Morgunblaðið - 26.11.1982, Blaðsíða 16
16
MORGUNBLAÐIÐ, FÖSTUDAGUR 26. NÓVEMBER 1982
Útgefandi
Framkvæmdastjóri
Ritstjórar
Fulltrúar ritstjóra
Fréttastjórar
I
Auglýsingastjóri
hf. Árvakur, Reykjavík.
Haraldur Sveinsson.
Matthías Johannessen,
Styrmir Gunnarsson.
Þorbjörn Guömundsson,
Björn Jóhannsson.
Freysteinn Jóhannsson,
Magnús Finnsson,
Sigtryggur Sigtryggsson.
Baldvin Jónsson.
Ritstjórn og skrifstofur: Aöalstræti 6, sími 10100. Auglýsingar: Aö-
alstræti 6, sími 22480. Afgreiösla: Skeifunni 19, sími 83033. Áskrift-
argjald 130 kr. á mánuöi innanlands. í lausasölu 10 kr. eintakið.
Svartsýn ræða
Ekki verður annað sagt en
ræða Kristjáns Ragnars-
sonar, formanns Landssam-
bands íslenskra útvegsmanna,
við setningu þings LÍÚ hafi
verið svartsýn. Lýsingar
Kristjáns á samskiptum út-
gerðarmanna við stjórnvöld og
þá helst Steingrím Her-
mannsson, sjávarútvegsráð-
herra, staðfesta það ráðleysi
sem einkennir alla lands-
stjórnina. Menn geta huggað
sig við það, að þar sé um
stundarfyrirbrigði að ræða og
mjög styttist sá tími sem hin
duglausa stjórn mun sitja, þar
sem allar líkur benda til að
kjósendum gefist í apríl færi á
að kveða upp dóm sinn yfir
stjórnarherrunum í þingkosn-
ingum. Því miður leysist ekki
allur vandi útgerðarinnar og
atvinnulífsins alls með jafn
einföldum hætti og þeim að
fella réttlátan dóm í kosning-
um, aðrar orsakir koma einnig
til og eru hinar veigamestu
þeirra heimatilbúnar.
Það er ekki einleikin sú
óheppni sem eltir fiskfram-
leiðendur, að erlendir kaup-
endur neita að taka við vör-
unni eða heimta afslætti og
bætur vegna þess að hún sé
gölluð. I þessu efni er ekki við
neina aðra að sakast en okkur
sjálfa. Vöruvöndun og traust
gæðaeftirlit innlendra aðila
verða að tryggja, að útflutn-
ingur á gölluðum fiski, jafnvel
úldnum, spilli ekki almennt
áliti íslenskra afurða í útlönd-
um. Flýgur fiskisagan, erlend-
ir kaupendur fylgjast náið
með þeim umræðum, sem
fram fara um gæði íslenskra
sjávarafurða um þessar mund-
ir og ekki er að efa, að keppi-
nautar íslenskra fiskseljenda
á erlendum vettvangi muni
halda því á loft sem þeim þyk-
ir sér koma vel í samkeppn-
inni. Staðreynd er, að yfirverð
hefur fengist fyrir íslenskan
fisk vegna umframgæða —
þetta forskot tapast fljótt fer
svo fram sem horfir. Kristján
Ragnarsson sagði löngu tíma-
bært að setja Framleiðslueft-
irliti sjávarafurða stjórn, þar
sem útgerðin og fiskvinnslan
hefðu yfirstjórn á framkvæmd
ferskfiskmats og sölusamtökin
á útflutningsmati. Benti hann
á, að gæðamat sölusamtaka á
frystum fiski hefði reynst vel
og væri til fyrirmyndar. Um
lélega vöruvöndun og gæðaeft-
irlit gildir hið sama og um lé-
lega stjórnmálamenn, að vilji
er allt sem þarf til að breyta
þar til.
Öðru máli gegnir um mat og
spár fiskifræðinga, þótt
mannlegi þátturinn skipti
auðvitað verulegu máli um
niðurstöður þeirra, verður að
líta til hins, sem ekki er minna
virði, að fiskifræðin minnir
dálítið á veðurfræðina, það er
að segja menn geta ekki byggt
spár sínar á öruggum forsend-
um heldur verða að lúta duttl-
ungum náttúrunnar. Kristján
Ragnarsson vakti máls á þess-
ari staðreynd og sagði, að spár
íslenskra fiskifræðinga og
ráðleggingar beri þess merki,
að vitneskja um stofnstærð sé
af mjög skornum skammti og
vísindaleg þekking til ráðgjaf-
ar takmörkuð. Kristján rakti
ýmsar tölur máli sínu til
stuðnings og var niðurstaða
hans að ýmsu leyti hin sama
og áður hefur verið vakið máls
á hér á þessum vettvangi, að
þetta talnaflóð um leyfilegan
hámarksafla á þorski, sem síð-
an er lagt til grundvallar við
spár um þjóðarhag og afkomu
sé næsta ruglingslegt og
ótraustvekjandi, svo ekki sé
fastar að orði kveðið. Hinn 25.
