Morgunblaðið - 10.06.1983, Blaðsíða 22

Norröna á Seyðisfiröi. Stærð skipsins sést glöggt þegar litið er á trillurnar við skipið.
Sólin fylgir þessu
óskabarni okkar
— sögðu Austfirðingar við komu
Norröna til Seyðisfjarðar
Texti: Hjörtur Gíslason
Myndir: Hjörtur Gíslason og Kjartan Aðalsteinsson
„1*AÐ VAR mikil ánægja ríkjandi um borð í hinu nýja skipi Smyril Line,
Norröna, í fyrstu ferðum þess frá Færeyjum til Scrabster og þaðan aftur til
Færeyja og Seyðisfjaröar. Auk farþega var mikill fjöldi boðsgesta um borð og
rómuðu þeir ágæti skipsins mjög. Var mál flestra, sem áöur höfðu feröazt
með Smyrli á sömu leið, að samanburður væri nánast óraunhæfur. Nýja
skipið bæri svo af Smyrli á allan hátt. Smyrill hefði verið byggöur fyrir
siglingu á stuttum leiðum og aðstaða og þjónusta um borð af skornum
skammti. t*að væri því nánast óskiljanlegt hvernig hægt hefði verið að
stunda þessar siglingar með honum. Þæð sæist bezt þegar nýja skipið væri
komið.
Mikill gleðskapur ríkti um borð
á leiðinni til Scrabster frá Fær-
eyjum og var dansaður „föroyskur
dansur" alla nóttina. Er skipið
lagði aftur frá Scrabster var það
orðið 8 stundum á eftir áætlun af
óviðráðanlegum orsökum en þá
var keyrt á fullri ferð, 20 mílum,
og tókst að vinna mismuninn upp
áður en komið var til Seyðisfjarð-
ar eða á rúmum sólarhring. Við
komuna til Færeyja tók mikill
mannfjöldi á móti skipinu og var
hrifning fólksins augljós. Svo
ánægðir voru sumir um borð að
þeir hættu við að fara í land í
Færeyjum og brugðu sér með til
íslands.
Er komið var inn á Seyðisfjörð
kom á annan tug smárra báta út á
móti skipinu og veifuðu bátsverjar
íslenzkum og færeyskum fánum
og sungu „Áfram, áfram, áfram,
áfram Norröna" og fylgdu skipinu
síðan til hafnar. A hafnargarðin-
um var komið fyrir miklum borða,
sem á stóð „Velkomin Norröna".
Kom vel í ljós að þar stóð hugur að
baki orðum. Öllum Austfirðingum
sem vildu var boðið um borð að
skoða skipið og síðan var rúmlega
hundrað manns boðið til samsætis
í veitingasal skipsins, þar sem
matur og aðrar veitingar voru á
boðstólum. í ræðum manna þar
kom fram mikil ánægja með skip-
ið og þá samgöngubót, sem að því
verður.
Mikil veðurblíða var meðan á
þessari hringferð skipsins stóð,
allt frá Færeyjum til Scrabster og
um Færeyjar og til íslands. Sögðu
menn að sólin fylgdi þessu óska-
barni Austfirðinga og Færeyinga.
Skipið gengur 20 mílur og tekur
1.050 farþega og 250 bíla. Kojur
eru fyrir 760 manns og eru klef-
arnir af ýmsu tagi, en fæstir með
nokkrum íburði. Áður en skipið
hóf' áætlunarferðir sínar voru
byggðir á því margir ódýrir 6
manna klefar og næturklúbbi
bætt við aðra veitingasali. Var
unnið að breytingum þessum af
miklum krafti og þegar í ljós kom
að gólfteppið á næturklúbbinn
hafði fyrir mistök lent í Dallas í
Bandaríkjunum var sent einka-
þota eftir því. Auk næturklúbbs-
ins er kaffitería, veitingasalur,
barir og verzlanir í skipinu, er>
vöruúrval fremur einhæft. Á síð-
asta ári flutti Smyrill um 32.000
farþega á þessari áætlunarleið, en
þegar hafa tæplega 50.000 farþeg-
ar verið bókaðir og að sögn Óla
Hammer, framkvæmdastjóra
Smyril Line, bætast bókanir stöð-
ugt við. Fremur fáir farþegar voru
í fyrstu ferðunum, en er skipið fór
frá Færeyjum til Bergen í gær
flutti það tæplega 1.000 farþega.
