Morgunblaðið - 13.02.1980, Blaðsíða 3

MORGUNBLAÐIÐ, MIÐVIKUDAGUR 13. FEBRÚAR 1980 3
Víglundur Þorsteinsson stjórnarmaður í Félagi íslenzkra iðnrekenda:
Stefnan í launa- og verð-
lagsmálum ósamrýmanlegar
„ÞAÐ er alveg ljóst, ef við
lítum á þessa niðurtalningar-
aðferð verðlags, sem málefna-
samningur ríkisstjórnarinn-
ar geymir, og ef svo fer að
launaþróunin í landinu, sem
hlýtur að skýrast á næstu
vikum. verður önnur og
meiri, þannig að misræmi
skapast þarna í milli, þá er
hætt við að fari illa fyrir
iðnfyrirtækjum, ef ríkis-
stjórnin stendur á þessari
verðlagsstefnu," sagði
Víglundur Þorsteinsson í
stjórn Félags íslenzkra iðn-
rekenda, er Mbl. ræddi við
hann í gær um málefnasamn-
ing ríkisstjórnarinnar, en
formaður og framkvæmda-
stjóri félagsins eru nú báðir
erlendis.
„Það liggur í augum uppi,“
sagði Víglundur, „ að þessi
niðurtalningaraðferð getur ekki
átt sér stað, nema launamálin
verði í takt við þessar verðhækk-
anir. Að öðrum kosti gengur
dæmið ekki upp og þá sér
íslenzkur iðnaður fram á stór-
felldan taprekstur. Ég held að
það megi hiklaust segja, að
kauphækkanir af vísitöluvöldum
einum saman fari langt yfir þau
mörk, sem ríkisstjórnin gerir
ráð fyrir varðandi þróun verð-
lags. Og þá sé ég ekki, að
iðnaðurinn hafi nokkurt svigrúm
til samninga um grunnkaup-
shækkun eða sérkröfur. í þess-
um málefnasamningi eru mark-
miðin ekki samrýmanleg. Ann-
ars vegar gefa verðlagsmarkmið
ekki færi á grunnkaupshækkun.
Hins vegar er ljóst, að ríkis-
stjórnin gerir ráð fyrir grunn-
kaupshækkun, því í málefna-
samningnum er einnig rætt um
félagsmálapakka, sem ríkis-
stjórnin segist reiðubúin til að
beita sér fyrir í tengslum við
kjarasamninga til þess að draga
úr almennum peningalauna-
hækkunum.
Af þessum málefnasamningi
verður ekkert ráðið um afstöðu
ríkisstjórnarinnar til stærstu
mála Félags íslenzkra iðnrek-
enda Þannig fáum við ekki séð,
hvort stefna stjórnarinnar er að
tryggja að iðnaðurinn búi við
sambærileg skattakjör og fisk-
veiðar og landbúnaður, eða ekki.
Við fáum ekki séð nein áform
um lækkun aðstöðugjalda iðnað-
arins til jafns við fiskveiðar og
sjávarútveg. Og ekki sjáum við
nein áform um að jafna stöðuna
varðandi launaskatt milli iðnað-
arins og sjávarútvegsins, en
fiskveiðarnar greiða launaskatt
eins og iðnaðurinn.
Það hefur lengi verið skoðun
Félags íslenzkra iðnrekenda, að
hinn sérstaki sjómannafrádrátt-
ur í skattalögunum, leiði til þess,
að fiskverð er ákveðið lægra, en
ella væri og það er okkar stefna,
að þessi frádráttur verði afnum-
inn, eða þá að iðnverkafólki
verði veittar sambærilegar
skattaívilnanir eða annað, sem
meta má sambærilegt. Af mál-
efnasamningnum verður ekkert
ráðið, hvort og þá hvað ríkis-
stjórnin hyggst fyrir í þessu
efni. -•
Um hinn almenna iðnaðar-
málakafla málefnasamningsins
er út af fyrir sig ekkert nema
fallegt að segja. Þetta eru fögur
markmið, sem þarna eru sett
fram, en hins vegar er ekkert
sagt um nánari aðgerðir til að ná
markmiðunum. Það verður því
ekki af málefnasamningnum
ráðið, með hvaða hætti ríkis-
stjórnin ætlar að láta þessa
iðnþróun ná fram að ganga. Við
verðum því bara að bíða og sjá,
hvað kemur út úr erminni.
Það er mín persónulega skoð-
un, að við þurfum stóriðju og það
er mín persónulega skoðun, að
við þurfum hana fljótt. Ég hef af
því áhyggjur, verði sú stefna
ríkisstjórnarinnar ofan á að
