Morgunblaðið - 10.07.1983, Blaðsíða 23
MORGUNBLAÐIÐ, SUNNUDAGUR 10. JÚLÍ 1983
71
60 ára útskriftarafmæli
Þessi fríði bópur átti nýlega 60 ára útskriftarafmæli frá Kennaraskóla íslands, árgangur
1923. Það ár útskrifuðust 23 kennarar og eru níu þeirra á lífi í dag. Á myndinni eru sjö þeirra
samankomin. Frá vinstri talið: Frímann Jónasson Reykjavík, Pálmi Jósefsson Reykjavík,
Helgi Símonarson Þverá f Svarfaðardal, Guðlaug Sigurðardóttir Fljótsdalshéraði, Þóra
Steinadóttir Reykjavík og Stefán Sigurðsson Reykjavík. Á myndina vantar Sæmund Jóhann-
esson frá Akureyri og Þóruani Símonardóttur frá Akranesi. Morgunblaðið/ KEE
Nú skundum vid
á skátamót ...
í ár er haldið 15. alhejmsmót
skáta, og héldu fulltrúar íslands,
62 skátar víðsvegar að af landinu,
áleiðis á mótið annan júlí. Mótið
er að þessu sinni haldið í hlíðum
Klettafjallanna í Kanada og
stendur í rúma 10 daga. Eftir
raótið mun svo leið íslensku skát-
anna liggja um þver og endilöng
Bandaríkin. Fararstjórar eru þrír
með hópnum, Arnfinnur Jónsson,
Erla Elín Hansdóttir og Helgi
Grímsson.
Alheimsmót skáta er haldið
fjórða hvert ár, og koma þang-
að skátar allstaðar að af hnett-
inum. Á mótinu í Kanada verða
15.000 skátar frá 100 þjóðlönd-
um og í fyrsta skipti í sögu
þessara móta eru stúlkur einn-
ig þátttakendur. Þær verða þó í
minnihluta, eða 700. Síðasta
Alheimsmót var haldið í Noregi
1975 af Norðurlöndunum sam-
eiginlega, en mótið sem átti að
halda í íran 1979 féll niður
vegna innanlandsmála. Átta ár
eru því frá síðasta móti.
Baden Powell stofnaði skáta-
hreyfinguna 1907 í Englandi og
breiddist hún út um allan heim
á skömmum tíma. Eftir fyrri
heimsstyrjöldina sá hann þörf-
ina á að sýna sameiginlegt
starf skáta, í þágu friðar. Og á
fyrsta alheimsmótinu árið 1920
komu saman skátar frá mörg-
um þjóðum, og sýndu að þeir
gátu starfað saman hlið við hlið
þrátt fyrir ólíkan uppruna og
stjórnmálalega stöðu þjóða
þeirra.
... þegar allir klappa af kæti
PRESTASTEFNA íslands fór fram
nýlega í Dómkirkjunni í Reykja-
vík, nánar tiltekið um sumarsól-
stöður dagana 21. til 23. júní.
Stefnan hófst að vanda með því að
prestar gengu í skrúðgöngu til
kirkju. Skrýddust prestar í Alþing-
ishúsinu og gengu sfðan í tvöfaldri
röð til Dómkirkjunnar, þeir yngstu
fremstir en prófastar og biskupar
aftastir. Var allur þorri presta á
landinu mættur, en þeir eru um
120, og þar af um 30 í Reykjavík.
Það er sagt að prestar hafi
„sans“ fyrir kveðskap og margir
í þeirra hópi eru hagyrðingar
góðir. Enda fljúga stökurnar á
milli á prestastefnum, sumar
ansi staðbundnar eins og gengur,
en aðrar almennara eðlis og
skiljanlegar öllum mönnum
jafnt.
Þegar Þorbergur Kristjáns-
son, prestur í Kópavogi, var að
kvarta undan kirkjuklappi, kast-
aði einn úr hópi presta þessari
stöku fram:
Helgin stendur höllura fæti
hátt og snjallt þó klerkur lesi
þegar allir klappa af kæti
f kirkjunni í Digranesi.
Sr. Gísli Brynjólfsson ræðir við sr. Kristinn Hóseason prófast í Heydölum, en sr. Jón Sr. Jón Bjarman fangaprestur skrýðtr séra Hannes örn Blandon f Ólafsfirði.
Ragnarsson (við töskuna) hefur öðrum hnöppum að hneppa. Ljóamyndir Mbi / Guftjón