Morgunblaðið - 31.12.1982, Side 12

44 MORGUNBLAÐIÐ, FÖSTUDAGUR 31. DESEMBER 1982
Hvers er helst að "I QOOO
minnast frá árinu -Lí/Oi—i •
Líkt og undanfarin áramót hefur Morgunblaöiö snúiö sér til nokkurra
fréttaritara sinna og beðið þá aö minnast ársins, sem er að líða.
Þorkell
Guðfinnsson,
Þórshöfn
Héðan af heimaslóðum kemur
fyrst upp í hugann koma hins
landsfræga Þórshafnartogara bv.
Stakfells ÞH 360, sem kom um
mánaðamótin júní-júlí. Sáum við
Þórshafnarbúar þá fyrir, að hið
tímabundna atvinnuleysi, sem
hrjáð hefur okkur undanfarin ár,
væri þar með úr sögunni. Hátíð
var í bæ þegar skipið kom, frí var
gefið í vinnu og meirihluti
þorpsbúa mætti niður á bryggju
við komu skipsins.
Síðan kemur upp í hugann að nú
í sumar voru afhentar fyrstu fjór-
ar íbúðirnar í verkamannabústöð-
um hér og byrjað var á öðrum
fjórum. Margar umsóknir eru um
hverja íbúð og þarf ekki að hafa
mörg orð um að þessar fram-
kvæmdir eru lyftistöng í félags-
legri þjónustu á staðnum.
Við sveitarstjórnarkosningarn-
ar í vor gerðist það í fyrsta skipti
að þrír listar komu fram, en hér er
ekki kosið samkvæmt flokkspóli-
tískum línum. Hinn mikli sigur
Sjálfstæðisflokksins í bæjar- og
sveitarstjórnarkosningunum í
sumar er mér minnisstæður og þá
sérstaklega í Vestmannaeyjum, en
Eyjarnar eru ævinlega „heimslóð-
ir“ í huga mínum þar sem ég er
fæddur og uppalinn í Eyjum, en
flutti í gosinu 1973 til Þórshafnar.
Fjöldamorð í Líbanon, stríðs-
átök víða um heim, hörmungar af
ýmsum toga og slíkir hlutir koma
fyrst í hugann af erlendum vett-
vangi. Fleira verður þó ekki tíund-
að í þessari upprifjun, trúlega
verða nógir aðrir um það á þessum
tímamótum.
Jón H.
Sigurmundsson,
Þorlákshöfn
Þegar hringt var í mig frá
Morgunblaðinu og ég beðinn að
hripa niður nokkra punkta um lið-
ið ár hóf ég að skrá hjá mér minn-
isatriði jafnóðum og þau komu í
hugann. Þegar komið var álitlegt
safn settist ég niður til að athuga
nánar hvenær þessir atburðir
höfðu átt sér stað. Komst ég þá að
raun um að sumir þeirra höfðu
gerst fyrir allt að þremur árum.
Tíminn líður greinilega hratt og
virðist alltaf líða hraðar og hraðar
eftir því sem árin líða.
Það er bezt að rifja fyrst upp
það sem er ferskast í minni og
mikið hefur verið rætt um; hinar
svokölluðu láglaunabætur. Þor-
lákshöfn hefur dregist nokkuð inn
í þær umræður og er haft fyrir
satt, og hæstu bæturnar fái skip-
stjórar og útgerðarmenn. Er nema
von að undan svíði og eitthvað
virðist það öfugsnúið þegar svo
ekkja með rúmar 6 þúsund krónur
í mánaðarlaun fær ekki eina ein-
ustu krónu í bætur. Varla teljast
mánaðarlaunin hennar til há-
tekna.
Nei góði, segir nú einhver, hún á
að fá bætur, þetta hlýtur að vera
einhver vitleysa, en svo er þó ekki.
Svo vill til, að ekkjan á ennþá, þó
skrýtið sé, fjögurra herbergja íbúð
í blokk, sem hún býr í ásamt syni
sínum, þetta telst of stór eign, því
fær konan engar bætur. Hvað er
nú til bjargar herrar mínir? Jú,
selja íbúðina og leigja, segir ein-
hver. Skyldi það þó ekki vera
skammgóður vermir í allri vitleys-
unni? Eitt hafa þessar reglur um
úthlutun láglaunabóta þó sýnt
mér greinilega, en það er hversu
hroðalega ranglát og úrelt skatta-
lög og -reglur eru.
