Morgunblaðið - 02.12.1981, Side 17

MORGUNBLAÐIÐ, MIÐVIKUDAGUR 2. DESEMBER 1981
17
sætum
ntán efetu
Albert Guðmundsson:
„Vona ad fólk standi vel
að baki lista Sjálfetæðis-
flokksins í vor“
„ÞESSI úrslit eru frábær árangur
minna stuðningsmanna sem unnu
vel og drengilega í þessu prófkjöri
og ég er þeim ákaflega þakklátur, ég
hafði ekki tíma til þess að standa í
prófkjörsbaráttunni vegna anna við
dagleg störf og ég vildi einnig láta
reyna á það hvort flokksbundnir
sjálfstæðismenn myndu hafna mér
sem slíkum,“ sagði Albert Guð-
mundsson í samtali við Mbl. í
gærkvöldi að loknu prófkjöri til
borgarstjórnar.
„Eins og fram hefur komið,“
sagði Albert, „lít ég þannig á að
það hafi verið mistök að loka
prófkjörinu og það hefur að mínu
mati jafnvel hrint ágætasta
sjálfstæðisfólki frá flokknum, en
ég vona að það sé aðeins tíma-
bundið og að þetta fólk eftir
nokkra umhugsun standi vel að
baki þeim lista Sjálfstæðisflokks-
ins sem settur verður fram í kosn-
ingunum í vor.
Sjálfur er ég afar óhress með
það að finna ávallt sömu öflin inn-
an Sjálfstæðisflokksins starfa
gegn mínum framboðum, því ég
hef ávallt orðið var við harða and-
stöðu sterkra aðila í flokknum í
öllum prófkjörum sem ég hef tekið
þátt í, til Alþingis, borgarstjórnar
og í forsetakosningunum. Þessi öfl
hafa gert framboð mitt erfiðara
en eðlilegt er miðað við þau störf
Albert Guðmundsson
sem ég hef unnið fyrir flokkinn og
fyrir Reykjavík almennt.
Hins vegar er ég ákaflega
ánægður með frábæra útkomu í
þessu prófkjöri hafandi þetta í
huga, finnandi að fólkið sem styð-
ur mig er orðið jafn fjölmennt og
þau öfl sem hafa reynt að bregða
fyrir mig fæti.
Það sem ég tel vera hvað stór-
skemmtilegast við þetta prófkjör
er það, að ungir sjálfstæðismenn
töldu það vera frambjóðanda sín-
um til framdráttar að nota mynd
af Gunnari Thoroddsen í bæklingi
til atkvæðasmölunar fyrir ungan
borgarstjóra og jafnframt birtu
þeir ummæli höfð eftir mér, en
slitin úr samhengi, frá því er ég
kvaddi Birgi Isleif sem formann
borgarstjórnarflokks sjálfstæð-
ismanna.
Við Gunnar Thoroddsen vorum
taldir nógu góðir af þessu fólki til
þess að auka atkvæðamagn Dav-
íðs, og ef til vill er það svo, að
notkun ummæla minna í heimild-
arleysi og mynd af Gunnari
Thoroddsen sem ungum borgar-
stjóra hafi riðið baggamuninn
fyrir Davíð og það er þá gott að
hann geri sér grein fyrir því. Eg
vona að ungir sjálfstæðismenn
sýni það í verki með stuðningi við
Gunnar Thoroddsen á móti.“
Blaðamaður spurði Albert hvað
hann vildi segja um þá þróun í
prófkjörum að auglýsingar skipa
æ meira rúm í baráttunni.
„Ég bað mína stuðningsmenn að
nota ekki dreifimiða, né fara í
glansmyndasamkeppni, þetta er
að fara úr öllum eðlilegum bönd-
um, því ég tel að frekar eigi að
meta menn af verkum en mynd-
um. Annars tel ég þetta lítið
prófkjör raunverulega. Það er val-
ið úr hópi 30 manna, en á listanum
eiga að vera 42, því hefði þurft að
velja úr hópi 80—100 manna.
Þrjár ágætar konur koma hins
vegar sterkar út úr prófkjörinu,
Ingibjörg Rafnar, Hulda Valtýs-
dóttir og Jóna Gróa Sigurðardótt-
ir. Þetta eru allt mjög frambæri-
legar konur sem hægt er að binda
vonir við og gera kröfur til.
