Morgunblaðið - 12.03.1983, Blaðsíða 3

Morgunblaðið - 12.03.1983, Blaðsíða 3
MORGUNBLAÐIÐ, LAUGARDAGUR 12. MARZ 1983 Flyttum til Bretlands ef nauðsyn bæri til — sagði Jóhann Ásmundsson í Mezzoforte í viðtali við BBC í gær „ÞAÐ lifir enginn góðu lífi af tón- listinni einni saman á íslandi," sagði Jóhann Ásmundsson, bassa leikari Mezzoforte, í viðtali við breska rfkisútvarpið, BBC. Viðtali þessu var útvarpað kl. 17.10 í gær á alheimsþjónustu BBC, World Ser- vice. Áður en viðtalið við Jóhann hófst fór umsjónarmaður þáttar- ins lofsamlegum orðum um hljóm- sveitina og sagði tónlist hennar hafa vakið umtalsverða athygli í Lundúnum og víðar á undanförn- um vikum. Þá var lagið Garden Party leikið í heild sinni á undan spjallinu, sem var hið skemmtileg- asta og kom Jóhann mjög vel fyrir í alla staði. í viðtalinu rakti Jóhann m.a. kynni hljómsveitarinnar við Eng- lendingana Geoff Calver (eigin- mann Shady Owens) og Chris Cameron, sem báðir aðstoðuðu við upptöku plötunnar Surprise, Surprise. Þá sagði hann að alls ekki mætti skilja það svo, að sú tónlist sem Mezzoforte léki væri það, sem Islendingar kysu helst að hlusta á. Plötusala bæri því best vitni. Jóhann sagði ennfremur, að ef þörf krefði myndi hljómsveitin flytja frá íslandi yfir til Bretlands til þess að eiga hægara um vik við tónleikahald og allar kynningar á tónlist sinni. Hann kom einnig inn á það, að hér heima væri lítils að sakna fyrir tónlistarmenn. Plötur væru orðnar svo dýrar, að fólk væri hætt að kaupa þær. I lokin spurði stjórnandi þáttar- ins Jóhann að því hvort það skelfdi þá félaga í Mezzoforte ekk- ert, að mikill fjöldi hljómsveita væri í harðri baráttu um markað- inn og allir ætluðu sér að slá í gegn. Hógvær, sem fyrr í spjall- inu, svaraði Jóhann á þá leið, að vissulega væru margar góðar hljómsveitir á ferðinni í Bretlandi en ef Mezzoforte tækist að stand- ast samkeppnina væru engu að kvíða. Illuli fundarmanna á fundi SUS f gær. f ræðustól er Ólafur ísleifsson, hagfræðingur, ritari SUS, en hann var fundarstjóri. Morgunbiaðið/ói.K.M. Ungir sjálfstæðis- menn funda um stjórnmálaviðhorfið Björgólfur Guðmundsson Listi sjálfstæðismanna prédikar í Dómkirkjunni í Reykjaneskjördæmi Kirkjan leggur lið mál- efnum þeirra er berjast gegn áfengisbölinu BISKUP fslands hefur mœlt með því við presta landsins, að framkvœmd verði hugmynd, sem fram hefur komið á vegum SÁÁ, að málefni þeirra, er berjast gegn áfengisbölinu, verði rœtt við messugjörðir sunnudagana 13. eða 20. marz nk. eða tekið fyrir á kirkju kvöldum eða bænasamkomum f vik- unni þar á milli. Af þessu tilefni predikar Björg- ólfur Guðmundsson, framkvæmda- stjóri, formaður SÁÁ, í messunni í Dómkirkjunni á morgun kl. 11. Jafn- framt munu aðrir félagar úr sam- tökunum flytja bænir og ritningar- texta, en sr. Þórir Stephensen þjónar fyrir altari og Dómkórinn syngur undir stjórn organistans Marteins H. Friðrikssonar. Þess er vænst, að sem flestir leggi leið sfna í messuna á morgun til að sýna stuðning sinn við hið brýna málefni. Frí Domkirkjunni. KJÖRDÆMISRÁÐ Sjálfstæðis- flokksins í Reykjaneskjördæmi sam- þykkti framboðslista flokksins í kjördæminu vegna væntanlegra þingkosninga á fundi sínum hinn 10. mars. Skipan listans er þessi: 1. Matthías Á. Mathiesen, al- þingismaður, Hringbraut 59, Hafnarfirði. 