Morgunblaðið - 13.04.1980, Page 21

MORGUNBLAÐIÐ, SUNNUDAGUR 13. APRÍL 1980
53
Upprisur í
Stapa um
páskana
„Fiskur undir steini" hét kvikmynd sem gerð var um menningar-
sneyð Suðurnesinga fyrir fáum árum, en Suöurnesingar héldu um
páskana menningarvöku undir heitinu „Fiskur undan steini“. Liöur í
menningarvökunni voru hljómleikar í Stapanum, þar sem mikið var af
upprisnum hljómsveitum, en það átti vel við á þessum árstíma.
Hljómar, bæöi ásamt Einari Júlíussyni, Karli Hermannssyni og án
þeirra komu fram, Óðmenn (tríóið), og Júdas lifnaði við, en auk þeirra
komu fram Rut Reginalds, Magnús og Jóhann, Magnús Þór sér,
Geimsteinn og Astral. Astral og Geimsteinn eru í dag þekktustu
starfandi hljómsveitirnar á Suöurnesjum, en sú fyrrnefnda lék fyrst á
hljómleikunum í Stapanum.
Meðal hinna sex meölima hljómsveitarinnar eru þeir Vignir
Bergmann og Ingvi Steinn þekktastir, en Vignir kom síöar fram í Júdas.
Astral lék frumsamin lög, sem öll fóru inn um annað eyrað og út um hitt,
en ef til vill myndu líflegri útsetningar geta breytt þeim. Borin saman viö
fyrri hljómsveitir sem gert hafa Suðurnesin fræg á þessi nokkuð í land
enn. í kjölfar Astral kynnti Þorsteinn Eggertsson, sem sjálfur hefur nú
átt sinn þátt í sögu Suöurnesjapoppsins, Rut Reginalds, barnastjörnuna.
Þaö fer ekki á milli mála að barnastjörnutitillinn fer henni ekki enn.
Stúlkan er komin á unglingaárin og kom þaö fram í lagavalinu, en þau
voru í Supremes-soul stíl, „Gonna Get Along Without You" og „Sugar
Honey Babe" voru lögin hennar og með hjálp fjögurra vinstúlkna sinna
tókst henni að koma undirrituðum á óvart. Hvur veit nema Rut haldi
áfram að vera „stjarna“ þó ekki veröi það „barnastjarna“.
Rómantísku, fagurrödduöu „álfarnir" Magnús og Jóhann, áttu hug
og hjarta áhorfenda strax og þeir létu sjá sig. Lög þeirra og flutningur
er svo frábrugðin öllu öðru sem er að gerast í poppinu hér í dag að unun
er að heyra. Raddir þeirra vinna vel saman og gaman að heyra þá
skiftast á háu og lágu röddunum. Lögin sem þeir sungu eru ekki öll
komin á plötu en hafa áunnið sér vinsældum í flutningi þeirra í þau
skipti sem þeir hafa komið fram, þ.a.m. „Tarantula" „Hvar er ástin" o.fl.
Jóhann söng líka lag sitt „Sweet Mary Jane" sem var á plötu þeirra sem
kom út fyrir mörgum árum. Geimsteinn, hljómsveit Rúnars Júlíusson-
ar, konu hans Maríu Baldursdóttur, Finnboga Kjartanssonar, Engilberts
Jensens, Tryggva Húbners og Sigurðar Karlssonar, átti næst leik.
Geimsteinn er hljómsveit sem vandar sinn flutning miðað við það sem
heyrðist frá þeim þarna og sýndi mjög öruggan flutning. Lögin voru
bland af vinsælustu lögunum af plötum þeirra og hlutu þau ágætar
undirtektir. Sérstaka athygli vakti gítarleikur Tryggva sem er meðal okkar
allra bestu. Magnús Þór Sigmundsson kom næst fram ásamt
ósýnilegum álfum, í formi segulbands. Flutti hann 3 lög af Álfaplötunni
sinni, sem hefur verið vinsæl allt frá útgáfu fyrir áramót. Flutningur
hans var kröftugur og ágætur, þó spóluflutningur sé vitanlega ekki
sérlega spennandi á hljómleikum. Júdas var fyrstur til að rísa upp.
Magnús og Finnbogi Kjartansson, Vignir Bergmann og Hrólfur
Gunnarsson, náðu á skömmum tíma upp mikilli stemmningu með hjálp
dyggra aödáenda í salnum sem voru greinilega aö hefja skemmtun
kvöldsins. Þó plötur Júdasar hafi aldrei náö vinsældum voru þeir
feikivinsælir á böllum, og tókst þeim sannarlega að ná upp stuði þennan
stutta tíma sem þeir léku. Finnbogi söng vel í sínum lögum, en hann
virðist syngja meira þessa dagana en hann gerði. Júdas náöu upp svo
miklum áhuga að mjög erfitt var fyrir Óðmenn að fylgja þeim eftir.
