Morgunblaðið - 28.11.1982, Blaðsíða 1
96 SÍÐUR
267. tbl. 69. árg.
SUNNUDAGUR 28. NÓVEMBER 1982
Prentsmiðja Morgunblaðsins
Cheltenham:
Dauði starfs-
manns vekur
grunsemdir
Lundúnum, 27. nóvember. AP.
BRESKA lögregalan rannsakar nú
dauða starfsmanns við fjarskipta-
stöðina í Cheltenham. Maðurinn, Ern- t
est Brockway, fannst hengdur á heimili
sínu, skammt frá Cheltenham, á mið-
vikudag.
Athygli beinist að dauða hans
vegna þess, að Geoffrey Prime,
starfsmaður við sömu fjarskiptastöð
allt fram til ársins 1977, var hand-
tekinn í vor og dæmdur til 38 ára
fangelsisvistar fyrir skemmstu fyrir
njósnir í þágu Sovétmanna og kyn-
ferðisafbrot.
Þá hefur það vakið athygli, að
Brockway er annar starfsmaður
Cheltenham-stöðvarinnar, sem deyr
með óeðlilegum hætti á þessu ári.
Hinn er Peter Wolfenden, sem lést í
svifdrekaslysi í júlí. Bandaríska
leyniþjónustan hafði hann grunaðan
um upplýsingaleka til Sovétmanna.
Að sögn lögreglufulltrúa í Clou-
cestershire beinist rannsókn lögregl-
unnar á dauða Brockway ekki að
neinu óvenjulegu og Scotland Yard
kemur að hans sögn ekki nærri
rannsókninni. Eiginkona Brockway
hefur lýst því yfir, að hann hafi ver-
ið heilsuveill.
Nýtt dvalar-
met í geimnum
Moskva, 27.nóvembcr. Al*.
SOVÉSKB geimfararnir Anatoly
Berezovdi og Valentin Lebedev
munu enn um sinn verða um kyrrt
i geimstöðinni Salyut 7, að því er
Tass fréttastofan skýrði frá í gær.
Þeir hafa þegar verið 197 daga í
geimnum. Það er nýtt tímalengd-
armet, en gamla metið áttu landar
þeirra, Leonid Popov og Valery Ry-
umin, en þeir voru 185 daga í
geimnum árið 1980.
„Þeir eru í góðu líkamlegu og
andlegu ásigkomulagi og það ger-
ir þeim kleift að vera lengur í
geimnum," sagði í tilkynning-
unni frá Tass. Þeir Berezovdi og
Lebedev hafa tvívegis fengið
heimsóknir í Salyut meðan á dvöl
þeirra þar hefur staðið. Fyrst
kom sovésk geimflaug og meðal
áhafnarmanna var franskur
geimfari, fyrsti og eini vestur-
landabúinn sem hefur farið í
geimferð ef Bandaríkjamenn eru
undan skildir. I síðari heimsókn-
inni var kona í áhöfninni, sov-
éska stúlkan Svetlana Savitska-
ya, og hún varð þar með önnur
konan sem í ferð fer.
Fegurðardís í
kókainsmygli
l/ondon 27. nóvember (Al*)
LÓGREGLAN í Lundúnum handtók
í gær hina 22 ára gömlu Heather
Ross , en hún var fulltrúi Bermuda í
hinni nýafstöðnu fegurðasamkeppni,
„Ungfrú Alheimur". Hún var gripin
með eitt kilógramm af Kókaini í fór-
um sínum, en fyrir það hefði hún
getað fengið 150.000 sterlingspund.
Hún hefur verið sett í gæsluvarðhald
ásamt fylgdarmanni, ónefndum mið-
aldra landa sínum.
Ungfrú Ross var ekki í verð-
launasæti í keppninni, en vakti þó
athygli fyrir að vera hávaxnasti
keppandinn. Hún er 1,80 m. á hæð.
Vel gefin stúlka að sögn, til dæmis
talar hún reiprennandi fjögur
tungumál.
Merkisfundur Kólumbíu:
Víðáttumiklir dalir og árfar-
vegir undir eyðimörkinni
Wa.shington, 27. nóvember. AP.
RATSJAR um borð í bandarísku geimskutlunni Kólumbíu fundu gífurlega
árfarvegi og stórkostlega dali, allt að 15 kílómetra breiða, undir heitum
eyðimerkursandinum í suðvesturhluta Egyptalands er hún var i síðustu
geimferð sinni fyrr í þessum mánuði.
