Morgunblaðið - 10.08.1983, Blaðsíða 2
2
MORGUNBLAÐIÐ, MIÐVIKUDAGUR 10. ÁGÚST 1983
Byggt á gallaðri
reglugerð og veiði-
leyfín eru of dýr
— segir form. Skotveiðifelagsins um hreindýraveiðar
„HREINDÝRIN á hálendi íslands eru þjóðareign eins og afréttir og
almenningar landsins. í nokkur ár hefur hreppunum á Austurlandi
verið úthlutað öllum veiðikvóta þeirra ára og ákveðnum mönnum
samkvæmt reglugerð menntamálaráðuneytisins falin öll veiðin.
Þetta fyrirkomulag hefur að mörgu leyti gefist illa og reglugerðin
sem þetta byggist á verið meingölluð,“ sagði Sverrir Scheving
Thorsteinsson, formaður Skotveiðifélags íslands, er hann var inntur
álits á hreindýraveiðileyfum, sem
blaðsins.
„Skotveiðifélagsmenn hafa und-
anfarið verið að vænta þess að
réttlát reglugerð þar sem byggt sé
á réttum forsendum, þ.e.a.s. þjóð-
areign hreindýranna og stjórnun
veiðanna frá menntamálaráðu-
neytinu en ekki óviðkomandi aðila
á Austurlandi. Ljóst er nú, að eng-
in breyting verður í þá átt að
landsmenn eigi allir jafnan rétt til
hreindýraveiða þar sem m.a. alltof
hátt verð þeirra leyfa sem nú má
selja kemur í veg fyrir að venju-
legur veiðimaður geti sótt um
leyfi," sagði Sverrir.
„Skotveiðifélagsmenn telja
vissulega að landeigendur á hrein-
dýrasvæðum eigi ákveðinn rétt til
greint er frá á baksíðu Morgun-
bóta vegna sannanlegs ágangs
dýranna á heimalöndum hluta
ársins, en það, að landeigendur
með sjálfdæmi á verði veiðileyfa
án allra afskipta ráðuneytisins
geti auðgast óeðlilega á kostnað
veiðimanna, er stórlega ámælis-
vert. Skotveiðifélag íslands hefur
á fyrra ári mótað skýra stefnu í
þessum málum og tillögur þess
miða að því að veiðigjaldið sé í
umsjá menntamálaráðuneytisins
og renni til bóta á heimalandi og
mannvirkjum vegna ágangs dýr-
anna, til vísindalegra rannsókna,
náttúruverndar og eftirlits," sagði
Sverrir að lokum.
Hæstiréttur af-
greiddi 247 mál
ALLS VORU afgreidd 247 mál í Hæstarétti á tímabilinu 15. september 1982
til 30. júní 1983, á móti 196 málum árið áður, en dómurum í Hæstarétti var
fjölgað úr 7 í 11 á milli þessara ára og regluleg þing voru haldin 3 daga í viku
fyrri veturinn en 5 daga í viku síðari veturinn.
Málin sem afgreidd voru skipt-
ast þannig að dæmd áfrýjunarmál
voru 129 fyrri veturinn en 179
þann síðari. Þau skiptast þannig
að 73 voru einkamál og 56 opinber
mál fyrri veturinn, en þann síðari
voru 119 einkamál og 60 opinber
mál. Kærumál voru 46 í ár, 25
einkamál og 21 opinbert mál. I
fyrra voru kærumálin 37, 16
einkamál og 21 opinbert mál. Úti-
vistardómar voru 25 í fyrra en 17 í
ár og úrskurðir, ákvarðanir um
hafningar og annað voru 5 talsins
hvort árið um sig.
Mál sem bíða flutnings fyrir
Hæstarétti eru nú 152 talsins, en
voru 1. janúar síðastliðinn 191.
„Ástandið hefur skánað eftir að
dómurum í Hæstarétti var fjölgað
á síðastliðnu ári, en það er ekki
ennþá nógu gott samt sem áður,“
sagði Þór Vilhjálmsson, forseti
Hæstaréttar, í samtali við Morg-
unblaðið í gær, í tilefni af þessum
tölum um fjölda afgreiddra mála í
Hæstarétti. „Nú eru það 152 mál
sem eru tilbúin til flutnings í
Hæstarétti og við munum reyna
að fækka þeim eins og hægt er,
enda mun rétturinn áfram starfa í
tveimur deildum, annarri 5 manna
og hinni 3 manna. Dómarar eru nú
8, en voru 11 síðastliðinn vetur.
