Morgunblaðið - 25.10.1983, Síða 48

Bítlaæðið
ÞRIÐJUDAGUR 25. OKTÓBER 1983
Hugmynd fjármálaráðherra á Alþingi:
Skuldir sjávarútvegs við
opinbera sjóði strikaðar út
Albert Guðmundsson sló fram þeirri hugmynd í efri deild Alþingis gær, að
skuldir sjávarútvegs við opinbera sjóði verði strikaðar út. Tap viðkomandi
sjóða, ef gengið yrði að sjávarútvegsfyrirtækjum, yrði hvort eð er mjög mikið.
Ef horft er til sjávar, sagði ráð-
herra efnislega, til veiða og
vinnslu, undirstöðuatvinnuvega
okkar, blasa við skuldakvaðir í öll-
um áttum, sem atvinnugreinin
ræður ekki við að óbreyttu. Þegar
við horfum til upplandsins, til
þeirrar aðstöðu hvers konar sem
þjóðin býr við, blasir hinsvegar
við okkur sú auðlegð, sem mest-
part var til sjávarútvegsins sótt.
Það vekur furðu að undirstöðu-
greinin, sem velferð þjóðarinnar
hvílir á, skuli þannig vafin skulda-
fjötrum. Þess vegna lét ég svo um-
mælt á fundi í Vestmannaeyjum í
fyrrakvöld, að sú hugmynd væri
skoðunar verð, hvort ekki ætti að
gefa eftir skuldir þessa undir-
stöðuatvinnuvegar við opinbera
sjóði, og skapa sjávarútveginum
nýjan grunn til byggja á. Hafa
yrði i huga, sagði ráðherra, að
skuldir sjávarútvegs væru vax-
andi, hlæðu utan á sig, og þar
kæmi, að eitthvað þyrfti að gera í
málinu. Gangi sjávarútvegsfyrir-
tæki undir uppboðshamar, hvert
af öðru, er hætt við að tap viðkom-
andi yrði hvort eð er mjög mikið.
Þau orð fjármálaráðherra, sem
hér eru efnislega eftir höfð, vóru
sögð í tilefni fyrirspurnar frá
Stefáni Benediktssyni (BJ) um
fund ráðherrans í Vestmannaeyj-
um.
Halldór Ásgrímsson, sjávarút-
vegsráðherra, sagði efnislega, að
þeir peningar, sem t.d. Fiskveiða-
sjóður hefði lánað í sjávarútveg,
væru að stærstum hluta erlend
lán, en einnig lán frá lánastofnun-
um innanlands, þ.e. skuldir, sem
ekki yrði komist hjá að greiða með
tilheyrandi lánakostnaði. Ef horf-
ið væri að hugmynd eftirgjafar
yrði jafnframt að gera sér grein
fyrir því, hvar taka ætti fjármagn
til að borga þessar skuldir.
Síldarstemmning
við Vestmannaeyjar
Þaó var blússandi síldarstemmning á milli lands og Eyja á sunnudaginn I 1 gærkvöldi virtist að vísu eitthvað vera að draga úr veiðinni við Eyjar
þegar 15 skipa floti mokaði upp síld þar í einum hnapp, en flotinn var I að sögn Ástráðs Ingvarssonar hjá Veiðieftirlitinu. Lítið hefur hins vegar
■-** steinsnar frá Eyjum og blasti við frá bænum. Þegar kvölda tók óð síldin I verið um að vera fyrir Austurlandi, að sögn Ástráðs, þótt nokkrir báUr
aðeins austar eða milli Elliðaeyjar og Landeyjasands. Síldinni fylgir I hafi þar verið að fá síld, einkum í reknet.
ávallt sérstök stemmning og það var því gott hljóðið í Eyjamönnum. | Sjá nánar á bls. 29. MorgunblaðiS/Sigurgeir.
i
Gangstéttin hefur sigið að hluta, þar
sem maðurinn féll, og hálka hafði
myndast á gangstéttinni — þetta
tvennt orsakaði alvarlegt slys á
sunnudag. Morgunblaðið/Júlíus.
Maður datt
í hálku og
höfuðkúpu-
brotnaði
MAÐUR um sextugt höfuðkúpu-
brotnaði þegar hann datt illa á
hálku blettí, sem myndaðist á
gangbraut við Miklubraut, skammt
frá Bæjarnesti. Slysið varð í hádeg-
inu á sunnudag. Maðurinn var
fluttur í slysadeild og þaðan í gjör-
gæzludeild Borgarspítalans. Hann
gekkst undir aðgerð á höfði.
Gangstéttin hefur sigið á kafla
þar sem maðurinn féll og skapað
slysahættu í hálku. Nú fer vetur
í hönd og er full ástæða til þess
að vara fólk við hálku, sem
myndast á gangbrautum.