Áhafnarmeðlimir Kólumbíu rit-
uðu grein um ferðina í vísinda-
tímarit í Bandaríkjunum og
greindu þar frá fundinum, fornum
dölum og ám frá forsögulegum
tímum. Þjóðsagnir eru til í
Egyptalandi um þetta fyrrum
gósenland, sem er ekki minna í
sniðum en sjálf Níl og Nílardalur.
„Þetta virðast hafa verið sjálfstæð
vatnakerfi og í engum tengslum
við Níl. Það var hreint ótrúlegt að
horfa upp á þetta, ratsjáin hrein-
lega horfði í gegnum sandinn og
ekki er útilokað að við getum
fljótlega séð heilu vegakerfin sem
forsögulegir ættflokkar kunna að
hafa notað fyrir allt að 200.000 ár-
um síðan," sagði Vance Haynes,
einn af áhafnarmeðlimum Kól-
umbíu.
Þjóðsögurnar um Bahr-Bela-
Ma, eða vatnslausu stórfljótin í
miðri Sahara-eyðimörkinni hafa
gengið öld fram af öld í Egypta-
landi, en ekki fyrr en nú hafa
menn gert sér grein fyrir því að
fyrirbærið eigi sér stoð í raun-
veruleikanum.
Það rignir nú orðið aðeins einu
sinni að meðaltali á 30—50 ára
tímabili á þessum slóðum og um
mannabústaði er ekki að ræða. En
svo var ekki í eina tíð. Þangað til
fyrir 3 milljónum ára var þarna að
því að talið er gróskumikið gróð-
urlendi og stórár, ekki vatnslausar
eins og í þjóðsögunum, heldur full-
ar af vatni. En loftslagsbreyting
olli því að svæðið breyttist smám
saman í eyðimörk. Vísindamenn
hafa þó fundið út að þrívegis síðan
hefur veðurfar og loftslag breyst
þannig að byggilegt varð þarna á
ný. Það gerðist fyrst fyrir 200.000
árum, síðan fyrir 60.000 árum og
loks síðast fyrir 10.000 árum.
Mannabyggð þarna kann því að
hafa verið fyrir allt að 200.000 ár-
um.
Áfengisleysið skapar
blómatíð í Stromstad
Siromstad, Svíþjóð, 27. nóvember. AP.
VERKFALL STARFSMANNA við norska „ríkið“ er nú farið að teygja
anga sína illþyrmilega inn fyrir landamæri Svíþjóðar. Verkfallið hefur
staðið frá því í ágústlok og áfengisþurrð Norðmanna er nú orðin slik, að
þeir flykkjast i hópum yfír sænsku landamærin til vinkaupa.
Ibúar sænska landamærabæj-
arins Stromstad, sem er aðeins
5.000 manna samfélag, hafa ekki
farið varhluta af afleiðingum
vínskortsins í Nöregi. Slík er
ásókn Norðmanna í guðaveig-
arnar, að heimamenn i Strom-
stad segja það nú orðið ógjörlegt
að verða sér úti um áfengi með
venjulegum hætti. Hafa þeir
sagt, að fljótlegra sé að aka 110
kílómetra leið til Uddevalla og
til baka og kaupa vínið þar, en að
bíða i biðröðinni með Norð-
mönnum, sem iðulega eru mætt-
ir fyrir allar aldir á morgnana.
„Suma dagana er hreint úti-
lokað að verða sér úti um
flösku," sagði Folke Carlgren í
viðtali við fréttamann AP. Áf-
engisverslunin í Stromstad, sem
er einungis gerð með það fyrir
augum að þjóna íbúm bæjarins,
hefur orðið að fjölga starfsliði
sínu úr 6 manns í 20 að undan-
förnu. Sagði verslunarstjórinn,
að salan hefði aukist um 800%
miðað við við sama tímabil í
fyrra. Hefur meira að segja
komið til tals að setja upp sér-
staka áfengisverslun fyrir Norð-
menn í bænum.
En það eru fleiri en áfengis-
verslunin, sem hagnast á þessum
verslunarferðum Norðmann-
anna sárþyrstu. Verslanir í bæn-
um hafa skýrt frá gifurlegri
söluaukning, sér í lagi matvöru-
markaðir. Hefur gengisfelling
sænsku krónunnar um miðjan
síðasta mánuð þar sitt að segja.
„Norðmennirnir kaupa allt, sem
hönd á festir," sagði einn versl-
unarmaður í bænum.
.