Margt er það sem gerist, en ekki
fer hátt, þó vert sé að gefa því
gaum. Forstöðumaður saumastofu
nokkurrar hafði samband við
sveitarstjórn og fleiri aðila hér í
Þorlákshöfn snemma á þessu ári
varðandi möguleika á að starf-
rækja hér slíka stofu. Honum var
vel tekið, starfsleyfi var veitt,
hentugt húsnæði var fyrir hendi,
og hann auglýsti eftir starfsfólki,
sem skrifaði sig á lista. Þarna
þótti mönnum kærkomið tækifæri
til að hvíla sig á fiskvinnunni og
komast í eitthvað léttara og þrifa-
legra, en slíkt hefur stórvantað
hér á staðnum.
En viti menn, næsta sem frétt-
ist er að þessi starfsemi komi alls
ekki til Þorlákshafnar, heldur fari
hún á Selfoss.
Hvers vegna er þá spurt, jú, þar
er rafmagnið ódýrara (einka-
veita), hitaveita ódýrari (eldri og
grónari) og þar á ofan býður svo
Selfossbær ókeypis húsaleigu
fyrsta árið (þar eru vannýttir
iðngarðar). Vel get ég sett mig í
spor atvinnurekandans, en þetta
er ranglæti.sem ekki verður við
unað.
Þingmenn og aðrir ráðamenn
geta ekki endalaust látið þetta
viðgangast, þeir viðurkenna
vandann, en gera ekkert raunhæft
til lausnar. Landshlutaveitur eru
ef til vill lausnin, en aðdragandinn
má ekki vera endalaus. Þeir sem
einu sinni hafa fengið sleppa ekki
svo auðveldlega aftur, þvert á
móti. Á Suðurlandi hafa fjöl-
mennustu og áhrifamestu staðirn-
ir einkaveitur og það eru hags-
munir, sem þeir eru fastheldnir á.
Ólafur Már
Sigurðsson,
Seyðisfirði
Um áramót er ekki óalgengt að
menn líti um öxl og láti hugann
reika um liðið ár og spái í það
næsta, jafnvel með heitingum um
bót og betrun á nýju ári. Hjá
okkur hér á Seyðisfirði var tíðar-
far fremur rysjótt framan af,
kuldi og umhleypingar. Fyrri hluti
aprílmánaðar var góður, en
sumarið fremur sólarlítið, að júlí-
mánuði undanskildum, sem var
bæði hlýr og sólríkur. Nú, haustið
var afburðagott, svo gott að
mönnum hér fannst sumum hverj-
um, að um sumarauka væri að
ræða. Það sem af er vetri hefur
tíðarfarið verið þokkalegt, snjólít-
ið, en fremur kalt.
Miklar framkvæmdir hafa verið
hér á árinu á vegum Seyðisfjarð-
arkaupstaðar, unnið var að varan-
legri gatnagerð og lagðir út 1600
metrar f olíumöl. Er þá búið að
leggja varanlegt slitlag á 6 kíló-
metra af gatnakerfi bæjarins, eða
um 65%, en það er um 9 kílómetr-
ar alls. Unnið var áfram við ný-
byggingu sjúkrahússins og var
öðrum áfanga lokið. Er þá bygg-
ingin tilbúin undir tréverk og mun
næsti áfangi hennar verða boðin
út fljótlega á nýju ári. Hafin var
bygging nýs grunnskólahúss, sem
verður um 6800 rúmmetrar að
stærð. Áætlað er að ljúka því
verki á næstu sex árum.
Hitaveita Seyðisfjarðar var
formlega tekin í notkun á árinu og
er þegar búið að tengja 90% af
húsnæði í kaupstaðnum við veit-
una. Hafnar voru og framkvæmd-
ir við smábátahöfn og nýjan
grasvöll, sem er staðsettur á fram-
tíðaríþróttasvæði Seyðisfjarðar
við Garðstjörn. Smíði hófst á 18
einbýlishúsum á vegum einstakl-
inga, auk þriggja íbúða raðhúss,
og eru þær byggingar mislangt á
veg komnar.