Bíðum þess bara
að leysa landfestar
- segir Kristján Ragnarsson, framkvæmdastjóri LÍÚ
„VII) HÓFIIM auðvitað rika ástæðu til að fagna þessum fréttum eftir svo langt
veiðibann og því sérstaklega að ástand stofnsins hefur batnað þannig að nú er
unnt að heimila okkur þessar veiðar á ný," sagði Kristján Kagnarsson, fram-
kvæmdastjóri LÍÚ í gærkvöldi, eftir að sjávarútvegsráðherra hafði lýst því yfir (
kjölfar fundar með fiskifræðingum, að unnt verði að leyfa loðnuveiðar á komandi
vertíð. Loðna hefur ekki verið veidd hér við land undanfarin tvö ár, eftir að
loðnustofninn hrundi. Ekki er hægt að gefa upp að svo stöddu hve mikið magn af
loðnu verður leyft að veiða.
„Loðnuveiðiskipin hafa verið mjög
verkefnalítil og þurft að stunda aðr-
ar veiðar, sem þau eru ekki heppileg
til. Við eigum yfir 50 sérhæfð skip til
þessara veiða, sem geta afiað mikið á
stuttum tíma. Við bíðum þess bara
að mega leysa landfestar," sagði
Kristján ennfremnur.
Kristján sagðist meta það mikils
að Hafrannsóknastofnunin hefur
leyft þeim að fylgjast með gangi
þessa máls og sagðist telja það mik-
ils virði að sem best samstarf væri
milli þessara aðila.
„Ég vona að það sem ákveðið verð-
ur núna geti orðið til endurákvörð-
unar í janúar. Loðnuafurðir eru nú i
mjög góðu verði, svo við væntum
mikils af þessum veiðiskap fyrir
takmarkaðan hluta af flotanum.
Þetta er engin björg fyrir okkar út-
vegsmál í heild en þetta er mikið
atriði fyrir þessi 50 skip, sem þessar
veiðar hafa fengið að stunda," sagði
Kristján að lokum.
„Tel ad um arðbærar loðnuveiðar
verði að ræða“, á bls. 29.
Guðmundur J. féll
yið kjör á þing SÞ
Þingflokkur Alþýðubandalagsins:
GUDMUNDUR J. Guðmundsson alþingismaður og formaður Verka-
mannasambands íslands, sem rétt náði kjöri sem landsfundarfulltrúi
Reykvíkinga á landsfundi Alþýðubandalagsins, á hlutkesti fyrir helgi, féll
í kjöri innan þingflokks Alþýðubandalagsins í gær. Kosið var milli hans
og Ragnars Arnalds þingflokksformanns um setu á allsherjarþingi Sam-
einuðu þjóðanna og var Guðmundur felldur með þremur atkvæðum gegn
sjö atkvæðum sem Ragnar fékk.
Mbl. er kunnugt um að þessi
itrekaða afgreiðsla Alþýðu-
bandalagsmanna á verkalýðs-
leiðtoganum á eftir að hafa al-
varlegar afleiðingar í för með
sér fyrir flokkinn, því Guðmundi
mun nú þykja mælirinn fullur.
Verkalýðsleiðtoginn var þung-
ur á brún er hann kom af þing-
flokksfundinum í gær, en sam-
kvæmt heimildum Mbl. leystist
fundurinn upp án afgreiðslu
næsta máls á dagskrá eftir að
niðurstöður í atkvæðagreiðsl-
unni lágu fyrir.
Guðmundur hefur reiknað
með því frá í sumar að verða
fulltrúi Alþýðubandalagsins á
þingi Sameinuðu þjóðanna, en
fyrir skemmstu bar þingflokks-
formaðurinn Ragnar Arnalds
fram ákveðnar kröfur um að fá
að fara á þingið. Hann mun hafa
borið því við, að hafa ekki setið
þingið allt frá árinu 1968, en
Guðmundur J. hefði setið þar
síðan. í mót var á það bent, að
Ragnar Arnalds hefði ítrekað í
fjármálaráðherratíð sinni setið
fundi erlendis, bæði í Bandaríkj-
unum og víðar og hefði því enga
ástæðu til að kvarta yfir fáum
utanferðum.
Auk atkvæðis Guðmundar
sjálfs mun Garðar Sigurðsson
hafa greitt honum atkvæði og
töldu menn að þriðja atkvæðið
væri frá Svavari Gestssyni
formanni flokksins, en hann hef-
ur ítrekað reynt að bera klæði á
vopnin í þessari sundrungu
svonefnds verkalýðsarms og
menntamannaklíku flokksins.
Það virtist þó koma mönnum á
óvart að Guðmundur skyldi ekki
fá fleiri atkvæði og skýringar
talið að leita í þeirri staðreynd,
að ef Guðmundur hefði orðið
ofan á hefði þingsæti hans verið
fyllt af Ólafi Ragnari Grímssyni
á meðan á utanferðinni stæði.
Þarna er nafn Guðrúnar Helga-
dóttur sérstaklega nefnt.
Þingflokkur Sjálfstæðisflokks
hefur ákveðið að Halldór Blön-
dal alþingismaður verði fulltrúi
hans á þinginu. Samtök um
kvennalista ákváðu á þing-
flokksfundi sínum í gær að
Kristín Ástgeirsdóttir blaða-
maður verði fulltrúi þeirra. Hafa
þá allir þingflokkarnir tilnefnt
fulltrúa sína, en Mbl. hefur áður
skýrt frá hverjir verða fulltrúar
hinna flokkanna.