Morgunblaðið - 05.01.1984, Blaðsíða 48
Tölvupappír
IIII FORMPRENT
Hverfisgotu 78. simar 25960 25566
TIL DAGLEORA NOTA
FIMMTUDAGUR 5. JANÚAR 1984
VERÐ í LAUSASÖLU 20 KR.
Óveðrið í gær:
Annasamasti dagur í
starfi lögreglunnar
ÖNGÞVEITI skapartist á nær öllum
vesturhelmingi landsins í gærdag,
þegar hvöss suðaustanátt með blind-
byl og skafrenningi gekk yfir. Öll
umferð nánast stöðvaðist bæði á
landi og í lofti og lögreglumenn og
björgunarsveitir áttu í meira annríki
en nokkru sinni áður við að aðstoða
nauðstatt fólk. Ilundruð bíla teppt-
ust á götum og vegum. Fólk varð í
sumum tilfellum að dvelja í þeim
svo klukkustundum skipti. Skóla-
starf féll niður og atvinnulíf lamað-
ist að nokkru leyti, til dæmis var
flestum verzlunum lokað síðdegis í
gær. Ekki var vitað um nein meiri-
háttar óhöpp. Snjóflóð féll á hús á
Isafirði, en engan sakaði.
Það var mjög djúp lægð á
Grænlandshafi, 940 millibör, sem
hvellinum oili. Veðrið braát á um
klukkan 10 á höfuðborgarsvæðinu
og var blindbylur til um klukkan
16 að dró úr veðurofsanum. Lægð-
in gekk síðan austnorðaustur yfir
landið og í kjölfar þess snérist átt-
in til suðvesturs með rokhvössum
éljum á suðvesturlandi. Veðurhæð
varð mest á Vesturlandi og komst
upp í 90 hnúta eða 15 vindstig í
Borgarfirði.
Að sögn lögreglunnar í Reykja-
vík var dagurinn í gær sá anna-
samasti í hennar minnum. Var
lögreglan með fjöimargar kraft-
miklar torfærubifreiðir á leigu
Stóra jólatréð á Austurvelli fór um koll í óveðrinu og eins og sjá má hefur stofninn brotnað þar sem hann er sverastur.
Ljósmynd: Júltus
fcnenr t
eða í láni til aðstoðar fólki, sem
komst ekki leiðar sinnar. Fjöldi
fólks leitaði skjóls á lögreglu-
stöðvum víða á höfuðborgarsvæð-
inu. Strætisvagnaferðir féllu
niður í um 6 klukkustundir og um
tíma voru 25 strætisvagnar fastir
víða um borgina og þurfti fólk að
bíða í þeim í allt að 7 klukku-
stundir. Mikill fjöldi bifreiða, sem
sátu fastar víðs vegar á höfuð-
borgarsvæðinu, ollu erfiðleikum,
ekki sízt, þegar hreinsun gatna
hófst um kvöldmatarleytið. Að
sögn lögreglunnar bar nokkuð á
því, að ökumenn héldu of snemma
af stað að nýju og ykju þannig á
erfiðleikana.
Rafmagnslaust varð á Reykja-
nesi um klukkan 12.30 í gær og var
ekki búið að finna bilunina í gær-
kvöldi. Einnig voru rafmagns-
truflanir í Borgarfirði og á Mýr-
um.
Þótt fólk hafi víða átt í erfið-
leikum, kom margt spaugilegt
fyrir. Svo var t.d. um Borgfirðing-
inn, sem kom inn á aðallögreglu-
stöð Reykjavíkur í gær og var þar
þá fyrir múgur og margmenni.
Um leið og hann kom inn úr dyr-
unum, kallaði einn lögregluþjón-
anna: „Þennan þekki ég!“ Borg-
firðingurinn fór að eigin sögn hjá
sér, þar sem hann hélt nú að allir
viðstaddir héldu að þar kæmi einn
af fastagestum lögreglunnar,
Honum létti hins vegar, þegar í
ljós kom að lögregluþjónninn var
sveitungi hans og lögregluþjónn-
inn heilsaði honum og kvað langt
síðan þeir hefðu hist.
i vetrarveðrum er Arnarnesið milli Hafnarfjarðar og Reykjavíkur einna fyrst
til að teppast og var þessi mynd tekin þar í gær þegar hamagangurinn var
hvað mestur. I.ögreglan gekk hart fram í að koma mönnum á vanbúnum
smábílum til hjálpar og hér er það Skarphéðinn Njálsson, lögreglumaður í
Reykjavík, sem er að aðstoða einn ferðalanginn. Ljósmynd: Priðþjófur.