Óðmenn, skipuð Jóhanni G. Jóhannssyni, Finn Torfa Stefánssyni
og Ólafi Garðarssyni, lék mest Cream blúsinn fræga lög eins og „Im so
Glad“, „Sunshine of your Love", „Born Undar A Bad Sign“ ofl. en
Jóhanni, sem var alvarlega kvefaður, tókst ekki aö bjarga sér í gegnum
hiö erfiöa lag Blind Faith „Had To Cry Today", en hefði án efa tekist
við annað tækifæri. Þessi útgáfa Óömanna var reyndar sú vinsælasta,
en gaman væra að sjá útgáfuna með Jóa, Magga Kjartans og Shady
Owens aftur. Að lokum kom svo rúsínan í pylsuendanum; Hljómar
endurlífgaðir, Gunnar Þórðarson, Rúnar Júlíusson, Erlingur Björnsson
og Engilbert Jensen, allir saman á sama sviö. Og eins og það hafi ekki
verið nóg, þá voru Einar Júlíusson og Karl Hermannsson fyrstu söngvarar
Hljóma til staðar aö rifja upp gömul lög. Einar söng fyrst með þeim tvö
lög þ.á m. „I Like lt“ gamla Gerry & The Pacemakers lagiö. Karl
Hermannsson á hinn bóginn var þarna að koma fram í fyrsta sinn í 16
ár, en hann hefur ekki sungið opinberlega síöan hann hætti í Hljómum.
Karl stóö ekki síður en Einar og söng lögin „Runaway" (Del
Shannon lagið) og „Hey Baby“ (Bruce Channell) og stóð sig vel í
falsettónunum. Eflaust verður hann plataður til aö Ijá rödd sína í nokkur
lög á plötu í framtíöinni í kjölfar þessa. Eftir þessa tvo óvæntu söngvara
sungu Gunnar og Rúnar lögin „Heyrðu mig góða“ og „Fyrsti kossinn"
bæði vel flutt, og halda sínum sjarma, Berti söng auðvitað „Bláu augun
þín" og á eftir því kom Rúnar með tvö gömul stuðlög sem voru lengi á
prógrammi Hljómanna, „Bony Maronie" og „Good Golly Miss Molly“.
Hljómarnir sýndu og sönnuðu að hér var góð hljómsveit á sínum tíma
og er enn góð í dag.
Og í tilefni hátíöanna fengu þeir alla aðstandendur til að koma upp
á svið og syngja með þeim „amen“.
H
íyg;.
HIA
Samtök alþýðutónlistarmanna
og tónskálda (SATT) gengust fyrir
tónlistarkvöldi í Klúbbnum rétt
fyrir páska, þar sem fram komu
Geimsteinn, Start og Change, sem
voru endurvaktir til að spila þetta
eina kvöld. Auk þess lék hljóm-
sveitin Mezzoforte og Helga Möll-
er söng tvö lög, þar af annað
tvisvar. Að venju var margt áhorf-
enda og er gleðilegt að kvöld þessi
skuli hafi áunnið sér fastan sess í
tónlistarlífi Reykjavíkur.
Kvöldið hófst með því að hljóm-
sveitin Mezzoforte lék nokkur lög
við góðar undirtektir. Enginn vafi
er á því að Mezzoforte er í fremstu
röð þeirra hljómsveita, er sérhæfa
sig í jazzrokki, en vel má vera að
hljómsveitinni hafi verið flaggað
fullmikið að undanförnu.
Næst var röðin komin að Geim-
steini, hljómsveit þeirra hjúa
Rúnars Júlíussonar og Maríu
Baldursdóttur. Geimsteinn er ein
af fáum hljómsveitum hér á suð-
vesturhorni landsins, sem enn
leikur á dansleikjum og víst er að
hljómsveitin kom virkilega á óvart
á þessu tónlistarkvöldi. Góð lög og
ljúf einkenndu leik hljómsveitar-
innar í upphafi, og eflaust hafa
þeir, sem áttu von á dúndrandi
danstónlist orðið fyrir töluverðum
vonbrigðum. Undir lokin komu svo
öllu hraðari lög, en af öðrum
hljómsveitum ólöstuðum var mest
gaman af leik Geimsteins.
Helga Möller vatt sér næst upp
á sviðið með gítar undir hendinni
og söng og lék tvö angurvær lög
við frábærar viðtökur. Þótt svo
Helga margítrekaði að hún hefði
aðeins æft tvö lög fyrir kvöldið,
slapp hún ekki burtu, fyrr en hún
hafði flutt fyrra lagið, „Will you
still love me tomorrow", aftur.