Áttunda sumarið í röð sigldi
ferjan Smyrill á milli Seyðisfjarð-
ar og Evrópu og fór 17 ferðir. Með
Smyrli komu hingað 4.500 farþeg-
ar og 1100 bifreiðar, en héðan fóru
4.100 farþegar og eitt þúsund bif-
reiðar. Á sumri komanda mun sú
breyting verða á ferðum Smyrils,
að í stað þess að koma hingað á
þriðjudagskvöldum, mun skipið
verða hér klukkan 13 á miðviku-
dögum.
Hvað aflabrögðum viðvíkur var
mikill samdráttur í þeim frá fyrra
ári. Hingað til Seyðisfjarðar hafa
borizt á undanförnum árum á
milli 50 og 70 þúsund lestir af loð-
nu á ári hverju, sem hefur haft
geysilega mikið að segja fyrir at-
vinnulífið hér á staðnum. Nú í ár
hefur þessi þáttur atvinnulífsins
alveg horfið með tilkomu stöðvun-
ar á loðnuveiðum um síðustu ára-
mót. Afli togaranna hefur einnig
minnkað frá síðastliðnu ári. Afli
Gullbergs NS 11 var 3170 lestir á
móti 4106 lestum árið 1981, brúttó
aflaverðmæti liðlega 18 milljónir
króna. Gullver NS 12 fékk 2027
lestir á móti 2252 lestum árið
1981, en þá var skipið frá vegna
bilana um tíma, brúttó aflaverð-
mæti 11,5 milljónir króna. Afli
togskipsins Ottó Wathne NS 90
nam um 1700 lestum á árinu. Salt-
að var í 12.400 tunnur af síld og er
það aukning frá því í fyrra.
Félagslíf var allnokkurt á árinu
og má nefna öflugt starf íþróttafé-
lagsins Hugins, eins og glöggt kom
fram á aðalfundi félagsins, sem
haldinn var í byrjun desember.
Af innlendum atburðum, sem
hæst hafa borið á árinu, að mínu
mati, er- stórsigur sjálfstæð-
ismanna í sveitarstjórnarkosning-
unum síðastliðið vor og er það von
mín, að þeim sigri verði fylgt vel
eftir í komandi alþingiskosning-
um. Einnig vil ég nefna ástandið í
efnahagsmálum þjóðarinnar, sem
sennilega aldrei fyrr hefur verið
verra, og vil ég þar sérstaklega
minnast á hug- og ráðaleysi þeirr-
ar ríkisstjórnar, sem nú situr við
völd.
Einn er sá þáttur, sem ég vil
minnast hér og gott að menn hug-
leiði á tímum sem nú, en það eru
hin hörmulegu umferðarslys, sem
orðið hafa á árinu. Allt það unga
fólk, sem við höfum orðið að sjá
eftir langt fyrir aldur fram og svo
þeir hinir, sem slasast hafa og
bíða jafnvel aldrei bætur á heilsu
sinni. Nú er mál að linni, þjóð sem
ísland hefur ekki efni á slíku.
Af erlendum atburðum er mér
efst í minni Falklandseyjastríðið,
einnig vil ég minnast á hin hræði-
legu fjöldamorð, sem framin voru
í Líbanon og vöktu óhug og við-
bjóð um allan heim. Þá vil ég og
nefna HM í knattspyrnu og hin
óvæntu úrslit þeirrar keppni.
Stefán Skaftason,
Straumnesi,
Aðaldal
Friðarjól gengu í garð með
stilltu og mildu veðri, en snjór var
yfir öllu og seinni part jólanætur
snjóaði í logni, virkilegt hátíðar-
veður. Árið sem nú er að hverfa í
aldanna skaut hefur verið farsælt
á margan hátt þrátt fyrir kalt
veðurfar mestan hluta ársins. Sól-
far og miklir þurrkar voru í júní
og júlí. Grasspretta var víðast lítil
vegna þurrkanna og líka brunnu
tún til verulegs skaða. Heyfengur
var því minni en venjulega í
Suður-Þingeyjarsýslu. Munar þar
allt að fjórðungi. Hins vegar varð
verkun heyjanna mjög góð. Talið
er að það þurfi 1,8 kíló í fóðurein-
ingu á móti 2,1 kíló í fóðureiningu
árið áður. Sauðfé fækkaði á þriðja
þúsund á sl. hausti en nautgripum
fækkaði ekki teljandi. Þurrkarnir
í sumar fóru illa með afréttar-
löndin og er þar víða veruleg gróð-
ureyðing sem gæti haft alvarlegar
afleiðingar ef við ekkert að gæt-
um.
