Morgunblaðið - 29.09.1982, Blaðsíða 18
18
MORGUNBLAÐIÐ, MIÐVIKUDAGUR 29. SEPTEMBER 1982
Þjóðleikhúsid frum-
sýnir Garðveislu
GAKDYKISLA Guðmundar Steinssonar verður frumsýnd á fjölum l'jóð-
leikhússin.s annað kvöld, fimmtudag. Leikstjóri verksins er María Krist-
jánsdóttir, en þetta er i fyrsta skipti sem hún sviðsetur leikrit á vegum
l>jóðleikhússins. — Leikmynd og búningar eru eftir Pórunni Sigríði I*or-
grimsdóttur og tónlistina samdi Gunnar Reynir Sveinsson. Lýsing er í
höndum Asmundar Karlssonar. Með aðalhlutverkin í Garðveislu fara
Kristbjörg Keld og Erlingur Gíslason, en Jórunn Sigurðardóttir, Guðjón P.
IVdersen og Kagnheiöur Arnardóttir leika einnig stór hlutverk. Fjöldi ann-
arra leikara kemur fram i sýningunni, s.s. Tinna Gunnlaugsdóttir, Borgar
Garðarsson, Sigmundur Örn Arngrímsson, Helga E. Jónsdóttir, Sigríður
Porvaldsdóttir, Gisli Alfreðsson, Steinunn Jóhannesdóttir, Bessi Bjarnason,
Pórhallur Sigurðsson og Sigurður Sigurjónsson. Ennfremur koma ýmsir til
viðbótar við sögu í leiknum, þar á meðal Haukur Morthens, söngvari.
Á blaðamannafundi, sem
Þjóðleikhússtjóri hélt í tilefni
frumsýningarinnar, kom m.a.
fram að höfundur Garðveislu,
Guðmundur Steinsson, hafði
lagt frumdrög að verkinu fyrir
mörgum árum, en rekið smiðs-
höggið á það í fyrra.
Sveinn Einarsson, Þjóðleik-
hússtjóri, kvað mikinn
siðferðisboðskap í leiknum;
höfundur væri að vara fólk við
líferni þess á okkar dögum.
Sagði Sveinn að þetta væri eitt
höfuðviðfangsefni Guðmundar
Steinssonar í öllum þeim leik-
ritum sem sýnd hafa verið eft-
ir hann hér á landi.
María Kristjánsdóttir leik-
stjóri kvað engar stórvægi-
legar breytingar hafa orðið á
Garðveislu frá því að æfingar
Myndin er tekin á blaðamannafundi vegna Garðveislu. Frá vinstri: Þórunn
Sigríður Þorgrímsdóttir leiktjalda- og búningahönnuður, María Kristjáns-
dóttir leikstjóri, Árni Ibsen blaðafulltrúi Þjóðleikhússins og Sveinn Einars-
son Þjóðleikhússtjóri.
hófust, en þó hefði Guðmundur
Steinsson, sem fylgdist grannt
með þeim, stytt leikritið og
lagfært textann.
Hún sagði ennfremur að
blaðaskrif þess efnis að leikrit-
ið stríddi gegn siðgæðisvitund
fólks vegna nektaratriða væru
mjög villandi og hefðu oft og
tíðum ekki átt við nein rök að
styðjast. — Og víst væri að til-
gangur leiksins væri ekki að
Atriði úr Garðveislu.
Erlingur Gíslason og Kristbjörg
Kjeld í hlutverkum sínum i Garð-
veislu.
hneyksla áhorfendur. — Maria
bætti því við að henni hefði
þótt gaman að fást við þetta
verkefni, enda þótt það gerði
miklar kröfur. — Aðspurð um
ástæðu þess að leikararnir
Helgi Skúlason og Hjalti
Rögnvaldsson hefðu hætt við
að koma fram í leiknum kvað
hún vera innanhússmál sem
hún vildi ekki tjá sig um.
Sveinn sagði að það væri öld-
ungis ekki óeðlilegt að leikarar
bæðust undan því að leika í
leikritum einhverra hluta
vegna.
I fréttatilkynningu um
Garðveislu segir m.a.: „í
verkinu er áleitinn siðferðis-
boðskapur og lagt er út af sög-
unni um Adam og Evu og
garðinum og lífinu sem Guð
gaf þeim. Spurt er um missi
Paradísar — í sögunni gömlu
— og hugsanlegan missi aldin-
garðsins Jarðar á kjarnorku-
öld.“ — Aðstandendur leiksins
vildu fáu bæta við þessa lýs-
ingu á Garðveislu, en rétt er að
taka fram að Guðmundur
Steinsson sá sér ekki fært að
sitja blaðamannafundinn.
Garðveisla er fimmta leikrit
Guðmundar Steinssonar, sem
er sett á svið hérlendis. Áður
höfðu leikritin Forsetaefnið,
Lúkas, Sólarferð og Stundar-
friður verið sett upp. — Og má
geta þess að tvö síðastnefndu
leikritin fengu metaðsókn í
Þjóðleikhúsinu.
