Morgunblaðið - 24.05.1980, Side 6

54
MORGUNBLAÐIÐ, LAUGARDAGUR 24. MAÍ 1980
DAGLEGT LIF
Ti'
' / T71“
[Vll

r
1ÉS

Eingöngu tillaga
Er það gróf fullyrð-
ing að ætla að
Reykjavíkurborg sé
að lifna við? Hefur
ekki ræzt eitthvað úr veit-
ingahúsamenningu á höfuð-
borgarsvæðinu? Alla vega
spretta nýir staðir upp eins
og gorkúlur hér og þar. Að
vísu flestir með sama eða
svipuðu sniði. Til dæmis eru
hér engir kínverskir, ind-
verskir, franskir, ítalskir,
grískir o.s.frv. sérhæfðir
matstaðir. Ef til vill á sú
þróun eftir að eiga sér stað
— því samkvæmt öllu, ætti
það ekki að vera skortur á
hráefni sem stendur í vegin-
um, að því er einhver kunn-
ugur málunum tjáði síðunni,
„Daglegt Líf“.
Það sem við fyrstu sýn
virðist gefa heimsborgunum
líf eru veitingahús af öllum
gerðum. í Lundúnum t.d. er
þó nokkuð um vínbari, svo
dæmi sé tekið, en það eru
slíkir staðir kallaðir, þar sem
fólk situr við kertaljós,
dreypir á borðvíni og snæðir
t.d. salad með. Þá er um að
ræða svonefnda „saladbari",
þar sem fólk borgar ákveðið
verð fyrir skammtinn sem
yfirleitt er ótakmarkaður. Þá
er hægt að gæða sér á
ýmsum smáréttum. Þetta er
vel við hæfi á þessum tímum,
sem allir eru að passa
línurnar og margir hafa tek-
ið þá stefnu að sleppa kjöt-
áti. Auk þess er sérstök
stemmning yfir svona
vínbörum, sem þó þurfa ekki
endilega að kallast vínbarir
— hægt er að tala um
saladstaði. Staðir sem þessir
finnast nánast í öllum borg-
um í Bandaríkjunum — enda
er „heilsuæðið" þar í al-
gleymingi. En þetta er nú
eingöngu tillaga ...
Bakaðar kartöflur
með hvítlaukslegi
Ekki eru allir hrifnir af hvítlauk í mat, en öðrum finnst það
geysilega góður bragðauki a.m.k. til tilbreytingar af og til.
Kartöflur bakaðar í ofni með hvítlaukslegi er skemmtilegt meðlæti
með steik. Kartöflurnar eru afhýddar (helzt stórar kartöflur) og
þær skornar samsiða nokkuð þétt eins langt til botns og hægt er án
þess að þær klofni í tvennt. Lögur er lagaður úr matarolíu,
pressuðu hvitlauksblaði, dilli, pipar og salt og kartöflurnar
penslaðar þannig að lögurinn renni ofan í skorurnar. Þá eru
kartöflurnar hver fyrir sig pakkaðar í málmpappír og bakaðar
eins og venjulega i ofni.
Slys stafa oftast af óaðgætni
í bæklingi sem JC í Reykjavík
prentaði vegna könnunar fé-
lagsins á öryggi barna á heimil-
um í samvinnu við Landlæknis-
embættið segir m.a. að margir
álíti að slys stafi yfirleitt af
óviðráðanlegum orsökum, til-
viljun eða illum örlögum. Því sé
ekki þannig varið — í flestum
tilvikum stafi slys af óaðgætni
I þróuðu ríkjunum séu slys- .
farir ein aðalorsök barnadauða.
ísland sé mesta slysaþjóð Evr-
ópu og þótt víðar væri leitað
hvað banaslys barna áhrærir.
Allt frá 1951 séu hlutfallslega
flest banaslys skráð meðal
drengja á aldrinum 1—14 ára
hér á landi, en stúlkur séu í
efstu flokkunum. Athyglisvert
sé að meðal annarra þjóða varð
veruleg fækkun á banaslysum
barna árin 1951—1976, en að-
eins óveruleg á íslandi.
Algengustu orsakir slysa
meðal barna 0—4 ára séu fa.ll og
hras og eitranir. Og jafnframt
séu algengustu slysastaðir
barna heimilin og nágrenni
þeirra, — þó sérílagi hálf-
byggð hús vegna lélegs frá-
gangs og eftirlits með þeim.
Er hægt að fara of varlega í
þessum efnum, — hvar geym-
irðu hreingerningaefnin, er
frágangurinn um húsið þitt til
fyrirmyndar, ekurðu nógu var-
lega heimkeyrsluna að húsinu
þar sem börn geta verið að leik?
í Danmörku hefur nýlega
verið gerð könnun um aðstæður
við slys barna, hvar þau gerast
helst, fjarlægð frá heimili hve-
nær dagsins og tengsl aldurs
barna og aðstæðna við slys.
E.t.v. er þörf á ítarlegri könnun
hér á landi á þessu sviði.
Hvað kostar gróðurhús?
Þetta hús kostar 408 þúsund krónur og er
8x12 fet að stærð. Það stendur til sýnis fyrir
þá sem áhuga hafa á við verzlunina Handíð
við Laugaveg 168.
Það er ekki aðeins í Hveragerði
sem gróðurhúsarækt er í vexti
heldur er það stöðugt vinsælla hjá
fólki út um allt land að setja upp
gróðurhús eða vermireiti. í garða
við íbúðarhús sín. Margir hafa
mikla ánægju af að fást við
ræktun skrautblóma, grænmetis
og ávaxta, en íslenzk veðrátta eins
og hún hefur verið undanfarin
sumur býður ekki upp á svo mikla
möguleika við ræktun í görðum.
Meðal annarra verzlana býður
Handíð við Laugaveg 168 gróður-
hús og vermireiti til sölu. Á
grasreit fyrir utan verzlunina er
gróðurhús til sýnis, — hvað kostar
slíkt fyrirtæki?
Húsin hjá Handíð eru brezk og
fást í fjórum stærðum, — jafn-
framt eru þar seld hús sem setja
má upp á svölum eða upp við
húsvegg. Samkvæmt upplýsingum
verzlunarmanns kosta ,hús 8x12
fet að stærð 408 þúsund krónur,
8.10 fet 366 þúsund krónur, 8x8 fet
að stærð 326 þúsund krónur og 6x8
fet að stærð 298 þúsund. Fram-
lengingar á gróðurhús 4x8 fet að
stærð kosta 91 þúsund krónur.
Hús sem setja má upp á svölum
eða upp við húsvegg kosta 48
þúsund krónur. Þá fást hillur og
borð í gróðurhús, skilveggir og
gluggar. 8 feta langur skilveggur
kostar 72 þúsund krónur, móskva-
hillur í tveimur lengdum kosta
21—32 þúsund krónur. Sjálfvirkir
gluggaopnarar kosta 15.800 kr.,
álborð einfalt 21.500 og tvöfalt
37.500 kr. Þá fást hilluknekti,
krókar, boltar og fleira.
Danskar bækur um gróðurhúsa-
rækt eru á boðstólum í verzluninni
og munu slíkar leiðbeininga- og
uppsláttarbækur fást víða. Auk
þess sem blöð og erlend tímarit
sem gefin eru út á þessum árstíma
hafa ekki látið sitt eftir liggja um
að fjalla um þetta efni.