Nígeríumenn borg-
uðu á réttum tíma
LANDSBANKA íslands og Útvegs-
banka íslands bárust í gærdag
greiðslur frá Nígeríumönnum upp í
skreiðarskuldir Nígeríumanna, sem
nema um 35 milljónum dollara, sam-
kvæmt upplýsingum Morgunblaðs-
ins.
Samkvæmt samningi milli ís-
„Versta veður, sem ég
man eftir í áratug“
— sagdi sýslumaöurinn í Búðardal, Pétur Þorsteinsson
„Þetta er versta veður, sem ég man eftir í áratug," sagði l’étur Þorsteins-
son, sýslumaður í Búðardal, er Morgunblaðið ræddi við hann í gær.
Hafði óveðrið stigmagnast frá
því um hádegisbilið og taldi Pétur
að veðurofsinn væri að nálgast há-
mark þegar rætt var við hann síð-
degis.
„Hér hefur verið óvenjulega
mikill snjór, þótt ekki hafi snjóað
mikið í dag, og hvassviðrið mikið.
Þá hefur öll umferð legið niðri,“
bætti hann við.
Að sögn Péturs fóru menn í Búð-
ardal almennt til vinnu í gærmorg-
un og ekki var honum kunnugt um
að nein óhöpp hefðu orðið þrátt
fyrir veðurofsann. Menn hefðu að
mestu leyti haldið kyrru fyrir, en
rafmagnsleysi hefði gert mönnum
lífið leitt. Þó nyti Búðardalur að
hluta góðs af vararafstöð, sem
komið hefði í góðar þarfir í hérað- '
inu.
Samkvæmt upplýsingum lög-
reglu á Patreksfirði og í Stykkis-
hólmi hafði verið þar versta veður,
en vind virtist heldur vera að
lægja undir kvöldið. Á hvorugum
staðnum var lögreglu kunnugt um
óhöpp, en viðmælendum Mbl. bar
saman um að öll umferð hefði nán-
ast stöðvast. Hefði lögreglan haft í
nógu að snúast við að hjálpa fólki,
en almennt hefðu menn haldið til
innandyra er veðurofsinn var
mestur. Hefði það vafalítið komið í
veg fyrir óhöpp.
Þrátt fyrir margítrekaðar til-
raunir tókst ekki að ná sambandi
við lögregluna í Ólafsvík.
lendinga og Nígeríumanna, sem
gerður var sl. haust, eiga Nígeríu-
menn að greiða skuldir sínar niður
Búizt við
betra veðri
SAMKVÆMT upplýsingum Eyj-
ólfs Þorbjörnssonar, veðurfræð-
ings, var reiknað með því, að í nótt
snérist vindur upp í suðvestanátt,
en ekki eins hvassa og suðaustan-
áttin var í gærdag. Þó var búizt
við rokhvössum éljum í nótt á
Suðvesturlandi. Lægðin, sem
hvellinum í gær olli, gengi síðan
austnorðaustur yfir landið. í dag
er búizt við vestan- og suðvestan-
átt um allt land, éljaveðri vestan-
lands en að öllum líkindum úr-
komulausu á austanverðu landinu.
á þremur árum. Greiðslan, sem
barst í gær, afborgun og vextir,
var upp á tæplega 500 þúsund doll-
ara, eða um 14.350.000 krónur og
er hún samkvæmt samkomulagi
þjóðanna.
Þeir aðilar, sem Morgunblaðið
ræddi við í gærdag um málefni
Nígeríu og möguleika á áfram-
haldandi viðskiptum landanna í
kjölfar byltingarinnar um ára-
mótin, voru allir sammála um að
greiðslan í gærdag gæfi góða vís-
bendingu um að viðskipti þjóð-
anna ættu að geta orðið með eðli-
legum hætti í framtíðinni.
VEGNA veðurs og ófærðar fór
Morgunblaðið óvenju snemma í
prentun í gærkvöldi eða upp úr
kvöldmatarleytinu.
Kennsla í grunnskólum
fellur niður í dag
KENNSLA í grunnskólum Reykja-
víkur og nágrannasveitarfélögunum
fellur niður, að minnsta kosti fyrir
hádegi í dag, fimmtudag.
Ákvörðun þessi var tekin í
gærkvöldi, þegar ljóst var að veð-
urhorfur fyrir daginn í dag voru
mjög slæmar.