Eins og áður sagði verður
frumsýningin á Garðveislu á
fimmtudagskvöld á stóra svið-
inu.
Bjargveiðimannaveizla
á Hótel Loftleiðum
Súla, lundi og sjávarréttir á hlaöboröi
HÓTEL Loftleiðir efna til Bjarg-
veiðimannaveizlu annað árið i röð
í Víkingasal hótelsins nk. fóstu-
dagskvöid og laugardagskvöld.
Voru haldnar tvær slíkar veizlur í
stíl Vestmanneyinga fyrir ári og
komust færri að en vildu. Svign-
uðu borð undan ýmsum Eyjakrás-
um, svo sem reyktum og steiktum
lunda og marineruðum, reyktri
súlu og nýrri og ýmsum sjávarrétt-
um. Þá koma fram í veizlunum
©
INNLENT
Vestmanneyingar með ýmis atriði,
en veizlustjóri er Árni Johnsen.
Einnig munu koma fram í Bjarg-
veiðimannaveizlunum að þessu
sinni Guðjón Ármann Eyjólfsson,
Ási í Bæ og Gísli Brynjólfsson
harmonikkuleikari. Verður slegið
á nótur gamans og alvöru í veizl-
unum.
Súla var í fyrsta skipti boðin á
veitingastað í umræddri veizlu
Hótels Loftleiða sl. haust og
vakti villibráðin mikla athygli.
Bjargveiðimannaveizlur Hótels
Loftleiða eru opnar öllum, en
þær hefjast kl. 19.30 bæði kvöld-
in og að loknu áti og dagskrá
verður stiginn dans fram til
klukkan 3 við undirleik Stuðla-
tríósins.
í eftirrétt á veizluborði
Bjargveiðimanna er boðið upp á
ávaxtagraut með rjóma að út-
eyjasið, en framkvæmd veizl-
„Prófasturinn" verður einn af kost-
unum í Bjargveiðimannaveizlunni á
Hótel Loftleiðum um helgina.
Ljósmynd Mbl. Si((urgeir.
unnar má segja að sé leikin af
fingrum fram eftir viðamikinn
undirbúning matsveina Hótels
Loftleiða.
(FrétUtilkynninýt.)
Landssamband íslenskra verzlunarmanna:
Ráða verður bót á úr-
ræðafátækt stjórnvalda
FUNDUR sambandsstjórnar Landssambands íslenzkra verzlunarmanna, hald-
inn í Reykjavík 26. september 1982, mótmælir harðlega þeirri kaupskerðingu,
sem felst í bráðabirgðalögum ríkisstjórnarinnar frá 21. ágúst sl. segir í frétta-
tilkynningu frá LÍV, sem Morgunblaðinu hefur borizt.
Enn eru kjarasamningar ógiltir
að hluta, en þetta hefur verið fast-
ur þáttur í efnahagsaðgerðum
stjórnvalda um langt árabil, og
virðast þau fá ráð önnur kunna.
Bráðabirgðalögunum er ætlað aö
hamla á móti þeim efnahagsvand-
ræðum, sem að steðja um þessar
mundir. Vandræðin eru öllum auð-
sæ og jafnframt nauðsyn þess að
greiða úr þeim.
Launþegar skorast ekki undan að
mæta erfiðleikunum að sínu leyti,
ef skýrt er að hverjum sé þar ætlað
átak eftir afli. Nauðsynlegt er að
ríkisstjórnin noti heimiid 2. gr.
bráðabirgðalaganna, þótt smátt sé
þar skammtað, og liggur beinast
við að bótunum verði varið til
hækkunar lágtekjumarksins, sem
kjarasamningar kveða á um.
Ef ná á árangri í baráttunni við
verðbólguna, verður að ráða bót á
úrræðafátækt stjórnvalda. öll
helztu öfl þjóðfélagsins verða að
leggjast á eina sveif. Milli þeirra
þarf að ríkja samstarf og gagn-
kvæmt traust. Skerðing á ákvæð-
um kjarasamninga grefur undan
trú fólks á frjálsan samningsrétt,
og er síst til þess fallin að skapa
þann samhug, sem þjóðin þarf á að
halda.
Skerðingarákvæðum bráða-
birgðalaganna er mótmælt og allur
réttur áskilinn til gagnaðgerða.
Leiðrétting
í frétt Morgunblaðsins í gær um
nýja öryrkjavinnustofu SÍBS í Múla-
lundi urðu þau mistök að nafn
stjórnarformanns Múlalundar mis-
ritaðist. Var hann sagður vera Guð-
mundur Guðmundsson, en hið rétta
heiti er Guðmundur Guðmundarson.
Er hlutaðeigandi beðinn velvirðingar
á mistökunum.