Ég mun nú skoða í rólegheitum
niðurstöðu prófkjörsins áður en ég
læt nokkuð frekar hafa eftir mér
um framtíðina."
Hulda Valtýsdóttir:
Hefði viljað að þátt-
ur kvenna yrði meiri
í prófkjörinu
„ÉG HLÝT að þakka þann stuðning,
sem ég hef fengið í þessu prófkjöri
og kem hér með því þakklæti á
framfæri. Hins vegar veldur það mér
nokkrum vonbrigðum að ekki eru
fleiri konur í hópnum. Þess ber þó
að geta að á síðasta kjörtímabili var
engin kona fulltrúi Sjálfstæðis-
flokksins í borgarstjórn, þótt við
ættum góðar konur í varasætum,"
sagði Hulda Valtýsdóttir, sem hlaut
10. sætið í nýafstöðnu prófkjöri
Sjálfstæðisflokksins í Reykjavík, í
samtali við Morgunblaðið.
Hverjar telur þú ástæðurnar
fyrir því að svo fáar konur voru í
hópnum?
„Ástæðurnar fyrir því, að þarna
eru ekki fleiri konur, eru sjálfsagt
margar og erfitt að gera sér grein
fyrir þeim, ein þeirra er ef til vill
sú, að sjálfstæðisfólk gerir sér
ekki ljóst að svara þurfi þeirri
kröfu tímans, að þáttur kvenna í
opinberum störfum verði meiri og
þá sérstaklega þar sem mikilvæg-
ar ákvarðanir eru teknar, sem
hafa mikla þýðingu fyrir stóra
hópa þjóðfélagsins. Á vettvangi
stjórnmálaflokka er verið að fjalla
um röðun framkvæmda, skiptingu
fjármagns, um það hver skuli vera
áherzluatriði og um það hver séu
hin raunverulegu lífsgæði, hinn
mannlega þátt í allri sinni fjöl-
breytni. Þetta eru mál, sem varða
alla, og því skyldu konur, sem eru
helmingur kjósenda, ekki eiga að
leggja þar orð í belg til jafns við
karla. Þegar til kastanna kemur
berum við öll ábyrgð á þjóðfélagi
okkar. Ef til vill má segja að þessi
nýju viðhorf varðandi þátttöku
kvenna í opinberum störfum séu
ekki nógu ítarlega rædd í félaga-
samtökum innan Sjálfstæðis-
flokksins. Þau hafa vissulega verið
mjög ofarlega á baugi innan Hvat-
ar, Félags sjálfstæðiskvenna í
Reykjavík og einnig innan Land-
sambands sjálfstæðiskvenna. Þar
hafa farið fram líflegar umræður
og ráðstafanir verið gerðar til að
efla pólitíska vitund kvenna innan
þessara félaga. Hins vegar teldi ég
nauðsynlegt að flokksforystan
ætti frumkvæði að umræðum um
þessi mál og kæmi óskum um þær
á framfæri við félagasamtök inn-
an flokksins. Hvetti bæði konur og
karla til að bera þar fram sín
sjónarmið og ræða um þau. Það
held ég að yrði Sjálfstæðisflokkn-
um til heilla."
Telur þú að sérstakur kvenna-
listi sé konum hagstæðari í þess-
ari barát^u?
„Varðandi kvennalistann, sem
hér er verið að undirbúa í Reykja-
vík, get ég sagt, að ég er slíku ekki
fylgjandi. Mér finnst „kvennalist-
inn“ vera stefnulaus tímaskekkja
Hulda Valtýsdóttir
og sé ekki að hvaða gagni hann
geti orðið fyrir pólitískan fram-
gang kvenna, hann mun frekar
sundra en sameina. Sé sérstakrar
kvennahreyfingar þörf, tel ég að
hún sé betur sett innan vébanda
stjórnmálaflokkanna."
Hvernig lízt þér á borgarstjórn-
arkosningarnar í vor?
