stóraukinna
krafna um endurbætur á hrað-
frystihúsum hér á landi. Forráða-
menn Isbjarnarins ákváðu þá að
hefjast handa um byggingu nýs og
fullkomins hraðfrystihúss er upp-
fyllti þær kröfur um aukið hrein-
læti er fram kynnu að verða
settar.
í apríl 1972 úthlutaði Hafnar-
stjórn Reykjavíkur félaginu lóð
undir hraðfrystihús á Norðurgarði
í Örfirisey og voru arkitektarnir
Garðar Halldórsson og Ingimund-
ur Sveinsson ráðnir til þess að
gera uppdrætti að húsinu. Áður
höfðu þeir Helgi G. Þórðarson
vélaverkfræðingur og danska
verkfræðifyrirtækið E.Th.
Mathiesen gert frumdrög að
vinnslutilhögun. Einnig var leitað
til Sigmunds Jóhannssonar í Vest-
mannaeyjum og tæknideildar S.H.
um hugmyndir. Baldri Sveinssyni,
vélaverkfræðingi hjá S.H., var
falið að hanna frystivélakerfi
fyrir húsið. Jafnframt var samið
við Vilhjálm Þorláksson, bygg-
ingaverkfræðing, um burðarþols-
teikningar og byggingastjórn.
Hönnun vatns-, hita- og loft-
ræstikerfa var falin Verkfræði-
Sjá næstu síðu.