Morgunblaðið - 31.12.1983, Blaðsíða 19

MORGUNBLAÐIÐ, LAUGARDAGUR 31. DESEMBER 1983 51
róður á Ásgeiri Torfasyni og
veiddu um 5 tonn af slægðum
fiski, en á meðan á róðrinum stóð
voru þeir sem ekki voru á sjó að
verka kæsta skötu.
í október sl. hætti Allabúð
starfrækslu og keypti Kaupfélagið
lager verslunarinnar. Auk Kaup-
félagsins eru nú starfandi Brauð-
gerð Hjartar Jónssonar, verslun
Greips Þ. Guðbjartssonar, bóka-
búðin Bræðurnir Eyjólfsson og
verslunin Vagninn.
í sumar var byrjað á nýrri
heimkeyrslu inn í þorpið. Héraðs-
stjóri Vegagerðarinnar, Guð-
mundur Gunnarsson, sá um
verkið. Nýja heimkeyrslan liggur í
sjó fram undir bökkunum á Sól-
bakka og tengist inn á gamla
vegstæðið rétt innan við Sólvelli.
Ekki tókst að ljúka við varanlega
tengingu vegarins í haust, en það
verður gert á næsta ári og jafn-
framt verður haldið áfram inn eft-
ir Hvilftarströndinni við uppbygg-
ingu vegarins. Er það trú og von
allra hér að á árinu 1985 verði
unnt að leggja bundið slitlag á
Hvilftarströnd inn að vegamótum.
Flateyri mun vera eini þétt.býlis-
staðurinn á Vestfjörðum sem ekki
hefur neitt bundið slitlag á inn-
keyrslunni í bæinn.
Af nógu er að taka þegar rifjað-
ir eru upp atburðir líðandi árs, en
fátt eitt er hægt að tína til í upp-
talningu sem þessari, ég get þó
ekki látið hjá líða að geta þess
mikla láns sem við Flateyringar
eigum að fagna, sem er stöðug og
góð læknisþjónusta. Læknirinn
okkar, Páll Þorsteinsson, hefur
verið hér frá sumrinu 1981 og er
ekki að sjá neitt fararsnið á hon-
um. Er von manna að læknishjón-
in séu nú orðin svo rótgróin að þau
komist hvergi!
Ég vil ljúka þessu með því að
óska öllum Flateyringum nær og
fjær gleðilegs nýs árs með þökk
fyrir liðin ár. Megi mannlíf hér á
Flateyri blómgast og dafna sem
best á komandi árum.
Eyjólfur
Guðmundsson,
Vogum
Þegar ég var beðinn að segja frá
merkilegustu fréttum í minni
heimabyggð og nágrenni, var
margs að minnast, og verður ekki
nema frá fáum greint
Á Suðurnesjum eru tvær auð-
lindir í iðrum jarðar, hiti og vatn,
sem eru að tiltölulega litlu leyti
nýttar. Háhitasvæðin í Svarts-
engi, Eldvörpum og á Reykjanesi
eru mest rannsökuðu háhitasvæði
landsins, enda nokkur nýting átt
sér stað, t.d. í Svartsengi vegna
hitaveitu og á Reykjanesi vegna
sjóefnavinnslu. Rannsóknir eru að
hefjast að nýju við Trölladyngju.
Þær holur sem boraðar hafa verið,
gefa næga orku fyrir Suðurnesin.
Rannsóknir hafa verið gerðar á
fersku vatni í iðrum jarðar, og
gefa niðurstöður til kynna að mik-
ið sé til af því. Gefa þessar rann-
sóknir vonir um mikla möguleika
á uppbyggingu fjölbreyttra tæki-
færa í iðnaði.
Mikill samdráttur í sjávarafla á
árinu og ótrygg atvinna í fisk-
vinnslu eru mál sem huga þarf að.
Verð á raforku á Suðurnesjum
er eitt hæsta í landinu, meira að
segja á þeirri orku sem framleidd
er á svæðinu. Útsöluverð raforku
er 26—27% hærra hér en t.d. í
Reykjavík. Mun ástæðan m.a.
liggja í milliliðum.
Akvörðun Hitaveitu Suðurnesja
að selja ekki orku til ylræktarvers
í Vogum, en bjóða sama aðila til
viðræðna um orkukaup í öðru
byggðarlagi á Suðurnesjum er at-
hyglisvert, og að fyrirtækið sem er
eign sveitarfélaganna á Suður-
nesjum og ríkissjóðs skuli mis-
muna í verði á orku milli byggð-
arlaga um 25—30% þar sem mun-
urinn er mestur.
