Morgunblaðið - 26.11.1982, Síða 2
2
MORGUNBLAÐIÐ, FÖSTUDAGUR 26. NÓVEMBER 1982
Nú verða kaupmenn
að moka fyrir utan verzlanirnar:
V erzlunareigandinn
ábyrgur fyrir hálku-
slysi utan búðarinnar
VERZLUNAREIGANDI í Grundarfirði hefur verið dæmdur til
þess að greiða konu skaðabætur vegna meiðsla er hún hlaut er
hún hrasaði á hálku framan við verzlun hans, en gangstéttin hafði
ekki verið hreinsuð af snjó. Dómurinn var kveðinn upp í Bæjar-
þingi Reykjavíkur, sem var umsamið varnarþing. Dóminn kvað
upp Auður Uorbergsdóttir.
Hér mun vera um tímamark-
andi dóm að ræða, þar sem ekki
hefur verið dæmt í slíku máli sem
þessu áður hér á landi. Málavextir
voru þeir, að í desember 1979 varð
áðurnefnt hálkuslys og hlaut kon-
an við slysið 20% varanlega ör-
orku. Höfðaði hún mál á hendur
verzlunareigandanum, en hann
krafðist sýknu, þar sem hann taldi
engar reglur gera sig skaðabóta-
skyldan.
Dómurinn var kveðinn upp 15.
nóvember. Var verzlunareigand-
inn dæmdur til þess að greiða kon-
unni 90 þúsund krónur ásamt
vöxtum frá þeim tíma, er slysið
varð. I dómnum segir að verzlun-
areigandinn sé dæmdur til þess að
bera % hluta ábyrgðar, en konan,
sem fyrir slysinu varð dæmd til
þess að bera 'A hluta, þar sem hún
er ekki talin hafa sýnt nægilega
aðgæzlu, er slysið varð.
Lögfræðingur sækjanda máls-
ins, þ.e.a.s. konunnar var Viðar
Matthíasson, en lögfræðingur
verjanda, þ.e.a.s. verzlunareigand-
ans var Guðmundur Ingvi Sig-
urðsson. Talið er að málinu verði
áfrýjað, þar sem hér er um fyrsta
dóm sinnar tegundar, sem kveðinn
er upp hérlendis.
Vísbending um veiðar Færeyinga
á íslenskum laxi?:
Tveir laxar með
línuöngla veiddust
hérlendis í sumar
TVEIR laxar veiddust í sumar með
svokallaða línuöngla í kjaftinum, að
því er veiðimenn telja, en það eru
önglar sem líklegt þykir að hafi ver-
ið tengdir línu sem notuð er við veið-
ar á laxi í sjó. Annar laxinn veiddist
í Langá á Mýrum þann 7. ágúst, en
hinn veiddist í Selá í Vopnafirði sið-
ustu vikuna í september. Laxana
veiddu Skúli Johnsen borgarlæknir
og Þengill Oddsson læknir í Mos-
fellssveit.
Skúli sagði í samtali við Morg-
unblaðið í gær, að öngullinn hefði
verið mun stærri en þeir sem tíðk-
ast við laxveiðar hér á landi, ca.
6/o—7/o að stærð. í önglinum var
taumur, mjög svert girni, og taldi
Skúli að það væri 0,6-0,7 milli-
metra svert, en spottinn var um 80
cm. langur og af enda haus mátti
ráða að þar hafði raknað upp
hnútur. Öngulinn var talsvert far-
inn að tærast og í kringum hann
var stórt sár, um 1,5 cm í þvermál,
og sagði Skúli að af því mætti ráða
að öngullinn hafi verið talsvert
lengi í fiskinum. En þess má geta
að fiskurinn var tiltölulega ný-
genginn í ána.
Röng dagsetning
Lesendur eru beðnir að athuga að
vegna mistaka er röng dagsetning á
allmörgum síðum blaðsins í dag,
föstudagur 27. nóv. í stað þess að vera
föstudagur 26. nóv.
Þengill Oddsson læknir sagði í
gær, að öngullinn sem í laxi hans
var, væri af lýsingum svipaður og
sá sem að framan greinir og líkur
handfæraöngli og nokkuð tærður.