Mikill mannfjöldi fylgdist með komu skipsins bæði á sjó og landi.
Seyðfirðingar tóku vel á móti Norröna eins og sjá má og var greinilegt að
hugur fylgdi máli.
Stórt skref fram á við í sam-
göngumálum Norðurlanda
— segir Steinn Lárusson um tilkomu Norröna
UNDIRRITAÐUR var um borð í Norröna er það sigldi frá Srrabster um
Færeyjar til íslands og tók þar tali nokkra farþega af ýmsu þjóðerni,
skipstjóra og framkvæmdastjóra skipsins. Fara viðtölin hér á eftir:
Mjög góð ferd
„Þetta hefur verið mjög góð ferð
og gott að sigla með skipinu. Mér
líkar vel við mig um borð og matur
og þjónusta er ágæt. Ég hef búið í
Svíþjóð í fjögur ár en er nú að
flytja heim. Érlendis hef ég siglt
nokkuð með sambærilegum ferj-
um og get því sagt að þetta er gott
skip. Það eina, sem olli okkur fjöl-
skyldunni erfiðleikum, var töf í
Bergen, þar sem við komum um
borð. Við áttum að vera mætt
klukkan 9 um morguninn en
þurftum svo að bíða þar til klukk-
an 7 um kvöldið. Það var mjög
erfitt með börnin. Við áttum síðan
góðan tíma í Færeyjum meðan
skipið fór til Scrabster," sagði
Guðríður Guðmundsdóttir.
Er mjög ánægð
„Ég kom um borð í Bergen og
hef nú séð bæði Færeyjar og ís-
land og er mjög ánægð með ferð-
ina. Skipið er mjög gott og þjón-
usta um borð svo það er ekki und-
an neinu að kvarta, nema að lítið
hefur verið um sól fyrr en hér á
Seyðisfirði. Það er aldrei að vita
nema ég bregði mér aftur með
þessu ágæta skipi," sagði Ragn-
hild Monsen frá Noregi.
Gleðst yfir stór-
hug Færeyinga
„Ég gleðst yfir stórhug Færey-
inga og þá sérstaklega yfir að hafa
fengið að vera með frá 1975 er
þessar siglingar hófust. Það hefur
lengi verið draumur þeirra að
endurnýja gamla Smyril og það
hefur nú tekizt þó reksturinn sé í
öðru formi. Ég fæ ekki betur séð
en skipið uppfylli mínar beztu
vonir, allar vistarverur, sérstak-
lega salir, virðast í mjög góðu lagi.
Þær breytingar, sem gerðar hafa
verið, sérstaklega bygging ódýrra
sex manna klefa, eru mjög athygl-
isverðar. Þetta skip er gjörólíkt
gamla Smyrli, þó svo ég vilji ekki
hallmæla honum, er hér um allt
annan gæðaflokk að ræða. Ég vil
þá þakka samstarfið við „strand-
fararskip landsins" og vænti mik-
ils af þessu nýja skipi um leið og
ég óska þessu nýja fyrirtæki,
Smyril Line, til hamingju með
þennan áfanga, sem ég tel stórt
skref fram á við í samgöngumál-
um Norðurlanda," sagði Steinn
Lárusson, framkvæmdastjóri
ferðaskrifstofunnar Úrvals, sem
hefur umboð fyrir Smyril hér á
landi.
Samanburöur við
Smyril óraunhæfur
„Mér líkar þetta nýja skip mjög
vel. Það er svo gott að óraunhæft
er að bera það saman við Smyril.
Smyrill þótti stór, þegar hann var
keyptur, og flestir Færeyingar
voru vissir um dæmið gengi ekki
upp. Það kom svo í ljós að dæmið
gekk ljómandi og hann varð fljót-
lega of lítill. Nú hafa Færeyingar
séð að stórhugur er það sem þarf
til að hlutirnir gangi og eru vissir
um að þetta nýja skip gangi vel.
Það hefur verið líflegt hér um
borð og goft andrúmsloft," sagði
Árni Joensen, sjónvarpsmaður í
Færeyjum.