Morgunblaðið - 25.10.1983, Page 3
MORGUNBLAÐIÐ, ÞRIÐJUDAGUR 25. OKTÓBER 1983
3
„My Fair Lady“ hjá LA:
Hópaf-
sláttur á
sýningar
LEIKFÉLAG Akureyrar frumsýndi
sl. föstudag söngleikinn „My Fair
Lady“. Söngleikurinn er sýndur
fimm sinnum í viku, á þriðjudög-
um, fimmtudögum, röstudögum,
laugardögum og sunnudögum.
LA býður hópum, sem í eru
tuttugu manns eða fleiri, upp á
afslátt sem er kr. 50 af miða-
verði. Þá bjóða Flugleiðir einnig
upp á helgarpakka til Akureyr-
ar. Er innifalið í hverjum pakka
gisting i tvær nætur, aðgangs-
miði á sýningu og eins er hægt
að fá kvöldverð á undan sýningu
í Sjallanum eða Smiðjunni.
Kostar slík ferð um kr. 3000.
Samskonar helgarpakkar eru
einnig á boðstólum til Reykja-
víkur og eru þá innifaldar sýn-
ingar hjá íslensku óperunni eða
Þjóðleikhúsinu.
Að lokinni velheppnaðri frumsýningu á My Fair Lady á Akureyri sl.
föstudagskvöld. Vala Kristjánsdóttir (Lh.) sem lék Elísu á sýningu Þjóð-
leikhússins 1962 og Ragnheiður Steindórsdóttir, sem leikur Elísu í upp-
færslu Leikfélags Akureyrar. Morgunbl»ftið/Páll Pálsson.
Bræður hafa viður-
kennt póstþjófnaðinn
TVEIR bræður hafa viðurkennt að
hafa brotizt inn f verzlunina Björk á
Hvolsvelli og stolið þaðan tveimur
póstpokum, sem í voru almenn bréf
og ábyrgðarbréf. Auk þess stálu þeir
peningum og tóbaki.
Þeir voru handteknir á laugar-
dag og viðurkenndu við yfirheyrsl-
ur að hafa brotizt inn í verzlunina
og einnig að hafa stolið Volvo-
bifreið, sem þeir notuðu við þjófn-
aðinn og stórskemmdu. Þeir höfðu
farið í gegn um póstinn í von um
að finna fé og síðan kastað bréfun-
um. Annar þeirra hafði verið
færður til yfirheyrslu vegna rann-
sóknar RLR á málinu en þá neitað
allri aðild að þjófnaðinum.
Bræðurnir eru 21 árs og 17 ára
gamlir. Sá eldri hefur verið sendur
að Litla-Hrauni til þess að afplána
dóm, sem hann sat inni fyrir, en
var sleppt til reynslu. Hinum
yngri var sleppt úr haldi, en var
handtekinn á ný í gærmorgun
vegna gruns um innbrot í Hrað-
frystistöðina við Mýrargötu. Við
húsleit heima hjá piltinum fund-
ust munir sem stolið var úr
Hraðfrystistöðinni. Þá fundust
ýmsir munir, sem líklegt er talið
að séu stolnir.
Rannsóknarlögregla ríkisins
hefur gert kröfu um gæzluvarð-
hald yfir piltinum. Bræðurnir
hafa oftsinnis komið við sögu hjá
Rannsóknarlögreglu ríkisins.
Níu ára drengur:
Fékk flís úr
naglabyssu-
skoti í lærið
NÍIT ára gamall drengur fékk flís
úr naglabyssuskoti í læri og gekk
flísin inn ad beini. Atvikið átti
sér stað fyrir skömmu. Drengur-
inn var fluttur í slysadeild þar
sem hann gekkst undir aðgerð til
þess að ná flísinni úr lærinu.
Atvik eru þau að drengurinn
fann naglabyssuskot og sló í
hvellhettuna með steini. Nagl-
inn skaust með miklu afli úr
hvellhettunni. Má telja mildi
að það lenti ekki í drengnum,
en flís úr naglanum lenti í læri
hans með fyrrgreindum afleið-
ingum.
Guðmundur Árnason
yfirlæknir látinn
GUÐMUNDUR Árnason yfírlæknir
lyfjadeildar Sjúkrahúss Akraness
lést í Borgarspítalanum að kvöldi 19.
október.
Hann var fæddur 28. nóvember
1925 að Kjarna í Arnarneshreppi,
sonur hjónanna Árna Ólafssonar
sýsluskrifara á Akureyri og konu
hans, Valgerðar Rósinkarsdóttur.
Hann lauk stúdentsprófi frá
Menntaskólanum á Akureyri 1945
og kandídatsprófi f læknisfræði
1953. Var við framhaldsnám í lyf-
lækningum og við læknisstörf f
Svíþjóð á árunum 1957—1965.
Starfandi læknir á Borgarspítal-
anum á árunum 1965—1973 er
hann tók við starfi yfirlæknis á
lyfjadeild Sjúkrahúss Akraness,
en þar var hann til dauðadags.
Eftirlifandi kona hans er Stef-
anía Þórðardóttir og áttu þau tvo
syni.
Tvítug kona
skarst á auga
TVÍTUG kona skarst á auga þegar
til átaka kom í veitingahúsinu Þórs-
café aðfararnótt sunnudagsins. Hún
var flutt í slysadeild Borgarspítalans
og þaðan f Landakot, þar sem hún
gekkst undir aðgerð.
Tildrög eru þau að til átaka kom
með tveimur mönnum f Þórscafé.
Konan ásamt ýmsum öðrum gekk
í milli mannanna. Atvik eru óljós,
en konan fékk glerbrot í augað.
Óljóst er hvort hún var slegin, eða
einhver óviljandi rak glas í andlit
hennar, með fyrrgreindum afleið-
ingum.