í honum var 50-70 cm girnisspotti
og mjög sver, líklega um 50 pund
að styrkleika, en slíka línu notaði
enginn laxveiðimaður.
Á myndinni eru meðal annars þeir Örn Sveinasoa kvikmyndatökumaður (t.h.) og Valdimar Leifsson upptöku-
stjóri (lengst t.v.), skömmu eftir að þeim tókst að komast út úr þyrluflakinu. i.jósmyndir rax.
Heyrði að þeir töluðu báðir
og braust þá út úr vélinni
— segir Bogi Agnarsson, flugmaður þyrlunnar
„ÉG NÁÐI vélinni ekki út úr
hægri beygju og halla, þannig að
hún lenti á öðru skíðinu og með
nefið niður. Vélin skall til hliðar og
það bjargaði okkur að ég náði að
minnka fall vélarinnar það mikið
að hún lenti ekki af miklu afli á
jörðinni, en skemmdir á vélinni
eru miklar vegna þess að að hún
valt síðan á hliðina," sagði Bogi
Agnarsson, flugmaður þyrlunnar
sem brotlenti í gær, i samtali við
Morgunblaðið.
„Vírinn fór í spaðann sem
snýst fyrir ofan stýrishúsið,
vafðist þar um og skemmdi þar
tæki og missti ég þar af leiðandi
að nokkru vald á vélinni. Ég
fann högg og nauðbeitti vélinni
til að lenda henni strax, en hafði
ekki fulla stjórn á henni vegna
skemmda á stjórntækjum. Mót-
orinn gekk eftir að við vorum
lentir og ég gat drepið á honum
og aftengt rafmagnið. Ég heyrði
að þeir sjónvarpsmenn töluðu
báðir og sögðu að það væri allt í
lagi með þá og þá braust ég út úr
vélinni að framan. Sjónvarps-
mennirnir stóðu sig báðir mjög
vel, og ég man eftir því að
kvikmyndatökumanninum varð
ekki meira um þetta en svo, að
hann hafði mestar áhyggjur af
Flugmaður þyrlunnar, Bogi Agn-
arsson og eigandinn, Albína
Thordarson, á slysstað í gær.
kvikmyndatökuvélinni," sagði
Bogi.
„Við vorum í kvikmyndatöku-
flugi þegar slysið varð. Áður en
við fórum í loftið flaug ég yfir
svæðið og reyndi að gera mér
grein fyrir þeim hindrunum sem
væntanlega myndu verða á vegi
okkar og taldi mig hafa gengið
úr skugga um það. Síðan fórum
við upp fyrir Elliðaár og aftur til
baka, en þetta var mynd sem átti
að enda við Sjónvarpshúsið,"
sagði Bogi.
„Það var sól og leiðinleg birtu-
skilyrði, en ég taldi mig vera bú-
inn að horfa á milli húsanna
bæði áður en við fórum af stað
og einnig allt aðflugið. En þarna
var vír, sem vélin lenti í og þvi
fór sem fór.
Þessar þyrlur eru örugg far-
artæki og ekkert við þær að sak-
ast, en það liggur í augum uppi
að vegna þeirrar hreyfigetu sem
þær búa yfir, þurfa þær að
fljúga lágt og lenda við önnur
skilyrði en flugvélar," sagði Bogi
Agnarsson.
Geir Hallgrímsson um aukið jafnvægi atkvæða:
Forsenda þess að takist
að leysa vanda þjóðarinnar
„FYRSTA krafan er auðvitað að þing-
mannatala flokka eftir kosningar sé i
samræmi við kjörfylgi þeirra," sagði
Geir Hallgrímsson í samtali við Morg-
unblaðið í gærkveldi, er hann var
spurður hvaða atriði Sjálfstæðisflokk-
urinn legði mesta áherslu á í þeim
viðræðum sem nú fara fram milli
formanna stjórnmálafiokkanna og
þingfiokkanna og innan stjórnarskrár-
nefndar um kjördæmamálið. „Önnur
krafa hlýtur að vera að sérhver kjós-
andi skuli hafa sama atkvæðisrétt,
sama hvar á landinu hann býr,“ sagði
Geir ennfremur.