Að lokum bestu óskir um gleði-
legt nýtt ár, og þakkir fyrir það
sem er að líða.
Hanna
Hjartardóttir,
Kirkjubæjar-
klaustri
Þegar litið er til ársins ’83 í
heild hvað varðar landsmálin,
hljóta efnahagsmálin að vera þar
efst á baugi og kosningarnar síð-
astiiðið vor. Óðaverðbólga eins og
fyrrihluta ársins og síðan aðgerðir
gegn henni fólu ekki aðeins í sér
efnahagslegar þrengingar hjá
landsmönnum, heldur einnig fé-
lagslegar, enda hlýtur það tvennt
að fléttast saman. Ekki síst verð-
um við vör við félagslega þáttinn í
litlu samfélagi þar sem samvinna
og samspil íbúanna er svo sam-
fléttað að það er eins og ein óslitin
keðja.
Þegar ég lít til nánasta um-
hverfis er mér minnisstæðast frá
liðnu ári hvernig Vestur-Skaftfell-
ingar minntust þess í sumar að
200 ár eru nú liðin frá Skaftáreld-
um, bæði með hátíðahöldum, sýn-
ingum og útgáfu rita. Umræðan
sem var í kringum það hlýtur að
hafa vakið margan til umhugsun-
ar um það hversu lífskjör manna
voru slæm á þeim tímum og oft
gagnlegt fyrir okkur nútímafólkið
að rifja það upp, sem erum gjörn á
að barma okkur hvað sem á bjátar
í okkar velferðarþjóðfélagi.
Ég er bjartsýn á að tímabil
efnahagskreppu sé á undanhaldi
og með minnkandi verðbólgu eygj-
um við von um betri tíð.
Það er von mín að á tímum um-
ræðna og ótta vegna gjöreyðingar-
vopna megi hugsun sú sem bjó að
baki tendrun friðarljósanna á að-
fangadagskvöld breiðast út um
allan heim.
Reynir
Ragnarsson,
Vík, Mýrdal
Þegar læt hugann reikar yfir at-
burði líðandi árs og reyni að gera
mér grein fyrir hvað helst hafi
orkað á mig, er af mörgu að taka.
Til þess að koma einhverri reglu
á þessar hugleiðingar, vil ég fyrst
taka fyrir það sem næst mér er í
minni heimabyggð, Mýrdalnum,
og er ég ekki í neinum vafa um að
sameiningarmál Hvammshrepps
og Dyrhólahrepps eiga eftir að
vera mér minnisstæðust margra
hluta vegna. Meðal annars vegna
þess að Hvamms- og Dyrhóla-
hreppur eru með fyrstu hreppum
landsins sem sameinaðir eru ofe
því lítið um forskriftir eða leið-
beiningar hvernig að því skyldi
staðið, hvað ynnist eða hvað tap-
aðist við sameiningu. Allir vilja
sinni heimasveit vel og veg hennar
sem mestan, en það sem einn get-
ur talið sveit sinni til góðs, getur
annað talið henni til tjóns og er þá
oft úr vöndu að ráða. Ég ætla ekki
að rekja hér þau atriði, en aðeins
geta þess sem í mínum huga er
veigamesti þátturinn fyrir sam-
einingu og reyndar getur varðað
alþjóð miklu, en það eru framtíð-
armöguleikar Mýrdalsins sem
bundnir eru við hafnargerð og út-
flutning.
Að vísu virðist draumur okkar
Skaftfellinga um höfn við Dyr-
hólaey hafa fjarlægst vegna
minnkandi sjávarafla og erfið-
leika útgerðar um allt land.
Skaftfellingar hafa ávallt skilið
það að kröfur um höfn verða að
byggjast á þjóðhagslegum for-
sendum en ekki óskum fámenns
byggðarlags. En þjóðhagslegar
forsendur geta breyst á skömmum
tíma, t.d. er víða í Évrópu að koma
upp sú staða, að ýmis jarðefni,
vikur, byggingarefni o.fi. eru að
ganga til þurrðar og kostnaður
Um leið og við þökkum ánægjuleg samskipti á
liðnum árum, viljum við minna á að í nóvember tókum
við í gagnið nýtt myndbandaver. Fyrsta flokks tækja-
búnaður frá SONY tryggir viðskiptavinum okkar hrað-
virkni og fullkomin myndgæði. Þess vegna horfum við
hjá SAGA FILM björtum augum fram á veginn.
GLEÐILEGT ÁR!
SAGA FILM