2. Gunnar G. Schram, prófess- or, Frostaskjóli 5, Reykjavík. 3. Salome Þorkeísdóttir, alþing- ismaður, Reykjahlíð, Mosfellssveit. 4. Ólafur G. Einarsson, alþing- ismaður, Stekkjarflöt 14, Garðabæ. 5. Kristjana Milla Thorsteins- son, viðskiptafræðingur, Haukanesi 28, Garðabæ. 6. Bragi Michaelsson, fram- kvæmdastjóri, Birkigrund 46, Kópavogi. 7. Ellert Eiríksson, sveitar- stjóri, Melbraut 3, Gerðahreppi. 8. Helgi Jónsson, bóndi, Felli, Kjósarhreppi. 9. Dagbjartur Einarsson, út- gerðarmaður, Ásbraut 17, Grindavík. 10. Sigurgeir Sigurðsson, bæjar- stjóri, Miðbraut 29, Seltjarnarnesi. SAMBAND ungra sjálfstæðismanna gekkst í gær fyrir sambandsráðsfundi, þar sem saman voru komnir 40 til 50 fulltrúar frá hinum ýmsu félögum ungra sjálfstæðismanna víðs vegar um landið. Á fundinum voru flutt 7 ítarleg erindi um ým.sar hliðar efnahags- og atvinnumála og voru flutningsmenn sérfræðingar hver á sínu sviði og allir félagar í SUS. Á fundinum spunnust fróðlegar umræður m.a. um skattamál, ríkis- útgjöld, vísitölumál og vandamál landbúnaðarins. Á fundinum var einnig rætt um væntanlegar kosn- ingar og stöðu og undirbúning Sjálfstæðisflokksins við þær. í fund- arlok var samþykkt ályktun, þar sem m.a. er fjallað um helztu úrlausnar- efni, sem bíða nýrrar ríkisstjórnar og varða ungt fólk sérstaklega, svo sem atvinnu- og húsnæðismál. Fagn- að var samstöðu um kjördæmamálið og á það bent, að komi stjórnar- skrármálið til heildarafgreiðslu á næsta kjörtímabili, eigi að sjálf- sögðu að reyna að ná fram frekari leiðréttingum í kjördæmamálinu. Kveikt á um- ferðarljósum í Engidal LAUGARDAGINN 12. mars er áætlað að taka í notkun umferðarljós á Hafn- arfjarðarvegi í Engidal og á Hrauns- holtshæð. Kveikt verður á Ijósunum kl. 14.00. Á Hraunsholtshæð eru gangbraut- arljós, en í Engidal venjuleg gatna- mótaljós. Með tilkomu þessara ljósa er framkvæmdum við Hafnarfjarð- arveg frá Vífilsstaðavegi að Engidal lokið. Morgunblaðið/ Kristján Einarsson. NÖTAÐIR QG NYIR Qpið í dag til kl4 SAAB- eigendur athugið, tökum þann gamla upp í nýjan -eöa seljum hann fyrir þig ef þú vilt heldur. Mikil eftirspurn tryggir hagstæð skipti. Bókauppboð á niorgun TÖGGURHR hl.AI'S'l'l [RHÓLAR gangast fyrir bókauppboði á morgun, sunnudag, og hefst það klukkan 14 í hinum nýju húsakynnum Klausturhóla í Breiðfirðingabúð við Skólavörðustíg. Fjöldi gamalla og fágætra bóka verður á uppboðinu að venju, svo sem þessi gamla þorláksbiblía frá 1644, sem hér sést í höndum Hall- dórs Runólfssonar verslunarstjóra Klausturhóla. Bækurnar verða til sýnis í Breiðfirðingabúð í dag, laugardag, milli kl. 13 og 18. UMBOÐIÐ BlLDSHÖFDA 16, SÍMAR 81530-83104

x

Morgunblaðið

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Morgunblaðið
https://timarit.is/publication/58

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.