hafna þáttöku erlendra aðila í
stóriðju hér á landi og að
íslendingar eigi þá sjálfir að
framkvæma stóriðjuna, þá
þrengist mjög hagur iðnfyrir-
tækja á fjármagnsmarkaði. Ég
óttast það, að það fjármagn, sem
tekið yrði til stóriðju, verði þá
tekið frá öðrum iðnaði í land-
inu,“ sagði Víglundur Þor-
steinsson.
Búnaðarþing hefst á morgun:
Ræða um breytt
jarðræktarlög
BÚNAÐARÞING verður sett á
morgun, íimmtudag kl. 10 í.h. I
Búnaðarþingssalnum í Bænda-
höllinni. Þingið setur formaður
stjórnar Búnaðarfélagsins, As-
geir Bjarnason og Pálmi Jónsson
landbúnaðarráðherra flytur
ávarp á þessum fyrsta fundi.
Mörg mál hafa borist Búnaðar-
félaginu, sem lögð verða fram á
búnaðarþingi. Eitt þýðingarmesta
þeirra er frumvarp til breytingar
á jarðræktarlögum, sem samið
hefur milliþinganefnd búnaðar-
þings. Búnaðarþingsfulltrúar eru
25 og eru fundir þess öllum opnir.
Gert er ráð fyrir að það standi í 2
vikur.
Skattframtalsfrest-
ur til 10. marz n.k.
RÍKISSKATTSTJÓRI hefur
ákveðið að framlengja áður
ákveðna skilafresti skattfram-
tala einstaklinga 1980. Hjá ein-
staklingum, sem ekki hafa með
höndum atvinnurekstur eða sjálf-
stæða starfsemi, framlengist
skilafrestur frá 25. febrúar til 10.
marz n.k.
Hjá einstaklingum, sem hafa
með höndum atvinnurekstur eða
sjálfstæða starfsemi, framlengist
skilafrestur frá 31. marz til og
með 15. apríl n.k.
Þá er unnið að gerð leiðbeininga
í þeim tilgangi að auðvelda ein-
staklingum framtalsgerð sína.
Erfiðlega gengur
að f á ávísunum
skipt erlendis
ÍSLENDINGAR, sem ferðast
erlendis, hafa oft lent í stökustu
vandræðum með að fá skipt
ávísunum, sem íslenzku bank-
arnir hafa gefið út á þeirra
nafn, hafi ekki verið um ferða-
tékka að ræða.
I mörgum tilfellum hefur
hreinlega e'kki gengið að fá
ávísunum skipt fyrr en gengið
hefur verið úr skugga um gildi
þeirra með því að „senda" þá
aftur til íslands og í öðrum
tilfellum hefur það tekið ferða-
langa heilan dag að fara milli
bankaútibúa þar til þeir hafa
fengið þessum ávísunum skipt.
Bankamenn erlendis bera því
oftast við, að nauðsynlegt sé að
fá tékkunum skipt í höfuðstöð-
vum. Það getur hins vegar
reynzt nokkuð langsótt ef menn
eru ekki í þeirri borg sem
höfuðstöðvarnar eru í.
Morgunblaðið innti Guðmund
Guðmundsson deildarstjóra
gjaldeyrisdeildar Landsbanka
Islands í Austurstræti eftir því
hvort bankinn fengi margar
kvartanir vegna þessa svo og
hvers vegna fólki væru yfirleitt
afhentir slíkir tékkar, en ekki
ferðatékkar sem ekki eru nein
vandkvæði á að fá skipt. „Við
höfum það sem meginreglu hjá
okkur að láta fólk fá ferðatékka,
nema hvað það er ekki hægt sé
farið til Norðurlandanna. Kvart-
anir vegna vandræða höfum við
mjög fáar fengið," sagði Guð-
mundur.
Colgate MFP f luor tannkrem herðir
tennurnar og ver þær skemmdum.
Colgate MFP fluor tannkrem er reyndasta tannkremið
á markaðnum.
Þúsundir barna um viða veröld hafa um árabil verið
Þáttakendur i vísindalegri Colgate-prófun og hefur hun
ótvirætt sannaö að Colgate MFP fluor tann-
krem herðir glerung tannanna við hverja
burstun, þannig að tennurnar verða sífellt
sterkari og skemmast siður.
Þess vegna velja milljónir foreldra um heim
allan Colgate MFP fluor tannkrem handa
börnum sinum.

1. Colgate MFP fluor gengur inn i glerunginn
og heröir hann.
2. Þess vegna veröur glerungurinn sterkari

herðirínn'
Og börnunum líkar bragðið.