„Ég er bjartsýn á það, að borg-
arstjórnarkosningarnar í vor
verði Sjálfstæðisflokknum í vil,
hann nái aftur þeim meirihluta,
sem hann missti við siðustu kosn-
ingar. Við höfum orðið vitni að því
á þessu kjörtímabili, að spárnar
um glundroða í stjórn núverandi
meirihluta voru orð að sönnu.
Reykjavík hefur sett niður þessi
síðustu ár, á fjölmörgum sviðum
er þrengt að hag borgarbúa. Ein-
huga sjálfstæðismenn munu ná
beztum árangri við að rétta hlut
Reykjavíkur og kippa því í lag,
sem úrskeiðis hefur farið," sagði
Hulda.
Ljósm. Mbl. Kinilía.
Það var mikið verk að telja í prófkjöri. Merkingar á kjörseðlum voru frá 8 og
upp í 12. Hér er einn kjörkassinn tæmdur.
Ingibjörg Rafnar:
Ánægjulegt að af 3 nýliðum
á þessum lista séu 2 konur
„ÉG ER ánægð með þann stuðn-
ing sem ég persónulega hef fengið
í þessu prófkjöri og tel að hann
sýni eindreginn vilja sjálfstæð-
ismanna til þess að það sé kona í
forystuliði sjálfstæðismanna í
borgarstjórn. Ég er einnig ánægð
með úrslitin í heild, nema hvað ég
hefði viljað sjá hlut kvenna stærri
en raun ber vitni,“ sagði Ingibjörg
Rafnar, sem hlaut 5. sætið í ný-
afstöðnu prófkjöri Sjálfstæðis-
flokksins í Reykjavík, í samtali
við Morgunblaðið.
„Augu manna eru að opnast
fyrir því, að konur eiga ekki síð-
ur erindi inn í stjórnmál en
karlar með aukinni menntun og
starfsreynslu, og svo býst ég við
því, að kvennaframboðið hér í
Reykjavík hafi á einhvern hátt
sýnt kjósendum það, að við yrð-
um að svara kalli tímans og það
hafi haft áhrif á kosningu mína.
Á hinn bóginn finnst mér, eins
og þetta kvennaframboð kemur
mér fyrir sjónir, að það sé hrein
rökleysa, því ég get ekki séð, að
þverpólitískur listi eigi erindi
inn í pólitískar kosningar og það
hlýtur að vera erfitt að setja
saman stefnuskrá, sem konur úr
öllum flokkum eiga að geta sam-
einazt um og enn erfiðara að
framfylgja slíkri stefnuskrá. Því
hefur það alltaf verið sjónarmið
okkar sjálfstæðiskvenna að kon-
ur eigi að hasla sér völl innan
eigin flokka og reyna að gera
hlut sinn þar sem mestan.
Ég hef á hinn bóginn engar
algildar skýringar á því, hvers
vegna hlutur annarra kvenna
varð ekki meiri í þessu próf-
kjöri, en það er til þess að líta,
sem ég held að skipti mjög
miklu máli, að nú gáfu 5 núver-
andi borgarfulltrúar, sem allir
eru karlar, kost á sér í þessu
prófkjöri og auk þess eru 4 vara-
borgarfulltrúar meðal 12 efstu í
prófkjörinu og þeir hafa vissu-
lega talsvert forskot á nýja
frambjóðendur. Af þeim þrem-
ur, sem nýir eru í borgarpólitík-
inni og eru í þessum hóp, eru 2
konur og það fihnst mér benda
til þess að fólk vilji aukinn þátt
kvenna í pólitíkinni."
Hverja telur þú möguleika
Sjálfstæðisflokksins í væntan-
legum borgarstjórnarkosning-
um?
„Ég er bjartsýn á það að
Sjálfstæðisflokkurinn nái aftur
meirihluta innan borgarstjórn-
arinnar, bæði þegar litið er til
Ingibjörg Rafnar
dugleysis núverandi meirihluta
og þess, sem gert hefur verið í
meirihlutatíð Sjálfstæðisflokks-
ins. Þá getur það einnig skipt
máli, að endanlegur framboðs-
listi verði vel skipaður og að
þáttur kvenna verði meiri. Það
er mikilvægt að 3 konur verði í
11 efstu sætunum til að tryggja
endurheimt borgarinnar, sér-
staklega með tilliti til væntan-
legs kvennalista," sagði Ingi-
björg.