Við vitum það hins vegar, að um
þetta markmið eru mismunandi
skoðanir, og við höfum aldrei náð
því. Ef við eigum að ná árangri til
leiðréttingar verðum við að gera
samkomulag milli þeirra sjónar-
miða sem annars vegar segja: Hver
kjósandi, eitt atkvæði, og hins vegar
þess sjónarmiðs að áhrif íbúa
' strjálbýlis verði að vega þyngra, í
kosningum en íbúa þéttbýlis. Ég er
þeirrar skoðunar, að það sé vaxandi
skilningur meðal strjálbýlisbúa á
því að jafna verði vægi atkvæða og
það er það veganesti er við höfum
við vanda þjoðarbúsins, ef það
endurspeglar ekki með viðunandi
hætti vilja þjóðarinnar. Reynslan
eftir 1959 hefur sýnt að kjördæma-
breytingin þá hefur síður en svo
reynst óhagstæð íbúum dreifbýlis.
Aukið jafnvægi atkvæða mun áfram
verða íbúum landsbyggðarinnar í
hag.“
Skráning til þátttöku í prófkjöri sjálfstæðismanna:
Stefndi í að um 2.000 manns
hefðu skráð sig í gærkveldi
„HÉR hefur verið mikil örtröð í
allan dag, og nú eru um 1.500
manns búnir að láta skrá sig á
kjörskrá prófkjörs,“ sagði Kjart-
an Gunnarsson framkvæmda-
stjóri Sjálfstæðisflokksins í sam-
tali við blaðamann Morgun-
blaðsins um klukkan 20 í gær-
kveldi. „Hér er ennþá mikið að
gera í skráningunni,“ sagði
Kjartan, „og mér virðist stefna í
að um 2.000 manns láti skrá sig
áður en skráningu lýkur nú á
miðnætti,“ sagði Kjartan.
Sem kunnugt er, þá er prófk^ör
sjálfstæðismanna opið öllum
flokksbundnum sjálfstæðis-
mönnum, þeim sem vilja ganga í
flokkinn, og þeim stuðnings-
mönnum Sjálfstæðisflokksins,
sem láta skrá sig til þátttöku. Að
sögn Kjartans hafa mörg hundruð
manns gengið í flokkinn í Reykja-
vík síðustu daga, og fólk getur
gengið í flokkinn um leið og það
óskar eftir að fá að kjósa í próf-
kjörinu, allt þar til kjörstöðum
verður lokað á mánudaginn.
Geir Hallgrímsson, formaður Sjálf-
stæðisflokksins.
frá samþykkt síðasta landsfundar
Sjálfstæðisflokksins. En með engu
móti getum við leyst þetta mál með
því að sundra þjóðinni í tvær and-
stæðar fylkingar strjálbýlis og
þéttbýlis, þegar okkur er sérstakur
vandi á höndum. Hitt er svo alveg
ljóst, að ef við eigum að verða fær
um að leysa vanda okkar þá er meiri
jöfnuður á vægi atkvæða forsenda
þess.
Við verðum að skapa skilyrði til
þess að við getum brotist út úr efna-
hagsvanda þjóðarinnar með svipuð-
um hætti og gerðist eftir kjördæma-
breytinguna 1959 með Viðreisninni.
Alþingi er ekki fært um að takast á
Messutil-
kynningar
MORGUNBLAÐIÐ tekur upp í
dag (á bls. 25) þá nýbreytni að
birta messutilkynningar frá
sóknarprestum á landsbyggð-
inni. Messutilkynningar, sem
birtast í blaðinu á laugardögum,
koma lesendum blaðsins tæpast
að gagni víða út um land.
Prestar, sem telja þessa
þjónustu blaðsins geta orðið
sér að liði eru vinsamlegast
beðnir að hringja í ritstjórn
Mbl. (10100) á miðvikudögum
fyrir hádegi eða eftir kl. 15 og
munu þá messutilkynningar
þeirra birtast í næsta föstu-
dagsblaði.