Þar voru þrír settir til 9‘/2 mánað-
ar og létu þeir af störfum 1. júlí
síðastliðinn," sagði Þór Vilhjálms-
son ennfremur.
Framleiðslueftirlit sjávarafurða:
Jóhann Guömundsson
í árs leyfi frá störfum
Jónas Bjarnason og Einar M. Jóhannsson taka við
SAMKOMULAG hefur nú orðið
milli Jóhanns Guðmundssonar, for-
stöðumanns Framleiðslueftirlits
sjávarafurða, og sjávarútvegsráð-
herra um að Jóhann taki sér árs
leyfi frá störfum til að kynna sér
gæðamál hjá helztu fiskútflutnings-
þjóðum heims. Leyfi Jóhanns hefst
þann 15. þessa mánaðar. Þeir Jónas
Bjarnason, efnaverkfræðingur, og
Einar M. Jóhannsson, starfsmaður
SÍF, munu taka við starfi Jóhanns,
en þeir eiga báöir sæti í Fiskmats-
ráði.
„Við teljum það mikilvægt að
unnið verði að gæðamálum fisk-
iðnaðarins og samanburðar við
aðrar þjóðir verði leitað. Það hef-
ur orðið samkomulag um að Jó-
hann taki þetta verkefni að sér.
Ég hef beðið um tillögur Fisk-
matsráðs um það, hvernig þessum
málum skuli fyrirkomið og hefur
ráðið lagt til, að Einar M. Jó-
hannsson fari með stjórn salt-
fisks-, skreiðar- og ferskfiskdeilda
og Jónas Bjarnson, deildarverk-
fræðingur, fari með stjórn fersk-
fiskdeildar og hreinlætis- og
búnaðardeilda. Ég hef gengið frá
ráðningu þessara manna til eins
árs.
Aðspurður um það hvert fram-
tíðarskipulag þessara mála yrði,
sagði Halldór, að Jóhann færi í
leyfi um eins árs skeið og frí væri
frí. Hins vegar stæði til að lagt
yrði fram frumvarp til laga um
ríkismat sjávarafurða á þingi í
haust. Yrði það samþykkt, yrðu
allverulegar breytingar á þessum
málum og tekið upp embætti fisk-
matsstjóra. Á þessu stigi væri því
ekkert hægt að segja um fram-
vindu þessara mála.
Morgunblaðið hafði ennfremur
samband við Jóhann Guðmunds-
son. Sagði hann, að áðurnefnt
samkomulag hefði náðst og að árs
leyfi væri árs leyfi, annað væri
ekki um málið að segja.
U tanríkisviðskiptaráð-
herra Svía í heimsókn
UTANRÍKISVIÐSKIPTARÁÐHERRA Svía, Mats Hellström, kemur í opin-
bera heimsókn hingað til lands í dag í boði Matthíasar Á. Mathiesen,
viðskiptaráðherra. Hann kemur til Keflavíkurflugvallar kl. 16.15 í dag og
farið verður þaðan og Hitaveita Suðurnesja við Svartsengi skoðuð.
Aðalatriðið á dagskrá heim-
sóknarinnar á föstudag er ferð til
Vestmannaeyja, þar sem hrað-
frystihús og fleira verður skoðað,
en klukkan 17.00 þann dag verður
blaðamannafundur á Hótel Sögu.
Heimsókninni lýkur á laugar-
dag. í för með utanríkisviðskipta-
ráðherra Svía eru ráðuneytisstjóri
og deildarstjóri í viðkomandi
ráðuneyti.
Á fimmtudag mun Hellström
eiga viðræður við viðskiptaráð-
herra, Matthías Á. Mathiesen,
sem og við Geir Hallgrímsson,
utanríkisráðherra og einnig verð-
ur gengið á fund forseta Islands,
Vigdísar Finnbogadóttur. Þá verð-
ur farið í skoðunarferð um
Reykjavík og meðal annars Al-
þingi, Kjarvalsstaðir og stofnun
Árna Magnússonar heimsóttar.
