Morgunblaðið - 16.12.1982, Síða 37

MORGUNBLAÐIÐ, FIMMTUDAGUR 16. DESEMBER 1982
41
Ævar R. Kvaran
„Frá sjónarhóli þess,
sem þetta hripar, er
þessi kvikmynd stór-
merkileg sökum þess
efnis, sem hún fjallar
um. Á tímum þegar
ofbeldis- og óhugnað-
arkvikmyndir eru í al-
gleymingi er gott að
eiga þess kost að sjá
kvikmynd, sem hlýtur
að vekja hvern hugsandi
mann til umhugsunar
um líf sitt og framtíð.“
sem hann fylgist eins og áhorfandi
með því sem fram fer. Hann á erf-
itt með að trúa því að hann sé
dáinn og að þessi líflausi líkami,
sem læknar og hjúkrunarkonur
eru að vinna við, hafi tilheyrt hon-
um. Honum líður prýðilega! Lík-
aminn sem hann hefur farið úr er
honum einungis undarlegur hlut-
ur.“
Þegar hann hefur smám saman
vanist þessu einkennilega ástandi,
þá verður honum ljóst að hann er
í nýjum líkama, sem virðist full-
komlega eðlilegur og hefur enn
betri skilningarvit en sá gamli. Þá
kann hann að heyra sérkennilegan
hávaða og að svo búnu finnast
hann berast gegnum löng dimm
göng með veggjum. Þegar hann
kemur útúr göngunum, kann hon-
um að birtast ljómandi bjart um-
hverfi undursamlega fagurt, þar
sem hann hittir og talar við vini
og vandamenn, sem hafa dáið áð-
ur. Þegar hann gengur með þeim
kemur hann venjulega að mörk-
um, sem hann getur ekki farið yfir
og komið aftur til baka. Þegar hér
er komið er honum venjulega snú-
ið til baka. Og skyndilega finnur
hann, að hann er aftur kominn í
líkama sinn, þar sem hann kann
að finna lostið sem fylgir raf-
straumi sem á hann hefur verið
hleypt eða þyngsla fyrir hjarta af
því að einhver er að þrýsta á
brjóst hans.“
Sumir þeirra sem með þessum
hætti hafa verið endurlífgaðir
segja frá því, að þeir hafi komið til
einhvers konar dásamlega fagurs
staðar, líkt og himnaríki; aðrir
minnast hræðilegs og ógnandi vít-
is. En þessi upplifun hefur þá
áhrif á langflesta, að þeir gjör-
breyta lífi sínu, að sögn dr. Rawl-
ings.
Um það sem hér hefur verið
greint segir hann eftirfarandi:
„Þessi reynsla hefur venjulega
mjög djúp og varanleg áhrif á líf
þeirra sem fyrir henni verða. Sé
reynslan óþægileg og feli í sér al-
varlega ákæru um líf viðkomandi
manneskju, kann hún að kjósa
fremur að segja ekki frá henni. Sé
reynslan hins vegar þægileg, þá
mun sá sem í hlut á ekki óttast
dauðann framar."
í þessari kvikmynd er eftirtekt-
arvert að sjá með hve misjöfnum
hætti fólkið sem þar á í hlut vakn-
ar aftur til lífsins. Sumir eru
guðsfegnir og biðja læknana um-
fram allt að láta sig ekki hverfa
aftur til sviðsins sem viðkomandi
telur sig nýkominn frá, en aðrir
jafnvel ásaka læknana fyrir að
hafa endurlífgað sig, í stað þess að
leyfa þeim að vera áfram í þeim
unaði sem þeir upplifðu. Það fer
því eftir því hvaðan hver kom.
Ymsir vísindamenn læknisfræð-
innar hafa brugðist illa við þess-
um rannsóknum á deyjandi fólki.
Það er ekki óeðlilegt sökum þess,
að þessar rannsóknir, (sem hafa
verið í höndum lækna) hafa stöð-
ugt aukið líkurnar fyrir því, að líf
hljóti að vera að þessu loknu. En
slíkt er ekki kennt í fræðum
læknavísinda, sem aldrei hafa
viljað fallast á að mannssálin væri
til. Margir þessara lærðu manna
eiga mjög erfitt með að sætta sig
við að sannaðir séu eða líkur séu
færðar fyrir sannreyndum, sem
þeim hefur verið kennt að ekki
ættu sér stað. Þetta er vitanlega
ekki mjög viturlegt, því að allar
framfarir byggjast á því að átta
sig á þeirri staðreynd, að maður-
inn er ekki fullkominn og á því
margt ólært. Raunar er engu lík-
ara en sumir lærðir menn telji að
ekkert geti verið til, sem þeir vita
ekki til fullnustu. Það ætlar að
taka sinn tíma að fá það viður-
kennt, að maðurinn er andleg vera
ekki síður en líkamleg. Og raunar
miklu fremur hið fyrrnefnda, því
hann heldur áfram tilveru sinni
löngu eftir að jarðlíkaminn er
gagnslaus orðinn.
Fyrir mann sem jafnmikið hef-
ur hugsað um líf og dauða og þann
sem þetta hripar, var það því mik-
ill fengur að fá að sjá fyrstu
kvikmyndina hér á landi um þá
sem látist hafa, en verið lífgaðir
við, og þannig verið færir um að
segja okkur frá því hvað við tekur
fyrst eftir dauðann.
Þessi kvikmynd er byggð á fyrr-
greindri bók eftir dr. Maurice
Rawlings, sem byggð er að öllu
leyti á því sem hann þar vitnar um
úr lífi sínu sem læknir og viður-
kenndur vísindamaður. Þótt
kvikmyndin sé leikin af lærðum
leikurum og nöfnum þeirra sem
hún greinir frá breytt, þá er þar
engu haggað um staðreyndir.
Frá sjónarhóli þess, sem þetta
hripar, er þessi kvikmynd stór-
merkileg sökum þess efnis, sem
hún fjallar um. A tímum þegar
ofbeldis- og óhugnaðarkvikmyndir
eru í algleymingi er gott að eiga
þess kost að sjá kvikmynd, sem
hlýtur að vekja hvern hugsandi
mann til umhugsunar um líf sitt
og framtíð. Því það sem þessi
kvikmynd fyrst og fremst minnir
á, en margir vilja gleyma, er sú
sannreynd, að hver er sinnar gæfu
smiður og að orð Páls postula:
„Eins og maðurinn sáir, svo mun
hann og upp skera," eru ekki ein-
ungis spakmæli, heldur lögmál,
sem enginn kemst undan.
Kvikmynd sem sýnir okkur
framá það er því vel valin til hug-
leiðingar fyrir okkur öll um jólin.
Eg hvet hvern hugsandi mann til
þess að sjá þessa kvikmynd hjá
Bíóbæ um jólin.
EE BYGGINGAVÖRUR HF
SUÐURLANDSBRAUT 4. SÍMI 33331.
Metabo
RAFMAGNS
VERKFÆRI
sem jólagiöf í ár