Morgunblaðið - 02.11.1983, Blaðsíða 16
16
MORGUNBLAÐIÐ, MIÐVIKUDAGUR 2. NÓVEMBER 1983
Utgefandi
Framkvæmdastjóri
Ritstjórar
Fulltrúar ritstjóra
Fréttastjórar
Auglýsingastjóri
hf. Árvakur, Reykjavík.
Haraldur Sveinsson.
Matthías Johannessen,
Styrmir Gunnarsson.
Þorbjörn Guömundsson,
Björn Jóhannsson.
Freysteinn Jóhannsson,
Magnús Finnsson,
Sigtryggur Sigtryggsson.
Baldvin Jónsson.
Ritstjórn og skrifstofur: Aöalstræti 6, sími 10100. Auglýsingar: Aö-
alstræti 6, sími 22480. Afgreiösla: Skeifunni 19, sími 83033. Áskrift-
argjald 250 kr. á mánuöi innanlands. f lausasölu 20 kr. eintakið.
Morgunblaðið
70 ára
Morgunblaðið á 70 ára
afmæli í dag. Fyrsta
tölublað þess kom út 2. nóv-
ember 1913. Á þessum
tímamótum er horft fram á
við til nýrra átaka við upp-
byggingu blaðsins, sem
munu gera því kleift að
auka þjónustu við lesendur
og auglýsendur.
Á sl. sumri var hafizt
handa um byggingu fyrsta
áfanga nýs Morgunblaðs-
húss í Nýja miðbænum við
Kringlumýrarbraut. í þess-
um áfanga verður prent-
smiðja blaðsins til húsa,
svo og afgreiðsla og papp-
írsgeymsla, en þær deildir
blaðsins hafa verið í leigu-
húsnæði í 10 ár — og
þröngt um aðrar deildir.
Fyrir rúmu ári var und-
irritaður samningur um
kaup á nýrri prentvél, sem
komið verður fyrir í hinu
nýja prentsmiðjuhúsi á
næsta ári. Prentvél þessi
getur prentað stærra blað,
jafnframt því, sem mögu-
leikar á litprentun eru
fleiri. Núverandi prentvél
Morgunblaðsins var tekin í
notkun fyrir áratug, en er
orðin of lítil og sníður blað-
inu dag hvern of þröngan
stakk. Þjónusta Morgun-
blaðsins við lesendur og
auglýsendur mun stór-
batna á næsta ári með
nýrri prentvél. Þessir tveir
þættir, húsbygging og
prentvélakaup ásamt full-
komnum pökkunartækjum
eru hinir mikilvægustu í
uppbyggingu Morgunblaðs-
ins á næstu árum.
Fyrir 10 árum var blý-
setning lögð niður. Þá voru
tekin í notkun svonefnd
gataborð og var efni blaðs-
ins sett á pappírsstrimla,
sem lítil tölva las síðan af,
jafnframt var tekin upp
offsetprentun. í nokkur ár
byggðist framleiðsla blaðs-
ins á þessari tækni, en fyrir
u.þ.b. fimm árum varð önn-
ur tæknibylting á einum
áratug við framleiðslu
blaðsins. Þá komu til skjal-
anna fullkomnari tölvur og
ljóssetningarvélar ásamt
tölvuskermum, sem bæði
blaðamenn og setjarar
vinna nú á. Jafnframt því
að taka upp tölvubúnað við
framleiðslu Morgunblaðs-
ins hafa aðrir þættir í
starfsemi blaðsins verið
tölvutengdir svo sem aug-
lýsingar, áskriftir, af-
greiðsla og bókhald.
Það hefur verið ævintýri
líkast fyrir starfsmenn
Morgunblaðsins að fylgjast
með og vera þátttakendur í
þessari þróun. Hlutur fjöl-
miðla í þjóðlífi okkar hefur
farið vaxandi eins og ann-
ars staðar. Tækniframfarir
í fjölmiðlum hafa verið ör-
ar. Jafnframt því sem ný
tækni hefur verið tekin upp
við vinnslu og útgáfu blaða,
hafa nýir fjölmiðlar rutt
sér til rúms. Sjónvarpið
skipar nú áberandi sess
ásamt hljóðvarpi. Kapal-
sjónvarp er á næsta leiti.