Deilan um Pasadena er aöeins yfirvarp:
Sovétmenn ætluðu aldrei
að senda Kasparov hingað
— segir Viktor Korchnoi í viðtali við Morgunblaðið
,,ÞAf) ER ávallt hryggilegt þegar
stjórnmál eru tekin fram yfir skák-
listina. Mér er kunnugt um, að Garri
Kasparov vildi eindregið tefla við
mig — sérstaklega hér í Bandaríkj-
unum, en sovéskir skákmenn eru
einskis spurðir og verða aö lúta
duttlungum sovéskra stjórnvalda,"
sagði Viktor Korschnoi, hinn land-
flótta sovéski skákmaður, í samtali
við Mbl. í gærkvöldi þar sem hann
var staddur í Pasadena í Kaliforníu,
en svo sem fram hefur komið í frétt-
um þá mætti Garri Kasparov ekki til
leiks í einvígi við Viktor Korschnoi
og lýsti Florencio Gampomanes, for-
seti Alþjóðaskáksambandsins,
FIDE, Korschnoi sigurvegara í ein-
víginu.
„Málið snýst í raun um valda-
baráttu innan FIDE,“ hélt
Korschnoi áfram — '„málið snýst
um það, hvort Sovétmenn eiga að
fá að ráðskast með FIDE eins og
þeir hafa gert eða hvort hinn nýi
forseti — Florencio Campomanes,
heldur um stjórnvölinn.
Deilan um ákvörðun Campo-
manesar þess efnis að einvígið
skyldi fara fram hér í Pasadena er
léttvæg — yfirvarp. Sovétmenn
lögðu sig aldrei eftir að kanna að-
stæður hér. Þeir einfaldlega neit-
uðu að koma hingað og þeir neit-
uðu að ganga til samninga. Þeir
létu sem aðstæður til einvígis-
halds hér væru afleitar og hér
væri allt of heitt. Það var aðeins
fyrirsláttur — ástæða til þess að
mæta ekki til leiks. Þeir létu í
veðri vaka að ekki væri hægt að
gæta fyllsta öryggis hér. Hvað
þeir í raun áttu við með þessu er
með öllu óljóst. Pasadena er einn
friðsælasti staður í öllum Banda-
ríkjunum.
Skákin skipti engu — Sovét-
menn skákuðu aðeins í því skjól-
inu að aðstæður væru slæmar hér.
Þeir ætluðu aldrei að senda Kasp-
arov hingað. Nei, það sem málið
snýst í raun um eru völd; völd inn-
an FIDE og Kasparov sjálfan.
Sovétmenn hafa hingað til getað
sagt forsetum FIDE fyrir verkum.
Campomanes er sjálfstæður vegna
þess að hann hefur stuðning
stjórnvalda á Filippseyjum og
kærir sig kollóttan hvað Sovét-
menn gera eða hugsa.
Sovésk stjórnvöld bera fyllsta
traust til Anatoly Karpovs, heims-
meistara. Sovéskir ráðamenn vilja
gjarna sjá heimsmeistaratitilinn
áfram í höndum Karpovs — það
vita allir sem fylgjast með skák.
Þeir vita að Kasparov er orðinn
ákaflega öflugur skákmaður og að
hann mundi næsta örugglega
sigra Karpov í einvígi um titilinn,
ef tii kæmi. Þeir eru því reiðubún-
ir að fórna Kasparov til þess að
tryggja gæðingi sínum titilinn.
Nei, Pasadena er aðeins yfirvarp,
Rússar hafa fórnað Kasparov.
Þá má benda á, að þessi ákvörð-
un gæti gefið vísbendingu um
þátttöku Sovétmanna í ólympíu-
Viktor Korchnoi
leikunum í Los Angeles að ári —
úr því þeir ekki vilja tefla hér í
Pasadena, þá er allt eins líklegt að
þeir mæti ekki til leiks á Ólympíu-
leikunum í Los Angeles, en Pasa-
dena er útborg Los Angeles."
— Sjálfur kaust þú fremur að
tefla í Rotterdam en í Pasadena,
eins og Kasparov. Hver er ástæð-
an?
„Loftslagið hér í Pasadena —
mér er lítt um það gefið, því það á
miklu betur við Kasparov. Þú
mátt ekki gleyma því að ég er frá
norðurhluta Sovétríkjanna —
Leningrad, en Kasparov er frá
Baku í suðurhluta Sovétríkjanna.