í haust og fyrri hluta vetrar
hefur veðráttan verið einmuna
hagstæð bændum. Búfé kom því
seinna á gjöf en oft áður. Beit hef-
ur nýtzt með bezta móti. Það
ásamt lágu fóðurbætisverði hefur
reynzt bændum ákaflega dýrmætt
og léttir mikið á takmörkuðum
heyforða.
I mannlífinu bar hæst á árinu
100 ára afmæli Kaupfélags Þing-
eyinga. Það var stofnað 20. febrú-
ar 1882 að Þverá í Laxárdal. Var
margt gert til þess að minnast
þessara merku tímamóta. Félags-
líf stendur með miklum blóma.
Starfandi eru félög af öllum
stærðum og gerðum. Á íþrótta-
sviðinu ber hæst frammistaða
ungmennafélagsins Bjarma í
Fnjóskadal en þeir unnu sig upp í
1. deild í blaki á síðastliðnum vetri
og hafa staðið sig með mikilli
prýði í 1. deildinni í vetur. Æf-
ingar sækja þeir Bjarmafélagar
að Ýdölum. Þar keppa þeir sína
heimaleiki. Þeir eiga því langt að
sækja æfingar. Karlakórinn
Hreimur, en félagar í honum eru
úr Aðaldal, Reykjahverfi, Húsavík
og norðurhluta Ljósavatnshrepps,
starfaði af miklum krafti á árinu,
hélt víða tónleika við mjög góða
aðsókn og undirtektir. Kórinn gaf
út myndarlega hljómplötu fyrir
jólin með lögum nær eingöngu eft-
ir þingeyska höfunda. Einsöngvar-
ar eru úr hópi kórfélaga þeir Bald-
ur og Baldvin Baldvinssynir frá
Rangá. Söngstjóri kórsins er Guð-
mundur Nordal og undirleikari
Ulrike Ólafsson.
Helztu framkvæmdir í vegagerð
á síðastliðnu sumri var lagning
varanlegs slitlags á veginn frá
Húsavík að Skjálfandafljótsbrú,
eða 25 kílómetrar alls. Þá var unn-
ið í Víkurskarðsvegi en fram-
kvæmdum ekki lokið. Vegurinn
var tengdur vegakerfinu og hefur
því verið notaður í vetur og ljóst
er að þarna verður um stórkost-
lega samgöngubót að ræða fyrir
byggðina austan Vaðlaheiðar þeg-
ar vegurinn kemst í fulla notkun.
Unnið var að byggingu tveggja
kennaraíbúða við Hafralækjar-
skóla og eru þær langt komnar. Þá
var byrjað á lokaáfanga við gerð
íþróttavallar við Hafralækjar-
skóla sem ungmennafélagið Geisli
stendur fyrir. Héraðssamband
Suður-Þingeyinga var með stór-
framkvæmdir við endurbætur og
stækkun íþróttasvæðisins að
Laugum í Reykjadal. Áætlað er að
þeim framkvæmdum ljúki að
tveimur árum liðnum. Eru þær
liður í undirbúningi undir lands-
mót ungmennafélaganna árið
1987.
Margt hefur verið gert sem
horfir í framfaraátt á árinu, en
eins og þar stendur; mikið vill
meira. Það er mörgum vonbrigði
hvað lítið er gert í vegamálum í
Laxárdal. Þessi dalur, sem er inni
í miðju héraði, leið fyrir það í
mörg ár, að honum átti að sökkva
undir vatn. Þótt þeirri fram-
kvæmd yrði ekki komið fram hef-
ur lítið lagazt með samgöngurnar
í Laxárdal og eru þeir sennilega
látnir gjalda þrjózku sinnar á
sama tíma sem nær allir sveita-
bæir í sýslunni hafa fengið stór-
felldar vegabætur. Þrátt fyrir
velmegunarkreppuna og stundar-
erfiðleika horfa Þingeyingar
björtum augum til framtíðarinnar
og treysta því að aukin samheldni
og samábyrgð fleyti þeim sem öðr-
um landsmönnum úr háska-
grimmd efnahagskreppunnar, því
öll él birtir upp um síðir.