október 1982 lagði forsætis-
ráðherra fram á alþingi
þjóðhagsáætlun fyrir árið
1983, sem samin er af Þjóð-
hagsstofnun. Forsenda þessar-
ar áætlunar er meðal annars
sú, að þorskafli á næsta ári
aukist nokkuð frá þeim 385
þúsund lestum, sem Þjóð-
hagsstofnun miðar við á þessu
ári. Kristján Ragnarsson sagði
í ræðu sinni, að þorskaflinn í
ár myndi ekki verða nema 370
þúsund lestir og á næsta ári
vill Hafrannsóknastofnun að-
eins láta veiða 350 þúsund
lestir af þorski í stað 450 þús-
und lesta hámarksafla í ár.
Fleiri geta spurt eins og
Kristján Ragnarsson: „Hvaða
vísindi eru þetta?" Augljóst er
að samræma verður mat
manna á skynsamlegum og
leyfilegum hámarksafla á
þorski — sú tala er ein af lyk-
iltölunum í umræðum um af-
komu þjóðarbúsins.
Undir lok ræðu sinnar sagði
Kristján Ragnarsson: „Svo
virðist, sem ábyrgð og ráðdeild
fari þverrandi, samfara auk-
inni verðbólgu, sem er nú
meiri en nokkru sinni fyrr.“
Undir þessi orð er tekið um
leið og því er slegið föstu, að
ræður formanns LÍÚ muni
halda áfram að vera svartsýn-
ar, á meðan ekki verður sú
hugarfarsbreyting sem er
nauðsynleg til að sigrast á
verðbólgunni og stuðla að að-
haldi og ábyrgð á öllum svið-
um.
Úrslit prófkjörs
styrkur Sjálf-
stæðisflokksins
eftir Auði Auðuns
í prófkjöri Sjálfstæðisflokksins
um næstu helgi verftur aö verulegu
leyti ráðin skipan framboðslista
flokksins í Reykjavík í næstu al-
þingiskosningum. Mörg okkar
bera einstaka frambjóðendur á
prófkjörslistanum fyrir brjósti, og
vitaskuld er úrslitanna beftift með
allmikilli eftirvæntingu.
En eitt verðum við sjálfstæð-
ismenn að gera okkur ljóst, sem
er nauðsyn þess, að úrslitin sýni
sterkan flokk, sem fylkir sér að
baki formanni sínum. Slíkt er
hreinlega flokksleg nauðsyn. Það
eru fleiri en sjálfstæðismenn,
sem bíða úrslitanna með eftir-
væntingu. Andstæðingar okkar
eiga þá ósk heitasta, að kosning
Geirs Hallgrímssonar í prófkjör-
inu verði ekki flokksformannin-
um samboðin. Enginn sjálfstæð-
ismaður má gefa andstæðingum
okkar tækifæri til að hælast um
yfir veikleikamerki í Sjálfstæð-
isflokknum.
Við myndun þessarar ríkis-
stjórnar, sem nú þjakar íslensku
þjóðina, voru aðfarir nokkurra
sjálfstæðismanna, sem þar léðu
lið sitt, slíkar, að hlutu að vekja
réttmæta gremju fjölmargra
flokksmanna og ýmsir kröfðust
þess, að við yrði brugðist af
hörku. Varla þarf að efa það, að
formanni flokksins, sem Öðrum
fremur var vegið að með þessum
aðförum, hafi líka runnið í skap,
Geir Hallgrímsson
en af varfærni og skynsamlegri
yfirvegun kaus hann að beita sér
fyrir því, að farin yrði sú leið
sem nú sýnir sig að hafa orðið
Sjálfstæðisflokknum affarasælli
en uppgjör, sem, eins og á stóð,
hefði að líkindum valdið flokkn-
um verulegu tjóni.
Nú stefnir allt að því, að inn-
anflokkserfiðleikar séu að baki.
Glæsilegur landsfundur, og í
kjölfar hans fylgdi stórsigur í
sveitarstjórnarkosningunum
víðsvegar um landið, þar sem
hæst bar endurheimt meirihlut-
ans í borgarstjórn Reykjavíkur.
