Morgunblaðið - 10.06.1983, Blaðsíða 2

2
MORGUNBLAÐIÐ, FÖSTUDAGUR 10. JÚNl 1983
Atlantshafsbandalagið:
Geir Hallgríms-
son á ráðherrafundi
GEIR Hallgrímsson utanríkisráðherra situr nú tveggja daga utanríkisrað-
herrafund Atlantshafsbandalagsríkja í París og sagði hann í samtali við
Morgunblaðið í gærkveldi að þá um daginn hefði verið lokaður fundur
ráðherranna og sendiherra viðkomandi landa hjá Atlantshafsbandalaginu.
Geir sagði að á fundinum hefðu
farið fram hreinskilnar umræður,
sem allir 16 fulltrúar aðildarríkj-
anna tóku þátt í og báru saman
bækur sínar í ýmsum málum. Var
það skoðun fundarmanna að nauð-
synlegt væri að halda vel saman,
þótt um sérstöðu einstakra ríkja
gæti verið að ræða í einstökum
málum. Geir sagði að Mitterand
Frakklandsforseti hefði flutt ræðu
sem athygli hefði vakið og stað-
festi hann þar samstöðu Frakka
við önnur vestræn ríki, í veislu
sem hann hélt ráðherrunum í
gærkveldi, og var tónninn í ræðu
hans sá að nauðsynlegt væri fyrir
vestræn ríki að halda vel saman.
Starfsmenn ÍSAL í
tveggja klukkustunda
vinnustöðvun í gær
STARFSMENN fslenzk* álfélagsins
hf. lögðu niður vinnu í tvo klukkutíma
í gærdag frá klukkan 13.00 til 15.00 til
að andmæla uppsögnum liðlega 70
starfsmanna félagsins á komandi mán-
uðum.
Samkvæmt upplýsingum Mbl. var
boðað til fundar starfsmanna og
fulltrúa framkvæmdastjórnar fyrir-
tækisins í fyrradag, en fyrir þann
fund höfðu starfsmenn óskað sér-
staklega eftir því, að fá upplýsingar
varðandi fjóra ákveðna íiði, magn
verkbeiðna í þjónustudeildum, yfir-
vinnu, vinnu verktaka og skipulag
vinnu eftir 15. september í ár.
Fulltrúar framkvæmdastjórnar
lögðu fram upplýsingar, en fulltrúar
starfsmanna töldu þær ekki full-
nægjandi og var því ákveðið að boða
til fyrrgreindrar vinnustöðvunar.
Sigurpáll frá Sandgerði, eða Siglfirðingur eins og báturinn hét fram til 1970. Morgunblaðið/Snorri Snorrason.
Siglufjörður:
ísafold kaupir „gamla Siglfirðing“
FRYSTIHÚSIÐ ísafold á Siglufirði hefur nýlega fest
kaup á bátnum Sigurpáli frá Sandgerði. Báturinn
verður notaður til veiða með troll, línu og nót.
Sigurpáll frá Sandgerði er 203 tonna bátur,
byggður í Noregi árið 1964 fyrir Siglfirðinga. Bát-
urinn, sem er 35 m að lengd, hét upphaflega Sigl-
firðingur. Hann er seldur árið 1970, en hefur að
undanförnu verið í eigu Rafns hf. í Sandgerði og
stundað veiðar með troll og línu. I samtali við Mbl.
sagði Ómar Hauksson, framkvstj. frystihússins
Isafoldar á Siglufirði, að báturinn væri nú kominn
til kaupstaðarins og væri verið að breyta honum og
færi báturinn sennilega til veiða í ágúst. Hjá ísa-
fold starfa nú 50 manns og sagði Ómar að koma
Sigurpáls tryggði enn frekar atvinnuöryggi starfs-
fólksins. ómar sagðist vonast til þess, að ísafold
fengi m.a. að vinna síldarkvótann sem báturinn
ætti í haust, en ísafold hefur hingað til unnið afla
úr togurum Siglfirðinga.
Alftarhræ i túninu á Signýjarstöðum í Borgarfirði. Mof*»nbi»4i*/HBj.
Veitt áminning fyrir
að skjóta álftir
SÝSLUMAðUR Mýra- og Borgarfjarðarsýslu hefur veitt Páli Jónassyni
bónda á Signýjarstöðum í Hálsasveit í Borgarfirði formlega áminningu fyrir
að skjóta álftir, en eins og skýrt var frá í Mbl. 26 maí sl. viðurkenndi Páll í
samtali við blaðið að hann hefði skotið 10 álftir og látið liggja á túni hjá sér.