Nýr fjölmiðill, sem byggir á
samtengingu sjónvarps,
síma og tölvu er í fæðingu.
Gervihnattasjónvarp er að
koma til sögunnar. Hér á
íslandi er víðtækur stuðn-
ingur við afnám einkarétt-
ar Ríkisútvarps á rekstri
hljóðvarps og sjónvarps.
Morgunblaðið fylgist með
þessari þróun.
Mestu skiptir þó fyrir þá,
sem standa að útgáfu
Morgunblaðsins, bæði
starfsmenn og eigendur, að
gefa út gott blað, sem nýtur
trausts lesenda. Morgun-
blaðið hefur notið þess
trúnaðar í 70 ár. Það leggur
höfuðkapp á, að gæði efnis
og góðar, traustar fréttir
haldist í hendur við tækni-
þróunina. Á það mun rit-
stjórn leggja áherzlu.
Starfsmenn og aðrir að-
standendur blaðsins eiga
þá ósk heitasta á þessum
tímamótum, að Morgun-
blaðinu takist í síauknum
mæli að efla þessa megin-
þætti — og þá ekki sízt
þann sem snýr að íslenzkri
tungu. Skyldurnar við hana
eru e.t.v. mikilvægasta
hlutverk fjölmiðils, sem í
forystu er.
Gestir við athöfnina. Fremst sitja Gunnar Ragnars, forstjóri Slippstöðvarinnar, forsetahjón Grænhöfðaeyja og
Sverrir Hermannsson, iðnaðarráðherra. Morgunbiaðið/ G. Berg.
Forseti Grænhöfðaeyja og fóruneyti á Akureyri:
Sjósettu fiskiskip sem
hlaut nafnið Fengur
Frú Carlina Pereira gefur hinu nýja skipi nafnið Fengur.
FORSETI Grænhöfðaeyja, Aristi-
des Maria Pereira, frú hans og
(oruneyti komu til Akureyrar I
morgun með flugvél Landhelgis-
gæslunnar. Á móti þeim tóku fyrir
bönd Akureyrarbæjar Elías Elías-
son, bæjarfógeti, Helgi M. Bergs,
bæjarstjóri, Valgerður Bjarnadótt-
ir, forseti bæjarstjórnar, og Jón G.
Sólnes.
Ungar stúlkur frá Akureyri
færðu forsetafrú Grænhöfðaeyja
blómvönd og síðan var ekið til
bæjarins og fyrst staðnæmst við
Útgerðarfélag Akureyringa, þar
sem Gísli Konráðsson og Vil-
helm Þorsteinsson, forstjórar
Útgerðarfélagsins, tóku á móti
gestunum og kynntu þeim starf-
semi fyrirtækisins. Þaðan var
síðan haldið til hádegisverðar í
Sjallanum í boði bæjarstjórnar
Akureyrar.
Að hádegisverði loknum var
haldið að athafnasvæði Slipp-
stöðvarinnar, þar sem fram fór
sjósetning skips þess, sem stöðin
hefur verið að byggja fyrir
Þróunarsamvinnustofnun ís-
lands og fyrirhugað er að fari til
Grænhöfðaeyja fyrir næstu ára-
mót til áframhalds á þeirri
þróunaraðstoð sem íslendingar
hafa veitt eyjunum undanfarin
ár og má segja að hafi hafist
með því að sent var þangað skip-
ið Bjartur, er þar var við veiðar í
á annað ár. Það skip hefur nú
verið selt.
Við athöfnina fluttu ræður
þeir Gunnar Ragnars, forstjóri
Slippstöðvarinnar, ólafur Egils-
son, forstöðumaður Þróunar-
samvinnustofnunarinnar, Sverr-
ir Hermannsson, iðnaðarráð-
herra, og utanríkisráðherra
Grænhöfðaeyja, Silvino da Luz.