Auöur Auðuns
Það er baráttuhugur í sjálfstæð-
ismönnum sem nú snúa bökum
saman í upphafi kosningabar-
áttu fyrir þingkosningar, sem
framundan eru. Prófkjörið er
fyrsti áfanginn í þeirri baráttu.
Drengskap og heiðarleika
Geirs Hallgrímssonar í sam-
skiptum, hvort heldur við sam-
herja eða andstæðinga, þekkjum
við vel. En ekki get ég lokið svo
þessum línum, að ég ekki þakki
honum sérstaklega fyrir þá
drengilegu hvatningu hans til
flokksmanna, að veita konum
bráutargengi í prófkjörinu.
Fimmta þing Bandalags
háskólamanna sett í dag
í DAG föstudaginn 26. nóv-
ember, hefst fimmta þing
Bandalags háskólamanna og
stendur það fram á laugar-
dag. Þingið verður sett kl.
13.15, en að setningu lokinni
flytur Ingvar Gíslason,
menntamálaráðherra, ávarp.
Þingstaður er í Borgartúni 6.
Fyrri dag þingsins verður
fjallað um atvinnumál há-
skólamanna á íslandi. Fram-
söguerindi flytja þeir Halldór
Guðjónsson, kennslustjóri
Háskóla íslands, og Sig-
mundur Stefánsson, skrif-
stofustjóri BHM. Halldór
fjallar í framsögu sinni um
framtíðarhorfur í mennta-
málum, en Sigmundur gerir
m.a. grein fyrir könnun, sem
Hvert er hlntverk
heilsugæslustöðva
fyrir þroskahefta
LANDSSAMTÖKIN Þroskahjálp
efna til ráðstefnu hinn 27. nóvember
um hlutverk heilsugæzlustöðva í
þjónustu fyrir þroskahefta. Ráð-
stefnan veröur á Hótel Loftleiðum
og hefst klukkan 10 og er áætlað að
henni Ijúki klukkan 16.30. í frétta-
tilkynningu frá Þroskahjálp segir að
allt áhugafólk sé velkomið á ráð-
stefnuna.
Þá segir í áðurnefndri tilkynn-
ingu, að flutt verði 6 erindi á
ráðstefnunni. Ingimar Sigurðsson
flytur erindi um almenna upp-
byggingu landshlutaþjónustu; Jó-
hann Ag. Sigurðsson, heilsugæzlu-
læknir í Hafnarfirði, ræðir um
hlutverk og ábyrgð heilsugæzlust-
öðva við greiningu og meðferð
þroskaheftra og tilkynninga-
skyldu svæðisstjórna; Hörður
Bergsteinsson barnalæknir talar
um hlutverk nýburadeildar,
göngudeildarþjónustu og tengsl
eða samskipti við heilsugæzlu-
stöðvar og tilkynningaskyldu til
svæðisstjórna; fulltrúi frá
Kjarvalshúsi og fulltrúi frá Kópa-
vogshæli fjalla um starfsemi
sinna stofnana í samvinnu við
heilsugæzlustöðvar og loks flytur
Sævar Berg Guðbergsson félags-
ráðgjafi erindi um samvinnu
svæðisstjórna og heilsugæzlu-
stöðva — heilbrigðisþjónustu.
gerð hefur verið innan aðild-
arfélaga BHM. í könnuninni
er leitað svara við þeirri
spurningu hvort hætta sé á
atvinnuleysi háskólamanna
hérlendis.
Þá verður fylgt úr hlaði
lagabreytingum fyrir Banda-
lag háskólamanna, sem hafa í
för með sér breytingar á
skipulagi bandalagsins. Síð-
degis á föstudegi starfa
nefndir.
A laugardag verður flutt
skýrsla BHM og reikningar
afgreiddir. Þá skila nefndir
áliti. Síðdegis verða laga-
breytingar, starfs- og fjár-
hagsáætlun og ályktanir af-
greiddar.
Síðast á dagskrá fimmta
þings Bandalags háskóla-
manna verður kjör nýrrar
stjórnar. Að þessu sinni verð-
ur kjörinn nýr formaður
BHM. Fráfarandi formaður er
Vaidimar K. Jónsson, prófess-
or, en samkvæmt lögum
bandalagsins getur formaður
ekki setið lengur en tvö
kjörtímabil.
I tilefni af fimmta þingi
BHM var fréttabréf banda-
lagsins stækkað og útlit þess
og nafni breytt um leið. Það
heitir nú BHM-blaðið.