Hann sagði þá við blaðamann Mbl. að álftin væri vargfugl sem stórskemmdi
túnin hjá sér og hann yrði að skjóta hana og láta hræin liggja til að halda
henni frá.
Ásgeir Magnússon fulltrúi sýslu-
manns sagði að ljóst væri að álftir
hefðu valdið miklu tjóni á túnum á
þessum slóðum og komið hefði
fram að þessi aðferð hefði verið
notuð í einhverju mæli til að bægja
henni frá, en það hefði verið gert
án leyfis. Sagði hann að í fuglafrið-
unaríögunum væri ákvæði sem
heimilaði að veittar væru undan-
þágur frá friðun fugla m.a., til að
hægt sé að skjóta fugla sem eru til
skaða, en þetta leyfi hefði ekki ver-
ið veitt í þessu tilviki enda ekki um
það sótt. Ásgeir sagði einnig að
umræddur úrskurður hefði verið
kveðinn upp að fengnum umsögn-
um ríkissaksóknara og mennta-
málaráðuneytis.
Friðrik Sophusson:
Spurning um pólitískt
siðferði hvort staðið
verður við minnislistann
„Á PESSARI stundu er engin ástæða
til að birta minnislistann, þótt hann sé
meinlaus með öllu. Ég get þó staðfest
það sem annars staðar hefur komið
fram, að stjórnarflokkarnir eru sam-
mála um að kosningalögum verði
breytt í samræmi við samþykkt síðasta
þings,“ sagði Friðrik Sophusson vara-
formaður Sjálfstæðisflokksins m.a. í
ræðu sem hann flutti á almennum
stjórnmálafundi Landsmálafélagsins
Varðar í gærkvöldi.
Er Friðrik hafði rakið stefnuyfir-
lýsingu ríkisstjórnarinnar sagði
hann: „Þess ber að geta að í stjórn-
armyndunarviðræðum stjórnar-
flokkanna var að auki rætt um fjöl-
mörg önnur atriði. Þingflokkarnir
voru sammála um að athuga sér-
staklega ýmis mál, en í stað þess að
festa þau í stefnuyfirlýsingu voru
þau skráð á svokallaðan minnislista
sem nokkuð hefur verið í fréttum að
undanförnu. Þau atriði sem þar er
að finna eru að sjálfsögðu bindandi
fyrir stjórnarflokkana eins og
Um 4 milljóna króna
hagnaður hjá Hafskip
— Veltuaukning um 87,7%, en rekstrargjöld hækkuðu um 75,3%
LIOLFiGA 4 milljóna króna hagnaður varð af rekstri Hafskips hf. á síðasta ári,
þegar tekið hafði verið tillit til afskrifta, fjármagnsgjalda og skatla, sem jafngildir
um 1,23% af rekstrartekjum. Þessar upplýsingar koma fram í ársreikningi félags-
ins, sem lagður verður fram á aðalfundi, sem haldinn verður í dag.
Veltuaukning félagsins varð
87,7% í krónum talið á síðasta ári,
en um 16,5%, mæld í SDR. Veruleg
veltuaukning hefur átt sér stað und-
anfarin ár hjá félaginu eða um
2.149% á síðustu 5 árum í krónum og
um 280,1%, mælt í SDR.
Innflutningur Hafskips á síðasta
ári jókst um 8%, í tonnum talið, en
útflutningur dróst hins vegar saman
um 5%. Heildarflutningsmagn fé-
lagsins í tonnum jókst um 4% frá
árinu á undan, á sama tíma og heild-
arflutningur til og frá landinu dróst
saman um nær 10%.
Eins og áður sagði varð um 4
milljóna króna hagnaður af rekstri
félagsins á síðasta ári, en ef litið er á
rekstrarhagnað fyrir afskriftir, fjár-
magnsgjöld og skatta, þá var hann
um 61,1 milljón króna, sem er um
18,7% af rekstrartekjum.
Rekstrargjöld hækkuðu um 75,3%
á síðasta ári, en veltuaukning varð
hins vegar um 87,7%. Að mati Haf-
skipsmanna er þar að skila sér átak
undangenginna ára til aukinnar
rekstrarhagkvæmni og kostnaðar-
aðhalds.