Að ávörpunum loknum gaf for-
setafrúin, Carlina Pereira, hinu
nýja skipi nafnið Fengur, og síð-
an rann það af stokkunum við
gífurlegan fögnuð mörg hundruð
manna sem fylgdust með athöfn-
inni. Hið nýja skip er 27,3 metra
langt, 7,4 metra breitt og telst
vera 140 tonn. fbúðir eru í skip-
inu fyrir 20 manna áhöfn og er
það útbúið til stangveiða með lif-
andi beitu, togveiða með botn-
vörpu og snurpunótaveiða. Einn-
ig eru í skipinu rannsóknastofur
og allt er það búið fullkomnustu
og nýtískulegustu stjórn- og
fiskileitartækjum sem völ er á í
dag.
Forsetahjón Grænhöfðaeyja
héldu ásamt gestum frá Akur-
eyri til Reykjavíkur að lokinni
athöfninni. f gærkvöldi hélt Ar-
istides Maria Pereira forseta fs-
lands, Vigdísi Finnbogadóttur,
og ýmsum fleiri gestum veislu í
gistibústaðnum við Laufásveg.
Hinni opinberu heimsókn lýkur
árdegis í dag, og halda forseta-
hjón Grænhöfðaeyja og fylgdar-
lið þá heimleiðis. _ G.Berg.
Forsætisráðherra í utandagskranunræðum um fréttir RUV:
„Biðst afsökunar á
slíkum fréttaflutningi"
FORSÆTISRÁÐHERRA sagði á Alþingi í gær, að hann teldi ástæðu til að
biðjast afsökunar á fréttaflutningi ríkisfjölmiðlanna af sjóslysinu við Bjarn-
eyjar á Breiðafirði í fyrradag.
Friðjón Þórðarson, 1. þingmaður
Vesturlandskjördæmis, kvaddi sér
hljóðs utan dagskrár í lok fundar í
Sameinuðu þingi og gerði fyrir hönd
þingmanna kjördæmisins stutta at-
hugasemd við fréttir útvarps og
sjónvarps af skipsskaðanum. Hann
sagði að svo hefði viljað til, að allra
nánustu ættingjar þeirra skipverja,
sem saknað væri, hefðu verið fjarri
heimilum sínum og því ekki hægt að
láta þá vita hvernig komið væri fyrr
en seint í gærkvöldi.
Sóknarpresturinn í Stykkishólmi,
séra Gísli Kolbeins, hefði haft sam-
band við fréttastjóra hljóðvarps
milli kl. 18.30 og 19 í gærkvöldi og
farið eindregið fram á, að frestað
yrði að segja frá sjóslysinu þar til
náðst hefði í þessa ættingja. Því
hefði verið hafnað. í fréttafrásögn
hljóðvarps og sjónvarps síðar um
kvöldið hefði verið sagt frá nafni og
númeri bátsins, sem farist hefði.
Friðjón vísaði til 14. greinar reglna
Ríkisútvarpsins um fréttaflutning,
þar sem ákvæði er um að fréttir af
slysum og mannsköðum skuli ekki
fluttar fyrr en ætla megi að nánustu
ættingjar viti af atburðum. Þessi
regla hafi verið brotin og hafi þing-
menn kjördæmisins á fundi í gær-
morgun verið sammála um að
ástæða væri til að brýna fyrir út-
varpsmönnum að fylgja settum
reglum. Hann sagði það tilmæli
þingmannanna til yfirmanna út-
varpsins og til menntamálaráð-
herra, að lúta þessum reglum fram-
vegis til verndar hagsmunum
þeirra, sem um sárt ættu að binda.
Steingrímur Hermannsson, for-
sætisráðherra, kvaðst í fjarveru
Ragnhildar Helgadóttur, mennta-
málaráðherra, myndi koma ábend-
ingu þingmannsins til yfirstjórnar
útvarpsins og menntamálaráðherra.
Hann vottaði aðstandendum samúð
sína og sagði að það væri „satt að
segja ástæða til að biðjast afsökun-
ar á slíkum fréttaflutningi".
Þorvaldur Garðar Kristjánsson,
forseti Sameinaðs þings, lauk um-
ræðunni með því að votta öllum,
sem um sárt ættu að binda vegna
sjóslysa undanfarinna daga, dýpstu
samúð allra alþingismanna.