Síðastir fyrir hlé voru svo þeir í
SAn
stofnar
plötu-
klúbb
Start, nýjustu hljómsveit Péturs
Kristjánssonar. Start hefur að
undanförnu leikið fyrir dansi á
einu vínveitingahúsi bæjarins, og
er ein af fáum hljómsveitum
Reykjavíkur, sem heldur uppi
merki lifandi tónlistar. Eins og við
var að var að búast er Start
þaulæfð danslagahljómsveit, þótt
einhverjir hefðu eflaust saknað
frumsamins efnis. En Start gerði
lukku, á því er enginn vafi.
Rúsínan í pylsuendanum þetta
kvöldið, var svo hljómsveitin
Change, sú margfræga hljómsveit.
Sú var tíðin að Change hélt til í
London, og virtist mörgum sem
hljómsveitin væri alveg að því
komin að slá í gegn þar ytra. En
nú er úti ævintýri, Change löngu
búin að leggja upp laupana og
aðrir hafa tekið þeirra stað. Yfir
Change-lögunum var og er einhver
undarlegur „sjarmi", sem erfitt er
að lýsa, og vissulega var gaman að
heyra í þeim á nýjan leik.
Stofnun plötuklúbbs
í bígerð
Næsta SATT-kvöld er áætlað að
halda um næstu mánaðamót og
líkur eru til að fram komi sömu
hljómsveitir og léku á tónlistar-
hátíðinni í Stapa fyrir viku. Meðal
þeirra, sem þar komu fram voru
Hljómar, Oðmenn og Júdas, en
nánar er greint frá Stapahátíðinni
annars staðar hér á opnunni.
Þá má nefna að SATT hyggst
stofna sinn eigin plötuklúbb sem
bera á nafnið SATT-plötuklúbbur-
inn. Forsaga þessa máls er sú, að
þær plötur, sem hér koma -út, eru
fyrst og fremst gefnar út með
sölumöguleika í huga, og fyrir
bragðið hefur svo farið að flestar
íslenzku plöturnar hafa verið
mjög keimlíkar og viss stöðnun
hefur komið upp. Hlutverk plötu-
klúbbsins á að vera að stuðla að
þróun íslenzkrar alþýðutónlistar
og verða væntaniegar plötur
klúbbsins því nokkuð ólíkar sölu-
plötunum, að því leyti að þær
koma til með að hafa að geyma
sérstæðari tónlist, sem aldrei
fengist út gefin. Meðlimir klúbbs-
ins myndu kaupa fjórar plötur á
ári, sem viðkomandi tónlistar-
menn árituðu, og einu sinni á ári
yrðu haldnir hljómleikar, þar sem
fram kæmu stórstjörnurnar. Hug-
myndin að plötuklúbbnum er
vissulega snjöll, en ætla má að
hann beri sig ekki, nema félagar
verði allmargir.
Loks má nefna að SATT er nú á
höttunum eftir hentugu húsnæði
fyrir starfsemi sína, bæði fyrir
skrifstofur og einnig sal fyrir
tónlistarkvöldin. Er SATT með
eitt hús í sigtinu, en hvað úr
verður, kemur síðar í ljós.
—SA
Beach Boys
og Santana á
Knebworth
r ■ r r
i juni
Þeir sem hyggja á ferðir til Lundúna að vori komnu má benda
á aö júnímánuður verður óvenju líflegur í hljómleikahaldi. Pink
Floyd munu frumflytja Vegginn í Bretlandi um miðjan þann
mánuð í Earls Court, Fleetwood Mac verða í London í
Hammersmith Odeon 20., 21., og 22. júní og líklega í eitt eða tvö
kvöld eftir það. Styx veröa í London 22. og 23. allavega, og Clash
15. og 16. Knebworth festivalinu'hefur líka verið flýtt og verður
haldið 21. júní og þar koma allavega fram Beach Boys, Santana,
10 CC og Mike Oldfield. Beach Boys verða þess utan á Wembley
6. og 7. júní, Santana 2., 3. og 4. júní (líka Wembley) og Mike
Oldfield heldur að öllum líkindum líka hljómleika á Wembley í
júní. Þess utan verður nóg af smærri spámönnum á ferli. HIA
Nils Hening Örsted
Pedersen í Háskólabíói
UM SÍÐUSTU helgi sögðum við frá fyrirhuguðum hljómleikum
Niels-Henning Örsted Pedersen í Háskólabíói 19. apríl, næst
komandi, ásamt braselísku söngkonunni og píanóleikaranum Taniu
Maríu, sem leikið hefur um nokkurt skeið í Skandinavíu ásamt
hljómsveit sinni eða þarlendum listamönnum eftir hentugleikum. Þau
Niels og Tania gáfu út plötu saman í Danmörku fyrir áramótin en þessi
þlata þeirra er væntanleg í búðir innan skamms. Þetta er þriðja
heimsókn Niels til íslands. Miðasala á hljómleika þeirra Niels og Taniu
hófst 2. aþríl í Fálkanum, Laugavegi 24, en fáir miðar eru enn eftir.