Eigið fé Hafskips í árslok var um
13,5 milljónir króna samkvæmt
efnahagsreikningi og hafði það
lækkað frá árinu á undan. Endur-
metin eiginfjárstaða nam 33,2 millj-
ónum króna, eða ,145,6% hærri upp-
hæð en efnahagsreikningur sýnir.
Á árinu störfuðu hjá félaginu að
meðaltali 230 starfsmenn og námu
beinar launagreiðslur til þeirra 47
milljónum króna. Þar að auki störf-
uðu hjá félaginu m.a. á leiguskipum
og við starfsemi erlendis um 70
manns að meðaltali á árinu, eða
samtals um 300 manns.
stefnuyfirlýsingin sjálf. Það er að-
eins spurning um pólitískt siðferði
hvort staðið er við þetta samkomu-
lag eða ekki.
Á þessari stundu er engin ástæða
til að birta minnislistann, þótt hann
sé meinlaus með öllu. Ég get þó stað-
fest það sem annars staðar hefur
komið fram, að stjórnarflokkarnir
eru sammála um að kosningalögum
verði breytt í samræmi við sam-
þykkt síðasta þings. Skattakerfið
verði endurskoðað m.a. til að fella
niður sérstaka skatta á verzlunar-
og skrifstofuhúsnæði, fella niður
tekjuskatt af almennum launatekj-
um og jafna tekjur hjóna fyrir
skattlagningu. Hafizt, verði handa
um byggingu flugstöðvar og flokk-
arnir eru sammála um að forstöðu-
menn fjármálastofnana láti af störf-
um, taki þeir sæti á Alþingi. Tómas
Árnason getur því þurft að standa
frammi fyrir persónulegri ákvörðun
þegar lögin um Framkvæmdastofn-
un verða endurskoðuð."
Um 29 milljóna
króna tap hjá
Sambandinu 1982
HALLI á rekstrarreikningi Sambands
íslenzkra samvinnufélaga var um 29
milljónir króna, þegar tekið hafði verið
tillit til eignaskatta, tekjuskatta og
annars og er þetta í fyrsta sinn um
árabil, sem tap verður af rekstrinum.
Þessar upplýsingar komu fram á aðal-
fundi Sambands íslenzkra samvinnufé-
laga, sem haldinn er að Bifröst og lýk-
ur í dag.
Heildartekjur Sambandsins urðu
um 1.693 milljónir króna og jukust
um 61,6%. Þá kom fram á aðalfund-
inum, að heildarvelta Sambandsins
á liðnu ári nam 3.627 milljónum
króna, samanborið við 2.383 milljón-
ir króna árið 1981. Aukningin er
1.244 milljónir króna, eða um 52,2%.
Velta Sambandsins skiptist þann-
ig, að búvörudeild var með um 620
milljónir króna, sjávarafurðadeild
með 1.293 milljónir króna, innflutn-
ingsdeild með um 745 milljónir
króna, véladeild með um 236 milljón-
ir króna, skipadeild með um 300
milljónir króna, iðnaðardeild með
402 milljónir króna og smærri
starfsgreinar með um 31 milljón
króna.
Mest hlutfallsleg aukning varð hjá
iðnaðardeild, eða 67,5% og hjá inn-
flutningsdeild 55,2%. Af veltunni
nam útflutningur 1.519 milljónum
króna og innanlandssala um 2.024
milljónum króna.
Samkvæmt efnahagsreikningi
Sambandsins nam eigið fé og sjóðir
þess í árslok 1982 tæpum 457 millj-
ónum króna og hefur halli á rekstri
ársins þá verið dreginn frá. í árslok
1981 nam eigið fé 322 milljónum
króna.
Spurt og svarað
um garðyrkju
LESENDUR eru minntir á að
Morgunblaðið býður lesendum sín-
um í ár eins og undanfarin ár les-
endaþjónustu um garðyrkjumál.
Geta lesendur komið spurningum
sínum á framfæri i síma 10100 á
morgnana milli klukkan 11 — 12 og
munu svörin síðan birtast í blaðinu
nokkrum dögum síðar. Fyrirspurn-
ir þurfa að vera undir nafni og
heimilisfangi.
Morgunblaðið hefur fengið
Hafliða Jónsson, garðyrkjustjóra
Reykjavíkurborgar, til að svara
þeim fyrirspurnum, sem kunna
að koma frá lesendum.