Morgunblaðið - 16.04.1983, Blaðsíða 48

%
____.skriftar-
síminn er 830 33

____^uglýsinga-
síminn er 2 24 80
LAUGARDAGUR 16. APRÍL 1983
Um 39,2% samdráttur í inn-
flutningi benzíns og olíu
Samdrátturinn mestur í gasolíu eða 51,5%
VERULEGUR samdráttur var í
benzín- og olíuinnflutningi íslend
inga fyrstu tvo mánuöi ársins, þegar
samtals voru flutt inn 68.174,9 tonn,
borið saman við 112,129,7 tonn á
sama tíma í fyrra. Samdrátturinn
milli ára er um 39,2%. Verðmæta-
aukning innflutningsins er um
10,7%, eða 299,4 milljónir í ár borið
saman við 270,5 milljónir króna í
fyrra.
Innflutningur á gasolíu dróst
saman um 51,5% fyrstu tvo mán-
uði ársins, þegar inn voru flutt
23.406.8 tonn, borið saman við
48.329.9 tonn á sama tíma í fyrra.
Verðmætasamdráttur innflutn-
ingsins milli ára er um 12%, eða
117.9 milljónir króna á móti um
134 milljónum króna.
Svartolíuinnflutningur dróst
saman um 33,1% fyrstu tvo mán-
uði ársins, þegar alls voru flutt
inn 27.358,4 tonn, borið saman við
40.897,6 tonn á sama tíma í fyrra.
Verðmætaaukning innflutnings-
ins er hins vegar liðlega 31%, eða
liðlega 86 milljónir króna á móti
liðlega 65,6 milljónum króna á
sama tíma í fyrra.
Benzíninnflutningur dróst sam-
an um 35,3% fyrstu tvo mánuði
ársins, þegar alls voru flutt inn
8.797,6 tonn, borið saman við
13.598,0 tonn á sama tíma í fyrra.
Verðmætaaukning innflutnings-
ins milli ára var um 13%, eða lið-
lega 47,6 milljónir króna á móti
liðiega 42,1 milljón króna á sama
tíma í fyrra.
Innflutningur á þotueldsneyti
dróst saman um 6% fyrstu tvo
mánuði ársins, þegar inn voru
flutt 8.015,2 tonn, borið saman við
8.529,9 tonn á sama tíma í fyrra.
Verðmætaaukning innflutnings á
þotueldsneyti milli ára er um
72,6%, eða tæplega 42,9 milljónir
króna, borið saman við liðlega 24,8
milljónir króna á sama tíma 1
fyrra.
Innflutningur á flugvélabenzíni
dróst saman um 23% fyrstu tvo
mánuði ársins, þegar inn voru
flutt 596,9 tonn, borið saman við
774,3 tonn á sama tíma í fyrra.
Verðmætaaukning innflutnings-
ins milli ára er um 30%, eða lið-
lega 5 milljónir króna, borið sam-
an við liðlega 3,85 milljónir króna
á sama tíma í fyrra.
Lögreglutnenn skoða verksum-
merki í fyrrinótt, er þeir komu
á sprengjustaðinn. Innfellda
myndin er af glugga sendi-
ráðshússins sem brotnaði.
0
Ljósm.: Jón Svavarsson.
Sprengja olli tjóni
á anddyri Banda-
ríska sendiráðsins
SPRENGJA sprakk við aðaldyr bandaríska sendiráðsins við Laufás-
veg um klukkan 01.35 í fyrrinótt og olli sprengingin skemmdum á
húsinu, samkvæmt upplýsingum sem Mbl. fékk hjá Rannsóknarlög-
reglu ríkisins í gær.
Afleiðingar sprengingarinnar voru þær að tvær rúður brotnuðu í
sendiráðsbyggingunni, en einnig skemmdust aðaldyrnar og útiljós
sem fyrir ofan dyrnar er, skemmdist. Samkvæmt upplýsingum lög-
reglunnar hefur enginn verið handtekinn vegna þessa atburðar, en
rannsókn er í fullum gangi.
Lögregian í Reykjavík mætti
fyrst á vettvang, um klukkan
02.41 og síðan voru menn frá
Rannsóknarlögreglu ríkisins
kvaddir út. Gerðu þeir rann-
sóknir á staðnum og fundu
m.a. járnflísar í vegg og eru
þær taldar úr sprengjunni, en í
gær var m.a. unnið að rann-
sókn á hvers konar sprengju
hefur verið um að ræða, en bú-
ist er við að hún hafi verið
heimatilbúin.
Samkvæmt upplýsingum
sem Mbl. fékk í dóms-
málaráðuneytinu í gær, hefur
bandaríska sendiráðið ekki
óskað eftir aukinni og hertri
gæslu við sendiráðsbygging-
una vegna þessa atburðar.
Rannsóknin stóð yfir í allan
gærdag og í gærkvöldi vildi
Rannsóknarlögregla ríkisins
beina þeim tilmælum til
tveggja kvenna sem voru í bíl
sem átti leið um Laufásveg og
nágrenni, um það leyti sem
sprengingin varð, að gefa sig
fram við lögregluna.
Aukin greiðsluvandræði almennings:
Lán einstaklinga fram-
lengd í síauknum mæli
— segir Jóhann Agústsson, aðstoðarbankastjóri í Landsbanka Islands
„VANSKIL hafa í sjálfu sér ekki
aukizt svo ýkja mikið. Hins vegar
gerist það í síauknum mæli, að
fólk ræður ekki við afborganir sín-
ar, að það kemur í bankann og
óskar eftir breytingu á eldri samn-
ingi sínum, þ.e. óskar eftir fram-
lengingu á lánunum,“ sagði Jó-
hann Ágústsson, aðstoðarbanka-
stjóri Landsbanka íslands, í sam-
tali við Mbl., er hann var inntur
eftir því hvort vanskil einstaklinga
hefðu vaxið mikið á undanförnum
mánuðum.
„Við reyivum í flestum tilfell-
um að verða við óskum fólks og
endursemjum við það um lengri
tíma á lánunum," sagði Jóhann
Ágústsson ennfremur.
Þá sagði Jóhann Ágústsson
ennfremur aðspurður, að dregið
hefði úr eftirspurn eftir verð-
tryggðum lánum einstaklinga
fyrir áramótin og sú þróun hefði
haldið áfram fyrstu mánuðina.
Hins vegar mætti búast við, að
breyting yrði þar á nú með vor-
inu.
Jóhann Ágústsson sagði að 6
mánaðarlegar afborganir sem
voru algengar hefðu reynzt
mjög mörgum erfiðar og því
hefði í flestum tilfellum verið
brugðið á það ráð, að fólk
greiddi af lánum sínum mánað-
arlega.
Póstur & sími
óskar eftir
40% hækkun
PÓSTUR & sími hefur óskað eft-
ir því við samgönguráðuneytið,
aö fá heimild til að hækka
gjaldskrár sínar fyrir póst- og
símaþjónustu um 40%, annars
vegar frá 1. maí og hins vegar frá
1. júní.
Stofnunin hefur óskað eftir
heimild til að hækka gjald-
skrár símaþjónustu um 40%
frá 1. maí nk., en gjaldskrár
póstþjónustu um 40% frá 1.
júní nk.
Halldór S. Kristjánsson,
deildarstjóri í samgönguráðu-
neytinu, sagði í samtali við
Mbl., að hækkunarbeiðni Pósts
& síma væri til athugunar í
ráðuneytinu, en engin ákvörð-
un hefði enn verið tekin. Málið
hefði hins vegar verið sent til
Gjaldskrárnefndar til um-
sagnar.
Gjaldskrár Pósts & síma
hækkuðu um 14% 1. febrúar og
1. marz sl. Ef 40% hækkun
verður samþykkt þýðir það
tæplega 60% hækkun það sem
af er árinu.
Fá ekki
hitaveitu
\«gum, \ atnsleysuströnd, 15. aprfl.
STJÓRN Hitaveitu Suðurnesja treystir
sér ekki til að taka afstöðu til þess
hvort hitaveita verði lögð inn á Vatns-
leysuströnd frá Traðarkoti og að
Stóru-V'atnsleysu, að sinni. Þetta kem-
ur fram í svari við áskorun frá hrepps-
nefnd Vatnsleysustrandarhrepps um
að hefja framkvæmdir á þessu svæði
sem fyrst.
Kostnaður við lagningu veitunnar
yrði alls kr. 10,1 miíljón. Kemur það
fram með því að framreikna kostn-
aðaráætlun Fjarhitunar hf. frá í
desember ’79, með byggingarvísitölu
þann 1. jan. 1983. Kostnaður á hvern
íbúa yrði kr. 162.333,- en til saman-
burðar var kostnaður við lagningu
hitaveitu í Höfnum, byggður á sömu
forsendum kr. 47.200,- á hvern íbúa.
Olíustyrkur sem Hitaveita Suður-
nesja greiðir til íbúa umrædds svæð-
is á ársgrundvelli á núgildandi verð-
lagi er kr. 171.420,-.
Helgi H. Jónsson
vill ekkert segja
um varnarmál
MORGUNBLAÐIÐ sneri sér til
annars manns á lista Framsókn-
arflokksins í Reykjanes-
kjördæmi, Helga H. Jónssonar,
fréttamanns hljóðvarps, og
spurði hann um afstööu hans til
öryggis- og varnarmála í tilefni af
alþingiskosningunum og fram-
boði hans.
Frambjóðandinn vék sér
undan að svara spurningu
Morgunblaðsins og kvaðst ekk-
ert hafa við blaðið að segja um
varnar- og öryggismál, en réðst
þess í stað á blaðið, enda þótt
afstaða hans til fjölmiðla hafi
ekki komið við sögu í spurn-
ingu blaðsins. Svar Helga H.
Jónssonar birtist á bls. 12 í
Morgunblaðinu í dag.